ადიგენში ზარზმობის დღესასწაულს ზეიმობენ. ზარზმის  ღვთისმშობლის მიძინების სახელობის ეკლესიაში საზეიმო წირვა–ლოცვა წმინდა სინოდის სამმა წევრმა  ახალციხისა და ტაო–კლარჯეთის, ბორჯომისა და ბაკურიანის და ახალქალაქისა და კუმურდოს მიტროპოლიტებმა აღავლინეს. ტაძრის მიმდებარე  ტერიტორიაზე იგეგმება კულტურული ღონისძიებებიც. მასში მონაწილეობას ადგილობრივი ქორეოგრაფიული და სიმღერის ანსამბლები და ინდივიდუალური  შემსრულებლები მიიღებენ.  ასევე, გაიმართება ხალხური რეწვის ოსტატთა ნამუშევრების გამოფენა–გაყიდვა. ღონისძიებაზე მიწვეულნი არიან პირველი პირები, როგორც ცენტრალური უწყებებიდან, ასევე, სამხარეო ადმინისტრაციიდან და რეგიონის მუნიციპალიტეტებიდან. “ზარზმობა” სახალხო-რელიგიური დღესასწაულია, რომელიც ყოველი წლის 11 ნოემბერს,  ცნობილი საეკლესიო მოღვაწის სერაპიონ ზარზმელის ხსენების დღეს, სოფელ ზარზმაში გრანდიოზულად აღინიშნება.

2 ნოემბერს,საქართველოს მთავრობის ადმინისტრაციაში, რელიგიის საკითხთა სახელმწიფო სააგენტოში გაიმართა „ადიგენის მუნიციპალიტეტის სოფელ მოხეში მდებარე კლუბის სტატუსით რიცხულ შენობასთან დაკავშირებით არსებული გარემოებების შემსწავლელი კომისიის“ სხდომა. კომისიის წევრებმა განიხილეს მიმდინარე ეტაპზე შექმნლი მდგომარეობა, გაცვალეს ინფორმაცია, როგორც მუსლიმ, ასევე მართლმადიდებელ თემში წამოჭრილი საკითხების ირგვლივ, ნოემბრის თვეში დაიგეგმა სააგენტოს თავმჯდომარის შეხვედრა მოხეს მუსლიმი თემის უხუცესებთან და ლიდერებთან ახალციხეში.

ქართულმა მართლმადიდებელმა ეკლესიამ გაბრიელ აღმსარებელისა და სალოსის ხსენების დღე აღნიშნა. ეს დღე იზეიმეს სოფელ წინუბანშიც, სადაც სადღესასწაულო ლიტურგია წმინდანის სახლეობის მშენებარე ტაძარში შესრულდა. ეკლესიის წინამძღვარი მამა ნიკოლოზი მრევლს წმინდა გაბრიელის ღვაწლის შესახებ ესაუბრა და უფალს რწმენაში გაძიერება სთხოვა. სადღესასწაულო წირვის დასრულების შემდეგ, მდინარეში საყოველთაო ნათლობა და განბანვის რიტუალი შესრულდა.

რაბათის წმინდა სავარდის სახელობის კათოლიკურ ტაძარში მორჩილმა სამონასტრო ცხოვრების აღთქმა დადო. ლაურა იორამაშვილი, დღეიდან უკვე და მარია–როზარია, წმინდა ბენედიქტეს მიმდიევარ მონაზონთა რიცხვს შეუერთდა. საზეიმო წირვაზე მან ქართველ კათოლიკეთა ეპისკოპოსისა და მრევლის წინაშე სიღარიბის, სისპეტაკისა და მორჩილების ფიცი დადო. ნიშნად იმისა, რომ დღეიდან ქრისტიანთა მაცხოვარი იესო ქრისტე მისთვის ყველაფერზე მნიშვნელოვანი იქნება, შავი მანდილი დაიფარა. სპეციალურად ამ დღისთვის რაბათში იტალიიდან ჩამოვიდნენ ბენედიქტელი მონაზვნები და მათი წინამძღვარი. აღთქმის დადების სადღესასწაულო წმინდა წირვა ლათინ კათოლიკეთა სამოციქულო ადმინისტრატორმა, მეუფე ჯუზეპე პაზოტომ აღავლინა. მან მორჩილს სიმტკიცისაკენ მოუწოდა და აღნიშა, რომ გადაწყვეტლოება მონაზნობის შესახებ ადამიანს განსაკუთრებულ მისიას ანიჭებს. და მარია–როზარიამ დროებითი სამონასტრო აღთქმა 3 წლის წინ, 7 ოქტომბერს რაბათის ტაძრის დღესასწაულზე დადო, დღეს კი მან ფიცი განაახლა.

7 ოქტომბერს, კათოლიკური სამყარო წმინდა სავარდის ღვთისმშობლის დღესასწაულს ზეიმობს. ეს დღე განსაკუთრებულად აღინიშნა რაბათის კათოლიკურ ტაძარში, რომელიც სამი წლის წინ სავარდის სახელობის ეკლესიად იკურთხა. მას შემდეგ, მორწმუნე კათოლიკეები ტაძრის მოსალოცად  ახალციხეში სხვადასხვა სამრევლოებიდან ჩამოდიან. საზეიმო წირვა სხვა ღვთისმსახურებთან ერთად, მესხეთის დეკანოზმა, მამა ზურაბ კაკაჩიშვილმა აღავლინა. მან  დღესასწაულის დაარსების შესახებ ისაუბრა და განმარტა, რომ სავარდზე იგივე კრიალოსანზე ლოცვას კათოლიკეთათვის განსაკუთრებული მნიშვნელობა აქვს.

მეუფე თეოდორე, სამცხე–ჯავახეთის სახელმწიფო უნივერსიტეტის პირველი საპატიო დოქტორი გახდა.  ახალციხისა და ტაო–კლარჯეთის მიტროპოლიტს, აღნშნული  წოდება  უმაღლესი საგანმანათლებლო დაწესებულების ადმინისტრაციამ მიანიჭა და სპეციალური სიგელი გადასცა. როგორც  რექტორმა, მერაბ ბერიძემ განმარტა, უნივერსიტეტს მეუფესთან 25 წლიანი თანამშრომლობა აკავშირებს, თუმცა, ამიერიდან მათი ურთიერთობა უფრო გახშირდება.

მართლმადიდებულრმა ეკლესიამ 21 სექტემბერს ღვთსმშობლის შობის დღესასწაული იზეიმა. საქართველოს ყველა მოქმედ ტაძარში სადღესასწაულო ლიტურგია აღესრულა. ივლიტის ღვთისმშობლის შობის სახელობის ეკლესიაში წირვა 11:00 საათზე დაიწყო, ტაძრის წინამძღვარმა მრევლს დღესასწაული მიულოცა და მის მნიშვნელობაზე იქადაგა. დღესვე საქართველოს კათოლიკოს პატრიარქმა ილია მეორემ ერს 12:00 საათზე ერთობლივი ლოცვის კურთხევა მისცა.

სოფელ სვირში წმინდა ნიკოლოზის სახელობის ტაძარი შენდება.  ბაზილიკური სტილის ერთნავიანი ეკლესიის საძირკველი ახალციხისა და ტაო-კლარჯეთის მიტროპოლიტმა  თეოდორემ აკურთხა. ტაძრის მშენობლობის დაწყებისთვის ძირითად თანხა წარმოშობით სვირელმა უშანგი დალალიშვილმა გაიღო. პროცესში წვლილი შეიტანეს ადგილობრივებმაც. ეკლესიის მშენებლობა სამომავლოდაც შემოწირულობებით გაგრძელდება.

მართლმადიდებელი სამყარო 28 აგვისტოს ღვთისმშობლის მიძინების დღესასწაულს აღნიშნავს.  მარიამობას ღამისთევის მსახურებით შეხვდნენ ახალციხის მაცხოვრის ამაღლების სახელობის ტაძარში. სადღესასწაულო წირვა ეკლესიის წინამძღვარმა   აღავლინა. მამა დავითმა მრევლს მარიამობის მნიშვნელობაზე უქადაგა. „ღვთისმშობელი განსაკუთრებული მეოხია ჩვენი ერისა და ჩვენი ეკლესიისა“ – აღნიშნა  წინამძღვარმა. მან მრევლს ყოვლადწმიდა ღვთისმშობლისა და უფლისადმი განსაკუთრებული რწმენისკენ მოუწოდა.

რელიგიის საკითხთა სახელმწიფო სააგენტოს თავმჯდომარე  ადიგენის მუნიციპალიტეტის სოფელ ნამინაურში იმყოფებოდა. ზაზა ვაშაყმაძე მოსახლეობასა და  გვარების უხუცესებს შეხვდა. შეხვედრის მიზანი მუსლიმი ქართველებით კომპაქტურად დასახლებულ სოფელში მათი პრობლემების გაცნობა და შეფასება იყო. ადიგენის მუნიციპალიტეტის მუფტმა მამუკა ვაშაყმაძემ რელიგიის სააგენტოს თავმჯდომარე საკუთარ ოჯახში, ვაშაყმაძეების გვარის უხუცესების შეხვედრაზე მიიპატიჟა. ადგილობრივების თქმით,  ამ ტიპის შეხვედრები საზოგადოების გაერთიანებას ხელს შეუწყობს. როგორც სოფელ ჭელის წინამძღვარი, ჯამბულ აბულაძე აცხადებს, ზაზა ვაშაყმაძემ, დასავლეთ საქართველოს მუფთმა და სამუფთოს წარმომადგენლებმა, რეგიონის მუფთთან ერთად შეხვედრა სოფელ ზარზმაშიც გამართეს, ასევე მოინახულეს სოფელ მოხეში არსებული  სადავო შენობა. წინამძღვარი განმარტავს, რომ ადგილობრივები არ იყვნენ ინფორმირებული და არც ის იციან თუ რა საკითხებზე ისაუბრეს მათ, მაგრამ ადასტურებენ, რომ  მუფთებისა და რელიგიის სააგენტოს ერთობლივი დაინტერესება ამ საკითხისადმი, იმედის მომცემია და  პრობლემების მოგავრებას ხელს შეუწყობს.

მართლმადიდებლური სამყარო 19 აგვისტოს ფერისცვალებას აღნიშნავს. დღეს, როდესაც ქრისტიანული სწავლების მიხედვით, თაბორის მთაზე, იესო ქრისტემ სამი მოწაფის – პეტრეს, იაკობისა და იოანეს წინაშე ფერი იცვალა და თავისი ღვთაებრივი დიდებულება აჩვენა. დღესასწაულთან დაკავშირებით, რაბათის წმინდა მარინეს სახელობის ტაძარში საზეიმო წირვა–ლოცვა აღევლინა. მღვდელმსახურმა მამა გიორგი ქურდაძემ მრევლს დღესასწაულის მნიშვნელობის შესახებ უქადაგა. წმინდა სახარების მიხედვით, მაცხოვარს ზეციური დიდებით მოსილი მოსე და ელია წინასწარმეტყველი გამოეცხადნენ. ისინი უფალთან იმ ვნებისა და ტანჯვის შესახებ საუბრობდნენ, რაც მას იერუსალიმში ელოდა. მოციქულებს შემდეგ თავს ელვარე ღრუბელი დაადგა, საიდანაც ღვთის ხმა ამბობდა: „ესე არს ძე ჩემი საყუარელი, რომელი მე სათნო ვიყავ. მაგისი ისმინეთ.“

მართლმადიდებლური სამყარო 30 ივლისს წმინდა მარინეს ხსენების დღეს აღნიშნავს. დღესასწაული განსაკუთრებულად იზეიმეს რაბათის წმინდანის სახელობის ტაძარში, სადაც  წირვა–ლოცვა ახალციხისა და ტაო–კლარჯეთის მიტროპოლიტმა სასულიერო პირებთან ერთად აღავლინა.წმინდა დიდმოწამე მარინე ანტიოქიაში წარმართი ქურუმის ოჯახში დაიბადა. დედით დაობლებულის ზრუნვა მამამ  ძიძას მიანდო, რომელმაც იგი ქრისტიანული ერთგულებით აღზარდა.

მართლმადიდებლური სამყარო 28 ივლისს წმინდა ივლიტასა და კვირიკეს ხსენების  დღეს აღნიშნავს. დღესასწაული განსაკუთრებულად იზეიმეს ახალციხის მუნიციპალიტეტში.  ივლიტის ღვთისმშობლის შობის სახელობის ტაძარის ეზოში ახალციხისა და ტაო–კლარჯეთის მიტროპოლიტს ჯარისკაცები დროშებით შეხვდნენ, რის შემდეგაც მეუფე თეოდორემ მღვდელმსახურებთან ერთად,  სადღესასწაულო ლიტურგია შეასრულა. მორწმუნეები აღნიშნავენ, რომ ეს დღე განსაკუთრებულია სოფელი ივლიტისთვის. საეკლსიო დღესასწაულს რეგიონისა და ახალციხის ორივე მუნიციპალიტეტის პირველი პირები დაესწრნენ. წმიდა მოწამენი ივლიტა და კვირიკე მცირე აზიაში ცხოვრობდნენ. დიდებული გვარის ჩამომავალი ივლიტა ქრისტიანი იყო. იგი ადრე დაქვრივდა და ერთადერთ ძეს – ჩვილ კვირიკეს კეთილმსახურებით ზრდიდა. როდესაც  იმპერატორმა დიოკლეტიანემ მართლმორწმუნეთა დევნა დაიწყო, წმიდა ივლიტა ახლობლებთან და შვილთან ერთად სელევკიაში გაიხიზნა. ის მდაბიოთა და გლახაკთა შორის ცხოვრობდა.

სომხურმა სამოციქულო ეკლესიამ დღეს ფერისცვალება ანუ  ვართავარის დღესასწაული აღნიშნა. იგი გრიგოლ განმანათლებლის სახელობის სომხური სამოციქულო ტაძარის ეზოში წუწაობის რიტუალით დაიწყო, რის შემდეგაც მორწმუნეებისათვის წირვა აღევლინა. წირვის დასრულების შემდეგ ახალციხის სომხურ სამოციქულო ეკლესიის ეზოში, ტაძრის წიონამძღვარმა წყლი აკურთხა. დღესასწაულთან დაკავშირებით  ახალგაზრდებმა  ღონბიძიება გამართეს. ვართავარის ანუ ფერისცვალების დღესასწაულს საფუძვლად სახარებისეული ეპიზოდი დაედო. რომლის მიხედვითაც, იესო ქრისტე თავის სამ მოციქულთან ერთად, თაბორის მთაზე ავიდა და ფერი იცვალა. წყლის შესხმით მორწმუნეები ერთმანეთს ჯანმრთელობასა და წარმატებას უსურვებენ, წყალი ამავდროულად საღვთო მადლს აღნიშნავს.

მართლმადიდებელი სამყარო დღეს პეტრე-პავლობას, აღნიშნავს. ამასთან დაკავშირებით ტაძრებში წირვა-ლოცვა შესრულდა. ღამის თევა და სადღესასწაულო ლიტურგია შესრულდა ახალციხეში მოქმედ ტაძრებში. პეტრე-პავლობის დღესასწაულს წინ ოთხკვირიანი პეტრე-პავლობის მარხვა უძღოდა. იგი 16 ივნისს დაიწყო და დღეს საზეიმო ლიტურგიის შემდეგ დასრულდა. ქრისტეს მოწაფეთა – მოციქულთა შორის მართლმადიდებელი ეკლესია განსაკუთრებულ პატივს წმინდა პეტრე და წმინდა პავლე მოციქულებს მიაგებს. მათ თავმოციქულები ეწოდებათ.

მართლმადიდებელი სამყარო დღეს პეტრე-პავლობას, წმიდათა დიდებულთა და ყოვლადქებულთა თავთა მოციქულთა პეტრეს და პავლეს ხსენების დღეს აღნიშნავს. ამასთან დაკავშირებით ტაძრებში წირვა-ლოცვა შესრულდა. პეტრე-პავლობის დღესასწაულს წინ ოთხკვირიანი მარხვა უძღოდა. იგი 16 ივნისს დაიწყო და დღეს საზეიმო ლიტურგიის შემდეგ დასრულდა. ქრისტეს მოციქულთა შორის, მართლმადიდებელი ეკლესია განსაკუთრებულ პატივს წმინდა პეტრე და წმინდა პავლე მოციქულებს მიაგებს. მათ თავმოციქულები ეწოდებათ. წმინდა მოციქული პეტრე წმინდა მოციქულ ანდრია პირველწოდებულის უფროსი ძმა იყო. უფლის ხმობამდე ისინი გალილეის ტბასთან მდებარე პატარა ქალაქ ბეთსაიდის მეთევზეები იყვნენ. პეტრეს სახელად ადრე სვიმონი ეწოდებოდა. მისი რწმენის გამო უფალმა მას პეტრე უწოდა, რაც კლდეს ნიშნავს. წმინდა პეტრე მოციქული ჯვარზე აღესრულა. მისი სურვილით იგი თავდაყირა დაკიდეს, რათა ჯვარზე ისე არ ყოფილიყო გაკრული, როგორც ქრისტე. წმინდა მოციქული პავლე წარმოშობით ბენიამენიდან იყო. მოციქულებრივ მსახურებამდე მას სავლე ერქვა. იგი მღვდელმთავართა დავალებით მართლმადიდებლებს სდევნიდა. ღვთის განგებით იგი უეცრად დროებით დაბრმავდა, რა დროსაც ღმერთმა მას თავისკენ მოუწოდა. წმინდა მოციქულმა სიცოცხლე თავისკვეთით დაასრულა. წმინდა თავთა მოციქულთა პეტრესა და პავლეს სახელზე, პირველი ტაძრები რომსა და კონსტანტინეპოლში IV საუკუნეში წმინდა მოციქულთასწორმა კონსტანტინე დიდმა აღმართა.

რელიგიის საკითხთა სახელმწიფო სააგენტოში, მოხის სადავო შენობის თაობაზე, ამჯერად, მხოლოდ მართლმადიდებლებს მოუსმინეს. სააგენტოს ინფორმაციით,  შეხვედრაზე ადიგენის მუნიციპალიტეტის სოფელ მოხეში მდებარე სადაო შენობის ირგვლივ არსებული პრობლემები და მათი მოწესრიგების გზები განიხილეს. შეხვედრას  3 ივლისს, საქართველოს მთავრობის კანცელარიაში გაიმართა. ელიგიის საკითხთა სახელმწიფო სააგენტოს თავმჯდომარე ზაზა ვაშაყმაძე, საგენტოს საინფორმაციო ანალიტიკური სამსახურის უფროსი გელა კვარაცხელია, სამართლებრივი უზრუნველყოფის სამსახურის უფროსი არჩილ მეტრეველი და ადმინისტრაციული სამსახურის უფროსი მალხაზ აფციაური, საქართველოს კათოლიკოს-პატრიარქის ქორეპისკოპოსს, ახალციხისა და ტაო-კლარჯეთის მიტროპოლიტ თეოდორეს (ჭუაძე), ზარზმის მონასტრის წინამძღვარ არქიმანდრიტ ნიკოლოზს (გეწაძე) და ადიგენის მართლმადიდებელი მოსახლეობის წარმომადგენლებს შეხვდნენ. აღნიშნულ შეხვედრას მოხის მკვიდრი ნათია რეხვიაშვილიც დაესწრო. მისი თქმით, საუბარი, მხოლოდ სოფელში არსებულ მდგომარეობას და პრობლემის მოგვარების გზებს შეეხო.

შალვა ახალციხელის ხსენების დღე, ადგილობრივმა მორწმუნეებმა, განსაკუთრებულად აღნიშნეს.  წმინდანის სახელობის ეკლესიაში საზეიმო წირვა-ლოცვას ოთხი ეპარქიის წინამძღვარი დაესწრო. ახალციხისა და ტაო-კლარჯეთის მიტროპოლიტმა  მრევლს მიმართა და დღესასწაულის მნიშვნელობა განმარტა. ახალციხეში შალვა ახალციხელის ხსენების დღე  იზეიმეს. საღვთო ლიტურგია წმინდანის სახელობის ეკლესიაში,  09:00 საათზე დაიწყო.

სოფელ უდეში, ანთიმოზ ივერიელის ხსენების დღე  აღნიშნეს.  ღვთისმშობლის მიძინების სახელობის ტაძარში სადღესასწაულო ლიტურგია ახალციხისა და ტაო–კლარჯეთის მიტროპოლიტმა აღავლინა.  დღესასწაულთან დაკავშირებით, სოფლის ცენტრში ღონისძიება მოეწყო. ადიგენის მუნიციპალიტეტის სოფელ უდეში, წმინდა ანთიმოზ ივერიელის ხსენების დღე იზეიმეს.

სოფელ უდეში, ანთიმოზ ივერიელის ხსენების დღეს აღნიშნავენ. ღვთისმშობლის მიძინების სახელობის ტაძარში სადღესასწაულო ლიტურგია ახალციხისა და ტაო–კლარჯეთის მიტროპოლიტმა თეოდორემ უკვე აღავლინა. ამ დღესთან დაკავშირებით, სოფელ უდის ცენტრში ადგილობრივი  სიმღერისა და ცეკვის ქორეოგრაფიული ანსამბლების კონცერტი, სპორტული აქტივობები და ხელოვნების ოსტატთა ნამუშევრების გამოფენა-გაყიდვა მიმდინარეობს.  ასევე, გამოფენილია მესხური ტრადიციული კერძებიც. სოფელ უდეში ანთიმოზ ივერიელის ხსენების დღე, რუმენითის საელჩოს ინიციატივით უკვე მეათე წელია აღინიშნება. სწორედ რუმინეთში მოძიებული ცნობებთ დადგინდა, რომ ანთიმოზ ივერიელი სოფელ უდის მკვიდრი იყო. საქართველოდან გატაცებული და კონსტანტინეპოლს  მონად გაყიდული ანთიმოზი ვლახეთში მოხვდა, რომელიც მისთვის მეორე სამშობლოდ იქცა. იქ ანთიმოზ ივერიელმა მრავალმხრივი მოღვაწეობა დაიწყო, მისი როგორც  მესტამბის ნაბიჯები ბუქარესტის სტამბასთანაა დაკავშირებული, სადაც მან 1691 წელს პირველი წიგნი დაბეჭდა. სასტამბო საქმიანობასთან ერთად, ანთიმოზ ივერიელს, რუმინული სალიტერატურო ენის განვითარების საკითხშიც დიდი წვლილი მიუძღვის. ამავე საქმეს ემსახურებოდა მისი მოთხოვნა მღვდელმსახურება რუმინულ ენაზე აღსრულებულიყო. ანთიმოზ ივერიელის ღვაწლი დიდია ქართული სტამბის დაარსებაშიც. ანთიმოზი როგორც პოლიტიკური მოღვაწე, რუმინეთის დამოუკიდებლობისათვის იბრძოდა, ხალხს ოსმალეთის წინააღმდეგ საბრძოლველად მოუწოდებდა, რადიკალურმა კურსმა მთავართან დააპირისპირა, რასაც წმინდანისთვის სასულიერო ღირსების აყრა მოჰყვა. სინას მთისკენ მიმავალი თურქმა ჯარისკაცებმა გზაში მოკლეს და მისი წმინდა ნაწილები მდინარეში გადაყარეს. 1992 წელს  რუმინეთის ეკლესიამ ანთიმოზ ივერიელი წმინდანად შერაცხა და მისი ხსენების დღედ 27 სექტემბერი, წმინდანის გარდაცვალების დღე დააწესა. ქართული ეკლესია კი მის ხსენებას 26 ივნისს აღნიშნავს.