ფაბრიკა–ქარხნების მშენებლობა, როგორც დასაქმების პრობლემის მოგვარების ერთ–ერთი გზა – ახალციხის მერის დაპირება ვერ სრულდება. საწარმოს მშენებლობა, რომლის შესახებაც გიორგი კოპაძემ ,,მე–9 არხთან“ ოქტომბრის თვეში ისაუბრა – შეფერხდა. ქალაქის მერი 8 თვის წინ ირწმუნებოდა, რომ მემორანდუმი გაფორმებული იყო და ქარხნის მშენებლობა დაიწყებოდა, სადაც 150 ადამიანი უნდა დასაქმებულიყო. ქალაქის  მერი ახალციხის  მოსახლეობას ქარხნის აშენებას 2014 წლის 9 ოქტომბერს, ტელეკომპანია ,,მე–9 არხის“  პირდაპირ ეთერში, თოქ–შოუ  ,,დიალოგში“ სტუმრობისას დაპირდა.

ლარში გაცემული სესხები გაძვირდა. ეროვნული ბანკის მონერატული კომიტეტის მიერ მიღებულმა გადაწყვეტილებამ,  მოსახლეობის  ჯიბეზე უარყოფითი გალენა მოახდინა. მოსახლეობა ამბობს, რომ სესხის პროცენტი მნიშვნელოვნად გაიზარდა და მისი გადახდა უჭირს. ეროვნული  ბანკის ინფორმაციით კი, აღნიშნული პროცესი ლარის კურსის გამყარებისკენაა მიმართული. ეროვნული ბანკის გადაწყვეტილებამ, რომლის მიხედვითაც, ლარის გამყარების მიზნით, რეფინანსირების განაკვეთი გაიზარდა, მოსახლეობის მდგომარეობაზე მნიშვნელოვნად იმოქმედა. უკვე რამდენიმე დღეა ადგილობრივებს კომერციული ბანკებიდან ლარში აღებული სესხი გაუძვირდათ.

ლარის ინფლაციამ  მოსახლეობის საარსებო მინიმუმზე გავლენა მოახდინა. საქართველოს სტატისტიკის ეროვნული სამსახურის ინფორმაციით, საარსებო მინიმუმი ანუ  თანხის ის რაოდენობა, რომელიც  ზრდასრულ, შრომისუნარიან ადამიანს, ნორმალურად კვებისათვის  და აუცილებელი ნივთების შესაძენად სჭირდება, 160 ლარამდე განისაზღვრა. თუმცა, ახალციხეში ამბობენ, რომ ლარის კურსის ვარდნის ფონზე, აღნშნული თანხა არასაკმარისია. ეს ქალბატონი 77 წლის ვერა ლომსაძეა. იგი უკვე წლებია ახალციხეში საკუთარ ბინაში მარტო ცხოვრობს და თავს 150 ლარიანი პენსიით ირჩენს. მიუხედავად იმისა, რომ საქსტატის მიერ, საშუალო მომხმარებლის არსებობისათვის დადგენილი მინიმუმი 143 ლარით განისაზღვრა,  ვერა ლომსაძე ამბობს, რომ პენსია არსებობისათვის არ ჰყოფნის.

ახალციხის მოსახლეობა ქვეყანაში არსებულ ეკონომიკურ მდგომარეობაზე საუბრობს. ადგილობრივების გარკვეული ჯგუფი მძიმე სოციალურ ფონზე ჩივის და ამბობს, რომ სიტუაცია ლარის გაუფასურებამ დაამძიმა. უმუშევრობა, მძიმე სოციალური ფონი , დოლარის კურსის ზრდა–ეს ის საკითხებია, რომლებიც ახალციხის ბაზარში შეკრებილ ადგილობრივებს, მყიდველებსა  და მოვაჭრეებს ერთნაირად აწუხებთ.

ახალციხეში ეკონომიკური განვითარების გეგმაზე მუშაობა დაწყებულია. როგორც მუნიციპალიტეტესბის პირველი პირები განმარტავენს, სხვადსხვა პროექტების განხორცილებისათვის ინვესტორების მხრიდან მზაობა არსებობს და ახალი პროექტების განხორციელება მალე დაიწყება, თუმცა კონკრეტულად რა ვადებში და რა პროექტების შესრულება დაიწყება ისინი ამაზე ვერ საუბრობენ. ახალციხის  მუნიციპალიტეტის  მერიასა  და გამგეობაში მთავრობის მიერ წარდგენილი, ეკონომიკის განვითარების გეგმის განსახორციელებლად  სამუშაოები დაწყებულია. როგორ მუნიციპალიტეტის გამგებელი განმარტავს, ინვესტორები სხვადასხვა მიმართულებით უკვე დაინტერსდნენ. რაც შეეხება მერიას, ზაზა თამარაშვილის თქმით,  გარკვეული ძვრები არსებობს თუმცა, მომავალში რა პროექტები განხორციელდება ეს მათთვის უცნობია.

ეროვნული ვალუტის გაუფასურებამ საკვები პროდუქტების ფასებზე გავლენა მოახდინა. ახალციხის სავაჭრო ცენტრში ამბობენ, რომ ძირითადად, იმპორტირებული პროდუქტის ღირებულება გაიზარდა. მათივე თქმით,  ფასებმა დაიკლო ადგილობრივ პროდუქტზე, რადგან  ბანკის სესხების გასასტუმრებლად, ფერმერები იძულებულნი არიან, სურსათი  დაბალ ფასში  გაყიდონ. ლარის გაუფასურებამ პროდუქტის რეალიზაციაზე მნიშვნელოვანი გავლენა მოახდინა. ახალციხის სავაჭრო ცენტრში ამბობენ, რომ ძირითადად, იმპორტირებული პროდუქტის ღირებულება გაიზარდა. პირველადი მოხმარების სურსათზე – შაქარზე, მარილზე და  კვერცხზე ფასმა ხუთი, ათი თეთრით მოიმატა, თუმცა საგრძნობლადაა  გაზრდილი  ზეთისა და ფქვილის ღირებულება. იგივე მდგომარეობაა ხილსა და ბოსტნეულზე. გაზრდილია იმპორტირებული ალკოჰოლური სასმელების ფასიც.

საქართველოს ეკონომიკისა მინისტრი გიორგი კვირიკაშვილი და აზერბაიჯანის ტრანსპორტის მინისტრი ზია მამედოვი ბაქო-თბილისი-ყარსის სარკინიგზო ხაზის ქართული მონაკვეთის პრეზენტაციას და სატესტო მატარებლის გავლას დაესწრნენ.  საპრეზენტაციო ღონისძიება 28 იანვარს ჯავახეთში გაიმართა.  ბაქო-თბილისი-ყარსის სარკინიგზო ხაზზე კარწახის მონაკვეთში სამმა სატესტო მატარებელმა გაიარა. საქართველოსა და აზერბაიჯანის წარმომადგენლებმა  პროექტის მნიშვნელობასა და მომავალ პერსპექტივებზე ისაუბრეს.  გიორგი კვირიკაშვილის განცხადებით, ყველაფერი გაკეთდება იმისთვის, რომ ბაქო-თბილისი-ყარსის რკინიგზის სამუშაოები წლის ბოლომდე დასრულდეს.

ყველაფერი გაკეთდება, რომ ბაქო-თბილისი-ყარსის რკინიგზის სამუშაოები წლის ბოლომდე დამთავრდეს, – ამის შესახებ ეკონომიკისა და მდგრადი განვითარების მინისტრმა გიორგი კვირიკაშვილმა ჟურნალისტებს კარწახის მონაკვეთში ბაქო-თბილისი-ყარსის სარკინიგზო ხაზზე სამი სატესტო მატარებლის გავლის შემდეგ განუცხადა. როგორც კვირიკაშვილმა აღნიშნა, ფაქტობრივად 180 კილომეტრი რკინიგზის გაყვანის სამუშაოები დამთავრებულია. მისივე თქმით, პროექტი, როგორც ეკონომიკური კუთხით, ისე ხალხთა შორის კავშირების გამყარების თვალსაზრისით ძალიან მნიშვნელოვანია. ეკონომიკის მინისტრმა მადლობა გადაუხადა ყველას, რომლებიც, მისი თქმით, ძალიან მძიმე კლიმატურ პირობებში მუშაობენ და ყველაფერს აკეთებენ, რომ ეს პროექტი დროზე დასრულდეს.

ბოლო პერიოდის მონაცემებით დოლარის კურსი ყოველდღიურად,  მნიშვნელოვნად იზრდება. აღნიშნულის გამო სავაჭრო ცენტრებსა და მაღაზიებში პროდუქცია ძვირდება. მოსახლეობა ლარის ინფლაციის გამო შეშფოთებულია. ბოლო პერიოდის მონაცემებით დოლარის კურსი მნიშვნელოვნად გაიზარდა, ეს კი უარყოფითად განსაკუთრებით იმ მოქალაქეებზე აისახა, რომელთაც  ბანკიდან სესხი ლარის ნაცვლად უცხოურ ვალუტაში აქვთ აღებული. მოსახლეობა ამბობს, რომ სურსათსა და უალკოჰოლო სასმელებზე, ფასები გაიზარდა.

სურსათის ეტიკეტირების წესის დარღვევა მწარმოებელი კომპანიების დაჯარიმდებას იწვევს, თუმცა მოსახლეობის ნაწილი პროდუქტის შეფუთვაზე დატანილ ინფორმაციას არ ამოწმებს. ეტიკეტირებასთან დაკავშირებით, ქვეყანას გარკევეული პირობებს  აკისრებს ევროპასთან ასოცირების ხელშეკრულება. დაბა ასპინძაში მდებარე შპს ,,მესხეთი პროდაქტი” ხორცპროდუქტებს აწარმოებს.  მისი პროდუქცით,  ძირითადად, რეგიონის სუპერმარკეტები  მარაგდება. წარმოების პროცესში „მესხეთი პროდაქტის“ ტექნოლოგებისთვის ბოლო, მნიშვნელოვანი დეტალი  ეტიკეტირებაა. პროდუქტზე ისინი საფირმო სიმბოლოსა და ეტიკეტს აკრავენ, რომელზეც დასახელება, გამოშვების თარიღი, შენახვის ვადა და დამზადების ადგილია მითითებული.

რა გაკეთდა ქვეყანაში ირაკლი ღარიბაშვილის მოსვლის შემდეგ  –  საქართველოს პრემიერ მინისტრმა ორი წლის განმავლობაში  სხვადასხვა სფეროში გატარებული რეფორმები შეაჯამა და განაცხადა, რომ მძიმე მემკვიდრეობის მიუხედავად, უმნიშვნელოვანესი პრობლემები დაძლეულია.

“ღრმა და ყოვლისმომცველი სავაჭრო ხელშეკრულების დოკუმენტი”, რომელიც საქართველოსა და ევროპას შორის გაფორმდა, ქართული მხარისათვის 500 მილიონიან სავაჭრო ბაზარს ხსნის, თუმცა ქართულმა პროდუქციამ ევროპელ მომხმარებლებამდე რომ მიაღწიოს, მას მკაცრი კონტროლის გავლა მოუწევს.

სამცხე-ჯავახეთში ფარავნის ჰიდროელექტროსადგური გაიხსნა. 87 მეგავატი დადგმული სიმძლავრის ჰესი თურქული „ანადოლუ ჯგუფის” ინვესტიციით აშენდა. ჰესი საქართველოს პრემიერ-მინისტრმა ირაკლი ღარიბაშვილმა ვიცე-პრემიერ კახა კალაძესთან, თურქეთის ენერგეტიკის მინისტრ თანერ ილდიზთან და კომპანიის წარმომადგენლებთან ერთად გახსნა.

ბაკურიანში, ინფრასტრუქტურული  პროექტების მიმდინარეობით   საქართველოს ვიცე-პრემიერი  დაინტერესდა.  ეკონომიკისა და მდგრადი განვითარების მინისტრი  გიორგი კვირიკაშვილი დიდველს ესტუმრა და სამუშაო პროცესს გაეცნო.

ევროკავშირთან გაფორმებული ასოცირების ხელშეკრულება და ქართული მხარის ვალდებულებები – როგორ იმოქმდებს ასოცირების ხელშეკრულება ქვეყნის ეკონომიკაზე, ამასთან დაკავშირებით საზოგადოებაში აზრთა სხვადასხვაობაა. ნაწილი მიიჩნევს,  რომ  ქართულ ბაზარზე ადგილობრივი პროდუქცია აღარ იარსებებს, ნაწილის აზრით კი იგი ხელს საქართველოში წარმოებული პროდუქციის ხარისხის ზრდას შეუწყობს.

რუსეთის ბაზარზე ქართული საექსპორტო პროდუქციის ჩამონათვალი იზრდება. ორი ქვეყნის მოლაპარაკებების შედეგად, გასატანი პროდუქციის ჩამონათვალს რამდენიმე სახეობის ხოლ–ბოსტნეული ემატება.

საარსებო მინიმუმი და სასურსათო კალათა –  საქართველოს სტატისტიკის ეროვნული სამსახურის ინფორმაციით, იმისათვის, რომ შრომისუნარიანმა ადამიანმა არსებობა შეძლოს, მინიმუმ 150 ლარი საკმარისია. აღნიშნულ მონაცემის მიხედვით, საარსებო მინიმუმში ყველაზე დიდი პროცენტული წილი სურსათზე მოდის, სხვა დანარჩენს კი 30 % უჭირავს.

ასპინძის მუნიციპალიტეტში სოფელ სარომდე მისასვლელი საავტომობილო გზის რეაბილიტაცია დასრულდა. სამუშაოები ტენდერში გამარჯვებულმა შპს „ეფექტმა“ განახორციელა. დასრულებულია ასევე გზის მშენებლობა დაბა ასპინძის ორ ქუჩაზე.

 სამცხე–ჯავახეთში,  ,,ტენილი ყველის”  მწარმოებელმა  კომპანიამ მუშაობა შეაჩერა.  ასპინძის მუნიციპალიტეტის სოფელ ჭობარეთში არსებული საწარმო ფინანსური პრობლემების წინაშე დგას.  ,,მზიანეთი” ინვესტორს ეძებს.  როგორც საწარმოს ერთერთმა დამფუძნებელმა,  ემზარ ჯვარიძემ ,,ექოსთან” განაცხადა,  კომპანია საინვესტიციო სახსრების სიმცირემ შეაწუხა.          “სამრეწველო რძე არ არის, გარდა ამისა, სხვა პრობლემებიცაა და ამიტომ გადავწყვიტეთ მუშაობა დროებით შევაჩეროთ. ფერმის გაკეთებას ვაპირებდი.  კრედიტიც ავიღე და გასულ წელს  20 სული ძროხა ვიყიდე 15 %–იანი ბიზნეს სესხით. ბანკში მაშინ  რეფინანსირებაზე დამთანხმდნენ, თუმცა, როცა პროექტის დეტალები ცნობილი გახდა, გადაფარვაზე უარი მითხრეს, ამიტომ  გადავწყვიტე არსებული სესხის დასაფარად ძროხებიც გამეყიდა, რთული პერიოდია ამ ეტაპში საწარმოში, ვეძებ ინვესტორს, რომ ეს პრობლემები მოვაგვარო”  – განაცხადა ემზარ ჯვარიძემ. საწარმოს დამფუძნებელი აღნიშნავს, რომ ის,  ჭობარეთში ,,ტენილი ყველის”  წარმოების გარდა აგროტურიზმის განვითარებაზეც ზრუნავდა.  ვიზიტორებს საშაულება ჰქონდათ ტენილი ყველის წარმოებასა და კუთხურ სამზარეულოს  ადგილზე გაცნობოდნენ და ,,მესხური ოდა” დაეთვალიერებინათ. თუმცა ყველის წარმოებასთან ერთად ,,მზიანეთში ამ ეტაპზე აგროტურებიც შეჩერდა. თუ როდის განაახლებს საწარმო მუშაობას,   ემზარ ჯვარიძე ვერ აკონკრეტებს.  ,,ტენილ ყველს” გასულ წელს კულტურული ძეგლის სტატუსი მიენიჭა. ამიტომ არ მინდა რომ საწარმო საბოლოოდ გაჩერდეს” – აცხადებს ემზარ ჯვარიძე.  შეგახსენებთ, რომ საქართველოს კულტურისა და ძეგლთა დაცვის მინისტრის,  გურამ ოდიშარიას ბრძანებით, 2013 წლის 13 ნოემბერს, ,,ტენილი ყველის” დამზადების ტექნოლოგიას,  არამატერიალური კულტურული მემკვიდრეობის ძეგლის სტატუსი მიენიჭა.  იხილეთ სიუჟეტი ,,ტენილი ყველის” დამზადების ტექნოლოგიაზე,  რომელიც ,,ექომ” 2012 წელს მოამზადა;