Առաջին անգամ դոլարն ու եվրոն հավասարվել են
Վերջին 20 տարվա ընթացքում առաջին անգամ եվրոյի փոխարժեքը հավասարվել է դոլարի փոխարժեքին։ Վրաստանի Ազգային բանկի տվյալներով՝ 1 ամերիկյան դոլարի արժեքը կազմում է 2,8745 լարի, ինչը նշանակում է, որ դոլարի փոփոխությունն ազգային արժույթի նկատմամբ կազմել է 0,0085 լարի։
Ինչ վերաբերում է եվրոյին, ապա դրա փոխարժեքը կազմում է 2,8788 լարի։ Մինչդեռ այսօրվա փոխարժեքը կազմել է 2,9156 լարի։ Ըստ այդմ՝ եվրոյի փոփոխությունը կազմել է 0,0368 լարի։
Ըստ «Reuters»-ի՝ եվրոյի արժեզրկումը պայմանավորված է ռեցեսիայի հավանականությամբ, որն իր հերթին պայմանավորված է էներգետիկ ճգնաժամով և «Եվրոպական կենտրոնական բանկի» տոկոսադրույքների բարձրացման արշավով։ Այս տեղաշարժը նշանակում է, որ եվրոպական ընկերությունները և սպառողները ավելի շատ կվճարեն իրենց ներմուծած ապրանքների և ծառայությունների համար, մինչդեռ եվրոպական արտահանումն ավելի էժան է դառնում միջազգային շուկաներում։
Հանկարծակի ցնցումը հանգեցրել է եվրոգոտում ռեկորդային գնաճի, որը հունիսին հասել է 8,6 տոկոսի։
Վրաստանի Ազգային բանկի տվյալների համաձայն՝ ռուբլու պաշտոնական փոխարժեքը բարձրացել է: 100 ռուբլին այսօր արժե 4,6312 լարի (+0,0456 լարի)
Փոխարժեքը Ախալքալաքի մասնավոր փոխանակման կետերում հուլիսի 12-ի առավոտյան
100 դոլարը վաճառվում է 285.5 լարիով, գնվում՝ 287.5 լարիով
1000 ռուբլին վաճառվում է 44 լարիով, գնվում՝ 45 լարիով
100 եվրոն վաճառվում է 285.8 լարիով, գնվում՝ 287.8 լարիով