სამცხე–ჯავახეთის ფეხბურთის ფედერაცია მამუკა გვირჯიშვილის დასახმარებლად შეჯიბრს გამართავს. მასში მონაწილეობას ქალაქის სხვადასხვა დაწესებულებები მიიღებენ. 12 საფეხბურთო გუნდი ერთმანეთს 3 ოქტომბრიდან დაუპირისპირდება. ტურნირის განმავლობაში ისინი ფეხბურთის ფედერაციის საბანკო ანგარიშზე სასურველი რაოდენობის თანხას დაგარიცხავენ. ფინალურ თამაშზე კი გამარჯვებული გუნდი მამუკა გვირჯიშვილს შეგროვებულ თანხას პირადად გადასცემს.  სამცხე–ჯავახეთის ფეხუბურთის ფედერაციის პრეზიდენტის, გელა მაისურაძის თქმით, ტურნირის მეშვეობით  საქველმოქმედო საქმეში მათ საკუთარი წვლილის შეტანა სურთ. შეგახსენებთ, რომ მამუკა გვირჯიშვილის ჯანმრთელობის გადასარჩენად 70000 ლარია საჭირო. მის დასახმერებლად ახალციხეში რამდენიმე საქველმოქმედო აქცია უკვე გაიმართა.

საქართველოს ნაკრები მსოფლიო ჩემპინატისთვის ემზადება. ბერძნულ–რომაული და თავისუფალი სტილით მოჭიდავეებმა დასკვნითი შეხვედრები ბორჯომში გამართეს. გუნდის წევრების თქმით, ნაკრები ჩემპიონატისათვის სრულ მზადყოფნაშია.

სპორტისა და ახალგაზრდობის საქმეთა სამინისტროს „ბავშთა და ახალგაზრდობის განვითარების ფონდმა” 2013 წლის მესამე საგრანტო კონკურსის ფარგლებში რეგიონებში მცხოვრები ახალგაზრდებისთვის საგრანტო კონკურსი გამოაცხადა. რა სახის პროექტების წარდგენაა შესაძლებელი ფონდში  – ამასთან დაკავშირებით, დღეს ახალციხის ადმინისტრაციულ შენობაში შეხვედრა გაიმართა. „ბავშთა და ახალგაზრდობის განვითარების ფონდის” დირექტორის მოადგილემ ადგილობრივებს კონკურსის პირობები გააცნო.

რა მდგომარეობაშია სამცხე–ჯავახეთში საფეხბურთო მოედნები–ამ საკითხის შესასწავლად რეგიონს ფეხბურთის ფედერაციის წარმომადგენლები ესტუმრნენ. შვიდ კაციანმა ჯგუფმა ექვსივე  მუნიციპალიტეტში არსებული მოედნები, მისი პატამეტრები, გასახდელები და გულშემატკივრებისათვის განკუთვნილი ადგილები დაათვალიერეს.

სპორტისა და ახალგაზრდობის საქმეთა მინისტრის მოადგილე ახალციხეს ესტუმრა. თამაზ თევზაძემ რეგიონის ექვსი მუნისიპალიტეტის წარმომადგენლებს, სამინისტროს რეკომენდაციები წარუდგინა. მან ასევე სპორტის სფეროში, რეგიონის მასშტაბით არსებულ პრობლემებზეც ისაუბრა.

       დღეს ახალციხეს საქართველოს სპორტისა და ახლგაზრდობის საქმეთა მინისტრის მოადგილე ეწვევა. თამაზ თევზაძე შეხვედრას,  ადმინისტრაციული შენობის სხდომათა დარბაზში,  დღის 12 საათზე გამართავს. მინისტრის მოადგილე სამცხე–ჯავახეთის  ექვსივე მუნიციპალიტეტის წარმომადგენლებს შეხვდება და რეგიონში, სპორტული ცხოვრების განვითარებასა და სამომავლო პერსპექტივებზე ისაუბრებს. კიდევ რა საკითხებზე გაიმართება შეხვედრა, ამაზე უფრო ვრცლად ,,ექოს” დღის მთავარ საინფორმაციო გამოშვებაში, 21:30 საათზე გიამბობთ. 

ველორბოლა ახალციხეში.  ველომოყვარულებმა ორგანიზაცია  „რაიდერს დრიმის“ ინიციატივით გამართულ მარათონში  ჩერთვნენ და ქალაქის გარეუბნებში გასვლითი ტური მოაწყვეს.

ახალციხელი მძლეოსანი მარიამ მარტინენკო მნონაწილეობას ბავშვთა ოლიმპიურ თამაშებში მიიღებს. ახალგაზრდა სპორტსმენი ჰოლანდიაში ჩემპიონატზე გამგზავრებამდე ყოველდღიურად სრული დატვირთვით ვარჯიშობს.

რას ითვალისწინებს ჯანსაღი ცხოვრების წესი და რა მდგომარეობაა ახალციხეში  ამ მხრივ.  ქალაქის მოსახლეობა სპორტულ-გამაჯანსაღებელი ცენტრების გახსნას მოითხოვს. ადგილობრივები მიიჩნევენ, რომ ჯანმრთელობისავის ერთ-ერთი აუცილებელი პირობა ვარჯიშია, თუმცა მისთვის საჭირო ცენტრები ახალციხეში ფაქტობრივად არ არის.

    ამ წუთებში, დასრულდა საფეხბურთო ფესტივალი ახალციხის მიხეილ იაძის სახელობის ცენტრალურ სტადიონზე. საბოლოო გამარჯვება ლაგოდეხის გუნდმა ,,რანმა”  მოიპოვა და მოწინააღმდეგე, ოზურგეთის ,,მერცხალი” ანგარიშით 6:5 დაამარცხა. მესხეთის საერთაშორისო საფეხბურთო ფესტივალს ესწრება საქართველოს სპორტისა და ახალგაზრდობის საქმეთა მინისტრი.  ლევან ყიფიანი  ფინალში გასულ გუნდებს, სიგელებს,  მედლებსა და თასებს საზეიმო ვითარებაში გადასცემს.  შეგახსენებთ, რომ  მესხეთის საერთაშორისო საფეხბურთო ფესტივალი ახალციხეში საზეიმოდ 27 ივნისს გაიხსნა. მასში მონაწილეობა საქართველოსთან ერთად, მეზობელი ქვეყნების გუნდებმაც მიიღეს. რაც შეეხება მესამე ადგილს ის ადიგენის მუნიციპალიტტეის გუნდმა მოიპოვა.

     ამ წუთებში, ახალციხის მიხეილ იაძის სახელობის ცენტრალურ სტადიონზე, მესხეთის საერთაშორისო საფეხბურთო ფესტივალი მიმდინარეობს. რომელსაც საქართველოს სპორტისა და ახალგაზრდობის საქმეთა მინისტრი, ლევან ყიფიანი  და ადგილობრივი თვითმმართველობის წარმომადგენლები  ესწრებიან.  ფინალურ შეხვედრაში ერთმანეთს  ლაგოდეხისა  და ოზურგეთის გუნდები ხვდებიან. თუ ვინ მოიპოვებს გამარჯვებას, ,,ექო” შედეგის შესახებ ინფორმაციას შეხვედრის დასრულებისთანავე შემოგთავაზებთ. რაც შეეხება მესამე ადგილს, ის ადიგენის საფეხბურთო გუნდმა მოიპოვა. შეგახსენებთ, რომ  მესხეთის საერთაშორისო საფეხბურთო ფესტივალი ახალციხეში საზეიმოდ 27 ივნისს გაიხსნა. მასში მონაწილეობა საქართველოსთან ერთად, მეზობელი ქვეყნების გუნდებმაც მიიღეს.

30 ივნისს,  მძლეოსნობაში შეჯიბრი გაიმართება, რომლის ორგანიზატორიც  მძლეოსნობის სამცხე–ჯავახეთის  ფედერაციაა. შეჯიბრში ჩართვა ნებისმიერ მსურველს შეეძლება. მონაწილეებს მაისურები დაურიგდებათ. სპორტული ღონისძიება სტარტს 11–ის ნახევარზე, შოთა რუსთაველის ძეგლის მიმდებარე ტერიტორიიდან აიღებს. გამარჯვებულები სამახსოვრო პრიზებით დაჯილდოვდებიან. შეჯიბრი მძლეოსნობის კვირეულის ფარგლებში იმართება და ახალციხელობის დღესასწაულს ეძღვნება–განმარტავს  სამცხე–ჯავახეთის მძლეოსნობის ფედერაციის პრეზიდენტი, ზიგმუნდ ზილბერშტეინი.

ახალციხეში მესხეთის საერთაშორისო საფეხბურთო ფესტივალი გაიხსნა. მასში მონაწილეობას საქართველოს გარდა,  კიდევ ორი ქვეყნის სომხეთისა და აზერბაიჯანის ნაკრებები  იღებს. მიხეილ იაძის სახელობის,  ახალციხის ცენტრალურ სტადიონზე ფესტივალის ფარგლებში,  პირველი შეხვედრები უკვე გაიმართა. გარდა ამისა,  მაყურებელთა წახალისების მიზნით პრიზები გათამაშდა.

ქუჩის კალათბურთის მსოფლიო ფინალისტი რაბათში გამოვლინდა. ტურნირი, რომელშიც მონაწილეობა ქვეყნის 64–მა კალათბურთელმა მიიღო, ახალციხის ციხის ტერიტორიაზე გაიმართა. 5 საათიანი დაძაბული თამშის შემდეგ, გამარჯვება სოხუმის გუნდის სპორტსმენმა მოიპოვა. ქართველი მოთამაშე მსოფლიო პირველობისთვის, სექტემბრის თვეში, უკვე სან–ფრანცისკოში იბრძოლებს.

ახალციხის ცენტრალური სტადიონი მესხეთის საერთაშორისო საფეხბურთო ფესტივალს უმასპინძლებს. ჩემპიონატში მონაწილეობას 1997–98 წლებში დაბადებული ახალგაზრდები მიიღებენ. საქართველოს სხვადასხვა რეგიონის გუნდების გარდა, ტურნირზე  სომხეთისა და აზერბაიჯანის წარმომადგენლებიც იასპარეზებენ.  პირველობის მოსაპოვებლად 12 გუნდი იბრძოლებს.

  ახალციხის ციხის ტერიტორიაზე ამ წუთებში დასრულდა  ქუჩის კალათბურთის ერთერთი ცნობილი ჩემპიონატის – Red Bull King of the Rock 2013–ის საქართველოს ოფიციალური,  შესარჩევი ეტაპი. შეჯიბრში ერთმანეთს 64 მონაწილე შეხვდა. 5 საათიანი დაძაბული შეხვედრების შემდეგ ფინალში ერთმანეთს ვახტანგ ქადარია და მიხეილ ფანჩულიძე დაუპირისპირდნენ.   მსოფლიო ფინალზე წასასვლელი საგზური, რომელიც სანფრანცისკოში გაიმართება 24 წლის ვახტანგ ქადარიამ მოიპოვა, რომელიც სოხუმის გუნდში თამაშობს.  ქართველი ფინალისტი პირველი ადგილისათვის 28 სექტემბერს ალკატრასის ციხის ეზოში მსოფლიოს 23 ქვეყნის მონაწილეებთან  ერთად იბრძოლებს.   კალათბურთში შესარჩევი ეტაპი ახალციხის ციხის ტერიტორიაზე 17 საათზე დაიწყო და ამ წუთებში საზეიმოდ, ფეიერვერკით დასრულდა.

ახალციხის ციხის ტერიტორიაზე ამ წუთებში,  ქუჩის კალათბურთის ერთერთი ცნობილი ჩემპიონატის – Red Bull King of the Rock 2013–ის საქართველოს ოფიციალური,  შესარჩევი ეტაპი მიმდინარეობს. შეჯიბრში ერთმანეთს 64 მონაწილე ხვდება. საბოლოოდ ერთი გამარჯვებული გამოვლინდება, რომელიც სანფრანცისკოში მსოფლიო ფინალზე გაემგზავრება. ქართველი ფინალისტი პირველი ადგილისათვის 28 სექტემბერს ალკატრასის ციხის ეზოში მსოფლიოს 23 ქვეყნის მონაწილეებთან  ერთად იბრძოლებს.   ახალციხის ციხის ტერიტორიაზე  ,,ექოს” გადამღები ჯგუფი იმყოფება. თუ ვინ გახდება გამარჯვებული, ამის შესახებ ინფორმაციას ჩემპიონატის დასრულებისთანავე მოგაწვდით. როგორც ღონისძიების ორგანიზატორები აცხადებენ, შესარჩევი ეტაპი ახალციხის ციხის ტერიტორიაზე ფეიერვერკით დასრულდება.  

ახალციხის სპორტ-სკოლაში ფრენბურთის ტურნირის ფინალური შეხვედრა გაიმართა. პირველობისათვის ერთმანეთს სოფელ საძელისა  და ჯავშან სატანკო სასწავლო ცენტრის გუნდები დაუპირისპირდნენ.

საქართველოს ჭიდაობის ფედერაციის პრეზიდენტი დღეს ბორჯომს ესტუმრა. ლუკა კურტანიძემ ბერძნულ–რომაულ და თავისუფალის სტილით მოჭიდავე ის სპორტსმენები, ვინც ერთ კვირაში ევროპის ჩემპიონატზე მიიღებს მონაწილეობას, ფორმებით დაასაჩუქრა. ბორჯომის მუნიციპალიტეტის ნაკრები მონტენეგროში 16 ივნისს გაემგზავრება.

ზოგადსაგანმანათლებლო დაწესებულებებში სპორტის გაკვეთილები მოსწავლეებს კვირის განმავლობაში 2 საათი უტარდებათ. მათი ნაწილი მიიჩნევს, რომ ეს დრო განტვირთვისათვის და ფიზიკური განვითარებისათვის საკმარისია. ნაწილს მიაჩნია, რომ სპორტის გაკვეთილები ყოველ დღე უნდა ჰქონდეთ.