„ერთიანი ნაციონალური მოძრაობა“ ახალციხეში, შოთა რუსთაველის ძეგლის მიმდებარე ტერიტორიაზე, ამომრჩევლებთან შეხვედრას, შემდეგ კი ახალციხის ციხის ქვედა კარიბჭემდე ფეხით მსვლელობას გეგმავს. საქართველოს კონსტიტუციის 25 მუხლის შესაბამისად, „ნაციონალურმა მოძრაობამ“ ადგილობრივ თვითმმართველობას განცხადებით მიმართა. 

ახალციხეში “ნაციონალურ მოძრაობას” აქციის გამართვასთან დაკავშირებით, უარი არ მიუღია – ეს განცხადება ქალაქის მერმა დღეს, 22 ივლისს გააკეთა.

ახალციხის მერია “ერთიან ნაციონალურ მოძრაობას”  აქციის გამართვაზე უარს უცხადებს –ამის შესახებ ადიგენის მაჟორიტარმა დეპუტატმა ზურაბ ჩილინგარაშვილმა განაცხადა.

     პოლიტიკური პარტიებისა და არასამთავრობო ორგანიზაციების წარმომადგენლებმა, ეთნიკური უმცირესობებისთვის ინფორმაციის ხელმისაწვდომობაზე იმსჯელეს. შეხვედრა ახალციხის ციხის საკონფერენციო დარბაზში ორგანიზაციის – ,,ნიდერლანდების ინსტიტუტი მრავალპარტიული დემოკრატიისთვის” ორგანიზებით გაიმართა.

საქართველოში, დაახლოებით,  25 000  უმისამართო ამომრჩეველია.  ცენტრალურ საარჩევნო კომისიაში განმარტავენ, რომ მათი ზუსტი რაოდენობა ჯერ დადგენილი არ არის.

“ნაციონალურმა მოძრაობამ” დღეს, 14 ივლისს ჯავახეთში მაჟორიტარობის კანდიდატი წარადგინა. გამარჯვების შემთხვევაში ახალქალაქსა და ნინოწმინდას, საქართველოს პარლამენტში არსენ კარაპეტიანი წარადგენს. 

ბორჯომის მუნიციპალიტეტის საკრებულოს დეპუტატი ადგილობრივ მაღალჩინოსნებს უჩივის. გიორგი გიუაშვილმა მათ წინააღმდეგ ჩვენება დღეს, 4 ივლისს მისცა.

“ერთიანი ნაციონალური მოძრაობის” სამცხე–ჯავახეთის წარმომადგენლები მიხეილ სააკაშვილს შეხვდნენ. აღნიშნულის შესახებ ინფორაციას “ახალციხე ენმ” ავრცელებს. მათივე ცნობით, პარტიის რეგიონული და რაიონული ორგანიზაციების ლიდერებთან და კანდიდატების ნაწილთან, სამუშაო შეხვედრა, ქვეყნის ყოფილმა ლიდერმა უკრაინაში გამართა. მიხეილ სააკაშვილი 100–მდე წარმომადგენელს წინასაარჩევნო გეგმებსა და ზოგადად, კამპანიის ჩატარებაზე ესაუბრა. შეხვედრას სამცხე–ჯავახეთიდან ადიგენის, ასპინძისა და ახალქალაქის “ნაციონალური მოძრაობის” თავმჯდომარეები დაესწრნენ. სამცხე–ჯავახეთის წარმომადგენლების გარდა, უკრაინაში თითქმის ყველა რაიონული პარტიის წევრი იმყოფებოდა. პარტიის თავმჯდომარესთან შეხვედრა ოდესაში,  მიხეილ სააკაშვილის რეზიდენციაში, 25–26 ივნისს შედგა. თიკო კურტანიძე

ადგილობრივი თვითმმართველობის არჩევნებიდან ორი წელი გავიდა. 2014 წელს ახალციხეში ამომრჩეველთა უმრავლესობამ გადაწყვიტა, რომ ქალაქის მმართველობა ,,ქართული ოცნების“ გუნდისთვის ჩაებარებინა. თვითმმართველობის საქმიანობის ორ წელს ახალციხელები აფასებენ. ადგილობრივების ნაწილი მიჩნევს, რომ ამ პერიოდში ქალაქში ბევრი რამ, უკეთესობისკენ შეიცვალა, ნაწილი კი თვითმმართველობის გააქტიურებას, მხოლოდ წინასაარჩევნოდ ელის.

„მოძრაობა სახელმწიფო ხალხისთვის“ ლიდერმა სამცხე–ჯავახეთში მოსახლეობასთან შეხვედრები დაასრულა. პაატა ბურჭულაძე 18 ივნისს, თანაგუნდელებთან ერთად, ასპინძისა და ახალქალაქის მუნიციპალიტეტების მაცხოვრებლებს შეხვდა. მან ადგილობრივების პრობლემები მოისმინა და მათ მოძრაობის სამოქმედო გეგმა გააცნო. შეხვედრისას პაატა ბურჭულაძემ ქვეყნის მმართველობაში ეთნიკური უმცირესობების ჩართულობის პერსპექტივებზე, ქვეყნის ეკონომიკურ და სოციალურ პოლიტიკაზე ისაუბრა.

”მოძრაობა სახელმწიფო ხალხისთვის” ლიდერი, წევრებთან ერთად ადიგენის მუნიციპალიტეტში ადგილობრივებს შეხვდა და მათი პრობლემები მოისმინა. პაატა ბურჭულაძემ შეკრებილებს პარტიის სამოქმედო გეგმა და ის ხედვა წარუდგინა რომელიც, მისი თქმით, ქვეყანაში არსებული პრობლემების ეტაპობრივად მოგვარებას შეძლებს.

       კარლენ მინასიანზე სისხლის სამართლებრივი დევნა შეწყდა. ახალციხის მუნიციპალიტეტის გამგებლის ყოფილ მოადგილესთან, პროკურატურამ განრიდება გააფორმა, რის საფუძველზეც იგი სისხლის სამართლის პასუხისმგებლობისგან გათავისუფლდა და ალტერნატიული სასჯელის ზომად, 2 000–ლარიანი ჯარიმა განისაზღვრა. პროკურატურის საზოგადოებასთან ურთიერთობის სამსახურში ამბობენ, რომ პროკურორმა მინასიანს განრიდება 2 ივნისს შესთავაზა, რასაც იგი დათანხმდა. აღნიშნული ზომა მინასიანს საშუალებას აძლევს, გარკვეული პირობების შესრულების სანაცვლოდ, ცხოვრება სასჯელისა და ნასამართლობის გარეშე განაგრძოს. ინციდენტი, რის გამოც გამოძიება დაიწყო,  20 აპრილს, “კადასტრი რეესტრი+”–ის ოფისში მოხდა. როგორც შპს–ს დირექტორი, დავით გოგოლაძე ამტკიცებს, კარლენ მანასიანი მასთან სამსახურებრივი საკითხის გასარკვევად მივიდა, რასაც შელაპარაკება და ფიზიკური დაპირისპირება მოჰყვა. გამოძიება სისხლის სამართლის კოდექსის 125 მუხლის 1–ლი ნაწილით მიმდინარეობდა, რაც ცემას გულისხმობს. მომხდარიდან ერთი კვირის შემდეგ, გამგებლის მოადგილემ  თანამდებობა დატოვა.

„ერთიანი ნაციონალური მოძრაობის ლიდერებმა სამცხე–ჯავახეთში 2016 წლის საპარლამენტო არჩევნებისთვის, მაჟორიტარი დეპუტატობის კანდიდატები დაასახელეს. გამარჯვების შემთხვევაში, საქართველოს პარლამენტში  ახალციხე–ადიგენს ვაჟა ჩიტაშვილი, ხოლო ასპინძა–ბორჯომსა და ახალქალაქის ნაწილს ტარიელ ლონდარიძე წარადგენს. „ერთიანი ნაციონალური მოძრაობის“ ლიდერებმა 2016 წლის არჩევნებისთვის მაჟორიტარი დეპუტატობის კანდიდატების დასახელება სამცხე–ჯავახეთში ახალციხიდან დაიწყეს.

ერთიანი ნაციონალური მოძრაობის” ლიდერები ასპინძელ, ახალქალქელ და ბორჯომელ ამომრჩეველს ვარძიიის მიმდებარე ტერიტორიაზე შეხვდნენ. დავით ბაქრაძემ, ნიკა მელიამ და სერგი კაპანაძემ მხარდამჭერებს სიტყვით მიმართეს, რის შემდეგაც მათ ასპინძა–ბორჯომისა და ახალქალაქის ნაწილის მაჟორიტარი დეპუტატობის კანდიდატი ტარიელ ლონდარიძე წარუდგინეს. “ტარიელ ლონდარიძის წარდგენა არის ძალიან მნიშვნელოვანი ბორჯომში, ასპინძასა და ახალქალაქში. იმიტომ, რომ ეს არის ძალიან სერიოზული კანდიდატი, რომელმაც ზუსტად იცის რა სჭირდება, ვინაიდან ის არის მოქმედი კანდიდატი. 8 ოქტომბერს, მე ეჭვი არ მეპარება, რომ ადგილობრივები, მათ შორის “ქართული ოცნების” მხარდამჭერებიც კი დაუჭერენ ტარიელს მხარს, ვინაიდან ეს არის ადამიანი, რომელსაც ამ რეგიონში, ამ მხარეში ალტერნატივა არ ჰყავს” – განუცხადა ჟურნალისტებს ნიკა მელიამ. ტარიელ ლონდარიძემ, წარდგენის შემდეგ, ამომრჩეველს სიტყვით მიმართა და მათ არჩევნებზე საკუთარი პოზიციის დაფიქსირებისკენ მოუწოდა. “თუ როგორ ვაპირებთ გამარჯვებას ისეთ ვითარებაში, როცა დღევანდელმა ხელისუფლებამ ისე დაჩეხა საარჩევნო ოლქები და გააერთიანა ბორჯომი ასპინძასა და ახალქალაქის ნაწილთან? ჩვეულებრივად, როგორც გავიმარჯვეთ ასპინძაში, ისე გავიმარჯვებთ ახალქალაქშიც, ისე გავიმარჯვებთ ბორჯომშიც და დავარწმუნებთ ხელისუფლებას, რომ როგორი ხრიკიც არ უნდა იხმაროს, საქართველოს მოსახლეობა დაამარცხებს რუს ოლიგარქს. ეს მოხდება 8 ოქტომბერს და ეს გარდაუვალია” – აღნიშნა ტარიელ ლონდარიძემ. სამცხე–ჯავახეთში “ნაციონალურმა მოძრაობამ” ამ დროისთვის მაჟორიტარობის ორი კანდიდატი დაასახელა. ვინ წარადგენს  ნინოწმინდა–ახალქალაქს საქართველოს პარლამენტში ჯერჯერობით უცნობია. თიკო კურტანიძე

„ერთიანი ნაციონალური მოძრაობის“ ლიდერებმა ახალციხეში ამომრჩეველს ახალციხე–ადიგენის მაჟორიტარი დეპუტატობის კანდიდატი წარუდგინეს. 2016 წლის საპარლამენტო არჩევნებში გამარჯვების შემთხვევაში, რეგიონის ორ ქალაქს საქართველოს პარლამენტში ვაჟა ჩიტაშვილი წარადგენს. „თითოეული თქვენი ხმა არის ვალი, რომელსაც ეს ადამიანი იღებს თქვენგან. ეს ვალი უნდა გაგისტუმროთ საქმით, მუშაობით, თქვენი პატრონობით და თქვენი საქმის გაკეთებით. ასე ვხედავთ ჩვენ არჩევნებს. არჩევნები არის ვალი, რომელსაც ვიღებთ თქვენგან“ – განაცხადა დავით ბაქრაძემ ვაჟა ჩიტაშვილის წარდგენისას. ახალციხელ მხარდამჭერებს  დავით ბაქრაძის გარდა, სიტყვით მიმართა ნიკა მელიამ. შემდეგ კი ამომრჩევლის წინაშე პარტიის ახალი წევრი და ვანო მერაბიშვილის ადვოკატი ოთარ კახიძე წარსდგა, რომელმაც საზოგადოებას  14 ივნისს, მერაბიშვილის საქმეზე, ადამიანის უფლებათა ევროპული სასამართლოს გადაწყვეტილების გამოცხადების შესახებ ამცნო. „მოგეხსენებათ გამოთქმა: “სამართალი ურმით დადისო”. მე მინდა ვუთხრა ვანო მერაბიშვილის მხარდამჭერებს, რომ სამართალი აუცილებლად იზეიმებს, სიმართლე აუცილებლად დამტკიცდება  და ჩვენ აუცილებლად გავიმარჯვებთ“ – აღნიშნა ოთარ კახიძემ. „ერთიანი ნაციონალური მოძრაობის“ ლიდერებმა ახალციხის შემდეგ ასპინძაში გადაინაცვლეს, სადაც ბორჯომი–ასპინძის მაჟორიტარი დეპუტატობის კანდიდატს ტარიელ ლონდარიძეს წარადგენენ. თიკო კურტანიძე

11 ივნისს, “ნაციონალური მოძრაობა”, ახალციხეში, მაჟორიტარი დეპუტატობის კანდიდატს წარადგენს. აღნიშნულის შესახებ ინფორმაციას “ახალციხე ენმ” ავრცელებს. “ერთიანი ნაციონალური მოძრაობის” ლიდერები დავით ბაქრაძე და ნიკა მელია,  ახალციხე-ადიგენის მაჟორიტარი დეპუტატობის კანდიდატს ვაჟა ჩიტაშვილს, ამომრჩეველს ოფიციალურად წარუდგენენ. შეხვედრა  ახალციხეში, 12:00 საათზეა დაგეგმილი, რომელიც ღია ცის ქვეშ, შოთა რუსთაველის ძეგლის მიმდებარე ტერიტორიაზე გაიმართება.

ყოფილი პრემიერ-მინისტრი საქართველოს რეგიონებში შეხვედრებს გეგმავს. ბიძინა ივანიშვილი რეგიონებში პირველი სექტემბრიდან ჩავა. როგორც კოალიცია “ქართული ოცნების” დამფუძნებელმა ჟურნალისტებს განუცხადა, ჯერჯერობით არ იცის, ვიზიტს ქვეყნის რომელი კუთხიდან დაიწყებს. „ვფიქრობ, კვირაში ორი შეხვედრა გავაკეთო – ორშაბათს და ხუთშაბათს, რომ მოვასწრო ათივე რეგიონში და ალბათ, თბილისშიც მომიწევს ერთი ან ორი სატელევიზიო გამოსვლა და აქტივთან შეხვედრა“, – განაცხადა ბიძინა ივანიშვილმა.

სამცხე–ჯავახეთს სლოვაკეთის პრეზიდენტი ანდრეი კისკა სტუმრობს. დელეგაციას ახალციხეში ქალაქის მერმა უმასპინძლა. პრეზიდენტმა ახალციხის ციხეზე სამცხე–ჯავახეთის ისტორიული მუზეუმი დაათვალიერა და გამოფენილი ექსპონატების ისტორია მოისმინა. ანდრეი კისკას ახალციხის ციხის ქვედა ნაწილში ადგილობრივი ანსამბლები სიმღერით დახვდნენ. სლოვაკეთის პრეზიდენტმა სიმბოლურად მონაწილეობა მიიღო ჩურჩხელის ამოვლებასა და თონის პურის გამოცხობის პროცესში. მან პრეზიდენტის ადმინისტრაციის წარმომადგენლებთან და ქალაქის პირველ პირებთან ერთად მესხური ღვინოც დააგემოვნა.

     ადიგენის მუნიციპალიტეტში, საკრებულოსა და გამგეობის თანამშრომლებმა, აპრილის თვეში, სააღდგომო პრემია, ხელფასის 50% ოდენობით აიღეს. 41 005 ლარი თანამდებობის პირებსა და საჯარო მოხელეებზე გადანაწილდა. პრემია გამგეობის ყველა თანამშრომელმა აიღო, რამაც ჯამში 28 885 ლარი შეადგინა. ადიგენის მუნიციპალიტეტის საკრებულოში, 12 170 ლარი საკრებულოს თავმჯდომარეზე, თავმჯდომარის მოადგილეზე, კომისიის თავმჯდომარეებზე, ფრაქციის თავმჯდომარეებსა და საკრებულოს აპარატის თანამშრომლებზე გადანაწილდა.