რის გაკეთებას აპირებს, მმართველი პარტიის მერობის კანდიდატი, გამარჯვების შემთხვევაში – ამ საკითხზე საუბრით დაიწყო შეხვედრა ვლადიმერ ზედგინიძემ სამოქალაქო სექტორთან.
,,ქართული ოცნების” კანდიდატს პოლიტიკური პარტიებისა და არასამთავრობო ორგანიზაციის წარმომადგენლების, სტუდენტებისა და დაინტერესებული პირების კითხვებზე მოუწია პასუხის გაცემა. ვლადიმერ ზედგინიძემ ქალაქის მთავარ პრიორიტეტად ტურიზმი დაასახელა და ამ სფეროს განვითარების გზებზე ისაუბრა. შეხვედრის მონაწილეებმა ქალაქის პრობლემებზე გაამახვილეს ყურადღება და კითხვები საქალაქო ტრანსპორტზე, ქალაქის კეთილმოწყობაზე, დასუფთავებაზე, საკადრო პოლიტიკაზე, კულტურის სახლის არარსებობაზე და სტუდენტურ საცხოვრებელზე დაუსვეს.
შეხვედრა ახალციხის საარჩევნო მედია ცენტრის ორგანიზებით გაიმართა. ღონისძიებას არ დაესწრო ,,ერთიანი ნაციონალური მოძრაობის” კანდიდატი.
ავტორები: რუსუდან გვარამაძე, ბექა ზედგინიძე.
