იური მეჩოთოვი ტელეკომპანია „ალჯაზირასთვის“ მიცემულ ინტერვიუში ნათქვამი სიტყვებისთვის ბოდიშს იხდის.

ფოტოგრაფის ბოდიშის ადრესატები არიან ადამიანები, რომლებსაც მისმა ნათქვამმა გული ატკინა. იუთუბით, გავრცელებულ ვიდეომიმართვაში მეჩითოვი ამბობს, რომ არ ჰქონდა მიზნად ვინმესთვის ტკივილის მიყენება და თავს მომხდარის გამო არც იმართლებს. თუმცა, ამავდროულად, განმარტავს - ტელეკომპანიამ 30 წუთიანი ჩანაწერიდან მხოლოდ სამწუთიანი მონაკვეთი გამოაქვეყნა, სადაც „ყველაფერი სხვანაირად წარმოიშვა“. შედეგად „წარმოიშვა ძალიან ცუდი შთაბეჭდილება მის განწყობაზე, ამ ნამდვილი ტრაგედიის მიმართ“.

„მე გულწრფელი ადამიანი ვარ. მე როცა მტკივა, მტკივა. ძალიან მტკივა, რომ ტკივილი მივაყენე ადამიანებს. ჩემს მეგობრებსაც, რომლებიც არც ელოდნენ, რომ ასეთი რამ მოხდებოდა და ასეთი რამ შეიძლებოდა მეთქვა. არ ვიცი, თუ ჩემი გულწრფელი ბოდიში რაღაცნაირად შეანელებს ამ სამართლიან რისხვას, რომელიც მე ვიგრძენი და ბევრ დებულებებს ვიზიარებ, რომელიც გამოითქვა ჩემს მიმართ, იქნება კარგი“, - აცხადებს იური მეჩითოვი.

ფოტოგრაფის თქმით, 29 წლის წინ ყველაფერი მის თვალწინ ხდებოდა, რაც ძალიან განიცადა, ეს ტკივილი კი დღემდე შემორჩა.

„ამ ეს ყველაფერი დარჩა კადრს მიღმა, მთელი ეს ჩემი წუხილი, მთელი ჩემი ცრემლები. დარჩა ის, რაც დარჩა, იმიტომ, რომ კინო არის ეს და ფილმია და ზოგი რამ სხვა რამეს ემსახურება, ზოგიც სხვას. ესეც ხდება, რომ ბევრ რამეს იყენებენ პოლიტიკური მიზნით“, - აცხადებს მეჩითოვი.

ამასთან, იურისტმა კახა კოჟორიძემ ამ დღეს დაღუპული მოქალაქეების ოჯახის წევრებს და ნათესავებს უფასო იურიდიულ დახმარება შესთავაზა.