ვაჩიანში მომხდარ მკვლელობასთან დაკავშირებით, ახალი დეტალები ვრცელდება. სააგენტო “JNEWS “–ის ინფორმაციით,  მკვლელობაში  ბრალდებული სამი პიროვნება დააკავეს. 

ახალციხის ერთ–ერთ სასტუმროში თურქეთის მოქალაქე გარდაიცვალა. 71 წლის მამაკაცის გარდაცვალების მიზეზი,  სავარაუდოდ, გულის შეტევა გახდა.

სოფელ ვაჩიანში დედისა და შვილების გარდაცვალების ფაქტზე, გამოძიება განზრახ მკვლელობის მუხლით დაიწყო. ამ დროისათვის დაკავებული არავინ არის. 

ახალქალაქის სოფელ ვაჩიანში 37 წლის ქალი და მისი სამი შვილი გარდაცვლილები ნახეს. წინასწარი ინფორმაციით, დედასა და გოგონებს ბლაგვი საგნით სასიკვდილო ჭრილობები აქვთ მიყენებული. უმცროსი, 5 წლის ბიჭი კი გაგუდულია.

ბორჯომის მუნიციპალიტეტის საკრებულოს დეპუტატი ადგილობრივ მაღალჩინოსნებს უჩივის. გიორგი გიუაშვილმა მათ წინააღმდეგ ჩვენება დღეს, 4 ივლისს მისცა.

      33 წლის ნინო თეთვაძის გარდაცვალებაში ოჯახი ბორჯომის სამედიცინო ცენტრის მეან–გინეკოლოგს, ირინა საბაშვილს ადანაშაულებს. 

29 ივნისს, ბორჯომის მუნიციპალიტეტის დაბა ახალდაბაში ცოლმა ქმარი ცივი იარაღით დაჭრა. მკვლელობის მცდელობის სავარაუდო მიზეზად, ოჯახური კონფლიქტი სახელდება.

24 ივნისს, თბილისში, სანაპიროზე მომხდარ შემთხვევას, 27 წლის თორნიკე სუხიაშვილი ემსხვერპლა. იგი მოტოციკლით გადაადგილდებოდა, რა დროსაც მსუბუქ ავტომობილს შეეჯახა და ადგილზე დაიღუპა. შემთხვევა გამთენიისას მოხდა. არსებობს ვერსია, რომ მოტოციკლს პოლიცია აედევნა, რის შემდეგაც ავარია მოხდა. თუმცა შინაგან საქმეთა სამინისტროში ამ ფაქტს არ ადასტურებენ და აცხადებენ, რომ დევნის ოპერაციას ადგილი არ ჰქონდა პოლიციის ეკიპაჟების მიერ. უწყებაში აღნიშნავენ, რომ საპატრულო პოლიცია დიდი სიჩქარით მიმავალი მოტოციკლის შეჩერებას შეეცადა. მომხდარზე გამოძიება საქართველოს სსკ-ის 276-ე მუხლის მე-5 ნაწილით დაიწყო, რაც ტრანსპორტის მოძრაობის უსაფრთხოების, ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.

 23 ივნისს 18:00 საათზე, დარიალის ხეობაში სტიქიური პროცესების გააქტიურების გამო, მცხეთა–სტეფანწმინდა–ლარსის საავტომობილო გზის  კმ 134-კმ 135  მონაკვეთზე,  ყველა სახის ავტოტრანსპორტის მოძრაობა აიკრძალა. საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, ლარსის გამშვები პუნქტიდან და მიმდებარე ტერიტორიიდან განხორციელდა ევაკუაცია. ძლიერი წვიმების შედეგად, დევდორაკის ხეობიდან მოვარდნილმა ღვარცოფმა თერგის კალაპოტი გადაკეტა, რის შედეგადაც მდინარემ  მიმართულება შეიცვალა და მოვარდნილმა წყალმა  მცხეთა–სტეფანწმინდა–ლარსის საავტომობილო გზის დაახლოებით 800 მეტრიანი მონაკვეთი წაიღო. ადგილზე საქართველოს რეგიონული განვითარებისა და ინფარსტრუქტურის სამინისტროს საავტომობილო გზების დეპარტამენტის შესაბამისი სამსახურები იმყოფებიან. სტიქიის ზონაში ამ დროისთვის, დაზიანებული ადგილების შესწავლა-შეფასება და შესაბამისი ტექნიკის მობილიზაცია მიმდინარეობს. ხეობაში მუშაობს გარემოს ეროვნული სააგენტოს მონიტორინგის ჯგუფი. გზის აღდგენითი სამუშაოები გარემოს ეროვნული სააგენტოს მხრიდან სამუშაოების დაწყებაზე ნებართვის მიღებისთანავე დაიწყება.  

სამცხე–ჯავახეთის საპატრულო პოლიციას ახალი უფროსი ჰყავს. შსს–ს ინფორმაციით, ნიკოლოზ გელაშვილის წარდგენა 23 ივნისს მოხდა. მან სტრუქტურის ძველი ხელმძღვანელი გიორგი ნასყიდაშვილი ჩაანაცვლა. სამცხე–ჯავახეთის საპატრულო პოლიციის ახალი უფროსი, მანამდე მცხეთა–მთიანეთის უწყებაში მუშაობდა. რაც შეეხება გიორგი ნასყიდაშვილს, იგი  სამცხე–ჯავახეთის საპატრულო პოლიციას 2015 წლის ოქტომბრის თვიდან ხელმძღვანელობდა. თიკო კურტანიძე

შსს–ს სამცხე–ჯავახეთის პოლიციის დეპარტამენტის ასპინძისა და ნინოწმინდის რაიონულ სამმართველოებს ახალი ხელმძღვანელები ჰყავს. ასპინძის პოლიციის რაიონული სამმართველოს უფროსად გიორგი კიკალიშვილი დაინიშნა, რომელიც მანამდე ნინოწმინდის პოლიციის სამამრთველოს ხელმძღვანელობდა. შესაბამისად, ცვლილება განხორციელდა ნინოწმინდაშიც, სადაც პოლიციის რაიონული სამმართველოს უფროსი გიორგი იოსებიძე გახდა. შინაგან საქმეთა სამინისტროს ინფორმაციით, ხელმძღვანელების შეცვლა, საკადრო ცვლილებების ფარგლებში მოხდა. შსს–ს ცნობით, სამცხე–ჯავახეთის დანარჩენ ოთხ მუნიციპალიტეტში ცვლილება არ მომხდარა. თიკო კურტანიძე

      შსს–მ ლევან გოგოლაძის გარდაცვალების საქმეზე ბრალდებული რ.ხ. დააკავა. უწყების საზოგადოებასთან ურთიერთობის სამსახურში ამბობენ, რომ დღეს, 23 ივნისს სამცხე–ჯავახეთში დააკავეს მძღოლი, რომელიც 20 წლის ახალგაზრდა მამაკაცს დაეჯახა. შემთხვევა პირველ მაისს მოხდა. საქმეს ადიგენის რაიონული სამმართველო, სსკ-ის 276-ე მუხლის მე–5 ნაწილით იძიებდა. აღნიშნული ტრანსპორტის მოძრაობის უსაფრთხოების წესის დარღვევას გულისხმობს, რამაც გამოიწვია ადამიანის სიცოცხლის მოსპობა. თუმცა საქმე გადაკვალიფიცირდა

ადიგენის მუნიციპალიტეტის გამგეობამ, სიმონ პარუნაშვილის, რატი ტატალაშვიილსა და ჯემალ იაკობაძის საქმეზე, თბილისის სააპელაციო სასამართლოს გადაწყვეტილება გაასაჩივრა. თვითმმართველობამ, უზენაეს სასამართლოს 20 ივნისს მიმართა. ადიგენის გამგეობა ყოფილი თანამშრომლებისთვის განაცდურის ანაზღაურებას არ აპირებს. შეგახსენებთ, რომ ადიგენის ყოფილი გამგებელი სიმონ პარუნაშვილი, მისი მოადგილე რატი ტატალაშვილი და ადიგენის გამგეობის საფინანსო სამსახურის უფროსი ჯემალ იაკობაძე ახალციხის რაიონულმა სასამართლომ, თბილისის სააპელაციო და უზენაესმა სასამართლოებმა, უდანაშაულოდ ცნო. გამართლებულებმა განაცდურის ანაზღაურება მოითხოვეს, რაზეც ადიგენის თვითმმართველოისგან უარი მიიღეს. გასაჩივრების შემდეგ, ახალციხის რაიონულმა სასამართლომ პარუნაშვილი–ტატალაშვილი–იაკობიძის მოთხოვნა დააკმაყოფილა. ადიგენის გამგეობამ გადაწყვეტილება თბილისის სააპელაციო სასამართლოში გაასაჩივრა, რომელმაც პირველი ინსტანციის გადაწყვეტილება ძალაში დატოვა. თვითმმართველობამ, რამდენიმე დღის წინ, მართლმსაჯულების ორგანოს უმაღლეს ინსტანციას მიმართა. რუსუდან გვარამაძე

ახალციხის მუნიციპალიტეტის სოფელ კლდეში  სახლი გაქურდეს. ა.ს. კუთვნილ საცხოვრებელს სოფელში საზაფხულო აგარაკად იყენებდა. 22 ივნისს მეპატრონეს სახლი გაქურდული დახვდა. წაღებულია კედლის სურათები, სასმელები და საყოფაცხოვრებო ნივთები. ოჯახმა სამართალდამცველები გუშინვე გამოიძახა. ადგილზე მობილიზებულნი იყო საპატროლო პოლიცია და ექსპერტ–კრიმინალისტები. შინაგან საქმეთა სამინისტრო საქმეს საქართველოს სსკ–ის 177–ე მუხლით იძიებს, რაც ქურდობას გულისხმობს. დანაშაული ისჯება თავისუფლების აღკვეთით ვადით ექვსიდან ათ წლამდე. თიკო კურტანიძე

საქართველოს პროკურატურამ ეროსი კიწმარიშვილის თვითმკვლელობამდე მიყვანის ფაქტზე გამოძიება დაასრულა.  საგამოძიებო უწყების ინფორმაციით, ეროსი კიწმარიშვილმა თავი მოიკლა. აღნიშნულ საქმეზე პროკურატურამ ფილმი მოამზადა და გაავრცელა.  

შინაგან საქმეთა სამინისტრომ, დანაშაულის პრევენციისა და საზოგადოებრივი წესრიგის დაცვის მიზნით, მთელი ქვეყნის მასშტაბით, საპოლიციო კონტროლი განახორციელა. უწყების ოფიციალურ ვებ–გვერდზე გამოქვეყნებული ინფორმაციის მიხედვით, 16-18 ივნისს, საპოლიციო კონტროლის შედეგად, სამართლდამცველების მიერ, სისხლის სამართლის 182 დანაშაული და ადმინისტრაციული სამართლდარღვევის 1 450  ფაქტი  გამოვლინდა. საპოლიციო კონტროლის მიმდინარეობისას, უკანონო ბრუნვიდან ამოიღეს ცეცხლსასროლი იარაღი და საბრძოლო მასალა. ფსიქორტოპული მედიკამენტები, კანაფი, მარიხუანა, ჰეროინი, „სუბუტექსი“ და ოპიუმი.

მდინარეში დაკარგული მამაკაცი, მაშველებმა ერთთვიანი ძებნის შემდეგ, 15 ივნისს, დვირი–ჭობისხევის მონაკვეთზე, კარიერთან ახლოს იპოვეს. 58 წლის ზიკილიელი მამაკაცი, მტკვარში 15 მაისს გადავარდა. მას შემდეგ, დაკარგულს სამაშველო სამსახური და თანასოფლელები, ყოველ დღე, სლესის ციხიდან ბორჯომამდე ეძებდნენ. მისი პოვნა კი ზუსტად ერთი თვის შემდეგ მოხერხდა.

       კარლენ მინასიანზე სისხლის სამართლებრივი დევნა შეწყდა. ახალციხის მუნიციპალიტეტის გამგებლის ყოფილ მოადგილესთან, პროკურატურამ განრიდება გააფორმა, რის საფუძველზეც იგი სისხლის სამართლის პასუხისმგებლობისგან გათავისუფლდა და ალტერნატიული სასჯელის ზომად, 2 000–ლარიანი ჯარიმა განისაზღვრა. პროკურატურის საზოგადოებასთან ურთიერთობის სამსახურში ამბობენ, რომ პროკურორმა მინასიანს განრიდება 2 ივნისს შესთავაზა, რასაც იგი დათანხმდა. აღნიშნული ზომა მინასიანს საშუალებას აძლევს, გარკვეული პირობების შესრულების სანაცვლოდ, ცხოვრება სასჯელისა და ნასამართლობის გარეშე განაგრძოს. ინციდენტი, რის გამოც გამოძიება დაიწყო,  20 აპრილს, “კადასტრი რეესტრი+”–ის ოფისში მოხდა. როგორც შპს–ს დირექტორი, დავით გოგოლაძე ამტკიცებს, კარლენ მანასიანი მასთან სამსახურებრივი საკითხის გასარკვევად მივიდა, რასაც შელაპარაკება და ფიზიკური დაპირისპირება მოჰყვა. გამოძიება სისხლის სამართლის კოდექსის 125 მუხლის 1–ლი ნაწილით მიმდინარეობდა, რაც ცემას გულისხმობს. მომხდარიდან ერთი კვირის შემდეგ, გამგებლის მოადგილემ  თანამდებობა დატოვა.

სტრასბურგის სასამართლომ ვანო მერაბიშვილის საქმეზე გადაწყვეტილება გამოიტანა.  აღნიშნულთან დაკავშირებით, ტელეკომპანია „რუსთავი 2“–ის ეთერში, ვანო მერაბიშვილის ადვოკატმა ისაუბრა. ოთარ კახიძის თქმით, სასამართლომ გადაწყვიტა, რომ ვანო მერაბიშვილი არის პოლიტიკური პატიმარი.  „მე მინდა ვანო მერაბიშვილის ყველა გულშემატკივარს მივულოცო ეს გადაწყვეტილება. ეს არის ძალიან დიდი გამარჯვება ევროპის ადამიანის უფლებათა სასამართლოს ისტორიაში. სულ არის ექვსი საქმე, როდესაც დადგინდა კონვენციის მე–18 მუხლის დარღვევა. ეს არის მეშვიდე საქმე. ეს არის უიშვიათესი შემთხვევა, როდესაც ამგვარი დადგენა დგინდება ასიათასობით საქმიდან. ვანო მერაბიშვილი არის მესამე პოლიტიკოსი იულია ტიმოშენკოსა და ბატონი ლუცენკოს შემდგომ, რომელზეც მე–18 მუხლის დარღვევა დადგინდა.  ევროპის სასამართლომ ერთხმად, დადგინა, რომ ვანო მერაბიშვილს დაუსაბუთებლად შეეფარდა პატიმრობა. ვანო მერაბიშვილის აპელაცია, ასევე, დაუსაბუთებელი განჩინებით გამოვიდა,  ასევე, ვანო მერაბიშვილს დაუსაბუთებლად გაუგრძელდა წინასწარი პატიმრობა და რაც მთავარია, ვანო მერაბიშვილის პატიმრობა, მისი სისხლის სამართლებრივი დევნა, მისი პატიმრობის გაგრძელება არ ემსახურებოდა კონვენციით გათვალისწინებულ მიზნებს. სასამართლომ გაითვალისწინა პოლიტიკური კონტექსტი, რაც მიუთითა პირდაპირ გადაწყვეტილებაში. გათვალისწინა ის ფაქტი, რომ ვანო მერაბიშვილის გაყვანა ციხიდან, მასზე ზეწოლის განხორციელების მიზნით,  არ იქნა გამოძიებული, და ამ პოლიტიკური კონტექსტიდან გამომდინარე , დაადგინა, რომ ადგილი ჰქონდა უხეშ დარღვევას თავისუფლების უფლების. პრაქტიკულად, პოლიტიკური კონტექსტის გათვალისწინებით, სასამართლოს გადაწყვეტილებიდან იკითხება, რომ ვანო მერაბიშვილი არის პოლიტიკური პატიმარი“ – განაცხადა ოთარ კახიძემ. ადვოკატის განმარტებით, სტრასბურგის სასამრთლოს გადაწყვეტილება საქართველოს ხელისუფლებას ავალდებულებს დაუყოვნებლივ გაათავისუფლოს ვანო მერაბიშვილი პატიმრობიდან. “ვანო მერაბიშვილის პატიმრობის ყოველი საათი არის დამაზიანებელი საქართველოს სახელმწიფოს იმიჯისთვის. შესაბამისად, დაუყოვნებლივ უნდა მოხდეს ვანო მერაბიშვილის გათავისუფლება” – აცხადებს კახიძე. ევროპის ადამიანის უფლებათა სასამართლოს გადაწყვეტილება ვანო მერაბიშვილის საქმესთან დაკავშირებით, სასამართლოს ვებ–გვერდზე გამოქვეყნდა: http://hudoc.echr.coe.int/eng?i=001-163671#{“itemid”:[“001-163671”]}  

ახალციხის რაიონულ სასამართლოში ქეთევან ხმალაძისა და მასთან ერთად ბრალდებული ხუთი პირის საქმეზე, წინასასამართლო სხდომა გაიმართა. პროკურორმა ვასილ ოსაძემ საქმის ის მტკიცებულებები წარადგინა, რაც ბრალდების მხარემ დასაშვებად ცნო. გარდა ამისა წაიკითხა იმ 69 მოწმის ვინაობა, რომელთა დაკითხვაც საქმის არსებითი განხილვისას მოხდება. აღნიშნულის შემდეგ, დაცვის მხარის ადვოკატებმა სადავო მტკიცებულებებზე იმსჯელეს და შუამდგომლობები დააყენეს.  მოსამართლე გიორგი ლონდარიძემ მტკიცებულებების სადავოობასთან დაკავშირებით, მხოლოდ ირაკლი ბარძიმაძის შუამდგომლობა დააკმაყოფილა.