მედია
ჩვენი გამჭვირვალობა ბევრად მაღალია, ვიდრე მათი, ვინც ეს კანონი მიიღო - ნინა ხელაძე
საქართველოში, ე.წ „რუსული კანონის“ ამოქმედების შემდეგ, ახალი ეტაპი დაიწყო. გაიხსნა უცხოური ძალის ინტერესების გამტარებელ ორგანიზაციათა რეესტრი. ორგანიზაციებს ევალებათ სექტემბრამდე დარეგისტრირდნენ, წინააღმდეგ შემთხვევაში, სახელმწიფო მათ მიმართ სამართლებრივ ზომებს გაატარებს.
მიუხედავად ვალდებულებისა, ორგანიზაციების უმრავლესობა რეგისტრაციას არ აპირებს. მათ რიცხვშია მედია ორგანიზაცია "TOK TV". მაუწყებლის განვითარების მენეჯერის ნინა ხელაძის თქმით, ისევე როგორც სხვა დამოუკიდებელი ორგანიზაციები, ახალი კანონების მიღების გარეშე ისინიც გამჭვირვალეები არიან. მათ აქამდეც ჰქონდათ ფინანსური ვალდებულებები, როგორც კომუნიკაციების მარეგულირებელ კომისიასთან, ისე სხვა სახელმწიფო ინსტიტუტებთან.
„ჩვენი გამჭვირვალობა ბევრად მაღალია, ვიდრე იმ ადამიანების, ვინც ეს კანონი მიიღო. ცალსახაა, რომ მათი მიზანი გამჭვირვალობა არ ყოფილა, მათი მიზანი ჩვენი მუშაობის გაჩერებაა. გარდა ამისა, ჩვენ ყველა ფინანსურ ვალდებულებას ვასრულებთ, რაც სახელმწიფო ინსტიტუტებს აქვთ დაწესებული მაუწყებლებისათვის“ - გვეუბნება ნინა ხელაძე.
მისი თქმით, "TOK TV" რეგიონებში და მათ შორის სამცხე-ჯავახეთში, ადგილობრივი მოსახლეობისთვის მნიშვნელოვან საქმეს აკეთებს. მაუწყებლის გაშუქების შედეგად, არაერთი პრობლემა მოგვარდა და მათი მდგომარეობა უკეთესობისკენ შეიცვალა. ე.წ „რუსული კანონის“ ამოქმედების შემდეგ არა მხოლოდ მედია, არამედ მოსახლეობაც დაუცველი ხდება.
„ჩვენი ნებისმიერი საქმე ხალხის დახმარებას და მათ კეთილდღეობას ემსახურება. უცხო ქვეყნის გავლენები და მათი ინტერესების გატარება ალოგიკური და აბსურდულია. ეს კანონი, რუსეთთან დაახლოების მეტს არაფერს მოგვიტანს. ადრე თუ გვიან იმ ადამიანებზეც აისახება ცუდად, ვისთვისაც ჩვენ ვმუშაობთ და ისინი დაუცველები დარჩებიან, ამიტომ ახლა ამ სიტუაციაში ჩვენ გვჭირდება, ამ ხალხის გვერდში დგომა“- ამბობს, "TOK TV" -ის განვითარების მენეჯერი.
ათიათასობით მოქალაქის, საზოგადოებრივი და მედიაორგანიზაციების წინააღმდეგობის მიუხედავად, საქართველოს პარლამენტმა 14 მაისს კანონი "უცხოური გავლენის გამჭვირვალობის შესახებ" მაინც მიიღო, 28 მაისს კი საქართველოს პრეზიდენტის ვეტო დაძლია. საქართველოს ხელისუფლების წარმომადგენლების მტკიცებით, კანონის მიზანია, უცხოეთიდან შემოსული დაფინანსებები გამჭვირვალე იყოს.
კანონი პირველი აგვისტოდან უკვე ძალაში შევიდა, რომლის მიხედვით, ის მედია და საზოგადოებრივი ორგანიზაციები, რომლებიც დაფინანსების 20%-ზე მეტს უცხოელი დონორებისგან იღებენ, იძულებულნი ხდებიან დარეგისტრირდნენ, როგორც "უცხოური ძალის ინტერესების გამტარებელი ორგანიზაცია", წინააღმდეგ შემთხვევაში დაჯარიმდებიან. მსგავსი კანონი 2012 წლიდან მოქმედებს რუსეთში. კანონის ამოქმედების შემდეგ ოკუპანტ ქვეყანაში მრავალი ორგანიზაცია დაიხურა. რუსეთში აღარ არსებობს დამოუკიდებელი მედია და სამოქალაქო საზოგადოება.
როგორც უკვე ცნობილია, საქართველოში მიმდინარე პროცესებს დასავლეთის მხრიდან მძაფრი რეაქცია მოჰყვა. კრიტიკულ განცხადებებთან ერთად, საქართველოს ევროპაში ინტეგრაციის პროცესი შეჩერდა, ამოქმედდა სხვადასხვა სანქციები და ფინანსური შეზღუდვები, როგორც ევროპის ისე ამერიკის მხრიდან. საქართველოში კი პრეზიდენტმა, არასამთავრობო ორგანიზაციის წარმომადგენლებმა და ოპოზიციონერმა დეპუტატებმა, საკონსტიტუციო სასამართლოში სარჩელი შეიტანეს, კანონის შეჩერების მოთხოვნით, რომელსაც სასამართლო დაახლოებით ერთი თვის ვადაში განიხილავს.
მიუხედავად ვალდებულებისა, ორგანიზაციების უმრავლესობა რეგისტრაციას არ აპირებს. მათ რიცხვშია მედია ორგანიზაცია "TOK TV". მაუწყებლის განვითარების მენეჯერის ნინა ხელაძის თქმით, ისევე როგორც სხვა დამოუკიდებელი ორგანიზაციები, ახალი კანონების მიღების გარეშე ისინიც გამჭვირვალეები არიან. მათ აქამდეც ჰქონდათ ფინანსური ვალდებულებები, როგორც კომუნიკაციების მარეგულირებელ კომისიასთან, ისე სხვა სახელმწიფო ინსტიტუტებთან.
„ჩვენი გამჭვირვალობა ბევრად მაღალია, ვიდრე იმ ადამიანების, ვინც ეს კანონი მიიღო. ცალსახაა, რომ მათი მიზანი გამჭვირვალობა არ ყოფილა, მათი მიზანი ჩვენი მუშაობის გაჩერებაა. გარდა ამისა, ჩვენ ყველა ფინანსურ ვალდებულებას ვასრულებთ, რაც სახელმწიფო ინსტიტუტებს აქვთ დაწესებული მაუწყებლებისათვის“ - გვეუბნება ნინა ხელაძე.
მისი თქმით, "TOK TV" რეგიონებში და მათ შორის სამცხე-ჯავახეთში, ადგილობრივი მოსახლეობისთვის მნიშვნელოვან საქმეს აკეთებს. მაუწყებლის გაშუქების შედეგად, არაერთი პრობლემა მოგვარდა და მათი მდგომარეობა უკეთესობისკენ შეიცვალა. ე.წ „რუსული კანონის“ ამოქმედების შემდეგ არა მხოლოდ მედია, არამედ მოსახლეობაც დაუცველი ხდება.
„ჩვენი ნებისმიერი საქმე ხალხის დახმარებას და მათ კეთილდღეობას ემსახურება. უცხო ქვეყნის გავლენები და მათი ინტერესების გატარება ალოგიკური და აბსურდულია. ეს კანონი, რუსეთთან დაახლოების მეტს არაფერს მოგვიტანს. ადრე თუ გვიან იმ ადამიანებზეც აისახება ცუდად, ვისთვისაც ჩვენ ვმუშაობთ და ისინი დაუცველები დარჩებიან, ამიტომ ახლა ამ სიტუაციაში ჩვენ გვჭირდება, ამ ხალხის გვერდში დგომა“- ამბობს, "TOK TV" -ის განვითარების მენეჯერი.
ათიათასობით მოქალაქის, საზოგადოებრივი და მედიაორგანიზაციების წინააღმდეგობის მიუხედავად, საქართველოს პარლამენტმა 14 მაისს კანონი "უცხოური გავლენის გამჭვირვალობის შესახებ" მაინც მიიღო, 28 მაისს კი საქართველოს პრეზიდენტის ვეტო დაძლია. საქართველოს ხელისუფლების წარმომადგენლების მტკიცებით, კანონის მიზანია, უცხოეთიდან შემოსული დაფინანსებები გამჭვირვალე იყოს.
კანონი პირველი აგვისტოდან უკვე ძალაში შევიდა, რომლის მიხედვით, ის მედია და საზოგადოებრივი ორგანიზაციები, რომლებიც დაფინანსების 20%-ზე მეტს უცხოელი დონორებისგან იღებენ, იძულებულნი ხდებიან დარეგისტრირდნენ, როგორც "უცხოური ძალის ინტერესების გამტარებელი ორგანიზაცია", წინააღმდეგ შემთხვევაში დაჯარიმდებიან. მსგავსი კანონი 2012 წლიდან მოქმედებს რუსეთში. კანონის ამოქმედების შემდეგ ოკუპანტ ქვეყანაში მრავალი ორგანიზაცია დაიხურა. რუსეთში აღარ არსებობს დამოუკიდებელი მედია და სამოქალაქო საზოგადოება.
როგორც უკვე ცნობილია, საქართველოში მიმდინარე პროცესებს დასავლეთის მხრიდან მძაფრი რეაქცია მოჰყვა. კრიტიკულ განცხადებებთან ერთად, საქართველოს ევროპაში ინტეგრაციის პროცესი შეჩერდა, ამოქმედდა სხვადასხვა სანქციები და ფინანსური შეზღუდვები, როგორც ევროპის ისე ამერიკის მხრიდან. საქართველოში კი პრეზიდენტმა, არასამთავრობო ორგანიზაციის წარმომადგენლებმა და ოპოზიციონერმა დეპუტატებმა, საკონსტიტუციო სასამართლოში სარჩელი შეიტანეს, კანონის შეჩერების მოთხოვნით, რომელსაც სასამართლო დაახლოებით ერთი თვის ვადაში განიხილავს.
ამავე კატეგორიაში
სხვა სიახლეები
კვირის პოპულარული
ამინდის პროგნოზი
აბრეშუმის გზა
ხალხის აზრით
პარტნიორი მედიასაშუალებების მასალები
ამინდი
ახალციხე
3
°C
ახალქალაქი
-2
°C
ასპინძა
3
°C
ადიგენი
10
°C
ბორჯომი
6
°C
თბილისი
6
°C
აბასთუმანი
1
°C
ბაკურიანი
0
°C
ნინოწმინდა
-2
°C
ვალუტა
AMD
1000
7.1574
EUR
1
2.9182
RUB
100
2.7683
TRY
1
0.0801
USD
1
2.8448
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the author/authors and those providing comments are theirs only and do not necessarily reflect the position of the Foundation or the Center. Therefore, the Open Society Georgia Foundation and Georgian Center for Strategy and Development are not responsible for the content of the information material.
