ადგილობრივმა ფერმერმა ახალციხის აგრო–მაღაზიაში კარტოფილისთვის ჰერბიციდი უკვე შეიძინა. მარეხი ჭიღლაძემ კონსულტანტებისგან პრეპარატის გამოყენების თაობაზე შესაბამისი ინსტრუქციაც მიიღო. ამბობს, რომ ჰერბიციდების გამოყენებამ თანამედროვე ფერმერს საქმე გაუმარტივა.
მარეხი ჭიღლაძისგან განსხვავებით, სოფელ ჭაჭარაქში მცხოვრები ფერმერები ჰერბიცირების გამოყენებისგან თავს იკავებენ, მათი ნაწილი ამის მიზეზად პრეპარატის სიძვირეს ასახელებს, ნაწილს კი მიაჩნია, რომ ჰერბიციდი პროდუქტის უსაფრთხოებაზე უარყოფით გავლენას ახდენს.
თანამედროვე–სასოფლო სამეურნეო საქმიანობაში შხამ–ქიმიკატების მოხმარება აუცილებელი გახდა, თუმცა მნიშვნელოვანია ნორმირების დაცვა – აღნიშნავს სოფლის მეურნეობის სპეციალისტი. მისი თქმით, იმ შემთხვევაში თუ პრეპარატს შესაბამისი დოზით გამოვიყენებთ, პროდუქტის უსაფრთხოებაზე გავლენას ვერ მოახდნს. მკრტიჩ მოვსესიანი სოფლის მაცხოვრებლებს შხამ–ქიმიკატების მოხმარებისას მეტ ყურადღებას ურჩევს.
ახალციხის აგრო–მაღაზიებში მცენარეთა დაცვის საშუალებები გერმანიიდან, შვეიცარიიდან და თურქეთიდან შემოდის. მისი საჰექტრო ღირებულება განსხვავებულია და 70 –დან – 160 ლარის ფარგლებში მერყეობს. აგრო–მაღაზიების კონსულტანტები ამბობენ, რომ მათი გამოყენებისას კლიენტებს ურჩევენ, უსაფრთხოების წესები მკაცრად დაიცვან.
ნიადაგში შხამ–ქიმიკატების შეტანა გვიან შემოდგომიდან, მოსავლის აღების შემდეგ იწყება, რა დროსაც ფერმერები ტოტალურ ჰერბიციდებს იყენებენ, პარალელურად, აუცილებებლია ნიადაგის გაწმენდა. გაზაფხულზე პრეპარატებით სათესლე მასალის დამუშავება ხდება. შემდეგ კი სარეველებისგან დასაცავად ნაკვეთში ჰერბიციდები შეაქვთ. ამის მერე ფერმერმა ეტაპობრივად, ფუნგიცირები და სხვა დამცავი პრეპარატები უნდა გამოიყენონ. სპეციალისტები ირწმუებიან, რომ დოზირებითა და ლოდინის პერიოდის დაცვით, სოფლის მახოვრებლები შემოდგომით უსაფრთხო და მაღალი ხარისხის პროდუქტს მიიღებენ.