შსს–მ ახალციხეში, შეურაცხმყოფელი შინაარსის პლაკატების საქმეზე ძიება, ადმინისტრაციულ სამართალდარღვევათა კოდექსის 150–ე მუხლით დაიწყო. აღნიშნული, თვითმმართველი ერთეულის იერ–სახის დამახინჯებას გულისხმობს და  50 ლარით ჯარიმას ითვალისწინებს. სამართალდამცველებმა ძიება “მეცხრე არხის” ინფორმაციის საფუძველზე დაიწყეს. შეგახსენებთ, რომ შეურაცხმყოფელი შინაარსის პლაკატები ქალაქში დღეს, 26 ოქტომბერს გაჩნდა. უცნობმა პირებმა იგი, სავარაუდოდ, გვიან ღამით გააკრეს. “ნაციონალური მოძრაობის” წევრებისა და ტელეკომპანია “რუსთავი 2–ის” თანამშრომლების გამოსახულებები  წარწერებით, ქალაქის სხვადასხვა უბანშია გაკრული.

პრემიერ-მინისტრისგან მივიღე ისეთი შეურაცხყოფა, რომელსაც არ ვიმსახურებ, – ამის შესახებ “ნაციონალური მოძრაობის” წევრმა ტარიელ ლონდარიძემ მთავრობის ადმინისტრაციაში განაცხადა , სადაც ის, ასევე დეპუტატებთან გიორგი ვაშაძე და აკაკი ბობოხიძესთან ერთად მთის განვითარების სახელმწიფო კომისიის სხდომაზე დასასწრებად მივიდა. კომისიის სხდომაზე დასწრების უფლება მისცეს მხოლოდ ტარიელ ლონდარიძეს, რადგან ის აღნიშნული კომისიის წევრია. თუმცა სხდომაზე შესულმა ლონდარიძემ სიტყვა ითხოვა, მაგრამ პრემიერმა მას დალოდებისკენ მოუწოდა, საბოლოო ჯამში კი, ლონდარიძეს კომისიის სხდომა დაატოვებინეს. როგორც სხდომის დატოვების შემდეგ ლონდარიძემ აღნიშნა, ის არის მთის განვითარების სახელმწიფო კომისიის წევრი, იქიდან გამომდინარე, რომ ერთ-ერთ მაღალმთიან რეგიონს, ასპინძის მუნიციპალიტეტს წარმოადგენს. მისივე თქმით, მას სურვილი ჰქონდა და აქვს კიდეც, რომ ამ ტიპის კომისიის მუშაობაში აქტიურად იყოს ჩართული. “მოვედი რომ დავსწრებოდი ამ კომისიას და დღის წესრიგთან დაკავშირებით გარკვეული შეკითხვები დამესვა პრემიერ-მინისტრისთვის და რამდენიმე საკითხი დღის წესრიგში შეგვეტანა. იმის მაგივრად, რომ პრემიერ-მინისტრს, ამ კომისიის ხელმძღვანელს, მოეცა ჩემთვის საშუალება დღის წესრიგთან დაკავშირებით ჩემი დამოკიდებულება გამომეხატა და გარკვეული წინადადებები შემეტანა, ამის ნაცვლად ბატონი ირაკლი არის რატომღაც აღშფოთებული. მე ვფიქრობ, რომ ეს პიროვნება არის სრულიად აგონიაში. დამადანაშაულა, რომ მისული ვარ დებოშის ასატეხად და პრობლემების შესაქმნელად. ამის სურვილი არც გამაჩნდა და არც გამაჩნია”, – განაცხადა ლონდარიძემ. როგორც ლონდარიძემ აღნიშნა, მას სურდა დაეყენებინა საკითხი, რომ სხდომაზე დასწრების უფლება მიეცათ აკაკი ბობოხიძისთვის და გიორგი ვაშაძისთვის. “აქ მოსულები არიან ჩემი მეგობრები. მაგალითად, მე წარმოვადგენ სამცხე-ჯავახეთს, მაგრამ კომისიაში დასავლეთ საქართველოდან არ არის წარმომადგენელი და სურვილი იყო, რომ აკაკი ბობოხიძე ასევე დასწრებოდა, “ნაციონალური მოძრაობის” ფრაქციიდან კი, გიორგი ვაშაძე. გვსურდა, რომ ჩვენი სურვილები და წინადადებები გამოგვეთქვა ამ კომისიასთან დაკავშირებით. პირადად პრემიერისგან მივიღე ისეთი შეურაცხყოფა რომელსაც არ ვიმსახურებ და არც ერთი ადამიანი არ იმსახურებს”, – განაცხადა ლონდარიძემ. როგორც მან აღნიშნა, მისი კოლეგების სხდომაზე დაუშვებლობის საფუძველი არ არსებობდა, იქედან გამომდინარე, რომ მათ რამდენიმე დღის წინ როცა საკითხი დღის წესრიგში დადგა, მთავრობის ადმინისტრაციას აცნობეს, თუ ვინ დაესწებოდა აღნიშნულ სხდომას. “მათგან მივიღეთ თანხმობა, კი ბატონო, მობრძანდით, დაესწრებით”, – განაცხადა ლონდარიძემ. მისივე თქმით, ასევე სხდომას უნდა დასწრებოდა მეოთხე წევრი ვაჟა ჩიტაშვილი, რომელმაც ჯანმრთელობის მდგომარეობის გამო დღეს მისვლა ვერ შეძლო. წყარო:http://www.interpressnews.ge/ge/politika/351354-tariel-londaridze-premierisgan-mivighe-isethi-sheurackhyofa-romelsac-ar-vimsakhureb.html

საქართველოს პრემიერ-მინისტრ ირაკლი ღარიბაშვილსა და “ნაციონალური მოძრაობის” დეპუტატ  ტარიელ ლონდარიძეს შორის სიტყვიერი დაპირისპირება მოხდა. მთვარობის ადმინისტრაციაში მთის განვითარების ეროვნული საბჭოს სხდომა  იმართება. ლონდარიძე საბჭოს წევრია და აცხადებდა, რომ დღის წესრიგთან დაკავშირებით გარკვეული კითხვა ჰქონდა. პრემიერ-მინისტრმა მას მიუთითა, რომ სახელმწიფო კომისიის სხდომაში “ქაოსისა და დაპირპისპირების” შეტანას ცდილობდა. “თუ შემოხვედით იმისთვის, რომ დებოში ატეხოთ, დატოვეთ სხდომა. სახელმწიფო კომისიის სხდომაა და ნუ შემოგაქვთ ქაოსი და დაპირისპირება. დაელოდეთ და მოგცემთ სიტყვას. უფლება არ გაქვთ, ასე ისაუბროთ”, – მიმართა პრემიერმა ლონდარიძეს, რის შემდეგაც მას სხდომა დატოვა. ლონდარიძე მთის განვითარების ეროვნული საბჭოს წევრია. მასთან ერთად მთავრობის ადმინისტრაციაში “ნაციონალური მოძრაობიდან” გიორგი ვაშაძე და აკაკი ბობოხიძე  იმყოფებოდნენ, თუმცა მათ სხდომაზე დასწრების უფლება არ მისცეს, რადგან აღნიშნული საბჭოს წევრები არ არიან. წყარო: http://www.interpressnews.ge/ge/politika/351339-tariel-londaridzem-mthis-ganvitharebis-erovnuli-sabtcos-skhdoma-datova.html

  “გაუკუღმართებული ქათმების პარტია”,    “ნაცისტურ–ქათმური მოძრაობა – ჭირი, რომელიც სამუდამოდ უნდა მოვიშოროთ” – ახალციხეში მსგავსი შინაარსის პლაკატები გამოჩნდა, რომლითაც “ერთიანი ნაციონალური მოძრაობის” მიმართ  ანტიპიარ–კამპანია მიმდინარეობს. აღნიშნული ცნობილია “ნაციონალური მოძრაობის ადგილობრივი წარმომადგენლებისთვის. “ეს არის გაგრძელება იმ ღონისძიებებისა, რომელიც დაიწყო “ნაციონალური მოძრაობის” ოფისების კარების აჭედვით, და შემდეგ  – წითელი საღებავების შესხმით. დღეს, ქალაქში პლაკატებს აკრავენ. ხვალ რა იქნება, არ ვიცით” – აცხადებს “მეცხრე არხთან” პარტიის წევრი მალხაზ გიქოშვილი. შეგახსენებთ, რომ 19 ოქტომბერს აქტივისტებმა “ერთიანი ნაციონალური მოძრაობის” ახალციხის რაიონული ორგანიზაციის ოფისში კარი აჭედეს. 22 ოქტომბერს, დილით მისულ თანამშრომლებს კი ოფისის კარი და შესასვლელი წითელი საღებავით შეღებილი დახვდათ.         

ადიგენის მუნიციპალიტეტის გამგეობაში 2016 წლის ბიუჯეტის პროექტზე მუშაობა უკვე დაიწყეს. ხელისუფლების წარმომადგენლები მოსახლეობასაც ხვდებიან, რათა პრიორიტეტები გამოკვეთონ. გამგებლის თქმით,  მომავალი წლის ბიუჯეტში თანხები იმ პრობლემებზე გადანაწილდება, რომელიც მუნიციპალიტეტს ყველაზე მეტად აწუხებს. ცენტრალური პარკის რეაბილიტაცია, შიდა საუბნო გზების მოწესრიგება და სასმელი წყლის ხარისხის გაუმჯობესება – ეს იმ პრობლემათა არასრული ჩამონათვალია, რომლის მოგვარებაც ადიგენის მაცხოვრებლებს, 2016 წელს სურთ. ადგილობრივების დიდი ნაწილი ამბობს, რომ ხელისუფლებამ დასახლების იერსახეზეც უნდა იზრუნოს.

ახალციხის მერიამ, მომავალი წლის ბიუჯეტის პროექტზე მუშაობა დაიწყო. პირველი პირების თქმით, მთავარი პრიორიტეტები ქალაქში არსებული პრობლემები იქნება. თვითმმართველი ორგანო მოსახლეობასთან შეხვედრებს რამდენიმე დღეში დაიწყებს. ქალაქში ინფრასტრუქტურული პროექტების განხორციელება და სოციალურ პრობლემების მოგვარება – ეს ის საკითხებია, რომლის ასახვაც ახალციხელებს, მთავარ ფინანსურ დოკუმენტში  სურთ. ადგილობრივები ამბობენ, რომ ქალაქის შიდა ქუჩები და სასმელი წყლის სისტემა მოსაწესრიგებელია. მათივე თქმით, პრობლემებია საკანალიზაციო სისტემასთან დაკავშირებითაც. მოსახლეობა პარკირების პრობლემებზეც ჩივის.

მთავრობის მეთაურის დღევანდელმა გამოსვლამ, სიტუაციის განმუხტვის ნაცვლად, მეტი დაძაბულობა შეიტანა ისედაც რთულ ვითარებაში, – ამის შესახებ საქართველოს პრეზიდენტმა, გიორგი მარგველაშვილმა პრეზიდენტის ადმინისტრაციაში გამართულ პრესკონფერენციაზე განაცხადა.  მისი თქმით, ბოლო დღეებში განვითარებულმა პროცესებმა შექმნა კონსტიტუციური წესრიგის დარღვევისა და სამოქალაქო დაპირისპირების წინაპირობები.

“არ მაქვს უფლება, ადამიანებს გამოხატვის თავისუფლება ავუკრძალო” – ირაკლი ღარიბაშვილი მთავრობის სხდომაზე “ერთიანი ნაციონალური მოძრაობის” ოფისების დარბევის ფაქტებს და ე.წ. ციხის კადრების გავრცელებას გამოეხმაურა. მისი თქმით, ეს რეაქცია, გავრცელებული კადრების ნახვის შემდეგ, ბუნებრივია. საქართველოს რამდენიმე რეგიონში “ერთიანი ნაციონალური მოძრაობის” ოფისებზე თავდასხმები განხორციელდა. მათ ნაწილს კარი აუჭედეს, ნაწილს კვერცხები ესროლეს, ზოგგან კი კედლები შეღებეს.

,,ერთიანი ნაციონალური მოძრაობის” ახალციხის ოფისის კარი და კედლები წითლად შეღებეს. პარტიის წევრების ვარაუდით, შემთხვევა სავარაუდოდ, ღამის 3–დან 4 საათამდე მოხდა. ადგილზე უკვე იმყოფებოდნენ სამართალდამცველები. ,,ერთიანი ნაციონალური მოძრაობის” ადგილობრივი ოფისის წარმომადგენლები, მომხდარს NDI-ს კვლევის შედეგებსა დაა რამდენიმე დღის წინ ,,ქართული ოცნების” აქტივისტების მიერ გამართულ საპროტესტო აქციას უკავშირებენ. ისინი არ გამორიცხავენ, რომ მსგავსი შემთხვევები კიდევ განმეორდება. ნაციონალები საქმის გამოძიებასა და დამნაშავეების იდენტიფიცირებისთვის მიმდინარე ტერიტორიაზე დამონტაჟებული ვიდეო კამერების ჩანაწერების გამოყენებას მოითხოვენ. აღნიშნულ ფაქტთან დაკავშირებით, შენობის მეპატრონე მერთან შეხვედრას გეგმვს.

საკუთარ ამომრჩეველთან საჯარო შეხევდრების გამართვის ვალდებულება, ერთჯერადი დახმარება შშმ პირებისთვის, დაფინანსება C ჰეპატიტის, ფარისებრი და სარძევე ჯირკვლების დაავადებების გამოკვლევაზე – ამ საკითხებზე,  ქალაქ ახალციხის საკრებულოს 10–მა დეპუატატმა დღეს იმსჯელა. სიახლეები და ცვლილებები მმართველი და ოპოზიციური პარტიების წევრებმა განიხილეს და გადაწყვეტილება ერთხმად  8 საკითხიდან მხოლოდ ერთ მათგანზე გამოიტანეს. ახალციხის მერიის თანამშრომლები და საკრებულოს წევრები 1 ნოემრამდე საკუთარ ამომრჩეველს უნდა შეხვდნენ და  გაწეული მუშობის შესახებ ანგარიში წარუდგინონ –შეხვედრის ფორმის დამტკიცების შესახებ დღეს საკრებულოს დეპუტატებმა იმსჯელეს.

ნაციონალური მოძრაობის ოფისებისათვის კარების აჭედვასა და  ციხის კადრების  გავრცელებას ახალაციხეში გაერთიანებული დემოკრატიული მოძრაობის წევრებიც ეხმაურებიან. ჯიმშერ გოგოლაური ფაქტს სამარცხვინოს უწოდებს და მას ხელისუფლების დაკვეთად მიიჩნევს. მისივე განცხადებით, მოქმედი მთავრობა მოვლენებით, შეუსრულებელი დაპირებების გადაფარვას ცდილობს. „წინასაარჩევნოდ „ქართული ოცნება“ ხრიკს მიმართავს და ვიდეოჩანაწერებს ავრცელებს, რათა მოსახლეობაში ნაციონალური მოძრაობის მიმართ ზიზღი დათესოს, საკუთარი უსუსურობა კი მიჩქმალოს, ამით მმართველმა პარტიამ ფაქტიურად წინასაარჩევნო კამპანია დაიწყო“-აცხადებს გაერთიანებული დემოკრატიული მოძრაობის წევრი „მეცხრე არხთან“ საუბრისას. მიმდინარე მოვლენებთან დაკავშირებით, ახალციხეში  მართველი გუნდის წარმომადგენლებმა კომენტარის გაკეთებისგან თავი შეიკავეს.

„ერთიანი ნაციონალური მოძრაობის“ ახალციხის რაიონულ ორგანიზაციაში დღეს ბრიფინგი გაიმართა. ოპოზიციური პარტიის წევრებმა მედიასთან ქვეყანაში მიმდინარე მოვლენებზე ისაუბრეს. მაჟორიტარი დეპუტატები ტარიელ ლონდარიძე და ვაჟა ჩიტაშვილი 19 ოქტომბერს ახალციხეში „ნაციონალური მოძრაობის“ ოფისის კარების აჭედვასაც გამოეხმაურნენ. მათი თქმით, ის აქტივისტები, ვინც პარტიის ოფისებს თავს დაესხნენ, ხელისუფლების მიერ მართული ძალები არიან. ყურადღება გაამახვილეს ეგრეთწოდებულ „ციხის კადრების“ გავრცელებზეც. ასპინძის მაჟორიტარმა დეპუტატმა, აღნიშნული ხელისუფლების მიერ გამიზნულ ქმედებად შეაფასა.

ახალციხის მუნიციპალიტეტის გამგეობამ, 2016 წლის ბიუჯეტის პროექტის დაგეგმვა დაიწყო. ადგილობრივ თვითმართველობაში ამბობენ, რომ მომავალი წლისათვის მთავარი პრიორიტეტი სოციალური სფეროს გაძლიერება და  ამ კუთხით არსებული პრობლემების მოგვარება იქნება. ამორტიზებული შიდა გზა, სარწყავი და სასმელი წყალი – ეს იმ  პრობლემების ჩამონათვალია, რაც სოფელ მინაძის მოსახლეობას აწუხებს. ადგილობრივები ამბობენ, რომ წვიმიან ამინდში აქ  წყლით სავსე ორმოები ჩნდება და ფეხით გადაადგილება შეუძლებელია.  გარდა ამისა, მათ საკმარისი რაოდენობით არც სასმელი და სარწყავი წყალი აქვთ. მინაძელები  ადგილობრივ ხელისუფლებას, მომავალი წლის ბიუჯეტში  სწორედ ამ საკითხების შეტანას სთხოვენ.

“ერთიანი ნაციონალური მოძრაობის” ახალციხის ოფისის კარი უკვე გახსნილია,  თუმცა, რამდენიმე საათის წინ ,,ქართული ოცნების წარმომადგენლებმა შესასვლელი აჭედეს. აქტივისტებმა ოპოზიციური პარტიის ოფისთან აქცია მოაწყეს, სადაც ყოფილი ხელისუფლების საქმიანობა და ე,წ, ციხის კადრები ტრანსფარანტებითა და შეძახილებით დაგმეს. ,,ერთიანი ნაციონალური მოძრაობის“ ქვეყნიდან გაქრობის სურვილი დღეს აქციის 30–მდე  მონაწილემ ხმის გამაძლიერებლებითა და ტრანსპარანტებით გამოთქვეს.

ტელეკომპანია „რუსთავი 2“-ის მხარდამჭერ აქციას ახალციხეც შეუერთდა. 18 ოქტომბერს, ნაციონალური მოძრაობის ქალთა ორგანიზაციის ლიდერები, ქალაქის ცენტრში შეიკრიბნენ. აქციის მონაწილეებმა რუსთავი 2-ის ირგვლივ განვითარებულ მოვლენებთან დაკავშირებით პროტესტი გამოთქვეს და ხელისუფლებას გონივრულად მოქცევისკენ მოუწოდეს. მაკა სუდაძის თქმით, რუსთავი ორის დახურვა, დემოკრატიული მომავლის უკანსვლაა.

„ჯერ ,,გაზპრომ”-ი შემოვა საქართველოში, შემდეგ რუსეთი შემოიყვანს ჯარს“ -ასეთია ახალციხელების ერთი ნაწილის პოზიცია  ქვეყანაში, რუსეთიდან ბუნებრივი აირის შემოსვლასთან დაკავშირებით.  იმ შემთხვევაში  თუ  ხელისუფლება  ,,გაზპრომ”-თან  ხელშეკრულებას გააფორმებს, ადგილობრივები არც იმას გამორიცხავენ, რომ ეს მხოლოდ, მაღალჩინოსანთა პოლიტიკურ ან ბიზნესინტერესებს უკავშირდებოდეს. ახალციხელების მეორე ნაწილი კი ფიქრობს, რომ საქართველოში ალტერნატიული გაზის შემოსვლით კონკურენცია გაჩნდება. ,,გაზპრომ”-ის წარმომადგენელთან შეხვედრაზე კომენტარი, 13 ოქტომბერს, ენერგეტიკის მინისტრმაც გააკეთა. კახი კალაძე კომპანიასთან თანამშრომლობითპრობლემას ვერ ხედავს და აცხადებს, რომ მასთან წინა მთავრობებიც თანამშრომლობდნენ. შემოვა თუ არა რუსული გაზი  საქართველოში – მინისტრს ამაზე  ზუსტი პასუხი არ აქვს, თუმცა სამომავლოდ არაფერს გამორიცხავს.

ახალციხის  გამგეობა-საკრებულო მეორადი ავტომობილების შესაძენად თემის ბიუჯეტიდან 100 000 ლარს დახარჯავს. მუნიციპალიტეტის ხელმძღვანელობა აღნიშნული თანხით, ოთხი ავტომანქანის შეძენას გეგმავს. მათ შორის 50 000 ლარი   „ჯიპის“ მარკის ავტომობილში დაიხარჯება. როგორც საკრებულოს თავმჯდომარე განმარტავს აღნიშნულისათვის, ტენდერი წლის ბოლომდე გამოცხადება – საკითხი დეპუტატებმა თემის წარმომადგენლობით ორგანოში, რიგით მეთოთხმეტე სხდომაზე განიხილეს. გარდა ამისა, დეპუტატებმა ვალეში წყალდიდობის შედეგად დაზიანებული ტერიტორიის ნაპირსამაგი სამუშაოებსათვის 202 000  ლარის გამოყოფის საკითხზე იმსჯელეს.

ადიგენის საკრებულოს დეპუტატები 1 ნოემბრამდე საკუთარ ამომრჩევლებს უნდა შეხვდნენ და მათ შესრულებული საქმიანობის ანგარიში წარუდგინონ– აღნიშული  საკითხი დღეს დეპუტატებმა უმრავლესობით დაამტკიცეს, თუმცა კამერასთან კონკრეტულად მათი ინიციატივით მოგვარებული საკითხების გახსენება უჭირთ. 1 ნოემბრამდე, ადიგენის გამგებელმა და საკრებულოს ყველა წევრმა ამომრჩევლებთან საჯარო შეხვედრები უნდა გამართონ და მათივე საქმიანობის შესახებ ანგარიში წარადგინონ – კანონმდებლობის მიხედვით, მოსახლეობასთან შეხვედრა საკრებულოს წევრთა პირდაპირი ვალდებულებაა, თუმცა საჯარო შეხვედრების ფორმა და ანგარიშის წარდგენის წესი, ადიგენის საკრებულოში დღეს დაამტკიცეს.

ახალციხის მერმა დღეს არასამთავრობო ორგანიზაციის წარმომადგენლებთან შეხვედრა გამართა და 2015 წელს განხორციელებული პროექტების შესახებ ანგარიში წარადგინა. ქალაქის პირველმა პირმა ძირითადი დრო ინფრასტრუქტურულ  პროექტებს დაუთმო, ისაუბრა სამომავლო გეგმებზეც. კოპაძე სასმელი წყლის პრობლემასაც შეეხო და გაერთიანებული წყალმომარაგების კომპანიის ყოფილი ხელმძღვანელების მიმართ უკმაყოფილება გამოთქვა.

გაუქმდება თუ არა საარჩევნო კანონმდებლობით გათვალისწინებული  მაჟორიტარული სისტემა? – კონსტიტუციაში შესატან ცვლილებებზე დღეს ახალციხეში იმსჯელეს. რეგიონის შვიდივე მუნიციპალიტეტის ხელმძღვანელი პირები იმ ინიციატივას გაეცვნენ, რომლის მიხედვითაც 2016 წლის შემდგომ პერიოდში არჩევნები მხოლოდ პროპორციული წესით უნდა ჩატარდეს. 2016 წლის შემდგომ პერიოდში  საქართველოში არჩევნები მხოლოდ პროპორციული სისტემის მიხედვით ჩატარდება–ეს ის ცვლილებაა, რომლის მისაღებადაც, აუცილებელია, პარლამენტის 113 წევრმა თანხმობა გამოთქვას. საარჩევნო სისტემაში შესატანი ცვლილების შესახებ ახალციხეშიც იმსჯელეს.