ახალციხის მუნიციპალიტეტის ადმინისტრაციულ შენობაში მესხეთის საერთაშორისო საფეხბურთო ფესტივალისთვის კენჭისყრა გაიმართა. ქალაქში იმ გუნდების წარმომადგენლები ჩამოვიდნენ, რომლებიც მონაწილეობას 2014 წლის ჩემპიონატში მიიღებენ. შეხვედრაზე მათ ტურნირის წესები გააცნეს და ჩემპიონატის დეტალებზე ისაუბრეს.

„სკოლბურთი 2014“ – ამ სახელწოდებით, ახალციხეში სკოლებს შორის მინიფეხბურთში ჩემპიონატი დაიწყო. შესარჩევ ტურნირში საჯარო სკოლების 10 გუნდია ჩართული. მუნიციპალიტეტის გამარჯვებული შემდეგ ეტაპზე რეგიონის პირველობისთვის იბრძოლებს. სკოლა, რომლის გუნდიც სამცხე–ჯავახეთის მასშტაბით წარმატებას მოიპოვებს, მომდევნო ეტაპზე მონაწილეობას რესპუბლიკურ ტურნირში მიიღებს.

რეგიონის პირველობა მინიფეხბურთში – ახალციხეში სამოყვარულო ლიგის ჩემპიონატი მიმდინარეობს. მასში მონაწილეობას საჯარო სამსახურების გუნდები იღებენ. დღეს ერთმანეთს ოთხი გუნდი დაუპირისპირდა. საკუთარი შესაძლებლობები გაზის კომპანიის, მიკრო საფინანსო ორგანიზაცია კრედოს, სუპერმარკეტ სმარტისა და საპატრულო პოლიციის თანამშრომლებმა გამოსცადეს. ჩემპიონატში სულ 12 გუნდია ჩართული.

ახალციხის ცენტრალურმა სტადიონმა საგაზაფხულო კროსის ღია ჩემპიონატს უმასპინძლა. მძლეოსნობაში ერთმანეთს საქართველოს 11 მუნიციპალიტეტის სპორტსმენები დაუპირისპირდნენ. სხვადსხვა ასაკობრივმა ჯგუფებმა 650 მეტრიდან 4 კილომეტრამდე მანძილი დაფარეს. ახალციხის ცენტრალურ სტადიონზე ღია ჩემპიონატს, საქართველოს მძლეოსნობის ფედერაციის პრეზიდენტი ალექსი ახვლედიანი, ასევე, ადგილობრივი თვითმართველობის ხელმძღვანელი პირები და მხარის გუბერნატორი დაესწრნენ.  

     ახალციხის ცენტრალური სტადიონი კროსში ღია ჩემპიონატს მასპინძლობს. ღია პირველობას კროსში საქართველოს მძლეოსნობის ფედერაციის პრეზიდენტი ალექსი ახვლედიანი, სამცხე–ჯავახეთის სამხარეო ადმინისტრაციისა და ადგილობრივი ხელისუფლების პირველი პირები ესწრებიან. ტურნირში მონაწილეობას ქვეყნის უძლიერესი გუნდები იღებენ. სამცხე–ჯავახეთის მძლეოსნობის ფედერაციის პრეზიდენტის ზიგმუნდ ზილბერშტეინის განმარტებით, შეჯიბრი  ასაკობრივი კატეგორიის მიხედვით, სხვადასხვა დისტანციაზე მიმდინარეობს. ჩემპიონატი საქართველოსა და სამცხე–ჯავახეთის მძლეოსნობის ფედერაციებისა და ახალციხის მუნიციპალიტეტის გამგეობის ორგანიზებით ტარდება. გამარჯვებულებს მედლები, სიგელები და ფასიანი საჩუქრები გადაეცემათ. ჩემპიონატს – „ღია პირველობა კროსში“ ტრადიციული სახე აქვს. იგი ახალციხეში  მეოთხე წელია იმართება.

ახალციხის ცენტრალური სტადიონი კროსში ღია ჩემპიონატს უმასპინძლებს. საქართველოს  მასშტაბით ტურნირი მიხეილ იაძის სახელობის სტადიონზე 11 აპრილს 12:00 საათზე გაიმართება. მასში ქვეყნის უძლიერესი გუნდები ჩაერთვებიან. ჩემპიონატი საქართველოსა და სამცხე-ჯავახეთის მძლეოსნობის ფედერაციებისა და ახალციხის მუნიციპალიტეტის გამგეობის ორგანიზებით ჩატარდება.

ჩემპიონატი, სადაც მონაწილეობა საქართველოს მოკრივეთა 10-მა გუნდმა მიიღო, ახალციხეში გაიმართა. გორიდან, ქარელიდან,  რუსთავიდან, ბორჯომიდან და დასავლეთ საქართველოდან ჩამოსული სპორტსმენები ერთმანეთს პირველობისათვის ახალციხის სპორტსკოლაში დაუპირისპირდენ. ჩემპიონატში მონაწილეთა ასაკი 10-დან 14 წლამდე განისაზღვრა.  ტურნირს ორგანიზება ახალციხის მუნიციპალიტეტის კულტურის სამსახურმა გაუწია.

ახალციხეში ,,ლელო ბურთის” სამცხე-ჯავახეთის რეგიონული ფედერაცია გაიხსნა.  ამიერიდან ძველ, ტრადიციულ სპორტის სახეობას, ,,ლელოს” ახალციხეშიც ითამაშებენ. ფედერაცია რაგბის ეროვნული ნაკრების  ვეტერანმა სპორტსმენებმა დააფუძნეს. გარდა ამისა, მათი ინიციატივით, რაგბსა და ლელობურთში, საქართველოს მრავალგზის ჩემპიონის,  მიშა ხარშილაძის 60 წლის იუბილეც აღინიშნა.

საქართველოს ბერძნულ–რომაულ და თავისუფალი სტილით მოჭიდავეთა ნაკრები ევროპის ჩემპიონატისათვის ემზადება. დღეს სპორტსმენებს ჭიდაობის ფედერაციის პრეზიდენტმა ფორმები გადასცა და ჩემპიონატზე წარმატებული ასპარეზობა უსურვა. ეკიპირების გადაცემის ცერემონია ბორჯომში სასტუმრო ოლიმპში გაიმართა. სპორტული სამოსი რვა მოჭიდავემ მიიღო.

ახალციხის მიხეილ იაძის სახელობის ცენტრალური სტადიონის რეაბილიტაცია ევროსტანდარტაბის შესაბამისად მოხდება. მოედანი და სასპორტო სკოლის ინფრასტრუქტურა ქვეყნის წამყვანმა არქიტექტორებმა და ევროპის ჩემპიონატის კომიტეტის წარმომადგენლებმა დაათვალიერეს. სტადიონზე 2016 წელს სტყორცნებში ევროპის ჩემპიონატის მოწყობა იგეგმება. შესაბამისად მოედანზე ამ დროისათვის მზად უნდა იყოს.

ორგანიზაციებს შორის ტურნირი კალათბურში დასრულდა. დღეს სასპორტო სკოლაში ფინალში ერთმანეთს სპორტსკოლისა და წნისის გუნდები დაუპირისპირდნენ, დაძაბული თამაშის შემდეგ ანგარიში 46–ით 28 სპორტსკოლის გუნდის სასარგებლოდ დასრულდა.

,,ბაკურიანობა 2014″ სამთო–სათხილამურო კურორტზე, სხვადასხვა სპორტული და კულტურული ღონისძიებებით დატვირთული სამი დღე ზამთრის მიწურულს. რიგით 36 –ე ,,ბაკურიანობა” სამცხე–ჯავახეთში.

ჩემპიონატი ბაკურიანში საქართველოს პირველობისათვის. სამთო– სათხილამურო სპორტში მონაწილეობა ქვეყნის სხვადასხვა კუთხის წარმომადგენლებმა მიიღეს.

მუნიციპალიტეტის პირველობისათვის კალათბურთში ჩემპიონატი დაიწყო. მასში ქალაქში არსებული სხვადასხვა ორგანიზაციებისა და დაწესებულებების წარმომადგენლები მონაწილეობენ. ტურნირი ადგილობრივი გამგეობის ხელშეწყობით ტარდება.

მძლეოსნობის ფედერაციის პრეზიდენტი ახალციხეში. დღეს მესხეთს ალექსი ახვლედიანი ესტუმრა და მუნიციპალიტეტის პირველ პირებთან ერთად, ახალციხის ცენტრალურ სტადიონი დაათვალიერა. სტუმრებმა არქიტექტორებთან ერთად სპორტულ დაწესებულებაში აზომვითი სამუშაოები ჩაატარეს.

ახალციხის კომპლექსურ სასპორტო სკოლაში სპორტსმენები ახალი ტურნირებისთვის ემზადებიან. თუმცა ადგილობრივი მწრთვნელები დაწესებულებაში არსებულ პრობლემებზე საუბრობენ. მათი თქმით, მოუწესრიგებელი ინფრასტრუქტურა, გათბობის პრობლემა და დაზიანებული სავრჯიშო დარბაზები სასპოტრო სკოლის ყველაზე დიდ პრობლემას წარმოადგენს. ადგილობრივი სპორტსმენები და მწვრთნელები, ახალციხის მუნიციპალიტეტის ხელმძღვანელობას საკითხით დაინტერესებას სთხოვენ.

მუნიციპალიტეტის პირველობისათვის კალათბურთში ჩემპიონატი იწყება. მასში მონაწილეობის მიღება ორგანიზაცია-დაწესებულებების წარმომადგენლებსა და სხვადასხვა ქუჩის მაცხოვრებლებს შეეძლებათ. მსურველთა 10 კაციანი შემადგებლობა პირველ ეტაპზე ადგილობრივი თვითმმართველობის კულტურის დაწესებულებაში 21 თებერვლამდე უნდა დარეგისტრირდეს.

ბაკურიანში გიორგი წიქვაძის სახელობის – წირას ჩემპიონატის მეორე ეტაპი გაიმართა. შეჯბრი სპოტრის ექსტრემალურ სახეობაში – კიკროსში ჩატარდა, რომელიც სნოუბორდსა და თხილამურებით სრიალს მოიცავს. კიკროსის პირველ ეტაპს 8 თებერვალს გუდაურმა უმასპინძლა, სადაც მეორე ეტაპის საგზური 60-მდე მონაწილემ მოიპოვა. ჩემპიონატში საქართველოს სხვადასხვა ქალაქის სპორტსმენები არიან ჩართულნი.

დღეს ბაკურიანში მოციგავე ნოდარ ქუმარიტაშვილი გაიხსენეს. უისტლერში დატრიალებული ტრაგედიიდან ოთხი წელი გავიდა. ქართველ სპორტსმენს გაიხსენებენ სოჭშიც, სადაც საციგაო სპორტის საერთაშორისო ფედერაციის ხელმძღვანელები იმყოფებიან. მათი გადაწყვეტილებით, სიმბოლურად, ტრაგედიიდან ოთხი წლის თავზე, ორგანიზაციის აღმასკომის სხდომა შედგება. შეგახსენებთ, რომ კანადაში, ოლიმპური თამაშების გახსნამდე რამდენიმე საათით ადრე, ბოლო საცდელი დაშვების დროს, ქართველი სპორტსმენი ბოძს შეეჯახა და გარდაიცვალა. წყარო: ტელეკომპანია “ბორჯომი”

ახალციხეში 7 თებერვალს საქართველოს მძლეოსნობის ფედერაციის პრეზიდენტს ელოდებიან. ალექსი ახვლედიანი ადგილობრივი თვითმართველობისა და სამცხე–ჯავახეთის მძლეოსნობის ფედერაციის წარმომადგენლებს შეხვდება. შეხვედრის ფარგლებში სავარაუდოდ, მძლეოსნობის სტადიონის პროექტს განიხილავენ. შეგახსენებთ, რომ ახალციხის მუნიციპალიტეტისა და საქართველოს მძლეოსნობის ფედერაციას შორის მოლაპარაკება მიმდინარეობს, რომელიც მესხეთის საფეხბურთო სტადიონის მძლეოსნობის სტადიონად გადაკეთებას ეხება. აღნიშნულ მოედანზე მძლეოსნობის გარდა საფეხბურთო მატჩებიც გაიმართება.