ახალციხეში ტრადიციული საშობაო ალილო მოეწყო. მსვლელობა მაცხოვრის ამაღლების სახელობის ტაძრიდან, დღის პირველი საათზე დაიწყო. ახალციხისა და ტაო–კლარჯეთის მიტროპოლიტმა ეკლესიაში ალილოს მონაწილეები დალოცა და მრევლს შობა მიულოცა. „დღეს საოცარი დღეა, რადგან მაცხოვარი იშვა ბეთლემში და თითოეული ჩვენთაგანის გულებში“–აღნიშნა მეუფე თეოდორემ. მგალობლებთან, სტიქაროსნებთან და მრევლთან ერთად, ახალციხის წმინდა მარინეს, მაცხოვრის ამაღლებისა და  ივლიტის ღვთისმშობლის შობის სახელობის  ტაძრის მღდველმსახურებმა, უფლის შობის დღეს ქალაქი მოილოცეს.

ახალციხეში ტრადიციული საშობაო ალილო მოეწყო. მსვლელობა მაცხოვრის ამაღლების სახელობის ტაძრიდან, დღის პირველი საათზე დაიწყო. ახალციხისა და ტაო–კლარჯეთის მიტროპოლიტმა ეკლესიაში ალილოს მონაწილეები დალოცა და მრევლს შობა მიულოცა. „დღეს საოცარი დღეა, რადგან მაცხოვარი იშვა ბეთლემში და თითოეული ჩვენთაგანის გულებში“–აღნიშნა მეუფე თეოდორემ.

მგალობლებთან, სტიქაროსნებთან და მრევლთან ერთად, ახალციხის წმინდა მარინეს, მაცხოვრის ამაღლებისა და  ივლიტის ღვთისმშობლის შობის სახელობის  ტაძრის მღდველმსახურებმა, უფლის შობის დღეს ქალაქი მოილოცეს. ალილოს მონაწილეებმა თითქმის ყველა ცენტრალური ქუჩა მოიარეს და რეგიონის ბავშვთა სახლების  აღსაზრდელებისათვის საშობაო ნობათი შეაგროვეს. ალილო ახალციხეში, ივლიტის ღვთისმშობლის შობის სახელობის ტაძრის წინამძღვრის, დეკანოზ იოანეს ორგანიზებით უკვე მეათე წელია ეწყობა.

 

ალილოს მსვლელობის ერთ–ერთი მნიშვნელოვანი მონაწილე თოვლის ბაბუაა. იგი ღონისძიებას  დილიდან შეუერთდა,  ბავშვთა სახლების აღსაზრდელებისათვის ნობათი შეაგროვა და ადგილობრივებს სანთლები და ხატები დაურიგა. თოვლის ბაბუამ შობის ლექსად მილოცვა, არც „მეცხრე არხის“ მაყურებლისათვის დაიშურა.

საქართველოში ალილოს ტრადიცია სათავეს V-VI საუკუნიდან იღებს.იგი მხოლოდ ერთხელ, ქვეყნის გასაბჭოების შემდეგ დაირღვა. 1990–იან წლებში ტრადიცია, საქართველოს კათოლიკოს პატრიარქმა ილია მეორემ აღადგინა. მორწმუნეები ალილოს ყოველწელს სადღესასწაულო ლიტურგიის შემდეგ ზეიმობენ.