დღეიდან ასპინძაში კიდევ ერთი მართლმადიდებლური ტაძარი ამოქმედდა, რომელიც სავარაუდოდ მე–7 მე–9 საუკუნეების პერიოდს განეკუთვნება. ახლად აღდგენილ ბაზილიკური სტილის ეკლესიაში წირვა–ლოცვა ახალციხისა და ტაო–კლარჯეთის მიტროპოლიტმა აღავლინა. წლების განმავლობაში დანგრეული ტაძარი კულტურისა და ძეგლთა დაცვის სამინისტროს დაფინანსებითა და ადგილობრივების შემოწირულობებით აღდგა.

ახალციხეში მცხოვრებმა სოციალურად დაუცველმა და დევნილმა პირებმა სააღდგომო საჩუქრები მიიღეს. 222 ოჯახს დღეს სურსათის პაკეტი გადაეცა. აღნიშნული აქცია ახალციხის ადგილობრივი თვითმმართველობის ორგანიზებით მოეწყო.

მართლმადიდებლურმა სამყარომ 5 მაისს უფლის აღდგომის ბრწყინვალე დღესასწაული იზეიმა. ამასთან დაკავშირებით, საქართველოს მოქმედ ყველა მართლმადიდებლურ ეკლესიაში ღამისთევის მსახურება შესრულდა. აღდგომის დღესასწაული იზეიმეს ახალციხეშიც. რაბათის წმინდა მარინეს სახელობის ტაძარში მრევლი სააღდგომო ლიტანიობას დაესწრო და სრულიად საქართველოს კათოლიკოს პარტიარქის, ილია მეორეს სააღდგომო ეპისტოლეს გაეცნო. მასში პატრიარქი ხელისუფლებასა და მორწმუნეებს აბორტის აკრძალვას მოუწოდებს.

ახალციხის მუნიციპალიტეტში კიდევ ერთი მართლმადიდებლური ტაძარის მშენებლობა დაიწყო. სოფელ ღრელში ეკლესიის საძირკველი დღეს ახალციხისა და ტაო–კლარჯეთის მიტროპოლიტმა თეოდორემ აკურთხა.  ადგილობრივების ინიციატივით, ივერიის ღვთისმშობლის სახელობის  ტაძარი სოფლის შესასვლელში აშენდება.

7 აპრილს მართმადიდებლურმა ეკლესიამ ხარების ბრწყინვალე დღესასწაული იზეიმა. საქართველოს ყველა მოქმედ ტაძარში სადღესასწაულო წირვა–ლოცვა აღევლინა. ამ დღეს ყოვლადწმინდა მარიამთან ერთად მთელს კაცობრიობას ეუწყა, რომ უფალმა ადამიანი სიკვდილისა და ცოდვის სამუდამო ტყვეობისათვის ვერ გაიმეტა და ეშმაკის მონობისაგან მისი გამოხსნა გადაწყვიტა. მთავარანგელოზმა გაბრიელმა ღვთისმშობელს ახარა, რომ მისგან კაცობრიობის გადამრჩენი ძე ღვთისა იშვებოდა. ახალციხისა და ტაო–კლარჯეთის მიტროპოლიტმა თეოდორემ სადღესასწაულო წირვა რაბათის წმინდა მარინეს სახელობის ტაძარში აღავლინა. მეუფემ ლოცვის დასასრულს მრევლს დღესასწაული მიულოცა და მის მნიშველობაზეც ესაუბრა. ხარების დღესასწაული შვიდ საუფლო დღესასწაულს შორისაა. მართმადიდებლური სამყარო დღესასწაულს ყოველი წლის 7 აპრილს აღნიშნავს. ხარების დღესასწაულთან ერთად ქართული სამოციქულო ეკლესია ჯვრის თაყვანისცემის დღესაც აღნიშნავს. მეუფე თეოდორემ ქადაგევბისას ჯვრის ძალაზეც ისაუბრა და მორწმუნეებს საკუთარი ჯვრის ღირსეულად ზიდვისკენ მოუწოდა. ამ დღეს მარხულთათვის თევზით ხსნილია. ჯვრის თაყვანისცემის დღესასწაულს ქართული ეკლესია ყოველთვის დიდი მარხვის მესამე კვირას აღნიშნავს.

მაცხოვრის აღდგომა იზეიმა სომხურმა სამოციქულო ეკლესიამაც. ორმოცდღიანი მძიმე მარხვის შემდეგ, ეს დღე მორწმუნეებმა განსაკუთრებულად აღნიშნეს. სომხურ სამოციქულო ეკლესიაში სააღდგომო ლიტურგია შესრულდა.

ისევე, როგორც მსოფლიოს მრავალ ქვეყანაში, მაცხოვრის მკვდრეთით აღდგომა საქართველოში მცხოვრებმა კათოლიკე ქრისტიანებმაც იზეიმეს. ახალციხეში, რაბათის უბანში ახლად გახსნილ ტაძარში სადღესასწაულო მესა და ღამისთევის ღვთისმსახურება აღესრულა.

კათოლიკურმა სამყარომ და სომხურმა სამოციქულო ეკლესიამ დღეს ბზობის ბრწყინვალე დღესასწაული იზეიმეს. იერუსალიმში უფლის დიდებით შესვლას მორწმუნებიი ტაძრებში შეხვდნენ.

ახალციხის მუნიციპალიტეტში კიდევ ერთი მართლმადიდებლური ტაძრის მშენებლობა  დაიწყო. სოფელ ანში წმინდა გიორგის სახელობის ტაძრის საძირკველი  ახალციხისა და ტაო-კლარჯეთის მიტროპოლიტმა  თეოდორემ აკურთხა.

19 მარტს კათოლიკური სამყარო წმინდა იოსების ხსენების დღეს აღნიშნავს. საზეიმო წირვა არლის წმინდა იოსების სახელობის კათოლიკურ ეკლესიაში აღევლინა. დღესასწაულთან დაკავშირებით სოფელს ამიერკავკასიის ლათინ კათოლიკეთა სამოციქულო ეკლესიის ეპისკოპოსი სასულიერო პირებთან ერთად ესტუმრა. 

დიდმარხვა დაიწყო – მართმადიდებლური ეკლესია აღდგომის ბრწყინვალე დღესასწაულისთვის ემზადება.  მარხვების პერიოდში  ეკლესია მრევლს ლოცვების გაძლიერებასა და ტაძარში სიარულისაკენ  მოუწოდებს. ყველიერის შვიდეულის ბოლო კვირა დღე კი ერთადერთია მთელი წლის განმავლობაში, რომელსაც თითოეული ქრისტიანი განსაკუთრებული სინანულითა და სულიერი განწმენდის სურვილით ხვდება.  მორწმუნეები ამ დღეს ერთმანეთს შენდობას თხოვენ.

ასპინძის მუნიციპალიტეტის სოფელ რუსთავში მართმადიდებლური ტაძარი აშენდება. ახალციხისა და ტაოკლარჯეთის მიტროპოლიტმა მეუფე თეოდორემ სალოცავს საძირკველი დღეს ჩაუყარა. შოთა რუსთაველის მშობლიურ სოფელში ტაძარი მხოლოდ საუკუნეების წინ ფუნქციონირებდა.

რომის პაპი თანამდებობას ტოვებს. კათოლიკური სამყაროს წინამძღვარი საკუთარ მოვალეობის შესრულებას 28 თებერვლამდე  შეასრულებს. ბენედიქტე მეთექვსმეტე სამწყსოს 8 წლის განმავლობაშო ხელმძღვანელობდა. მან პაპის რანგში საბოლოო წირვა უკვე აღასრულა. რა სახელდება პაპის გადაწყვეტილების მიზეზად და რას ფიქრობენ საკითხთან დაკავშირებით მესხი კათოლიკე მორწმუნეები.

15 თებერვალს მართლმადიდებელმა სამყარომ უფლის მირქმის დღესასწაული აღნიშნა. ეს დღე იზეიმეს ახალციხელებმაც, რომლებიც რაბათის წმინდა მარინეს სახელობის ტაძარში შეიკრიბნენ. საზეიმო წირვა–ლოცვა ახალციხისა და ტაო–კლარჯეთის მიტროპოლიტმა თეოდორემ აღავლინა.