სახელწიფო უსაფრთხოების სამსახურის ანტიკორუფციული სააგენტოს თანამშრომლებმა, ქრთამის აღების ფაქტზე ასპინძის მუნიციპალიტეტის საკრებულოს დეპუტატი, საბიუჯეტო-საფინანსო, ეკონომიკისა და ქონების მართვის კომისიის თავმჯდომარე, თემურ პლაჭიაშვილი დააკავეს. გამოძიებამ დაადგინა, რომ თემურ პლაჭიაშვილმა კანონით გათვალისწინებული პროცედურების გვერდის ავლით, სახელმწიფოს კუთვნილი 150 ჰა მიწის ფართობის დროებით სარგებლობაში გადაცემისა და შემდგომი მფარველობის სანაცვლოდ, მოქალაქეს ქრთამის სახით, 3 000 ლარი გამოართვა.

ახალციხეში ახალგაზრდა გოგონას “ნისანის” მარკის ავტომობილი დაეჯახა. გოგონამ გონება დაკარგა. ადგილზე მობილიზებული იყო სასწრაფო სამედიცინო დახმარების ჯგუფი. მედიკოსებმა დაშავებულს პირველადი დახმარება ადგილზევე გაუწიეს,  რის შემდეგაც გოგონა ახალციხის რეფერალურ ჰოსპიტალში გადაიყვანეს. “მეცხრე არხის” ინფორმაციით, ამ დროისათვის დაშავებული გონებაზეა. მის სიცოცხლეს საფრთხე არ ემუქრება. გოგონას მსუბუქი დაზიანებები აღებიშნება.არ აქვს მოტეხილობები. ავტომობილის მძღოლს შემთხვევის ადგილიდან მიმალვა არ უცდია. თვითმხილველთა თქმით, გოგონა ფეხით გადაადგილდებოდა. ავტოსაგზაო შემთხვევა ახალცხის ცენტრალური პარკის ტერიტორიაზე მოხდა, რის გამოც ტერიტორიაზე მოძრაობა დროებით შეფერხდა. შემთხვევის ადგილზე სამართალდამცველები არიან მობილიზებილნი. შსს–ს ინფორმაციით, გამოძიება საქართველოს სსკ-ის 276-ე მუხლის 1-ლი ნაწილით მიმდინარეობს, რაც  ავტომობილის, ტრამვაის, ტროლეიბუსის, ტრაქტორის ან სხვა მექანიკური ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს იმის მიერ, ვინც ამ სატრანსპორტო საშუალებას მართავს, რამაც გამოიწვია ჯანმრთელობის ნაკლებად მძიმე დაზიანება. ისჯება ჯარიმით ან თავისუფლების შეზღუდვით ვადით სამ წლამდე ანდა თავისუფლების აღკვეთით იმავე ვადით, თანამდებობის დაკავების ან საქმიანობის უფლების ჩამორთმევით ვადით სამ წლამდე ან უამისოდ. თიკო კურტანიძე, ნანა ინასარიძე

იუსტიციის სახლის 400-მდე სერვისით სარგებლობა უკვე ბორჯომელებსაც შეუძლიათ. იუსტიციის სახლის რიგით მეჩვიდმეტე ფილიალი ბორჯომში იუსტიციის მინისტრმა თეა წულუკიანმა გახსნა. ბორჯომის იუსტიციის სახლი მომხმარებელს იუსტიციის სახლებისთვის დამახასიათებელი უმაღლეს ხარისხის მომსახურებას სთავაზობს. სახელმწიფო და კერძო სექტორის სერვისების მიღება ბორჯომშიც მინიმალურ დროშია შესაძლებელი.

ავტომობილის პარკირების წესებს ახალციხეში სამართალდამცველები არ ემორჩილებიან.

ზუგდიდის მუნიციპალიტეტის სოფელ კორცხელის ინციდენტში მონაწილე ექვს პირს შინაგან საქმეთა სამინისტრომ ბრალი წარუდგინა. ზუგდიდის მუნიციპალიტეტის სოფელ კორცხელში, შუალედური არჩევნების დროს მომხდარი ინციდენტის ფაქტზე სამეგრელო-ზემო სვანეთის პოლიციის დეპარტამენტში გამოძიება 2016 წლის 22 მაისს საქართველოს სსკ-ის 125-ე მუხლის პირველი ნაწილით დაიწყო. შსს–ს ინფორმაციით, აღნიშნულ სისხლის სამართლის საქმეზე, 2016 წლის 24 მაისს, შინაგან საქმეთა სამინისტროში ნებაყოფლობით გამოცხადდა ინცინდენტში მონაწილე ექვსი პირი, რომლებიც მოწმის სახით გამოიკითხნენ. გამოძიების მსვლელობისას, ასევე გამოიკითხა ინციდენტის მონაწილე მეორე მხარეც. დაინიშნა სასამართლო-სამედიცინო და ფიზიო-ტექნიკური ექსპერტიზები. აღნიშნულთან დაკავშირებით, 2016 წლის 1 ივნისს, ინციდენტში მონაწილე 5 პირს: გიორგი გ.-ს, კობა ტ.-ს, გიორგი გ.-ს, ნოშრევან წ.-ს და გრიგოლ ტ.-ს ბრალი წარედგინათ საქართველოს სსკ-ის 239-ე მუხლის მეორე ნაწილის „ა“ ქვეპუნქტით, ხოლო ვლადიმერ გ.-ს ბრალი წარედგინა საქართველოს სსკ-ს 239-ე მუხლის მეორე და მესამე ნაწილებით. შეგახსენებთ, რომ მიმდინარე წლის 22 მაისს, კორცხელის #53-ე უბანზე “ნაციონალური მოძრაობისა” და “ქართული ოცნების” წარმომადგენლებს შორის, ფიზიკური დაპირისპირება მოხდა. არსებული ინფორმაციით, ჩხუბში ჩართულები იყვნენ სპორტსმენებიც და გამოყენებული იყო ხელკეტები. ინციდენტის დროს  “ნაციონალური მოძრაობის” წევრები, მათ შორის ნიკა მელია, გიგა ბოკერია და თენგიზ გუნავა, ასევე, “ქართული ოცნების” მხარდამჭერები და აქტივისტები დაშავდნენ. თიკო კურტანიძე

ადიგენის საკრებულომ ორი ინსტანციის გადაწყვეტილება უზენაეს სასამართლოში გაასაჩივრა. საქმე ეხება წარმომადგენლობითი ორგანოს ყოფილ თავმჯდომარეს ლევან ლობჯანიძეს, რომელმაც თანამდებობიდან გადაყენება უკანონოდ მიიჩნია და უფლებების დასაცავად სარჩელი ახალციხის რაიონულ სასამართლოში შეიტანა. მიღებული გადაწყვეტილება კი ადიგენის საკრებულომ მეორე ინსტანციაში გაასაჩივრა. ადიგენის წარმომადგენლობითმა ორგანომ უზენაეს სასამართლოს წინა კვირას მიმართა. ადვოკატის განმარტებით, უმაღლესი ინსტანცია გადაწყვეტილებას მათ სასარგებლოდ გამოიტანს. ოთარ კაჭკაჭიშვილის ინფორმაციით, სასამართლოს საჩივრის განსახილველად ექვსი თვის ვადა აქვს. “ჩვენი საკასაციო საჩივარი დასაბუთებულია და ვფიქრობთ, რომ უზენაესი სასამართლო გადაწყვეტილებგას ჩვენს სასარგებლოდ გამოიტანს” – აცხადებს “მეცხრე არხთან” ოთარ კაჭკაჭიშვილი. შეგახსენებთ, რომ თბილისის სააპელაციო სასამართლომ პირველი ინსტანციის გადაწყვეტილება ძალაში დატოვა, რომლის მიხედვითაც, ლევან ლობჯანიძე თანამდებობაზე უნდა აღდგეს, განაცდური 25 000 ლარის ოდენობით აუნაზღაურდეს და მოქმედი  თავმჯდომარე, იმედა მღებრიშვილი თავმჯდომარის პოსტიდან გადადგეს. თიკო კურტანიძე

გოგოლაძეების ოჯახი მათი შვილის გარდაცვალების საქმის გამოძიებას და დამნაშავის დასჯას ითხოვს. მშობლებს ეჭვი აქვთ, რომ გამოძიება საქმის გახსნითა და ბრალდებულის დაკავებით დაინტერესებული არ არის. გოგოლაძეები ამბობენ, რომ მათ ეჭვებს არაერთი ფაქტი უმყარებს. მიუხედავად იმისა, რომ შემთხვევას რამდენიმე მოწმე ჰყავს და საჭესთან მჯდომი პირის ვინაობაც ყველასთვის ცნობილია, შემთხვევიდან ერთი თვის შემდეგ, დამნაშავე დაკავებული არ არის. ავტოსაგზაო შემთხვევა პირველ მაისს, აღდგომის ღამეს მოხდა, როცა ლევან გოგოლაძე, მეგობართან ერთად, სოფელ ბოლაჯურიდან სახლში, დიდ სმადაში ბრუნდებოდა. 20 წლის ახალგაზრდას ავტომობილი დაეჯახა, რომელშიც სამი პირი იჯდა.

ე.წ. ,,ბაკურიანის მიწების საქმეზე“ დაკავებულ ადგილობრივს, ახალციხის რაიონულმა სასამართლომ, აღკვეთის ღონისძიება შეუფარდა. დაცვის მხარემ, ბრალდებულისთვის, აღკვეთის ღონისძიებად 15 000 ლარი გირაოს შეფარდება და ქვეყნიდან გაუსვლელობის პირობა შესთავაზა. მოსამართლე გიორგი ლონდარიძემ, პროკურორის მოთხოვნა დააკმაყოფილა და ალექსანდრე ბოლოთაშვილი წინასწარ პატიმრობაში დატოვა. პროკურატურა ბრალდებულს 180 მუხლით თაღლითობის გზით, სხვისი ნივთის დაუფლებას და 362 მუხლით ყალბი დოკუმენტების დამზადება–გამოყენებას ედავება.

ე.წ „ბაკურიანის საქმეზე“ კიდევ ერთი პიროვნება დააკავეს. ადგილობრივი მცხოვრები   ალექსანდრე ბოლოთაშვილი დღეს 24 მაისს, სამართალდამცვლებმა ბაკურიანში აიყვანეს. ბრალდებულის მხარდასაჭერად დღესვე მოსახლეობა შეიკრიბა და მისი დაკავება გააპროტესტა. „ეს არის  ტერორი ბაკურიანელებზე სახელმწიფოს მხრიდან, ამას ახორცილებს პროკურატურა და მას ეხმარება სასამართლო“ – აცხადებს დაკავებულის ადვოკატი ირაკლი ბარძიმაძე. მისი თქმით, ბაკურიანელებმა პროკურატურას განუმარტეს, რომ დამალვას არ აპირებენ და  თავიანთი უფლებებისთვის იბრძოლებენ, მიუხედავად ამისა დაკავებები დღემდე გრძელდება.

საბა პარუნაშვილის ფოტო ახალციხეში თამარაშვილის ქუჩაზე მდებარე საცხოვრებელ სახლს ქარმა სახურავი  ნაწილობრივ გადახადა. შემთხვევას მსხვერპლი არ მოჰყოლია.  დაზიანებულია ავტომობილები. ძლიერი ქარი და წვიმა ახალციხეში, დაახლოებით 20:00 საათზე დაფიქსირდა. ქარმა დააზიანა ელექტროგადამცემი ხაზებიც, რის გამოც ქალაქის ნაწილს ელექტრო–ენერგია არ მიეწოდება. შემთხვევის ადგილზე ადგილობრივი ხელისუფლების პირველი პირები მივიდნენ. თამარაშვილის ქუჩაზე ამ დრომდე მუშაოებენ სამაშველო სამსახურის ჯგუფები.

შინაგან საქმეთა სამინისტრომ ზუგდიდის მუნიციპალიტეტის სოფელ კორცხელში მომხდარ ჩხუბის ფაქტზე გამოძიება დაიწყო. უწყების ინფორმაციით, შემთხვევის ადგილზე იმყოფებოდა პოლიცია და ჩხუბის ფაქტზე მყისიერად მოხდა რეაგირება. მომხდარზე გამოძიება სისხლის სამართლის კოდექსის 125-ე მუხლით დაიწყო, რაც ცემას გულისხმობს. შსს-ს ცნობით, ამ დროისთვის დამნაშავეთა დადგენისა და დაკავების მიზნით, საგამოძიებო მოქმედებები მიმდინარეობს. კორცხელის #53-ე უბანზე “ნაციონალური მოძრაობისა” და “ქართული ოცნების” წარმომადგენლებს შორის ფიზიკური დაპირისპირება მოხდა. არსებული ინფორმაციით, ჩხუბში სპორტსმენებიც იყვნენ ჩართულები და გამოყენებული იყო ხელკეტები. დაშავებულები არიან “ნაციონალური მოძრაობის” წევრები, მათ შორის ნიკა მელია, გიგა ბოკერია და თენგიზ გუნავა, ასევე, “ქართული ოცნების” მხარდამჭერები და აქტივისტები. ცენტრალური საარჩევნო კომისიის წინასწარი მონაცემებით, ზუგდიდის მაჟორიტარულ ოლქში, სადაც გუშინ დაპირისპირება მოხდა, “ნაციონალური მოძრაობის” კანდიდატმა გაიმარჯვა. ოფიციალური შედეგებით, “ნაციონალური მოძრაობის” კანდიდატ ვარადებულ ლაშხიას ხმა ამომრჩეველთა 49,76 %-მა (623 ხმა) მისცა, “ქართული ოცნების” კანდიდატ ამირან ლაგვილავას კი 48,96 %-მა (613 ხმა). შესაბამისად, მმართველი პარტიის კანდიდატი “ნაციონალური მოძრაობის” კანდიდატთან 10 ხმით დამარცხდა. წყარო: ინტერპრესნიუსი.

20 მაისს, გამთენიისას, ახალდაბაში, ბლიაძეების ოჯახი ხმაურმა გამოაღვიძა. ეზოში გასულ ოჯახის უფროსს საკუთარი ავტომანქანა ცეცხლში გახვეული დახვდა. ბორჯომის სატყეო უბნის ტყის მცველის გარდა, გარემოს დაცვისა და ბუნებრივი რესურსების სამინისტროს ცნობით, ბრაკონიერებმა შური ამავე უბნის უფროს – მიხეილ ცხაკაიაზეც იძიეს და მის საცხოვრებელ სახლს ქვები დაუშინეს. პირადი ავტომანქანის გადაწვას ოჯახის წევრები და მეზობლები სამსახურს უკავშირებენ. ბორჯომის სატყეო სამსახურის თანამშრომლების გარდა, ფიზიკური ზეწოლა ბორჯომ-ხარაგაულის ეროვნული პარკის უბნის უფროს რეინჯერზე განხორციელდა.

ე.წ. ბაკურიანის მიწების საქმეზე, თაღლითობის მუხლით დაკავებული ვლადიმერ ჩახალიანი თავისუფალია. იგი მოსამართლე მარიკა ჩიტაშვილმა, 25 000 ლარისა და 4–წლიანი პირობითი სასჯელის სანაცვლოდ, ახალციხის რაიონული სასამართლოს დარბაზიდანვე გაათავისუფლა. ჩახალიანს ბრალი ბაკურიანში, მიწის ორი ნაკვეთის თაღლითური გზით დარეგისტრირებაში ედებოდა.

სახელმწიფო უწყებების შეცდომაში შეყვანა, დაბა ბაკურიანში მცხოვრებ, 38 ადამიანს ბრალდება. დარეგისტრირებული მიწის ნაკვეთები, სამცხე–ჯავახეთის საოლქო პროკურატურის მოთხოვნით, ახალციხის რაიონულმა სასმართლომ, 24 თებერვალსა და პირველ მარტს დააყადაღა. 30–მდე ბაკურიანელი დღეს სამცხე–ჯავახეთის საოლქო პროკურატურასთან შეიკრიბა. ისინი მთავარ პროკურორთან შეხვედრასა და მათ ნაკვეთებთან დაკავშირებით, სიტუაციის გარკვევას ითხვდნენ. პროკურორმა მოუცლელობის გამო, ბაკურიანელები დღეს ვერ მიიღო. ბაკურიანელები ამბობენ, რომ ყადაღადადებული ნაკვეთების მეპატრონეებს პროკურატურაში იბარებენ და სახელმწიფოს სასარგებლოდ, მიწის დათმობას სთხოვენ. უარის გამო, სამი მამაკაცი დააკავეს და მხოლოდ მას შემდეგ გაათავისუფლეს, როცა საპროცესო შეთანხმებაზე დათანხმდნენ და მიწა სახელმწიფოს დაუბრუნეს.

მეორე დღეა  მდინარეში მაშველები მამაკაცს უშედეგოდ ეძებენ. 58 წლის ზიკილიიის მკვიდრი მტკვარში ავტოსაგზაო შემთხვევის დროს გადავარდა. ბორჯომიდან მომავალი ნივის მარკის ავტომობილის მძღოლმა სოფელ აწყურთან  საჭე ვერ დაიმორჩილა და გზიდან გადავიდა. ავტომანქანა მდინარის ნაპირზე ხეებმა შეაჩერა. შეტყობინება ავტოსაგზაო შემთხვევის შესახებ  საგანგებო სიტუაციების მართვის სამსახურში 15 მაისს საღამოს ექვსის ნახევარზე შევიდა.  სამძებრო სამუშაოებში ახალციხისა და ბორჯომის ჯგუფები ჩაერთვნენ. სამძებრო სამუშაოები აწყურიდან ბორჯომამდე მონაკვეთზე მიმდინარეობს. მამაკაცს მაშველებთან ერთად სოფლის მაცხოვრებლებიც ეძებენ.

ადიგენის მუნიციპალიტეტში, ფარეხას დასახლებასთან, მდინარეში ახალგაზრდა მამაკაცის ცხედარი იპოვეს. 31 წლის გ.ფ. აბასთუმანში ცხოვრობდა. იგი სამი დღის წინ გაუჩინარდა. აბასთუმნის ადმინისტრაციულ ერთეულში ადიგენის გამგებლის წარმომადგენლის მამაუკა ფირანიშვილის თქმით, იგი სამი დღის წინ ვალეში ნათესავებთან იმყოფებოდა და სახლში მოკლე გზით ფეხით ბრუნდებოდა. “მისი კვალი არალთან შეწყდა. როგორ აღმოჩნდა წყალში არვიცით. დღეს კი გარდაცვლილის ცხედარი მდინარეში მწყემსმა იპოვა” – აცხადებს “მეცხრე არხთან” მამუკა ფირანიშვილი. მისივე თქმით, ცხედარს ექსპერტიზა უკვე ჩაუტარდა. მას აბასთუმანში გადაასვენებენ. შინაგან საქმეთა სამინისტრო საქმეს საქართველოს სსკ–ის 115–ე მუხლით იძიებს, რაც თვითმკვლელობამდე მიყვანას გულისხმობს. თიკო კურტანიძე

მაშველებმა მდინარეში დაკრგული მამაკაცის ძებნა დილის ექვსი საათიდან განაახლეს. სამაშველო სამსახურში აცხადებენ, რომ მამაკაცის პოვნა ამ დრომდე ვერ მოხერხდა. სამძებრო სამუშაოები კვლავ აწყური – “ჩითახევი ჰესის” მონაკვეთზე მიმდინარეობს. შეგახსენებთ, რომ 58 წლის ზიკილიის მკვიდრს 15 მაისს, აწყურში, სლესის ციხესთან ავტომობილი მოუცურდა და გზიდან გადავიდა. მანქანა მდინარის ნაპირზე ხეებმა შეაჩერა. თავად მძღოლი კი მდინარეში გადავარდა. მისი მეუღლე სხეულის მსუბუქი დაზიანებით საავადმყოფოში გადაიყვანეს. მის სიცოცხლეს საფრთხე არ უმუქრება. სამაშველო სამსახურმა დაკარგული მამაკაცის ძებნა გუშინვე დაიწყო. სამძებრო სამუშაოები დაღამებისას შეწყდა. თიკო კურტანიძე

დაკარგული მამაკაცის ძებნას მაშველები მდინარეში ხვალ, 16 მაისს დილით  გააგრძელებენ. ისინი 58 წლის ზიკილიის მკვიდრს დაღამებამდე აწყური – “ჩითახევი ჰესის” მონაკვეთზე უშედეგოდ ეძებდნენ. მამაკაცი აწყურში სლესის ციხესთან მომხდარი ავტოსაგზაო შემთხვევისას მდინარეში გადავარდა. მისი ავტომობილი კი მდინარის ნაპირზე ხეებმა შეაჩერა. შემთხვევისას ავტომანქანაში ორი მგზავრი იმყოფებოდა. დაკარგული მამაკაცის მეუღლის ამოყვანა შესაძლებელი გახდა. მას სამედიცინო დახმარება საავადმყოფოში გაეწია. ქალის სიცოცხლეს საფრთხე არ ემუქრება. შინაგან საქმეთა სამინისტრო საქმეს საქართველოს სსკ-ის 276-ე მუხლის 1-ლი ნაწილით იძიებს, რაც  ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს იმ პირის მიერ, ვინც ამ სატრანსპორტო საშუალებას მართავს, რამაც გამოიწვია ჯანმრთელობის ნაკლებად მძიმე დაზიანება. თიკო კურტანიძე

აწყურში, სლესის ციხესთან მომხდარი ავტოსაგზაო შემთხვევის შედეგად 58 წლამდე მამაკაცი მდინარეში გადავარდა. იგი ზიკილიის მაცხოვრებელია. მაშველები მამაკაცს ამ დრომდე ეძებენ. ავტომობილში მჯდომი კიდევ ერთი მგზავრი – ქალბატონი, სამაშველო სამსახურის თანამშრომლებმა ამოიყვანეს. იგი სასწრაფო დახმარების ჯგუფმა სამედიცინო დაწესებულებაში გადაიყვანა. შემთხვევა დღეს, 15 მაისს საღამოს საათებში მოხდა. თვითმხილველების ინფორმაციით, მძღოლმა საჭე ვერ დაიმორჩილა და სავალი ნაწილიდან გადავიდა. მსუბუქი მარკის ავტომობილი მდინარის ნაპირზე ხეებმა შეაჩერა. ადგილზე სამაშველო სამსახურისა და საპატრულო პოლიციის ჯგუფები მუშაობენ. შინაგან საქმეთა სამინისტროს ინფორმაციით, გამოძიება საქართველოს სსკ-ის 276-ე მუხლის 1-ლი ნაწილით მიმდინარეობს, რაც  ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს იმ პირის მიერ, ვინც ამ სატრანსპორტო საშუალებას მართავს, რამაც გამოიწვია ჯანმრთელობის ნაკლებად მძიმე დაზიანება. თიკო კურტანიძე

აწურში, სლესის ციხესთან, მდინარის ნაპირზე ავტომობილი გადავარდა. თვითმხილველების თქმით, მძღოლმა საჭე ვეღად დაიმორჩილა და სავალი ნაწილიდან გადავიდა. ავტომობილი მდინარის ნაპირზე ხეებმა შეაჩერა. “მეცხრე არხის” ინფორმაციით, ავტომობილში ორი ადამიანი იმყოფებოდა. მათგან ქალის ამოყვანა მაშველებმა მოახერხეს. იგი სასწრაფო დახმარების ჯგუფმა სამედიცინო დაწესებულებაში გადაიყვანა. სოფელ აწყურში ახალციხის გამგებლის წარმომადგენლის მოვალეობის შემსრულებელის  ელგუჯა ჯვარიძის ინფორმაციით,  ჯერჯერობით მამაკაცს ვერ პოულობენ. ადგილზე სამაშველო სამსახურისა და საპატრულო პოლიციის ჯგუფები მუშაობენ. შინაგან საქმეთა სამინისტრო საქმეს საქართველოს სსკ-ის 276-ე მუხლის 1-ლი ნაწილით იძიებს, რაც  ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს იმ პირის მიერ, ვინც ამ სატრანსპორტო საშუალებას მართავს, რამაც გამოიწვია ჯანმრთელობის ნაკლებად მძიმე დაზიანება. თიკო კურტანიძე