გაფიცული მუშები სამუშაო ადგილებს დაუბრუნდნენ. ისინი ჟურნალისტებთან განმარტავენ, რომ ხელმძღვანელობამ ყველა მოთხოვნა დაუკმაყოფილა , ამიტომ გადაწყვიტეს სამუშაოს დაბრუნებოდნენ. მუშების განმარტებით, სამუშაო სათების რაოდენობა გაიზარდა, დღეში ორჯერ 15 წუთიანი შესვენება ექნებათ და დაუბრუნდათ ჩაის დალევის დროც. იმ შემთხვევაში, თუ მუშებს ჯანმრთელობის პრობლემა შეექმნებათ, ერთი დღის ნაცვლად, სამი დღით სამსახურის გაცდენა შეეძლებათ. მიღწეული შეთანხმების შემდეგ, მუშები სამსახურეობრივი უფლებამოსილების განხორცილებას შეუდგნენ. რაც შეეხება 19 მუშას, რომლებიც გარდაბანიდან არიან, ხელმძღვანელობა მათ დაპირდა, რომ გარდაბანშივე დაასაქმებენ. შეგახსენებთ, რომ კავკასიური გაზსადენის გაფართოების პროექტის ფარგლებში დასაქმებული  150 მუშა, ვალეში ორი დღის წინ გაიფიცა. მათგან შვიდი,  სამსახურში მალევე დაბრუნდა.ისინი შემცირებული საათებისა და ხელფასის გაზრდას, შაბათ დღეს ანაზღაურების გაორმაგებასა და კვების პირობების გაუმჯობესებას მოითხოვდნენ.  

ახალციხის სოფელ სხვილისში, მუნიციპალიტეტის მასშტაბით,  ყველაზე მეტი ვაშლი მოდის. ადგილობრივების ნაწილი, თავს ჯერ კიდევ ამ ხილის რეალიზებით ირჩენს. თუმცა, სხვილისელები ამბობენ,  ხეხილის ბაღები ყოველწლიურად იჩეხება და მის  ადგილზე ბევრს  უკვე კარტოფილის მოსავალი მოჰყავს, რადგან შემოსავალი ამ კუთხით ბევრად მეტია. სხვილისელები სახელმწიფოს სარეალიზაციო ბაზრების ამოქმედებას სთხოვენ. “ფერმერის საათის” კითხვებს სოფლის მეურნეობის სამინისტროს რეგიონული სამმართველოს მთავარი სპეციალისტი ლია თედორაძე პასუხობს. 2015 წლის 2 დეკემბერი.  

ახალციხეში ,,გირჩის“ რეგიონული ოფისი გაიხსნა. ახალი პოლიტიკური ცენტრის წარმომადგენლები დღეს ადგილობრივებს შეხვდნენ და საკუთარი მიზნებისა და მუშაობის პრინციპების შესახებ ესაუბრნენ. მათი თქმით, ოფისის გახსნის მიზანია, რეგიონში უფრო მეტი ადამიანი მოიძიონ, რომლებიც შემდეგ პოლიტიკურ სფეროში აქტიურად ჩაერთვებიან. ,,გირჩის“ წარმომადგენლები ადგილობრივებს საარჩევნო სისტემასთან დაკავშირებით, ცენტრის მიერ შექმნილ ახალ მოდელზეც ესაუბრნენ.

საპროტესტო აქციის მესამე დღე. მუშები გაფიცვას აგრძელებენ. ქალაქ ახალციხის 2016 წლის ბიუჯეტის პროექტის საჯარო განხილვა მერიაში; ასპინძის საკრებულოში მომავალი წლის ბიუჯეტის პროექტზე იმსჯელეს; პოლიტიკური გაერთიანება ,,გირჩის“ ოფისი ახალციხეში;

ახალციხის მუნიციპალიტეტის გამგებელმა,  სოფლებში მცხოვრებ შშმ პირთა მონახულება, წყრუთში მცხოვრები პოზოიანების ოჯახიდან დაიწყო. ადგილობრივი ხელისუფლების წარმომადგენლები, მათ გარდა, კიდევ 14 ბენეფიციართან მივიდნენ და სურსათი და საკონდიტრო ნაწარმი გადასცეს. ზაზა მელიქიძის თქმით, საკვები პროდუქტების გარდა, მუნიციპალიტეტში მცხოვრებ 153 პირს, ვისაც  პირველი ჯგუფის ინვალიდის, ან პირველი და მეორე ჯგუფის მხედველობითი ინვალიდის სტატუსი აქვს, ადგილობრივი ბიუჯეტიდან, ერთჯერადად, 75 ლარი ჩაერიცხება.

საპროტესტო აქციის მეორე დღე. მუშები გაფიცვას აგრძელებენ. ეკონომიკის მინისტრი ახალციხეში. დიმიტრი ქუმსიშვილის შეხვედრა პროექტ ,,აწარმოე საქართველოს“ მონაწილეებთან; 3 დეკემბერი შშმ პირთა საერთაშორისო დღეა; ,,საბრალდებო დასკვნა“ – პრემიერა მესხეთის სახელმწიფო დრამატულ თეატრში.

გაფიცულმა მუშახელმა სამუშაოზე შესასვლელი გზა გადაკეტა. აქციის მონაწილეებმა მხოლოდ საკვებით დატვირთული ავტომობილი შეუშვეს. საწვავისა და სამშენებლო მასალების მანქანები კი გზაზე არ გაატარეს. მათთან კომპანიის დავალებით, კადრების თანამშრომელი გამოვიდა. ილია ბეჟაშვილმა მათ, ხელმძღვანელობასთან მოსალაპარაკებლად შესვლის მიზნით, ლიდერების სიის ჩამოწერა დაავალა, რაზეც გაფიცულმა თანამშრომლებმა კატეგორიული უარი განუცხადეს. მათი თქმით, აქციის პირველ დღეს, იგივე მიზეზით,  30 კაციანი სია ჩამოწერეს, რის შემდეგაც, ისინი აქციის მოთავეებად მიიჩნიეს და სამსახურიდან გაათავისუფლეს. მუშები შიშობენ, რომ შესაძლოა,  დღესაც იგივე განმეორდეს. კომპანიის წარმომადგენელმა შეკრებილებს ასევე განუცხადა, რომ რას ითხოვენ გაფიცული თანამშრომლები კონკრეტულად, ხელმძღვანელობამ არ იცის. აღნიშნულის შემდეგ, გაფიცულმა მუშებმა ხელმოწერების შეგროვება და მოთხოვნების დეტალურად ჩამოყალიბება გადაწყვიტეს. ამ დროისათვის, ადგილზე მობილიზებულია სამცხე–ჯავახეთის რეგიონული მთავარი სამმართველოსა და საპატრულო პოლიციის თანამშრომლები. საპროტესტო აქცია პარალელურ რეჟიმში მიმდინარეობს გარდაბანშიც. მუშები აქაც სამუშაო საათებისა და ანაზღაურების შემცირებას აპროტესტებენ. შეგახსენებთ, რომ 2 დეკემბერს, ღამით, ახალციხის სასტუმროში დაბინავებული მუშახელი, რომელიც თბილისიდან და გარდაბნიდან იყვნენ, პოლიციის ძალით გამოასახლეს.

150 გაფიცული თანამშრომელი და უპასუხოდ დარჩენილი კითხვები დამსაქმებლისგან – სამხრეთ-კავკასიური  მილსადენის გაფართოების პროექტის ფარგლებში მიმდინარე სამუშოები მუშებმა მიატოვეს. მათ კომპანია ,,ბეხტელ ენკას“ მიერ სამუშო საათების შემცირება და ხელფასის დაკლება გააპროტესტეს. მსგავსი მოთხოვნები სამხრეთ-კავკასიური მილსადენის გაფართოების პროექტზე მომუშვე  პერსონალს  მას შემდეგ გაუჩნდა, რაც დამსაქმებელმა, ერთობლივმა საწარმო ,,ბეხტელს ენკამ“ მათ სამუშაო საათები შეუმცირა და შესაბამისად ხელფასი დააკლო. 150–მდე მუშამ დღეს პროტესტის ნიშნად საქმიანობა მიატოვა და ხელმძღვანელობასთან დალაპარაკება მოითხოვა, თუმცა უშედეგოდ.

23  გაფიცულ თანამშრომელს სასტუმროში დარჩენის უფლებას არ აძლევენ. ამ წუთებში, ,,თეთრი სახლიდან”,  სადაც სამხრეთ კავკასიური მილსადენის პროექტის  სამშენებლო სამუშაოებში დასაქმებულები რჩებოდნენ, საპროტესტო აქციის მონაწილეებს, პოლიციის ძალით გამოსახლებას უპირებენ. ,,სად წავიდეთ ამ ღამეს, არ გვინდა გასვლა, მაგრამ ჩვენ პოლიციას როგორ მოვერევით”–  განმარტეს ,,მე–9 არხთან” გაფიცულმა თანამშრომლებმა. მათი თქმით, თუკი სამართალდამცველები ძალის გამოყენებით გააძევებენ, იძულებულნი გახდებიან ტერიტორია დატოვონ. აღნიშნული პიროვნებები  ,,BECHTEL & ENKA”-ს ის თანამშრომლები არიან, რომლებსაც დღეს დილით კომპანიამ ხელშეკრულებები გაუუქმა. თავდაპირველად სამუშოს გარეშე 30 ადამინი დარჩა, დღის განმავლობაში 7 მათგანი სამსახურში აღადგინეს, დარჩენილი 23–ს კი კოპანია ღამის გასათევი ადგილის გარეშე ტოვებს. კომპანია ,,BECHTEL & ENKA”–ს წარმომადგენლები მედიასთან კონტაქტზე უარს ამბობენ.

დღეს, ახალციხის რაიონულ სასამართლოში, დანაშაულის შეუტყობინებლობაში ბრალდებულების – ნალბანდიანის, კარაპეტიანისა და იგიტიანის  სასამართლო პროცესი გაიმართა.  საქმეზე ორი მოწმე, ექსპერტ–კრიმინალისტი ირაკლი წვერავა და გამომძიებელი  ლევან ნებაძე დაიკითხნენ. გამომძიებელი იხსენებს, რომ არმენ ნალბანდიანი, გამომძიებელ ელგუჯა ტაბატაძესთან დაკითხვაზე დაბარების შემდეგ მივიდა, სადაც ნალბანდიანი, ნებაძეს და მის ორ თანამშრომელს, აგრესიულად ესაუბრა, რაც ფიზიკურ დაპირისპირებაში გადაიზარდა.

   3 დეკემბერს, ახალციხეს, ეკონომიკისა და მდგრადი განვითარების მინისტრი ეწვევა. დიმიტრი ქუმსიშვილი, პროგრამის, “მიკრო და მცირე მეწარმეობის ხელშეწყობის” ფარგლებში დაფინანსებული პროექტის ავტორებს შეხვდება. ეკონომიკის სამინისტროს წარმომადგენლები, აღნიშნული პროგრამის პრეზენტაციას 13:00 საათზე, სასტუმრო ,,ლომსიაში” გამართავენ.

შპს ,,სამცხე XXI“–ს დირექტორისა და ახალციხის გამგეობის ყოფილი თანამშრომლების საქმეზე მიღებულ სასამართლო გადაწყვეტილებას, ადვოკატი სააპელაციო სასამართლოში გაასაჩივრებს. ე.წ. სახურავის ორივე საქმეში ბრალდებულების უფლებებს, შემდგომ ინსტანციაში, ირაკლი ბარძიმაძე დაიცავს. ადვოკატი მიიჩნევს, რომ მოსამართლის გადაწყვეტილება, რომლის მიხედვითაც,  ქასრაშვილსა და მერაბიშვილს გულგრილობაში ედებათ ბრალი, უსაფუძვლოა. ბარძიმაძეს საეჭვოდ მიაჩნია ის გარემოება, რომ ერთსა და იმავე საქმეზე ბრალდებული პირებიდან, ერთს 8–წლიანი პატიმრობა შეეფარდა, ორს კი მხოლოდ 1 700ლარიანი ჯარიმა დაეკისრა. ბარძიმაძე ფიქრობს, რომ მოსამართლე გიორგი ლონდარიძისგან განსხვავებით, გოჩა ჯეირანაშვილი ვერ შეაშინეს. მისივე თქმით, მოსამართლე გიორგი ლონდარიძეს, ფარცახაშვილის საქმეზე დასაბუთებული განაჩენი ჯერ არ გაუვრცელებია, მიუხედავად ამისა, პროკურორმა ქასრაშვილი–მერაბიშვილის ბოლო პროცესზე, ფარცახაშვილის განაჩენზე ისაუბრა.

ქალის ძირითად მოვალეობად, შვილების გაზრდასა და შთამომავლობაზე ზრუნვას, ზურაბ სარალიძის მსგავსად, კიდევ რამდენიმე ადგილობრივი ასახელებს. მამაკაცების უმრავლესობა ფიქრობს, რომ ქალი წამყვან პოზიციაზე საჭირო სულაც არ არის და თავისი აქტიურობით, ქვეყანაში პოლიტიკურ ამინდს, ვერ შეცვლის. საზოგადოების ნაწილი კი მიიჩნევს, რომ განათლებული ქალის ჩართვა საკანონმდებლო და აღმასრულებელ ხელისუფლებაში, არსებულ რეალობაში მნიშვნელოვან ცვლილებებს შეიტანს.

     ახალციხის ნაწილს სასმელი წყალი არ მიეწოდება. ,,გაერთიანებული წყალმომარაგების კომპანიაში“ ამბობენ, რომ წყლის შეწყვეტის მიზეზი ცენტრალურ მაგისტრალზე მომხდარი დაზიანებაა. საზოგადოებასთან ურთიერთობის სამსახურის უფროსის თქმით, სასმელი წყლის გარეშე, ახალციხეში, აბონენტების 11% დარჩენილი. ნინო რამიშვილი განმარტავს, რომ პრობლემის მოგვარებაზე უკვე მუშაობენ და 950–მდე აბონენტს წყლის მიწოდება 18 საათისთვის აღუდგება.

   რევაზ მერაბიშვილსა და გიორგი ქასრაშვილს, ახალციხის რაიონულ სასამართლოში, განაჩენი დღეს, გოჩა ჯეირანაშვილმა გამოუტანა. მოსამართლემ ახალციხის გამგეობის ყოფილი თანამშრომლები, ორ მუხლში, სამსახურეობრივი უფლებამოსილების გადამეტებასა და სიყალბეში უდანაშაულოდ ცნო.სამსახურეობრივი გულგრილობისთვის კი, 1 700ლარიანი ჯარიმა დაეკისრათ. სხდომას არ ესწრებოდა მსჯავრდებულების ადვოკატი. გიორგი ქასრაშვილმა ,,მე–9 არხთან” განაცხადა, რომ ჯერჯერობით არ გადაუწყვეტიათ, გაასაჩივრებენ თუ არა მოსამართლის გადაწყვეტილებას. შეგახსენებთ, რომ  ახალციხის მუნიციპალიტეტის გამგეობის ყოფილ თანამშრომლებს გიორგი ქასრაშვილსა და რევაზ მერაბიშვილს ბრალად  სამსახურეობრივი უფლებამოსილების გადამეტება, სამსახურეობრივი სიყალბე და დიდი ოდენობით თანხის მითვისება ედებოდათ.

არასამთავრობო ორგანიზაციები, პარლამენტში, გენდერული  კვოტირების შემოღებას ითხოვენ.  უნდა ოყოს თუ არა ქალი პოლიტიკაში; სასამართლოს გადაწყვეტილება ქასრაშვილი–მერაბიშვილის საქმეზე;

ახალციხის მერია დეკემბრის დასაწყისში ღონისძიებას გეგმავს. „შემოდგომის ახალციხე“ – ამ სახელწოდებით, კონცერტი, მესხეთის სახელმწიფო დრამატულ თეტრში, ქართული ესტრადის მომღერლების მონაწილეობით, 6 დეკემბერს  გაიმართება. საათნახევრიანი ღონისძიებისთვის, ადგილობრივმა თვითმმართველობამ ელექტრონული ტენდერი 9 573 ლარზე გამოაცხადა. მასში მონაწილეობა მხოლოდ ერთმა კონპანიამ – შპს ,,NEWNESS“-მა მიიღო, რომელიც 9 400 ლარად ახალციხეში ზურაბ დოიჯაშვილს, ქუჩის ბიჭებს, ეკა თევზაძეს, ტატო გოდერძიშვილსა და ზურაბ კობეშავიძეს ჩამოიყვანს.

ფარეხას დასახლებაში არსებულ  საცხოვრებელ ბინას გამაგრებითი სამუშაოები ჩაუტარდება – ამის შესახებ ადიგენის მუნიციპალიტეტის გამგეობის ინფრასტრუქტურის სამსახურის უფროსმა გადაცემა „ფერმერის საათში“ განაცხადა.  გოდერძი სხირტლაძის თქმით, ამ დროისათვის, ტენდერში გამარჯვებული გამოვლენილია. ხელშეკრულების გაფორმების შემდეგ, სამუშაოებს ინდმეწარმე ჯემალ ქიმაძე 7 349 ლარის ფარგლებში შეასრულებს.  2016 წლისთვის კი ადგილობრივი ხელმძღვანელობა კორპუსის სახურავის შეცვლასა და ფასადების შეღებვას გეგმავს. რას შეეხება ელექტროენერგიის პრობლემას,  ინფრასტრუქტურის სამსახურის უფროსის თქმით, ენერგეტიკის სამინისტროში აღნიშნულზე მუშაობა უკვე მიმდინარეობს. გოდერძი სხირტლაძე საკითხის დადებითად გადაწყვეტას იმედოვნებს.

ფარეხას დასახლებაში არსებულ  საცხოვრებელ ბინას გამაგრებითი სამუშაოები ჩაუტარდება; ,,აირჩიე თანასწორობა!“ – ქალთა პოლიტიკური მონაწილეობის მხარდამჭერი აქცია ახალციხეში; „შემოდგომის ახალციხე“ – კონცერტი ქართული ესტრადის ვარსკვლავების მონაწილეობით.

ახალციხის მერიაში  საჯარო მოხელეები გადამზადდებიან. ამისათვის ადგილობრივი ბიუჯეტიდან 24 000 ლარი გამოიყო. სასწავლო ცენტრი, რომელიც მერიის თანამშრომლებს კონკრეტული მიმართულებებით  გადაამზადებს,  ელექტრონული შესყიდვების გზით შეირჩევა– აღნიშნული საკითხი დღეს მერიის საკრებულოს სხდომაზე ერთ–ერთი მნიშვნელოვანი იყო. ქალაქ ახალციხის მერიასა და საკრებულოში დასაქმებული 72 საჯარო მოხელე  2016 წლისათვის გადამზადებას გაივლის– სასწავლო კურსის გეგმა დღეს საკრებულოს სხდომაზე დამტკიცდა.