ადიგენის  2016 წლის ბიუჯეტი დამტკიცდა. მუნიციპალიტეტის დეპუტატებმა მთავარ  ფინანსურ დოკუმენტს კენჭი დღეს, 24 დეკემბერს საკრებულოს სხდომაზე უყარეს. ბიუჯეტის დამტკიცების მომხრე 17 დეპუტატი და ორი მათგანი წინააღმდეგი იყო. კენჭისყრისას დეპუტატმა “გაერთიანებული დემოკრატიული მოძრაობიდან” კი თავი შეიკავა. ადიგენისთვის მთავარი პრიორიტეტი ინფრასტრუქტურული პროექტების განხორციელება იქნება, რისთვისაც მილიონ ლარზე მეტი დაიხარჯება.  აღმასრულებელმა ორგანომ ბიუჯეტში თანამშრომელთა ანაზღაურებისა და პრემია–დანამატებისთვის, დაახლოებით 2 მილიონ ლარამდე თანხა გაწერა. ადიგენის მუნიციპალიტეტის მომავალი წლის მთავარი ფინანსური დოკუმენტი 3 783 400 ლარით განისაზღვრა  

საქართველოს პრემიერ–მინისტრი გადადგა. ამის შესახებ ირაკლი ღარიბაშვილმა საგანგებო განცხადება სპეციალურ პრესკონფერენციაზე გააკეთა. მინისტრთა კაბინეტის ხელმძღვანელობის პერიოდი მან პოზიტიურად შეაფასა და აღნიშნა, რომ მოცემულ პერიოოდში, ქვეყნისთვის მრავალი და მნიშვნელოვანი ნაბიჯი გადაიდგა. ღარიბაშვილმა განსაკუთრებული ყურადღება ევროინტეგრაციის პროცესსა და ადამიანის უფლებების დაცვის საკითხებზე გაამახვილა.   ,,ნაციონალური მოძრაობის“ წევრი მაკა სუდაძე ამბობს, რომ პრემიერის გადადგომა 2016 წლის მოახლოებულ არჩევნებს უკავშირდება და ამით მმართველ ძალას სურს მოსახლეობის ნდობა დაიბრუნოს.

“მოგეხსენებათ, რომ ყველა ადამიანს აქვს თავისუფალი არჩევანის საშუალება” –  ასე დაიწყო ირაკლი ღარიბაშვილმა სპეციალური მიმართვა. იგი თანამდებობიდან გადადგა. ღარბაშვილმა მისი პრემიერობის პერიოდში განხორციელებულ მნიშვნელოვან პროექტებსა და მოვლენებზე ისაუბრა.  “ხელისუფლებაში ყოფნა არასოდეს ყოფილა ჩემი თვითმიზანი. ჩემთვის ეს არის საშუალება იმისა, რომ  ვემსახურო  ჩემს ქვეყანას და ჩვენს ძვირფას ხალხს. ეს არის ჩემი პოლიტიკური მრწამსი.  ასეთი პოლიტიკური კულტურის დამკვიდრება დაიწყო, სწორედ ჩვენმა გუნდმა. ვინაიდან ჩვენ ჯერ კიდევ ახალგაზრდა  დემოკრატია გვაქვს, ამიტომ დიდი მნიშვნელობა აქვს თუ რა მაგალითს დავუტოვებთ ჩვენს შვილებს, რა მაგალითს მივცემთ ჩვენს მომავალ თაობას. თანამდებობები არის დროებითი. მარადიული არის უფალი და სამშობლო. ამიტომ დღეს მივიღე გადაწყვეტილება, დავტოვო პრემიერ  მინისტრის თანამდებობა” – განაცხადა ღარიბაშვილმა ირაკლი ღარიბაშვილმა საქართველოს პრემიერ-მინისტრის პოსტი 2013 წლის წლის 20 ნოემბერს დაიკავა. პრემიერის თანამდებობიდან გადადგომის შემდეგ უფლებამოსილება მინისტრებსაც შეუწყდებათ. საქართველოს კონსტიტუციის გათვალისწინებით, პრემიერ-მინისტრის გადადგომა ან მისი უფლებამოსილების სხვაგვარად შეწყვეტა, მთავრობის წევრთა უფლებამოსილების შეწყვეტას იწვევს. კონსტიტუციის მიხედვით, მთავრობის უფლებამოსილების შეწყვეტის შემთხვევაში, პრეზიდენტი შვიდი დღის ვადაში საპარლამენტო უმრავლესობის მხრიდან შეთავაზებულ პრემიერ-მინისტრობის კანდიდატს წარადგენს. თავის მხრივ, პრემიერ-მინისტრობის კანდიდატი შვიდი დღის ვადაში მინისტრთა კანდიდატურებს შეარჩევს და ნდობის მისაღებად პარლამენტს წარუდგენს. პარლამენტსაც შვიდღიანი ვადა აქვს გადაწყვეტილების მისაღებად. მთავრობისათვის პარლამენტის ნდობის მისაღებად საჭიროა პარლამენტის სიითი შემადგენლობის უმრავლესობის მხარდაჭერა.  

ქალაქ ახალციხის მუნიციპალიტეტის ბიუჯეტი დამტკიცდა. მთავარი ფინანსური დოკუმენტის საბოლოო ვარიანტი საკრებულოს სხდომაზე განიხილეს. მის მიღებას ოპოზიციური პარტიის დეპუტატებმა მხარი არ დაუჭირეს.  დღესვე იმსჯელეს მომავალი წლის   სოციალური პაკეტის გაცემის წესზეც. 10 მომხრე და 4 წინააღმდეგი, ქალაქ ახალციხის 2016 წლის ბიუჯეტი  დამტკიცებულია. მთავარ ფინანსურ დოკუმენტს დეპუტატებმა კენჭი დღეს უყარეს. ქალაქის მერის განმარტებით, 2015 წელთან შედარებით, მომავალი წლის ბიუჯეტი მილიონი ლარით მეტს შეადგენს.  

ტელეკომპანია „მეცხრე არხის“ ეთერში დაწყებული კამათი ახალციხის რაიონულ სამმართველოში დაკითხვით გაგრძელდა. სამართალდამცველებმა დღეს ქალაქ ახალციხის საკრებულოს წევრი „გაერთიანებული დემოკრატიული მოძრაობიდან“ ჯიმშერ გოგოლაური დაკითხეს. მისი თქმით, ახსნა–განმარტებითი ჩვენების მიცემა  ახალციხის მერის მიერ თოქშოუ „დიალოგში“  გაჟღერებულ ბრალდებებთან დაკავშირებით მოუწია. ჯიმშერ გოგოლაური ფიქრობს, რომ აღნიშნულ საქმეზე მალე გიორგი კოპაძესაც დაკითხავენ. ჩვენების მიცემის პროცესი, დაახლოებით ერთი საათი გაგრძელდა. საქმის მოკვლევას ახალციხის რაიონული სამმართველო აწარმოებს.

“ქართული ოცნების” მიერ წარმოდგენილი ახალი კანონპროექტის მიხედვით, 73 ოლქიდან 13 მაჟორიტარული ოლქი საზღვრების უცვლელად დარჩება და მუნიციპალიტეტის საზღვრებს დაემთხვევა. 42 ოლქი მუნიციპალიტეეტების გაერთიანების, ან დაყოფის შედეგად შეიქმნება. სამცხე–ჯავახეთში ახალციხე, ასპინძა და ადიგენი ერთ ოლქად ჩამოყალიბდება, თუმცა აწყური და მიმდებარე ტერიტორიის 8 000–მდე მოსახლე ბორჯომის ოლქში გაერთიანდება. რაც შეეხება ბორჯომს, ნინოწმინდასა და ახალქალაქს, მათ ცალ–ცალკე ოლქები ექნებათ.

“ერთიანი ნაციონალური მოძრაობის“ ლიდერები სამცხე–ჯავახეთის პარტიის მხარდამჭერებს შეხვდნენ. მიხეილ მაჭავარიანი, სერგო რატიანი, დავით დარჩიაშვილი და რეგიონის მაჟორიტარი დეპუტატები, მესხეთის სახელმწიფო დრამატულ თეატრში შეკრებილ მოქალაქეებს სამომავლო გეგმებსა და პარტიის წევრების მიერ ჩამოყალიბებული ქვეყნის განვითარების გეგმაზე ესაუბრნენ.  მათ ყველაზე მეტი დრო, ქვეყნის საარჩევნო ოლქებად დაყოფის ახალ მოდელზე, საპენსიო ფონდის გაზრდაზე, გადასახადების შემცირებაზე, ქვეყნის გამოწვევებსა და პრობლემებზე საუბარს დაუთმეს. შეხვედრაზე აღინიშნა, რომ  ,,ერთიანი ნაციონალური მოძრაობისადმი“ ნდობა იზრდება, რისთვისაც შეკრებილ მოსახლეობას მხარდაჭერისთვის მადლობა გადაუხადეს.

“ერთიანი ნაციონალური მოძრაობის” რეგიონული ყრილობა ახალციხეში დაიწყო. სამცხე–ჯავახეთის მოსახლეობასთან შესახვედრად პარტიის ლიდერები: მიხეილ მაჭავარიანი, სერგო რატიანი და დავით დარჩიაშვილი  ჩამოვიდნენ. შეხვედრას, ასევე ესწრებიან რეგიონის მუნიციპალიტეტების დეპუტატები, რაიონული ორგანიზაციების თავმჯდომარეები და წევრები. ყრილობის დაწყებამდე მედიასთან კომენტარი დავით დარჩიაშვილმა გააკეთა. მისი თქმით, პარტიის ლიდერები ადგილობრივ მოსახლეობასთან ქვეყანაში შექმნილ მდგომარეობაზე, ეკონომიკურ კრიზისზე, საკანონმდებლო ინიციატივებზე, რუსეთ–საქარველოს ურთიერთობებზე ისაუბრებენ და თავიანთ გეგმებს გააცნობენ. დავით დარჩიაშვილის თქმით, რაონული ორგანიზაციების თავმჯდომარეების შეცვლა ამ ეტაპზე არ იგეგმება, თუმცა საზოგადოების წინაზე პარტიის ახალი წევრები წარსდგენიან. “ნაციონალური მოძრაობის” ლიდერები მოსახლეობას მესხეთის პროფესიული სახელმწიფო დრამატული თეატრის შენობაში ხვდებიან.

ახალციხეში “ერთიანი ნაციონალური მოძრაობის” ლიდერებს ელოდებიან. შეხვედრა მესხეთის პროფესიული სახელმწიფო დრამატული თეატრის შენობაში დაგეგმილი. რეგიონულ ყრილობაზე პარტიის პირველი პირები მოსახლეობასთან ქვეყანაში არსებულ მდგომარეობას განიხილავენ და სამომავლო გეგმებზე ისაუბრებენ. რეგიონული ყრილობა თეატრის შენობაში 14:00 საათზე შედგება.

ჯიმშერ გოგოლაურმა ახალციხის რაიონულ პროკურატურაში, გიორგი კოპაძის წინააღმდეგ, საჩივარი შეიტანა. „გაერთიანებული დემოკრატიული მოძრაობის“ წარმომადგენელი ახალციხის მერის პასუხისმგებლობის საკითხის დაყენებას მოითხოვს. გოგოლაურის თქმით, კოპაძემ თოქ–შოუ „დიალოგში“ მას ბრალი დასდო, რომ ძალოვან უწყებაში მუშაობის პერიოდში პატიმრებს აწამებდა და მათგან სასურველი ჩვენების მიღებას ძალისმიერი მეთოდებით ცდილობდა. საკრებულოს წევრი ძალოვან სტრუქტურებს საკითხით დაინტერესებისკენ მოუწოდებს. ახალციხის მერი გიორგი კოპაძე აღნიშნულზე კომენტარს არ აკეთებს. შეგახსენებთ, რომ „გაერთიანებული დემოკრატიული მოძრაობის“ წევრისა და  ქალაქის მერის დაპირისპირება, 10 დეკემბერს გადაცემა „დილოგის“ პირდაპირ ეთერში, ახალციხის მომავალი წლის ბიუჯეტის პროექტის განხილვას მოჰყვა.

ტელეკომპანია „მეცხრე არხის“ თოქ–შოუ „დიალოგში“ გაკეთებული განცხადების გამო, ჯიმშერ გოგოლაური ქალაქის მერს პროკურატურაში უჩივის. „გაერთიანებული დემოკრატიული მოძრაობიდან“  საკრებულოს დეპუტატის განცხადებით, გადაცემაში გიორგი კოპაძემ, მას ბრალი დასდო, რომ ძალოვან უწყებაში მუშაობის პერიოდში პატიმრებს აწამებდა და მათგან სასურველი ჩვენების მიღებას ძალისმიერი მეთოდებით ცდილობდა. ჯიმშერ გოგოლაური ამბობს, რომ ქალაქის მერისგან მის მიმართ, მსგავსი ბრალდება უკვე მეორედ გაისმა. იგი აღნიშნული საკითხით ძალოვანი უწყების დაინტერესებასა და გიორგი კოპაძის პასუხისმგებლობის საკითხის დაყენებას მოითხოვს. როგორც გოგოლაურმა „მეცხრე არხთან“ განაცხადა, კონსულტაციას ადვოკატთან გაივლის და პროკურატურას საჩივრით მიმართავს. „გაერთიანებული დემოკრატიული მოძრაობის“ წევრისა და  ქალაქის მერის დაპირისპირება, 10 დეკემბერს, გადაცემა „დილოგის“ პირდაპირ ეთერში, ახალციხის მომავალი წლის ბიუჯეტის განხილვას მოჰყვა.

კახა კალაძემ და “ქართული ოცნების” წევრებმა  ბორჯომში რაიონული ორგანიზაციის თავმჯდომარე  აირჩიეს.  პარტიის აღმასრულებელმა  მდივანმა მედიასთან კომენტარი შეხვედრის დაწყებამდე გააკეთა.  აქ მხოლოდ ერთი –  ბორჯომის გამგებელის დიმიტრი ყიფიანის კანდიდატურა იყო წარდგენილი და დელეგატებმა უპირატესობაც მხოლოდ მას მიანიჭეს. „ქართული ოცნების“ წევრებმა პარტიის გადახალისებასა და სამომავლო გეგმებზეც ისაუბრეს.

კახა კალაძე და “ქართული ოცნების” წევრები  ბორჯომში რაიონული ორგანიზაციის თავმჯდომარეს ირჩევენ. პარტიის გენერალურმა მდივანმა მედიასთან კომენტარი შეხვედრის დაწყებამდე გააკეთა. მისი თქმით, აღნიშნულ პოსტზე მხოლოდ ერთი – დიმიტრი ყიფიანის კანდიდატურაა წარდგენილი. ბორჯომში შეხვედრას ესწრება მუნიციპალიტეტის მაჟორიტარი დეპუტატიც. გედევან ფოფხაძე აღნიშნავს, რომ ყველაფერს გააკეთებს იმისთვის, რათა “ქართული ოცნება” თანამედროვე, ევროპული პარტია იყოს. დღესვე, ბორჯომის შემდეგ, რაიონული ორგანიზაციების თავმჯდომარეებს აირჩევენ ასპინძასა და ადიგენშიც.  

ადიგენის მაჟორიტარმა დეპუტატმა, “ნაციონალური მოძრაობიდან” ზურაბ ჩილინგარაშვილმა პარლამენტის პლენარულ სხდომაზე ადიგენის პრობლემებზე ისაუბრა.  იგი  მიიჩნევს, რომ მუნიციპალიტეტს ხელისუფლება სჯის. ჩილინგარაშვილმა  მმართველ გუნდს მიმართა კითხვით, “ადიგენი იმიტომ ხომ არ ისჯება, რომ ის ვანო მერაბიშვილის რაიონია, ან იმიტომ, რომ ჰყავს მაჟორიტარი “ნაციონალური მოძრაობიდან ?”

ახალციხეში ,,გირჩის“ რეგიონული ოფისი გაიხსნა. ახალი პოლიტიკური ცენტრის წარმომადგენლები დღეს ადგილობრივებს შეხვდნენ და საკუთარი მიზნებისა და მუშაობის პრინციპების შესახებ ესაუბრნენ. მათი თქმით, ოფისის გახსნის მიზანია, რეგიონში უფრო მეტი ადამიანი მოიძიონ, რომლებიც შემდეგ პოლიტიკურ სფეროში აქტიურად ჩაერთვებიან. ,,გირჩის“ წარმომადგენლები ადგილობრივებს საარჩევნო სისტემასთან დაკავშირებით, ცენტრის მიერ შექმნილ ახალ მოდელზეც ესაუბრნენ.

ახალციხის მუნიციპალიტეტის გამგეობის საფინანსო–საბიუჯეტო სამსახურმა 2016 წლის ბიუჯეტის პროექტი საკრებულოს უკვე გადაუგზავნა, რამდენიმე დღეში, მუნიციპალიტეტის წარმომადგენლობითი ორგანო დოკუმენტის  საჯარო განხილვას დაიწყბს. მანამდე კი თემის მოსახლეობა იმ პრობლემებზე საუბრობს, რაც სურთ, რომ ადგილობრივმა ხელისუფლებამ მომავალი წლის ბიუჯეტით მოუგვაროს. https://youtu.be/yIL-4V5T9qw გამგეობის საფინანსო–საბიუჯეტო სამსახურის უფროსი „მეცხრე არხთან“ განმარტავს, რომ 2015 წელთან შედარებით, მომავალი წლის ბიუჯეტი ნახევარი მილიონი ლარით გაიზარდა. პროექტის მიხედვით, ინფრასტრუქტურის კუთხით თანხის მატება არ ფიქსირდება. მიუხედავად ამისა, გელა ლომიძე  ირწმუნება, რომ  საგზაო ინფრასტრუქტურას 55 ათასი ლარი შეემატება, მელიორაციის სამსახურის ბიუჯეტი კი 50  ათასი ლარით გაიზრდება.

სომხეთის, ბულგარეთის, ბელორუსიის, უკრაინის, აზერბაიჯანისა და საქართველოს პოლიტიკურმა ექსპერტებმა ახალციხეში ევროკავშირის თემაზე შეხვედრა გამართეს. მათ სხვადასხვა გამოწვევაზე და თავიანთი ქვეყნის გამოცდილებაზე ისაუბრეს. ექსპერტებს სტუდენტებმა, ადგილობრივი ხელისუფლებისა და არასამთავრობო სექტორის წარმომადგენლებმა მოუსმინეს.

ახალციხეში 2016 წლის სახელმწიფო ბიუჯეტის პროეტის საჯარო განხილვა მოეწყო. არასამთავრობო ორგანიზაციები და ადგილობრივი თვითმართველობის წარმომადგენლები, ქვეყნის მთავრ ფინანსურ დოკუმენტს გაეცვნენ და საკუთარი მოსაზრებები გამოთქვეს. ახალხციხის ადმინისტრაციულ  შენობაში 2016 წლის სახელმწიფოს ბიუჯეტის საჯარო განხილვა მოეწყო. პარლამენტის წევრებმა ადგილობრივი არასამთავრობო ორგანიზაციების წარმომადგენლებსა და თვითმმართველობების ხელმძღვანელ პირებს, ის პროექტები გააცნეს, რომლთა  განხორცილებსაც სახელმწიფო მომავალი წლის ბიუჯეტში აპირებს.

ქალაქ ახალციხის  თვითმმართველობების წარმომადგენლებმა ამომრჩევლებს საქმიანობის შესახებ ანგარიში წარუდგინეს. ქალაქის მერმა 2014 წლის 14 ივნისიდან  მიმდინარე წლის ოქტომბრის ჩათვლით პერიოდში განხორციელებული პროექტების შესახებ ისაუბრა. შეხვედრაზე მერიასა და საკრებულოს პირველმა პირებმა დამსწრეებისგან მადლობა მიიღეს. შეხვედრა დაწყებისთანავე „გაერთიანებული დემოკრატიული მოძრაობის“ დეპუტატმა. ქალაქის მერმა, საკრებულოს თავმჯდომარის მოვალეობის შემსრულებელმა და საკრებულოს დეპუტატებმა 2014 წლის 14 ივნისიდან  მიმდინარე წლის ოქტომბრის თვის ჩათვლით პერიოდში შესრულებული საქმიანობის შესახებ ანგარიში წარადგინეს.

ქალაქ ახალციხის თვითმმართველობის წარმომადგენლები ამომრჩევლებს, შესრულებული საქმიანობის შესახებ ანგარიშს აცნობენ. შეხვედრა დაწყებისთანავე დატოვა “გაერთიანებული დემოკრატიული მოძრაობის” რეგიონულმა კოორდინატორმა და საკრებულოს წევრმა. ჯიმშერ გოგოლაურის თქმით, მისი პროტესტი გამოიწვია, იმ ფაქტმა, რომ შეხვედრას არა ამომრჩევლები, არამედ  გიორგი კოპაძის ნათესავები და ოჯახის მეგობრები ესწრებიან. “რომ შემოვედი დავინახე, რომ კოპაძე იჯდა და ზღაპრებს კითხულობდა. ამიტომ ავდექი და პროტესტის ნიშნად წამოვედი. ფაქტიურად, იქ ისეთი ადამიანები არიან შეკრებილნი, ვინც იქ მუშაობენ, მათი დები, მათი ძმები. იქ მე ვერ დავინახე გაჭირვებული მოსახლეობის კატეგორია. ქალაქის მერმა ანგარიში უნდა ჩააბაროს ქალაქის მოსახლეობას და არა თანამშრომლებს” – განაცხადა “მეცხრე არხთან” ჯიმშერ გოგოლაურმა. 2014 წლის 14 ივნისიდან მიმდინარე წლის ოქტომბრის თვის ჩათვლით პერიოდში შესრულებული საქმიანობის შესახებ ანგარიშს, ქალაქ ახალციხის მერი გიორგი კოპაძე კითხულობს. შეხვედრას საკრებულოს თავმჯდომარის მოვალეობის შემსრულებელი თამარ გოგოლაძე უძღვება.