აბასთუმნის რწმუნებულის პოსტზე,  შესაძლოა ვაკანსია გამოცხადდეს. აღნიშნულის შესახებ ადიგენის მუნიციპალიტეტის გამგებელმა ,,მე–9 არხთან“ საუბრისას განაცხადა. ზაქარია ენდელაძის თქმით, სასამართლოს განაჩენის მიხედვით გადაწყდება, დაინიშნება თუ არა აღნიშნულ პოზიციაზე კონკურსი. მანამდე კი აბასთუმნის რწმუნებულის პოზიციაზე მოვალეობის შემსრულებელი შეირჩევა. მუნიციპალიტეტის პირველი პირი მისი წარმომადგენლის დაკავების ფაქტზე კომენტარს არ აკეთებს.       ,,არ მაქვს სურვილი შევაფასო  მომხდარი ფაქტი. არ მინდა ამ საკითხზე ინტერვიუს მოცემა. დაველოდოთ გამოძიების შედეგს.“ დაკავების ფაქტს ეხმაურება ადიგენის მუნიციპალიტეტის გამგეობის საზოგადოებასთან ურთიერთობის სამსახურის სპეციალისტი. მამუკა კალანდაძე ამბობს, რომ გივი ყულჯანიშვილი კურორტ აბასთუმანში გამგებლის წარმომადგენლად 2014 წლის ნოემბრის თვეში დაინიშნა.     „ ჩვენ გაკვირვებულები   ვართ ამ ფაქტით. ეს ადამიანი საკუთარი საქმის მცოდნე და განათლებული პიროვნებაა. აღშფოთებულები ვართ,  სიმართლე გითხრათ, ჩვენთვის ეს მოულოდნელია.  დეტალებში არ ვართ ბოლომდე გარკვეული და საუბარი ცოტა გვიჭირს“ –  განუცხადა „მეცხრე არხს“ კალანდაძემ. აბასთუმნის მოსახლეობის ნაწილს გივი ყულჯანიშვილი უდანაშაულოდ მიაჩნია, ამიტომ ხელმოწერების შეგროვება დაიწყეს. ამ ფაქტზე კალანდაძე აცხადებს, რომ რწმუნებულის ბრალეულობა–უდანაშაულობის დამტკიცება გამოძიების საქმეა და დეტალებს სამართალდამცველები დაადგენენ. შეგახსენებთ, რომ ადიგენის მუნიციპალიტეტის გამგებლის წარმომამდგენელი კურორტ აბასთუმანში, შსს-ს ანტიკორუფციული სააგენტოს თანამშრომლებმა ქრთამის აღების ფაქტზე 24 ივნისს დააკავეს. გამოძიებამ დაადგინა, რომ გივი ყულჯანიშვილი თავის სამოქმედო ტერიტორიაზე მოქალაქეს მფარველობას დაჰპირდა. შესაბამისი ნებართვისა და პროექტის გარეშე ორი სარეკლამო ბანერის განთავსების სანაცვლოდ მან მოქალაქეს ქრთამის სახით  400 აშშ დოლარი და 1200 ლარი გამოართვა. სამართალდამცველებმა გივი ყულჯანიშვილი დაბა აბასთუმანში დააკავეს.

    აბასთუმნის რწმუნებულის პოსტზე,  შესაძლოა ვაკანსია გამოცხადდეს. აღნიშნულის შესახებ ადიგენის მუნიციპალიტეტის გამგებელმა ,,მე–9 არხთან“ საუბრისას განაცხადა. ზაქარია ენდელაძის თქმით, სასამართლოს განაჩენის მიხედვით გადაწყდება, დაინიშნება თუ არა აღნიშნულ პოზიციაზე კონკურსი. მანამდე კი აბასთუმნის რწმუნებულის პოზიციაზე მოვალეობის შემსრულებელი შეირჩევა. მუნიციპალიტეტის პირველი პირი მისი წარმომადგენლის დაკავების ფაქტზე კომენტარს არ აკეთებს.       ,,არ მაქვს სურვილი შევაფასო  მომხდარი ფაქტი. არ მინდა ამ საკითხზე ინტერვიუს მოცემა. დაველოდოთ გამოძიების შედეგს.“ დაკავების ფაქტს ეხმაურება ადიგენის მუნიციპალიტეტის გამგეობის საზოგადოებასთან ურთიერთობის სამსახურის სპეციალისტი. მამუკა კალანდაძე ამბობს, რომ გივი ყულჯანიშვილი კურორტ აბასთუმანში გამგებლის წარმომადგენლად 2014 წლის ნოემბრის თვეში დაინიშნა.     „ ჩვენ გაკვირვებულები   ვართ ამ ფაქტით. ეს ადამიანი საკუთარი საქმის მცოდნე და განათლებული პიროვნებაა. აღშფოთებულები ვართ,  სიმართლე გითხრათ, ჩვენთვის ეს მოულოდნელია.  დეტალებში არ ვართ ბოლომდე გარკვეული და საუბარი ცოტა გვიჭირს“ –  განუცხადა „მეცხრე არხს“ კალანდაძემ. აბასთუმნის მოსახლეობის ნაწილს გივი ყულჯანიშვილი უდანაშაულოდ მიაჩნია, ამიტომ ხელმოწერების შეგროვება დაიწყეს. ამ ფაქტზე კალანდაძე აცხადებს, რომ რწმუნებულის ბრალეულობა–უდანაშაულობის დამტკიცება გამოძიების საქმეა და დეტალებს სამართალდამცველები დაადგენენ. შეგახსენებთ, რომ ადიგენის მუნიციპალიტეტის გამგებლის წარმომამდგენელი კურორტ აბასთუმანში, შსს-ს ანტიკორუფციული სააგენტოს თანამშრომლებმა ქრთამის აღების ფაქტზე 24 ივნისს დააკავეს. გამოძიებამ დაადგინა, რომ გივი ყულჯანიშვილი თავის სამოქმედო ტერიტორიაზე მოქალაქეს მფარველობას დაჰპირდა. შესაბამისი ნებართვისა და პროექტის გარეშე ორი სარეკლამო ბანერის განთავსების სანაცვლოდ მან მოქალაქეს ქრთამის სახით  400 აშშ დოლარი და 1200 ლარი გამოართვა. სამართალდამცველებმა გივი ყულჯანიშვილი დაბა აბასთუმანში დააკავეს.

ბათუმი-ახალციხის საავტომობილო გზის ერგეს მონაკვეთზე ავტოსაგზაო შემთხვევა მოხდა. ბათუმიდან ხულოს მიმართულებით მოძრავი “მერსედესის” მარკის სამგზავრო მიკროავტობუსს, საპირისპირირო მხრიდან მოძრავი “ლექსუსის” მარკის ჯიპი შეეჯახა, რა დროსაც  მიკროავტობუსის მძღოლმა საჭე ვერ დაიმორჩილა და  გადაბრუნდა. მიკროავტობუსში 17 მგზარი იმყოფებოდა. თვითმხილველების თქმით, მსუბუქი დაზიანება მხოლოდ, ორმა  მგზავრმა მიიღო. ამ დროისათვის მათ სამედიცინო დახმარება უკვე ჩაუტარდათ. ადგილზე სამართალდამცველებიც იყვნენ მობილიზებულნი, როგორც “მეცხრე არხს” შსს-ს საზოგადოებასთან ურთიერთობის სამსახურის წარმომადგენელმა განუცხადა, აღნიშნულთან  დაკავშირებით, მძღოლს ადმინისტრაციულ სამართალდარღვევათა კოდექსით გათვალისწინებული  ჯარიმა დაეკისრება. ბათუმი-ახალციხის საავტომობილო გზაზე ავტოსაგზაო შემთხვევის შესახებ  ინფორმაციას, ინერნეტგამოცემა “შენი მედია გუნდი” ავრცელებს.

        გივი ყულჯანიშვილს აღკვეთის ღონისძიებად წინასწარი პატიმრობა შეეფარდა. ინფორმაცია ,,მე–9 არხს“ დაკავებულის შვილმა – ლაშა ყულჯანიშვილმა დაუდასტურა. მისი თქმით, საქმეს თბილისის საქალაქო სასამართლო განიხილავს. აბასთუმანში ბრალდებულის მხარდასაჭერად ხელმოწერების შეგროვება დაიწყო. ადგილობრივების ნაწილი ფიქრობს, რომ ყულჯანიშვილს დანაშაული არ ჩაუდენია. შეგახსენებთ, რომ ადიგენის მუნიციპალიტეტის გამგებლის წარმომამდგენელი კურორტ აბასთუმანში, შსს-ს ანტიკორუფციული სააგენტოს თანამშრომლებმა ქრთამის აღების ფაქტზე 24 ივნისს დააკავეს. გამოძიებამ დაადგინა, რომ გივი ყულჯანიშვილი თავის სამოქმედო ტერიტორიაზე მოქალაქეს მფარველობას დაჰპირდა. შესაბამისი ნებართვისა და პროექტის გარეშე ორი სარეკლამო ბანერის განთავსების სანაცვლოდ მან მოქალაქეს ქრთამის სახით გამოართვა 400 აშშ დოლარი და 1200 ლარი. სამართალდამცველებმა გივი ყულჯანიშვილი ქრთამის აღების ფაქტზე დაბა აბასთუმანში დააკავეს. გამოძიება ქრთამის აღების ფაქტზე  საქართველოს სსკ-ის 338-ე მუხლის 1-ლი ნაწილით მიმდინარეობს, რაც 6-დან 9 წლამდე ვადით თავისუფლების აღკვეთას ითვალისწინებს.

შსს-ს ცენტრალური კრიმინალური პოლიციის დეპარტამენტის ორგანიზებულ დანაშაულთან ბრძოლის მთავარი სამმართველოს დამნაშავეთა სამყაროს წინააღმდეგ ბრძოლის სამმართველოს და საპატრულო პოლიციის დეპარტამენტის სამცხე-ჯავახეთის მთავარი სამმართველოს სასაზღვრო სამიგრაციო კონტროლი „ვალე“-ს თანამშრომლებმა, ერთობლივად ჩატარებული ოპერატიულ-საგამოძიებო ღონისძიებების შედეგად, ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვის-ტარების, გასაღების და წინასწარი შეთანხმებით ჯგუფურად გადაზიდვის ბრალდებით 6 პირი: ირანის ისლამური რესპუბლიკის 3 მოქალაქე – 1990 წელს დაბადებული ტოჰიდ ე, 1971 წელს დაბადებული ნაჰარინ მოჰჰამად ა, 1959 წელს დაბადებული სეიედ რაზავი მირ ქ. და საქართველოს 3 მოქალაქე – 1989 წელს დაბადებული ცოტნე პ, 1990 წელს დაბადებული ნიკა ბ. და 1957 წელს დაბადებული ალექსანდრე ა. დააკავეს. სამართალდამცველებმა ირანის ისლამური რესპუბლიკის მოქალაქეები ვალეს საბაჟო გამშვებ პუნქტში საზღვარზე გადასვლისას, ხოლო საქართველოს მოქალაქეები თბილისში დააკავეს.     გამოძიებამ დაადგინა, რომ ირანის მოქალაქეები: ტოჰიდ ე. ნაჰარინ მოჰჰამად ა. და სეიედ რაზავი მირ ქ. საქართველოს მოქალაქეების: ცოტნე პ-ს, ნიკა ბ-ს და ალექსანდრე ა-ს. დახმარებით საქართველოში ყიდულობდნენ ცეცხლსასროლ იარაღსა და საბრძოლო მასალას და შემდგომი რეალიზაციის მიზნით ირანის ისლამურ რესპუბლიკაში გაჰქონდათ. ასევე დადგინდა, რომ ბრალდებული პირები უკანონო იარაღის საქართველოში შეძენას და ირანის ისლამურ რესპუბლიკაში რეალიზაციას პერიოდულად აწარმოებდნენ.

საფრანგეთის ორი მოქალაქე, საბაჟო გამშვები პუნქტის „ვალეს“ გავლით,  ნარკოტიკული ნივთიერების შემცველი პრეპარატების შემოტანას შეეცადა. შემთხვევა 23 ივნისს დაფიქსირდა. შემოსავლების სამსახურის თანამშრომლებმა საფრანგეთის მოქალაქე ბ.ა.-ის ხელბარგის ეჭვის საფუძველზე დათვალიერებისას, 11 აბი ნარკოტიკული ნივთიერების შემცველი მედიკამენტი CoDoliprane, ხოლო საფრანგეთის მოქალაქე რ.გ.ნ.-ის ხელბარგის დათვალიერებისას, 13 აბი ნარკოტიკული ნივთიერების შემცველი პრეპარატი Lamaline აღმოაჩინეს. შემოსავლების სამსახურის ინფორმაციით, ორივე საქმე შემდგომი რეაგირების მიზნით, საპატრულო პოლიციის დეპარტამენტის სამცხე-ჯავახეთის მთავარი სამმართველოს საგამოძიებო განყოფილებას გადაეცა.

შსს-ს ანტიკორუფციული სააგენტოს თანამშრომლებმა, ჩატარებული ოპერატიულ-სამძებრო და საგამოძიებო ღონისძიებების შედეგად, ადიგენის მუნიციპალიტეტის გამგებლის წარმომადგენელი აბასთუმნის ადმინისტრაციულ ერთეულში – გივი ყულჯანიშვილი ქრთამის აღების ფაქტზე დააკავეს. გამოძიებამ დაადგინა, რომ გივი ყულჯანიშვილი თავის სამოქმედო ტერიტორიაზე მოქალაქეს მფარველობას დაჰპირდა. შესაბამისი ნებართვისა და პროექტის გარეშე ორი სარეკლამო ბანერის განთავსების სანაცვლოდ მან მოქალაქეს ქრთამის სახით გამოართვა 400 აშშ დოლარი და 1200 ლარი. სამართალდამცველებმა გივი ყულჯანიშვილი ქრთამის აღების ფაქტზე დაბა აბასთუმანში დააკავეს. გამოძიება ქრთამის აღების ფაქტზე მიმდინარეობს (საქართველოს სსკ-ის 338-ე მუხლის 1-ლი ნაწილით, რაც 6-დან 9 წლამდე ვადით თავისუფლების აღკვეთას ითვალისწინებს). კურორტ აბასთუმნის რწმუნებულის დაკავების შესახებ პირველად ინფორმაცია ტელეკომპანია “მეცხრე არხმა” გაავრცელა.

  ბორჯომში ავტოსაგზაო შემთხვევას, ერთი ადამიანის სიცოცხლე ემსხვერპლა.  24 ივნისს, ხე-ტყით დატვირთული ZiL-ის მარკის სატვირთო მანქანა ე.წ. გომნის მთიდან ბრუნდებოდა და ამობრუნდა. მანქანამ გია ყაველაშვილი ქვეშ მოიყოლა, 52 წლის მამაკაცი ადგილზე გარდაიცვალა. მანქანაში, რამდენიმე ადამიანი იმყოფებოდა, რომლებიც არ დაშავებულან.    ბორჯომის საგანგებო სიტუაციების მართვის სამსახურში შეტყობინება 112-დან შევიდა, რის შემდეგაც სამაშველო ჯგუფი ადგილზე, მალევე გამოცხადდა. შემთხვევის ადგილზე იმყოფებოდნენ სასწრაფო სამედიცინო დახმარების სამსახური და პოლიცია. გარდაცვლილის სატვირთო მანქანიდან ამოყვანას, დაახლოებით, 40 წუთი დასჭირდა. ექსპერტიზის ჩატარების მიზნით, ცხედარი პროზექტურაში გადაასვენეს. ინფორმაციას ბორჯომის საგანგებო სიტუაციების მართვის სამსახურის უფროსის მოადგილე – ლევან ხუციშვილი ადასტურებს. აღნიშნულთან დაკავშირებით გამოძიება, საქართველოს სსკ-ს 276-ე მუხლის მეხუთე ნაწილით მიმდინარეობს. წყარო: ტელეკომპანია “ბორჯომი”

იარაღის უკანონოდ შეძენა-შენახვაში მსჯავრდებულის, გიორგი კაპანაძის საქმის განხილვა სააპელაციო სასამართლომ დაიწყო. პირველი სასამართლო სხდომა 24 ივნისს გაიმართა. როგორც ადვოკატი „მეცხრე არხთან“ განმარტავს, სხდომაზე მხოლოდ შესავალი სიტყვა წაიკითხა და მოსამართლეს ევროსასამართლოს ის გადაწყვეტილებები წარუდგინა, რაც მისივე თქმით, საქართველოსათვის მითითებას წარმოადგენს. ირაკლი ბარძიმაძე თვლის, რომ ახალციხის რაიონულმა სასამართლომ განაჩენი, პოლიციელების მშრალ ჩვენებებზე დაყრდნობით გამოიტანა, რაც ევროისასამართლოს ცნების დარღვევაა და სააპელაციომ მათი ურთიერთგამომრიცხავი ჩვენებები უნდა გაითვალისწინოს.

აბასთუმნის ტერიტორიული ორგანოს რწმუნებული ქრთამის აღების ფაქტზე დააკავეს. გივი ყულჯანიშვილის დაკავება “მეცხრე არხს” ადიგენის საკრებულოს თავმჯდომარემ, იმედა მღებრიშვილმაც დაუდასტურა, თუმცა იგი დეტალების შესახებ ვერ საუბრობს. აბასთუმნის რწმუნებულის დაკავებას ადასტურებენ საქართველოს შინაგან საქმეთა სამინისტროშიც. უწყებისაგან “მეცხრე არხი” ოფიციალურ ინფორმაციას ელოდება. გივი ყულიჯანიშვილი, აბასთუმნის ტერიტორიული ორგანოს რწმუნებულად, ერთი წლის წინ დაინიშნა. დეტალებს მოგვიანებით შემოგთავაზებთ.

ასპინძის მუნიციპალიტეტში, ვარძიამდე მისასვლელ გზაზე ავტოსაგზაო შემთხვევისას ერთი ადამიანი დაშავდა. 13 წლის მოზარდს, ამ წუთებში, “უნიმედი სამცხეში” ზედა კიდურებზე ოპერაცია უტარდება, მედიკოსები ცდილობენ მას სისხლდენა შეუჩერდეს. “მეცხრე არხის” ინფორმაციით, იქიდან გამომდინარე, რომ მოზარდის მდგომარეობა მძიმეა, დედაქალაქიდან უკვე გამოძახებულია კატასტროფის ჯგუფი, დაზარალებულის თბილისში გადასაყვანად. სავარაუდოდ, შემთხვევისას ავტომობილში ბებია, ბაბუა და შვილიშვილები იმყოფებოდნენ.ისინი ვარძიის ისტორიული კომპლექსის მოსანახულებლად იმყოფებოდნენ და უკან ბრუნდებოდნენ. დაზარალებულები უცხო ქვეყნის, სავარაუდოდ, ისრაელის მოქალაქეები არიან. შსს-ს ინფორმაციით, აღნიშნულთან დაკავშირებით გამოძიება სსკ-ს 276 -ე მუხლის პირველი ნაწილით მიმდინარეობს, რაც სატრანსპორტო მოძრაობის დარღვევას გულისხმობს.

ახალციხის რაიონულ სასამართლოში ლევან ლობჯანიძის სარჩელის განხილვა გრძელდება. პროცესსზე მოსარჩელე მხარის კიდევ ოთხი მოწმე დაიკითხა. მოწმეებმა  კენჭისყრის დღე დეტალურად გაიხსენეს და საკრებულოში არსებული სიტუაციის შესახებ, სასამართლოს მოახსენეს.

ბორჯომ-ბაკურიანის სატყეო უბან ჭობისხევში უკანონოდ ჩადგმული სახერხი დანადგარი აღმოაჩინეს. დანაშაულებრივი ქმედება ეროვნული სატყეო სააგენტოს სამცხე-ჯავახეთის სამსახურის თანამშრომლების მიერ გამოვლინდა. გარემოს დაცვისა და ბუნებრივი რესურსების სამინისტროს ინფორმაციით, სამართალდამრღვევი ცნობილია და მასალები შემდგომი რეაგირებისთვის შესაბამის ორგანოებს გადაეცემა.

საბაჟო გამშვებ პუნქტ „ნინოწმინდის“ მებაჟე ოფიცრებმა 21 ივნისს, სომხეთის მოქალაქე მ.ზ.-ის დათვალიერებისას, 8 აბი ნარკოტიკული ნივთიერების შემცველი მედიკამენტი, „ტრამადოლი“ აღმოაჩინეს. საქმე შემდგომი რეაგირების მიზნით,  შინაგან საქმეთა სამინისტროს, საპატრულო პოლიციის დეპარტამენტის, სამცხე–ჯავახეთის მთავარი სამმართველოს საგამოძიებო განყოფილებას გადაეცა. შემოსავლების სამსახურის თანამშრომლებმა ფსიქოტროპული ნივთიერების შემცველი მედიკამენტები აღმოაჩინეს, საბაჟო გამშვებ პუნქტზე „სარფი“ და „სადახლო-საავტომობილოს“ ტერიტორიაზეც.

აბასთუმნის მთაში ავტოსაგზაო შემთხვევას ორი ადამიანის სიცოცხლე ემსხვერპლა. “მეცხრე არხის” ინფორმაციით, ავტომობილი, რომელშიც ხუთი ადამიანი იმყოფებოდა, ხრამში გადავარდა. ორი მათგანი ადგილზე გარდაიცვალა, ხოლო მძღოლი, ორ ადამიანთან ერთად, ახალციხის კლინიკა “იმედშია”  გადაყვანილი. შსს აღნიშნულს ადასტურებს. მათივე ინფორმაციით,   გამოძიება 276–ე მუხლის მე–5 ნაწილით მიმდინარეობს, რაც სატრანსპორტო მოძრაობის უსაფრთხოების დარღვევას გულისხმობს, რამაც სიცოცხლის მოსპობა გამოიწვია. “მეცხრე არხის” ინფორმაციით, ავტომობილის მძღოლი ახალციხელი ექიმი ვ.მ–ა, რომელიც მუშაობს, როგორც “უნიმედი სამცხეში”, ასევე, კლინიკა “იმედში”. სამედიცინო დაწესებულებაში იგი მრავლობითი მოტეხილობით შევიდა. მედიკოსთა განმარტებით, მისი მდგომარეობა შედარებით მძიმეა. ვ.მ.–ის მეუღლისა და კიდევ ერთი პიროვნების სიცოცხლეს, რომლებიც ასევე, ავტომობილში იმყოფებოდნენ, საფრთხე არ ემუქრებათ. ავტოსაგზაო შემთხვევის დროს გარდაცვლილები ექიმ ვ.მ–ის დედა და ბიძა არიან.

ახალციხის რაიონულმა სასამართლომ ბესო ენდელაძის საქმეში, კიდევ ერთი ბრალდებული, დამნაშავედ ცნო.   მოსამართლის გადაწყვეტილებით რატი დემეტრაძეს ორი წლით თავისუფლების აღკვეთა მიესაჯა თუმცა იქიდან გამომდინარე, რომ მან დანაშაული აღიარა, ორ წლიანი პატიმრობა პირობითი მსჯავრით შეეცვალა.

ახალციხის რაიონულ სასამართლოში ლევან ლობჯანიძის სარჩელის განხილვა გრძელდება.   პროცესსზე ოთხი მოწმე დაიკითხა. ადიგენის მუნიციპალიტეტის საკრებულოს ყოფილი თავმჯდომარე ადგილობრივ თვითმმართველობას ბრალს დისკრიმინაციაში სდებს და მიიჩნევს, რომ მისი თანამდებობიდან გადაყენება უკანონოდ მოხდა.

     ახალციხის რაიონულმა სასამართლომ, რატი დემეტრაძე დამნაშავედ ცნო და ორწლიანი პირობითი მსჯავრი დაუწესა. შესაძლოა, დაცვის მხარემ გადაწყვეტილება გაასაჩივროს. პროკურატურა დემეტრაძეს ხევაშნელი ბესო ენდელაძის  მკვლელობის საქმეზე, დანაშაულის შეუტყობინებლობას ედავებოდა. აღნიშნულთან დაკავშირებით გამოძიება საქართველოს სისხლის სამართლის კოდექსის 376–ე მუხლით მიმდინარეობდა, რაც 2–დან 4 წლამდე თავისუფლების აღკვეთას ითვალისწინებდა. დანაშაული აღიარების გამო, რატი დემეტრაძეს პატიმრობა პირობითი მსჯავრით შეეცვალა.

      ბორჯომის მუნიციპალიტეტის სოფელ ახალდაბაში 3 წლის ლილე მხეიძე გარდაიცვალა.  ლილეს დედა გაზეთ “პრაიმტაიმთან” საუბრისას მცირეწლოვნის გარდაცვალებას ექიმების დაუდევრობასა და ოპერაციის დროს დაშვებულ შეცდომას უკავშირებს. გლანდების ოპერაციის გასაკეთებლად საავადმყოფოში მიყვანილი ბავშვი ანესთეზიიდან ვერ გამოვიდა. იგი ბორჯომის სამედიცინო დაწესებულებიდან ახლობლებმა  ჟვანიას სახელობის ბავშვთა პედიატრიული კლინიკის რეანიმაციულ განყოფილებაში გადაიყვანეს, თუმცა მისი გადარჩენა ვეღარ მოხერხდა. 3 წლის ლილე გონზე მოუსვლელად 21 მაისს გარდაიცვალა. “ვეხვეწებოდი ანესთეზიოლოგს – მოდით, ნახეთ ბავშვი ავად არის, ვერ სუნთქვას, არ იღვიძებს–თქო. ლამის ვემუდარებოდი, მაგრამ გულთან ახლოსაც კი არ მიჰქონდათ. 3 წლის ბავშვს გამაყუჩებლის ისეთი დოზები ჰქონდა გაკეთებული, რომ ალბათ ცხენს წააქცევდა. ნარკოზიდან გამოსული ბავშვი არ მინახავს, ისე დაიღუპა. ფსიქიურ ავადმყოფებს რომ უკეთებენ, ისეთი წამლები აქვს ბავშვს გაკეთბული, მათ შორის დიაზეპამი”, – ამბობს “პრაიმტაიმთან” საუბრისას გარდაცვლილის დედა ანა მხეიძე. საქმეში ჩართულია ჯანდაცვის სამინისტროს რეგულირების სააგენტო. პარალელურად მომხდარ ფაქტზე პროკურატურამ სისხლის სამართლის საქმე აღძრა. წყარო: “პრაიმტაიმი”

შინაგან საქმეთა სამინისტროს სამცხე-ჯავახეთის სამხარეო მთავარი სამმართველოს ადიგენის, ახალციხის და ბორჯომის რაიონული სამმართველოების თანამშრომლებმა, ოპერატიული ინფორმაციის საფუძველზე ერთობლივად ჩატარებული საგამოძიებო ღონისძიებების შედეგად, 1991 წელს დაბადებული ლაშა ხ, 1961 წელს დაბადებული დავით გ, 1985 წელს დაბადებული პავლე ჩ, 1970 წელს დაბადებული ბესიკ ე, 1966 წელს დაბადებული გიორგი მ, 1981 წელს დაბადებული მინდია ც. და 1973 წელს დაბადებული ვასილ ს. უკანონო ტყითსარგებლობის, ხე-ტყის პირველადი გადამუშავების, ტყის ტრანსპორტირებისა და რეალიზაციის მოთხოვნათა დარღვევის, ტყის პირველადი გადამამუშავებელი ობიექტის ტექნიკური რეგლამენტის მოთხოვნების დარღვევის და ხე-ბუჩქნარის უკანონოდ გაჩეხვის ფაქტებზე ამხილეს. სამართალდამცველებმა ბესიკ ე-ს, გიორგი მ-ს და მინდია ც-ს მართვის ქვეშ მყოფი ავტომანქანებიდან უკანონოდ მოჭრილი 6,5 კუბ.მეტრი სამასალე მერქანი ამოიღეს. ასევე ამოღებულია პავლე ჩ-ს და ლაშა ხ-ს კუთვნილი, უკანონოდ მოჭრილი, 5 მეტრის სიგრძის 43 მორი და 3 მეტრის სიგრძის 17 მორი, ხოლო ვასილ ც. ხე-ტყის ტრანსპორტირების წესის დარღვევის ფაქტზე იმ დროს ამხილეს, როდესაც მას უკანონოდ მოჭრილი 25 კუბური მეტრი ფიცარი უკანონოდ გადაჰქონდა. გამოძიება უკანონო ტყითსარგებლობის, ხე-ტყის პირველადი გადამუშავების, ტყის ტრანსპორტირებისა და რეალიზაციის მოთხოვნათა დარღვევის, ტყის პირველადი გადამამუშავებელი ობიექტის ტექნიკური რეგლამენტის მოთხოვნების დარღვევის და ხე-ბუჩქნარის უკანონოდ გაჩეხვის ფაქტებზე მიმდინარეობს (საქართველოს ადმინისტრაციულ სამართალდარღვევათა კოდექსის 66-ე, 128-ე პრიმა მუხლის მე-2 ნაწილის, 128-ე პრიმა მუხლის მე-3 ნაწილით და საქართველოს სსკ-ის 303-ე მუხლის 1-ლი ნაწილით).