კულტურა
მუზეუმის განახლებული ექსპოზიცია
სამცხე ჯავახეთის მუზეუმის განახლებული საგამოფენო სივრცეები 11 ივლისს გაიხსნება. ,,გამოფენაში ჩაერთო რეგიონში ახლადაღმოჩენილი ექსპონატები,
ექსპოზიცია ტექნიკურად განახლდა და აღიჭურვა თანამედროვე სამუზეუმო სტანდარტების შესაბამისი განათების სისტემით" – ნათქვამია საქართველოს ეროვნული მუზეუმის მიერ გავრცელებულ განცხადებაში.
,,სამცხე-ჯავახეთის მუზეუმის ექსპოზიციის შინაარსობრივი და ტექნოლოგიური განახლება განაპირობა 2015-2016 წწ. ადიგენის მუნიციპალიტეტში, სოფელ ორჭოსანში, სამხრეთ კავკასიის მილსადენის გაფართოების პროექტის (SCPX) მშენებლობის ზონაში, ჩატარებული არქეოლოგიური გათხრების შედეგად მოპოვებული მასალების გამოფენაში ჩართვის აუცილებლობამ.
მილსადენის მშენებლობის პროცესში მიკვლეული იქნა ნეოლითის ხანის (ძვ.წ. 37-35 სს) ორჭოსანის ნამოსახლარი. ნამოსახლარზე მოპოვებული მასალების მნიშვნელობის და მათ მიმართ დიდი სამეცნიერო ინტერესის გამო, აუცილებელი გახდა ექსპოზიციაში ასახულიყო საქართველოს ისტორიის ის პერიოდი, როდესაც ძლიერდება მესხეთის მოსახლეობის კავშირი შუამდინარეთისა და მახლობელი აღმოსავლეთის კულტურებთან.
ამ აღმოჩენით ნათლად გამოიკვეთა კავკასია, ანატოლია, ირანისა და მესოპოტამიის ნეოლითური ხანის კულტურებში საქართველოს როლი და მნიშვნელობა. ამ პერიოდში პირველად იწყება ფართო ხასიათისა და რთულპროფილიანი სამელითონეო ხელოსნობის წარმოება; ადგილობრივი, უხეშად დამუშავებული თიხის ნაწარმის გვერდით ჩნდება წითლად შეღებილი და გაპრიალებული იმპორტული ჭურჭელი; შორმანძილიანი სავაჭრო ურთიერთობის შედეგად შემოდის კალიანი ბრინჯაოს ნაწარმი; რელიგიური რიტუალებისათვის მზადდება ანთროპომორფული და ზოომორფული თიხის ქანდაკებები; ჩნდება ბორბლიანი ტრანსპორტი; საზოგადოების დიფერენციაციის საფუძველზე მზადდება განსაკუთრებული სამკაული ლითონის დიადემა და სხვა.
ბაქო-თბილისი-ჯეიჰანის მილსადენის (BTC) მშენებლობის დროს I-VII საუკუნეების ნამოსახლარზე აღმოჩენილი არქეოლოგიური მასალების გამოყენებით, საგამოფენო სივრცის მოწყობა დასრულდა 2012 წელს შემუშავებული კონცეფციის მიხედვით. გამოფენა შეივსო VI-VII საუკუნეების ადრექრისტიანული სარიტუალო ნივთებით, განვითარებული შუა საუკუნეების დარბაზში გამოიფინა ვანის ქვაბებში 1287 წელს მომხდარი მიწისძვრის ამსახველი მასალები. დამთვალიერებელი აქვე იხილავს მესხეთის ისტორიის ამსახველ რუკებსა და ტექსტებს, ასევე ვარძიის XII-XIII სს თამარ მეფის ფრესკის ზუსტ ასლს და ბევრ სხვას".
აღსანიშნავია ნუმიზმატიკური საგანძურის განახლებული გამოფენა.
ახალციხის მუზეუმში დაცულ სამცხე-ჯავახეთის ნუმიზმატიკურ კოლექციებს საქართველოს ისტორიაში გამორჩეული ადგილი უკავია, რისი მიზეზიც ამ რეგიონში დოკუმენტურად დადასტურებული ორი სამონეტო კარის _ ახალციხის და არტანუჯის ზარაფხანის არსებობაა. ამ რეგიონში სამონეტო მიმოქცევა ძვ. წ. V საუკუნის II ნახევრიდან - „კოლხური თეთრით" დაწყებული XIX საუკუნის ჩათვლით, თითქმის ქრონოლოგიური უწყვეტობით მიმდინარეობს.
ყოველივე ამის გათვალისწინებით, შეივსო და განახლდა ნუმიზმატიკური ექსპოზიცია, რომლის მთავარი კონცეფციაა სამონეტო განძების საშუალებით წარმოჩინდეს, რომ ეს რეგიონი ყოველთვის იყო აქტიურად ჩართული მთელი ქვეყნის პოლიტიკურ-ეკონომიკურ პროცესებში და, ამავდროულად, მუდმივი კავშირი გააჩნდა გარე სამყაროსთან.
ექსპოზიციაზე ასევე წარმოდგენილია არტანუჯის ზარაფხანაში მოჭრილი მონეტა, რომელიც მუზეუმს დროებით მფლობელობაში გადასცა საუდის არაბეთის სამეფოში საქართველოს საგანგებო და სრულუფლებიანმა ელჩმა გიორგი ჯანჯღავამ.
სამცხე-ჯავახეთის მუზეუმის განახლებულ ექსპოზიციაზე დამთვალიერებელი გაეცნობა ქრონოლოგიური თანმიმდევრობით წარმოდგენილ მესხეთის ისტორიისა და განვითარების ამსახველ მრავალფეროვან მასალას.
ექსპოზიცია ტექნიკურად განახლდა და აღიჭურვა თანამედროვე სამუზეუმო სტანდარტების შესაბამისი განათების სისტემით" – ნათქვამია საქართველოს ეროვნული მუზეუმის მიერ გავრცელებულ განცხადებაში.
,,სამცხე-ჯავახეთის მუზეუმის ექსპოზიციის შინაარსობრივი და ტექნოლოგიური განახლება განაპირობა 2015-2016 წწ. ადიგენის მუნიციპალიტეტში, სოფელ ორჭოსანში, სამხრეთ კავკასიის მილსადენის გაფართოების პროექტის (SCPX) მშენებლობის ზონაში, ჩატარებული არქეოლოგიური გათხრების შედეგად მოპოვებული მასალების გამოფენაში ჩართვის აუცილებლობამ.
მილსადენის მშენებლობის პროცესში მიკვლეული იქნა ნეოლითის ხანის (ძვ.წ. 37-35 სს) ორჭოსანის ნამოსახლარი. ნამოსახლარზე მოპოვებული მასალების მნიშვნელობის და მათ მიმართ დიდი სამეცნიერო ინტერესის გამო, აუცილებელი გახდა ექსპოზიციაში ასახულიყო საქართველოს ისტორიის ის პერიოდი, როდესაც ძლიერდება მესხეთის მოსახლეობის კავშირი შუამდინარეთისა და მახლობელი აღმოსავლეთის კულტურებთან.
ამ აღმოჩენით ნათლად გამოიკვეთა კავკასია, ანატოლია, ირანისა და მესოპოტამიის ნეოლითური ხანის კულტურებში საქართველოს როლი და მნიშვნელობა. ამ პერიოდში პირველად იწყება ფართო ხასიათისა და რთულპროფილიანი სამელითონეო ხელოსნობის წარმოება; ადგილობრივი, უხეშად დამუშავებული თიხის ნაწარმის გვერდით ჩნდება წითლად შეღებილი და გაპრიალებული იმპორტული ჭურჭელი; შორმანძილიანი სავაჭრო ურთიერთობის შედეგად შემოდის კალიანი ბრინჯაოს ნაწარმი; რელიგიური რიტუალებისათვის მზადდება ანთროპომორფული და ზოომორფული თიხის ქანდაკებები; ჩნდება ბორბლიანი ტრანსპორტი; საზოგადოების დიფერენციაციის საფუძველზე მზადდება განსაკუთრებული სამკაული ლითონის დიადემა და სხვა.
ბაქო-თბილისი-ჯეიჰანის მილსადენის (BTC) მშენებლობის დროს I-VII საუკუნეების ნამოსახლარზე აღმოჩენილი არქეოლოგიური მასალების გამოყენებით, საგამოფენო სივრცის მოწყობა დასრულდა 2012 წელს შემუშავებული კონცეფციის მიხედვით. გამოფენა შეივსო VI-VII საუკუნეების ადრექრისტიანული სარიტუალო ნივთებით, განვითარებული შუა საუკუნეების დარბაზში გამოიფინა ვანის ქვაბებში 1287 წელს მომხდარი მიწისძვრის ამსახველი მასალები. დამთვალიერებელი აქვე იხილავს მესხეთის ისტორიის ამსახველ რუკებსა და ტექსტებს, ასევე ვარძიის XII-XIII სს თამარ მეფის ფრესკის ზუსტ ასლს და ბევრ სხვას".
აღსანიშნავია ნუმიზმატიკური საგანძურის განახლებული გამოფენა.
ახალციხის მუზეუმში დაცულ სამცხე-ჯავახეთის ნუმიზმატიკურ კოლექციებს საქართველოს ისტორიაში გამორჩეული ადგილი უკავია, რისი მიზეზიც ამ რეგიონში დოკუმენტურად დადასტურებული ორი სამონეტო კარის _ ახალციხის და არტანუჯის ზარაფხანის არსებობაა. ამ რეგიონში სამონეტო მიმოქცევა ძვ. წ. V საუკუნის II ნახევრიდან - „კოლხური თეთრით" დაწყებული XIX საუკუნის ჩათვლით, თითქმის ქრონოლოგიური უწყვეტობით მიმდინარეობს.
ყოველივე ამის გათვალისწინებით, შეივსო და განახლდა ნუმიზმატიკური ექსპოზიცია, რომლის მთავარი კონცეფციაა სამონეტო განძების საშუალებით წარმოჩინდეს, რომ ეს რეგიონი ყოველთვის იყო აქტიურად ჩართული მთელი ქვეყნის პოლიტიკურ-ეკონომიკურ პროცესებში და, ამავდროულად, მუდმივი კავშირი გააჩნდა გარე სამყაროსთან.
ექსპოზიციაზე ასევე წარმოდგენილია არტანუჯის ზარაფხანაში მოჭრილი მონეტა, რომელიც მუზეუმს დროებით მფლობელობაში გადასცა საუდის არაბეთის სამეფოში საქართველოს საგანგებო და სრულუფლებიანმა ელჩმა გიორგი ჯანჯღავამ.
სამცხე-ჯავახეთის მუზეუმის განახლებულ ექსპოზიციაზე დამთვალიერებელი გაეცნობა ქრონოლოგიური თანმიმდევრობით წარმოდგენილ მესხეთის ისტორიისა და განვითარების ამსახველ მრავალფეროვან მასალას.
ამავე კატეგორიაში
სხვა სიახლეები
14:44 / 07.01.2025
კვირის პოპულარული
ამინდის პროგნოზი
აბრეშუმის გზა
ხალხის აზრით
პარტნიორი მედიასაშუალებების მასალები
ამინდი
ახალციხე
4
°C
ახალქალაქი
2
°C
ასპინძა
3
°C
ადიგენი
15
°C
ბორჯომი
9
°C
თბილისი
11
°C
აბასთუმანი
4
°C
ბაკურიანი
4
°C
ნინოწმინდა
2
°C
ვალუტა
AMD
1000
7.1636
EUR
1
2.9287
RUB
100
2.7146
TRY
1
0.0802
USD
1
2.8395
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the author/authors and those providing comments are theirs only and do not necessarily reflect the position of the Foundation or the Center. Therefore, the Open Society Georgia Foundation and Georgian Center for Strategy and Development are not responsible for the content of the information material.
