ახალციხეში ფეხბურთის რეგიონული ლიგის პირველობა გაიმართა. მასში მონაწილეობა სამცხე–ჯაავხეთის 7–ვე მუნიციპალიტეტის საფეხბურთო გუნდებმა მიიღეს. საბოლოოდ შერჩეული  24 გუნდი ერთმანეთს 2 ასაკობრივ ჯგუფში დაუპირისპირდა. 2001 წელს დაბადებულ ვაჟებს შორის პირველობა სამცხე–ჯავახეთის საფეხბურთო აკადემიის გუნდმა მოიპოვა, მეორე ადგილზე ადიგენის ,,ზარზმა, ხოლო მესამეზე ნინოწმინდის ,,ფარვანა“ გავიდა.

ახალციხის მუნიციპალიტეტში, მინი ფეხბურთში კოკა–კოლას თასის გათამაშება დასრულდა. ცხრა აპრილის სტადიონზე, ერთმანეთს გოგონათა და ვაჟთა გუნდები შეხვდნენ. ორივე სქესის წარმომადგენლებში მუნიციპალიტეტის პირველობა ახალციხის მეხუთე საჯარო სკოლის გუნდებმა მოიპოვეს. ტურნირში მონაწილეობა ახალციხის მუნიციპალიტეტის მასშტაბით,24–მა გუნდმა  მიიღო. აქედან, 8 გოგონათა და 16 ვაჟთა გუნდი იყო.

სოფელ  უდეში 2008 წლის აგვისტოს ომში დაღუპული ჯარისკაცის, ალიკა ბალახაშვილის სახელობის ტურნირი გაიმართა. მინის ფეხბურთში ერთმანეთს მუნიციპალიტეტის სხვადასხვა  საჯარო სკოლის გუნდი დაუპირისპირდა. უკვე მესამედ, ალიკა ბალახაშვილის სახელობის ტურნირში გამარჯვება უდის ნომერ პირველ საჯარო სკოლას ხვდა წილად.  

ახალციხეში სასპორტო სკოლასთან არსებული რაგბის გუნდი პრობლემებზე საუბრობს. მწვრთნელების თქმით „ტაოს“ პოტენციალი აქვს, თუმცა ფინანსური  სიმცირის გამო, გუნდის განვითარება ვერ  ხდება. ახალციხელი სპორტსმენები   მიხეილ იაძის სახელობის სტადიონზე კვირაში სამჯერ იკრიბებიან. მათ ყველას ერთი რამ აერთიანებთ – ეს რაგბის სიყვარულია. მიუხედავად იმისა, რომ მათი ჯგუფი გასულ წელს  უსახსრობის გამო დაიშალა, სპორტისთვის თავის დანებება  უჭირთ და ფორმაში ყოფნის მიზნით, კვირაში სამჯერ მაინც ვარჯიშობენ.

ოლიმპიური ცეცხლი ახალციხეში 29 მაისს ათი საათისათვის შემოვიდა, სიმბოლური ესტაფეტით იგი მეჩირაღდნეებმა  ახალციხის ციხემდე აიტანეს. საქართველოს ჰიმნის ფონზე, საზეიმო ვითარებაში  ცეცხლი, ქალაქის მერმა   ქონგურზე აიტანა და  აანთო. ღონიძიებას მძლეოსნობის ფედერაციის პრეზიდენტი ალექსი ახვლედიანიც  დაესწრო და ადგილობრივებს სამცხე–ჯავახეთში ცეცხლის შემოსვლა მიულოცა. სამცხე–ჯავახეთში ოლიმპიური ცეცხლის შემოსვლა, გალა კონცერტით აღინიშნა. ახალციხის ციხის ტერიტორიაზე, სპეციალურად დამონჯაჟებულ სცენაზე ერთმანეთს ქართული ესტრადის ვარსკვალავები ენაცვლებოდნენ. ანრი ჯოხაძემ, ნინი ბადურაშვილმა, ნინო ჩხეიძემ, ნოდიკო ტატიშვილმა, დათუნა მგელაძემ, ტაკო გაჩეჩილაცემ და სხვა მომღერლებმა ყველასათვის ნაცნობი სიმღერები შეასრულეს.  კონცერტი ფეიერვერკით დასრულდა.

ოლიმპიური ცეცხლის ახალციხეში შემოტანისათვის მზადება დაწყებულია.კომიტეტის წევრთა ნაწილი უკვე ქალაქში იმყოფება. მზად არის სპორტული ტანისამოსი მეჩირაღდნეებისათვის. ოლიმპიური ცეცხლი ხვალ, 29 მაისს, ხულოდან ადიგენის მუნიციპალიტეტში შემოვა. 20:00 საათზე რაბათის ხიდის მიდებარე ტერიტორიიდან, ქალაქის მასშტაბით, ცეცხლთან ერთად მორბენი გაიმართება. 21:00 საათზე ოლიმპიური ცეცხლის შემოსვლასთან დაკავშირებით, ახალციხის ციხის ტერიტორიაზე, ესტრადის მომღერლების მონაწილეობით, სპეციალური ღონისძიება იგეგმება. ევროპის ახალგაზრდული ოლიმპიური ფესტივალის „თბილისი 2015“-ის ფარგლბში,  ათენიდან საქართველოში შემოტანილი ცეცხლი, ახალციხისა და ადიგენის გარდა, ასპინძისა და ნინოწმინდის მუნიციპალიტეტებსაც მოივლის. ოლიმპიური ცეცხლი 26 მაისს საქართველოში, კერძოდ ბათუმში შემოვიდა და პირველ აგვისტომდე დარჩება.

ახალციხე  ოლიმპიური ცეცხლის მისაღებად ემზადება. ევროპის ახალგაზრდული ოლიმპიური ფესტივალის „თბილისი 2015“-ის ფარგლბში,  ათენიდან საქართველოში შემოტანილი ცეცხლი სამცხე-ჯავახეთში 29 მაისს ჩამოვა.

ახალციხეში ქალთა შორის  ფრენბურთის ტურნირში ფინალური შეხვედრა ჩატარდა. ბოლო თამაში მერიისა და მე–3 საჯარო სკოლის გუნდებს შორის შედგა, სადაც გამარჯვება მერიის  გუნდმა, ანგარიშით 2:0 მოიპოვა. სპორტულ ღონისძიებაში მონაწილეობა საჯარო და კერძო სკოლების, ასევე მერიისა და  გუბერნიის გუნდებმა მიიღეს.

2015 წლის 19 მაისს ადიგენის მუნიციპალიტეტის სოფელ ზანავის მკვიდრი, „იმედის გმირი“ მინდია შაინიძე ახალციხის მუნიციპალიტეტის სოფელ მუსხის საჯარო სკოლას ესტუმრა. ახალგაზრდა სპორტსმენს ზველის, ფერსისა და მუსხის საჯარო სკოლების  სამოქალაქო განათლების პროგრამის „მომავლის თაობა“ მონაწილე კლუბის წევრებმა უმასპინძლეს. „კლუბის წევრებს ვესაუბრე ზოგადად სპორტის მნიშვნელობაზე ახალგაზრდების ცხოვრებაში, ჯანსაღი ცხოვრების წესისკენ მოვუწოდე  და საკუთარ შეხედულებები გავაცნი ჯანსაღი ცხოვრების წესის დამკვიდრებაში.“ – აღნიშნა მინდია შაინიძემ.  ახალგზრდა სპორტსმენმა სამოქალაქო კლუბების წევრებისათვის თავისუფალი ჭიდაობის ილეთების ჩვენება მოაწყო. მან აღნიშნულისთვის თავისი პატარა მოსწავლეები ჩამოიყვანა. დღის ბოლოს, შეხვედრის შეჯამებისას,  ცხოვრების ჯანსაღი წესის პოპულარიზაციის მიზნით, სამომავლო ღონისძიებები დაიგეგმა. სამოქალაქო კლუბის წევრები ახალციხის ახალგაზრდული ცენტრის დახმარებით, ქალაქის სასპორტო სკოლაში გოგონათა შორის ფეხბურთს ჩაატარებენ.

მიმდინარე წლის 26 ივლისიდან 2 აგვისტოს ჩათვლით თბილისში მე-13-ე ევროპის ახალგაზრდული ოლიმპიური ფესტივალი გაიმართება. ფესტივალის განმავლობაში  თბილისს  49 ქვეყნის 3800 მონაწილე ესტუმრება, რომლებიც მონაწილეობას  სპორტის 9 სახეობაში მიიღებენ. 26 მაისიდან  26 ივლისის განმავლობაში რეგიონებში ოლიმპიური ჩირაღდნის ესტაფეტა მოეწყობა. ოლიმპიური ცეცლხი საბერძნეთის დედაქალაქ ათენიდან საქართველოში,  ქ. ბათუმში  26 მაისს, 20:00 საათზე შემოვა. ესტაფეტაში მონაწილეობას  700 მეჩირაღდნე მიიღებს. ოლიმპიური ჩირაღდანი საქართველოს მოივლის, ჩავა 67 ქალაქსა და რაიონულ ცენტრში, სადაც ადგილობრივი ხელისუფლების მხარდაჭერით ოლიმპიური ცეცხლის დახვედრის ცერემონიალი გაიმართება. ჩირაღდანი საქართველოს ტერიტორიაზე  26 მაისიდან 1 აგვისტომდე დარჩება. ოლიმპიური ცეცხლი სამცხე-ჯავახეთის რეგიონში 29 მაისიდან იმოგზაურებს. 29-30 მაისს   საზეიმო მსვლელობა  მოეწყობა  ადიგენსა  და ახალციხეში, 31 მაისს ასპინძასა   და ახალქალაქში, ხოლო 1 ივნისს ნინოწმინდაში, საიდანაც 2 ივნისს ესტაფეტა წალკაში გაგრძელდება. 16 ივნისს კი ოლიმპიური ჩირაღდანი  ბორჯომის მუნიციპალიტეტსაც  მოივლის. ოლიმპიური ცეცხლის  ესტაფეტის აღსანიშნავად საზეიმო კონცერტები საქართველოს 6 ქალაქში გაიმართება: ბათუმში, ახალციხში, თელავში, ქუთაისში, ზუგდიდსა და მესტიაში. კონცერტებს ორგანიზებას „თბილისი 2015“-ის საორგანიზაციო კომიტეტი უწევს.

ახალციხელი კარატისტები საქართველოს  ჩემპიონატისთვის ემაზდებიან. 20 სპორტსმენი შეჯიბრში მონაწილეობის მისაღებად ბოლნისში გაემგზავრება. ისინი ქვეყნის მასშტაბით სხვადასხვა რეგიონებიდან ჩასულ თანატოლებს შეეჯიბრებიან. როგორც საქართველოს კარატე დო შიტორიოს, შიტოკაის ასოციაციის პრეზიდენტი სამცხე–ჯავახეთში, მამუკა ზუმბაძე აღნიშნავს, ჩემპიონატში დამწყები კარატისტები პირველად იასპარეზებენ,

რა? სად? როდის? , ფორტ ბოიარდი, ფლეშმობი, ესეებისა და პოსტერების კონკურსი – ეს იმ აქტივობების ჩამონათვალია, რომლებიც პროექტის ,,ევროკავშირის დღეების“ ფარგლებში ჩატარდება. ღონისძიებები ერთი თვის განმავლობაში ახალციხის მერიისა და სამცხე–ჯავახეთის სახელმწიფო უნივერსიტეტის მხადაჭერით გაიმართება. პროექტის მიზანი ახალგაზრდების ინფორმირება და საზოგადოებაში ევროკავშირზე არსებული მცდარი შეხედულებების დამსხვრევაა.

ახალციხის მოტოკლუბმა „რაიდერს დრიმმა“  2015 წლის საზაფხულო სეზონი გახსნა. ბაიკერებმა  ქალაქში მოტოციკლებითა და კვადროციკლებით მსვლელობა და საჩვენებელი რბოლა მოაწყეს. ეს პირველი  შემთხვევაა, როდესაც მოტომოყვარულებმა სეზონი მსგავსი მასშტაბური ღონისძიებით გახსნეს. 30–მდე მოტომოყვარული დილიდან ახალციხის ციხის მიმდებარე ტერიტორიაზე შეიკრიბა, საიდანაც  ექსტრემალებმა სტარტი აიღეს. ბაიკერებმა სპორტის ამ სახეობის პოპულარიზაციის მიზნით ქალაქის ქუჩებში მსვლელობა მოაწყეს.

8 სპორტსმენმა შიტოკაი კარატე დოსა და მსოფლიო კარატე დოს წესების მიხედვით იასპარეზა.  მონაწილეები ორი მეორე და ექვსი მესამე ადგილით დაბრუნდნენ. ისინი მოწინააღმდეგეებს, როგორც ინდივიდუალირად, ასევე ჯგუფურად დაუპირისპირდნენ. VKF-ის წესებით,  რიგით მე–6 მსოფლიო ჩემპიონატი თბილისში გაიმართა. მასში მონაწილეობა ევროპის, ამერიკისა და აფრიკის 54–მა ქვეყანამ მიიღო. საქართველოდან, როგორც მასპინძელი  მხრიდან ყველაზე ბევრმა, 800–მა  სპორტსმენმა იასპარეზა. როგორც კარატისტების მწვრთნელი ზაზა ნათენაძე განმარტავს, მოსწავლეებმა მნიშვნელოვან წარმატებას მიაღწიეს. მომავალში კი ისინი კიდევ ერთი ჩემპიონატისთვის ემზადებიან, რომელიც სავარაუდოდ ბაქოში გაიმართება.

ახალციხეში როინ სუდაძის სახელობის ტურნირი დასრულდა.  მინიფეხბურთში შეჯიბრი ორ ეტაპად ჩატარდა. პირველი ეტაპი მეექვსე– მეშვიდე კლასებს შორის გაიმართა, მეორე ეტაპში კი მონაწილეობა მერვე–მეცხრე კლასის მოსწავლეებმა მიიღეს. პირველობა ორივე კატეგორიაში პირველი საჯარო სკოლის გუნდებმა  მოიპოვეს. მეორე ადგილი აიღეს მეხუთე საჯარო სკოლის მოსწავლეებმა მერვე–მეცხრე კლასებს შორის, ხოლო მეექვსე– მეშვიდე კლასებს შორის მესამე სკოლამ გაიმარჯვა.

ახალციხეში, მიხეილ იაძის სახელობის სტადიონზე კროსის ღია ჩემპიონატი ჩატარდა. ტურნირში, ქვეყნის მაშტაბით ხუთი ქალაქის, 60–მდე სპროტსმენი მონაწილეობდა. გამარჯვებულები 6 ასაკობრივ კატეგორიაში გამოვლინდნენ. „ახალციხის 2015 წლის საგაზაფხულო ღია პირველობა კროსში“ მონაწილეობა ახალციხის, ვანის, ბათუმის,ბორჯომის და თბილისის გუნდებმა მიიღეს. საპრიზო ადგილებზე გასული მონაწილეები. ახალციხის სასპორტო სკოლამ სიგელებითა და მედლებით დააჯილდოვა.

ახალციხის მუნიციპალიტეტში, სასკოლო ოლიმპიადა მხიარული სტარტების ფინალით დასრულდა. დახურვის ცერემონიას,  საქართველოს სპორტისა და ახალგაზრდობის საქმეთა მინისტრი დაესწრო. ლევან ყიფიანმა  საპრიზო ადგილზე გასულ გუნდებს   თასები, მედლები და სიგელები გადასცა. ახალციხის მუნიციპალიტეტში, სასკოლო ოლიმპიადა მხიარული სტარტების ფინალით დასრულდა. სპეციალურად ამ დღისათვის,  ქალაქში,  საქართველოს სპორტისა და ახალგაზრდობის საქმეთა მინისტრი ჩამოვიდა.

დღეს ახალციხეში სასკოლო ოლიმპიადის ფარგლებში მძლეოსნობაში ტურნირი მოეწყო. მასში ახალციხის მუნიციპალიტეტის მასშტაბით 14 გუნდი ჩაერთო. ფინალში ქალაქის პირველი, მეორე და ვალის მეორე საჯარო სკოლები გავიდნენ. საბოლოოდ გამარჯვება პირველ საჯარო სკოლას ხვდა წილად.

ახალციხეში სპორტისა და ახალგაზრდობის საქმეთა მინისტრს ელოდებიან. 23 აპრილს, 13:00 საათზე, ლევან ყიფიანი სასკოლო სპორტული ოლიმპიადის ფარგლებში მიმდინარე მხიარული სტარტების რეგიონულ ფინალს დაესწრება.  უწყების პირველი პირი ახალციხის სკოლებს შორის გამართული სპორტული შეჯიბრებების გამარჯვებულებს დააჯილდოვებს. დაჯილდოების შემდეგ, მინისტრი ახალციხის სპორტულ სკოლას ტაეკვონდოს, ძიუდოს და ფეხბურთის სექციებისათვის სპორტულ ინვენტარს გადასცემს. შეგახსენებთ, რომ სასკოლო ოლიმპიადა სპორტისა და განათლების სამინისტროების ორგანიზებით იმართება. მის ფარგლებში სპორტის სხვადასხვა სახეობებში შეჯიბრებები ახალციხეში 30 მარტს დაიწყო. სასკოლო სპორტული ოლიმპიადის გენერალური სპონსორია კომპანია „IDS ბორჯომი”. სასკოლო სპორტული ოლიმპიადა 2015-ის საინფორმაციო მხარდამჭერები არიან: ახალციხის ტელეკომპანია „მეცხრე არხი” „ინფო 9″ და საქართველოს რეგიონულ მაუწყებელთა ასოციაცია (GARBI).

სასკოლო ოლიმპიადის, “მხიარულ სტატების” ფიანლისტების ვინაობა  ცნობილია. მუნიციპალიტეტის პირველობისათვის ახალციხის პირველი, მეხუთე,  მუსხისა და ფერსის საჯარო სკოლები იბრძოლებენ. “მხიარული სტარტებში” მონაწილეთა ასაკი შეზღუდულია. თამაშში   მონაწილეობას 2001 – 2004 წლებში დაბადებული მოსწავლეები იღებენ. ფინალური შეხვედრა 23 აპრილს გაიმართება და მასში მოსწავლეებთან ერთად მწვრთნელებიც ჩაერთვებიან.  პირველ ადგილზე გასული გუნდი ანაკლიაში  ეროვნულ ტურნირზე  გაემგზავრება.  რესპუბლიკის მასშტაბით გამარჯვებულები კი   2016 წლის სასკოლო  მსოფლიო ჩემპიონატში ჩაერთვებიან.