ახალციხის მუნიციპალიტეტის  გამგეობისა  და საკრებულოს თანამშრომლებმა, მინაძესა და ურაველში მრავალშვილიან სოციალურად შეჭირვებულ ოჯახებს, დამდეგი ახალი წელი მიულოცეს და საჩუქრები გადასცეს. როგორც ახალციხის გამგებელი განმარტავს, ბავშვებს,  ტკბილეული და სათამაშოები საკუთარი დანაზოგით შეუძინეს. საახალწლოდ გამგეობა, მსგავსი სახის საქველმოქმედო ღონისძიების გამართვას ახალციხის სხვა  სოფლებშიც გეგმავს.

არასამთავრობო ორგანიზაცია  „დემოკრატ მესხთა კავშირში“ პროექტის „ნდობის მშენებლობა სამხრეთ კავკასიაში“ ფარგლებში ჩატარებული კვლევის პრეზენტაცია გაიმართა. ღონისძიებას ახალციხის  მერის მოადგილე  და ორგანიზაციასთან არსებული ახალგაზრდული ცენტრის წევრები დაესწრენენ. როგორც პროექტის კოორდინატორი განმარტავს, კვლევები არსებული პრობლემების შესახებ, ქალაქში და ახალციხის სოფლებში  ჩატარდა.

კათოლიკურმა სამყარო 25 დეკემბერს ქრისტეს შობის ბრწყინვალე დღესასწაული იზეიმა. საქართვლოს ყველა მოქმედ კათოლიკურ ტაძარში საზეიმო ლიტურგია შესრულდა. რაბათის წმინდა სავარდის სახელობის ეკლესიაში, ლოცვა ღამის 12 საათზე დაიწყო. უფლის დაბადებას მრევლი ღამისთევით შეხვდა. კათოლიკური სამყარო, გრიგორიანული კალენდრის მიხედვით, ,  ქრისტეს შობის ბრწყინვალე დღესასწაულს აღნიშნავს. მომლოცველთა დიდი ნაწილი უფლის დაბადებას, ბეთლემში ხვდება.

საპარლამენტო უმრავლესობა პრემიერ მინისტრობის პოსტზე პრეზიდენტისთვის გიორგი კვირიკაშვილის კანდიდატურის წარდგენაზე შეთანხმდა. პარლამენტის თავმჯდომარე დავით უსუფაშვილი მიიჩნევს, რომ პარლამენტი კვირიკაშვილს ნდობას გამოუცხადებს. პრემიერ-მინისტრობის კანდიდატმა გიორგი კვირიკაშვილმა  ირაკლი ღარიბაშვილს, ასევე საპარლამენტო უმრავლესობას ნდობისთვის მადლობა გადაუხადა. “მინდა მადლობა გადავუხადო ბატონ ირაკლის. ჩვენ ძალიან ბევრი კარგი საქმე ერთად გავაკეთეთ და მე წილად მხვდა ბედნიერება, რომ ვყოფილიყავი ვიცე-პრემიერი, როდესაც ბატონი ირაკლი პრემიერ-მინისტრი იყო. ასევე მადლობა მინდა გადავუხადო იმ ნდობისთვის, რომელიც მან ცოტა ხნის წინ გამომიცხადა. ასევე, მინდა დიდი მადლობა გადავუხადო უმრავლესობის თითოეულ წევრს, რომელმაც ნდობა გამოხატა ჩემი პრემიერ-მინისტრობის პოსტზე წარსადგენად. ეს არის უდიდესი პასუხისმგებლობა ქვეყნის და თითოეული მოქალაქის წინაშე და მე ვეცდები, რომ მაქსიმალურად დავიხარჯო ამ პასუხისმგებლობის აღსრულებაში”, – განაცხადა გიორგი კვირიკაშვილმა.  

მშენებელი კომპანია, მესხეთის სახემწიფო დრამატულ თეატრის ადმინისტრაციას, სასამართლოში უჩივის; კათოლიკური სამყარო ქრისტეშობის დღესასწაულს აღნიშნავს; პოლიციელებზე თავდასხმაში ბრალდებულთა სასამართლო სხდომა, ახალციხის რაიონულ სასამართლოში.

ირაკლი ღარიბაშვილის პოსტიდან გადადგომას ახალციხეში  ადგილობრივი ხელისუფლების პირველი პირები, არასამთავრობო ორგანიზაციების წარმომადგენლები და პოლიტოლოგები აფასებენ. ისინი ფიქრობენ, რომ ღარიბაშვილის მიერ თანამდებობის დატოვება 2016 წლის არჩევნების სამზადისს უკავშირდება და არ არის გამორიცხული იგი „ქართული ოცნების“  სიის პირველ ნომრად მოგვევლინოს. პრემიერი იყო გულანთებული ქართველი–ასე აფასებს ახალციხის მერი, ბოლო წლებში  ირაკლი ღარიბაშვილის საქმიანობას. გიორგი კოპაძე არ მალავს, რომ  ყოფილი პრემიერ–მინისტრის მიერ პოსტის დატოვება მოულოდნელი იყო.

ახალციხეში მცხოვრებ, 14 ვეტერან სპორტსმენს, ახალციხის მერმა დღეს უმასპინძლა. გიორგი კოპაძემ, სპორტის განვითარებაში შეტანილი წვლილისთვის მადლობა გადაუხადა და ამ სფეროს პოპულარიზაციაში დახმარებას დაპირდა. ქალაქის მერმა, სპორტსმენებს, წინასაახალწლოდ 500 ლარი და მადლობის სიგელები გადასცა. გიორგი კოპაძემ, ვეტერანი სპორტსმენების ნაწილისგან, არჩევნებში მხარდაჭერის პირობა მიიღო.

ბორჯომში 9 აპრილის ქუჩაზე კაფე „1+2“ ცეცხლი დღეს გამთენიისას გაუჩნდა. კაფეში დამწვარია 5 კვ.მ. ფართობი. კაფეს პოლიციელების მკვლელობისთვის ბრალდებული შალვა აბულაძე გასულ წელს ამუშავებდა. კაფე ამჯერად მისი მეგობრის საკუთრებაშია. შემთხვევის ადგილზე ამ წუთებში კრიმინალისტები მუშაობენ. საქმეზე გამოძიება დაწყებულია. ინფორმაციას ტელეკომპანია “ბორჯომი” ავრცელებს.

ადიგენის  2016 წლის ბიუჯეტი დამტკიცდა. მუნიციპალიტეტის დეპუტატებმა მთავარ  ფინანსურ დოკუმენტს კენჭი დღეს, 24 დეკემბერს საკრებულოს სხდომაზე უყარეს. ბიუჯეტის დამტკიცების მომხრე 17 დეპუტატი და ორი მათგანი წინააღმდეგი იყო. კენჭისყრისას დეპუტატმა “გაერთიანებული დემოკრატიული მოძრაობიდან” კი თავი შეიკავა. ადიგენისთვის მთავარი პრიორიტეტი ინფრასტრუქტურული პროექტების განხორციელება იქნება, რისთვისაც მილიონ ლარზე მეტი დაიხარჯება.  აღმასრულებელმა ორგანომ ბიუჯეტში თანამშრომელთა ანაზღაურებისა და პრემია–დანამატებისთვის, დაახლოებით 2 მილიონ ლარამდე თანხა გაწერა. ადიგენის მუნიციპალიტეტის მომავალი წლის მთავარი ფინანსური დოკუმენტი 3 783 400 ლარით განისაზღვრა  

უცხოელების გამოცდილება და თანამედროვე ტექნოლოგიები

ირაკლი ღარიბაშვილმა თანამდებობა დატოვა. რას შეცვლის პრემიერ–მინისტრის გადადგომა ქვეყანაში; რუსეთი, საქართველოს მოქალაქეებისთვის ვიზებს ამარტივებს. შეფასებები სამცხე–ჯავახეთიდან; ადიგენის საკრებულო, დღეს, 2016 წლის ბიუჯეტს დაამტკიცებს;

გთავაზობთ ინსტრუქციას: როგორ დავიჭიროთ “მეცხრე არხი”.

ქალაქ ახალციხის მუნიციპალიტეტის ბიუჯეტი დამტკიცდა. მთავარი ფინანსური დოკუმენტის საბოლოო ვარიანტი საკრებულოს სხდომაზე განიხილეს. მის მიღებას ოპოზიციური პარტიის დეპუტატებმა მხარი არ დაუჭირეს.  დღესვე იმსჯელეს მომავალი წლის   სოციალური პაკეტის გაცემის წესზეც. 10 მომხრე და 4 წინააღმდეგი, ქალაქ ახალციხის 2016 წლის ბიუჯეტი  დამტკიცებულია. მთავარ ფინანსურ დოკუმენტს დეპუტატებმა კენჭი დღეს უყარეს. ქალაქის მერის განმარტებით, 2015 წელთან შედარებით, მომავალი წლის ბიუჯეტი მილიონი ლარით მეტს შეადგენს.  

შსს-ს სამცხე-ჯავახეთის პოლიციის დეპარტამენტის დირექტორი თეიმურაზ კალანდაძე და საპატრულო პოლიციის სამცხე-ჯავახეთის მთავარი სამმართველოს უფროსის მოადგილე კობა კობახიძე ახალციხის მერმა ჩემპიონატში მიღწეული წარმატებისთვის სიგელებით დააჯილდოვა. მათთან ერთად თელავში გიორგი რეხვიაშვილის სახელობის ტურნირში იასპარეზეს ახალციხის სპორტსკოლის ათლეტებმაც, რომლებმაც ჯგუფურ შეჯიბრში პირველი ადგილი დაიკავეს. შვიდს ათლეტს გიორგი კოპაძემ საჩუქრად 200–200 ლარი ჩაურიცხა. ქალაქის მერის განმარტებით, უნდა მოხდეს ჯანსაღი ცხოვრების პოპულარიზაცია და ამაში ხელი ადგილობრივმა თვითმმართველობამაც უნდა შეუწყოს.

ქალაქ ახალციხის მუნიციპალიტეტის ბიუჯეტი დამტკიცდა. მთავარი ფინანსური დოკუმენტის საბოლოო ვარიანტი საკრებულოს სხდომაზე განიხილეს. დეპუტატებმა, ასევე, იმსჯელეს სოციალური პაკეტის გაცემის წესზე. 2016 წლის ბიუჯეტი საკრებულოს წევრებმა, 10 ხმით ოთხის წინააღმდეგ დაამტკიცეს. მომავალი წლის მთავარი ფინანსური დოკუმენტი 9 მილიონ 887 700 ათასი ლარით განისაზღვრა.

უკვე გადაწყდა, ვინ იმღერებს 31 დეკემბრის ღამეს ახალციხეში. კულტურის სამინისტროს გადაწყვეტილებით, მესხ მაყურებელს ახალ წელს ტრიო ,,სიმი“, თბილისური კვარტეტი, კახა კუხიანიძე, ნუკრი კაპანაძე და ნატო გელაშვილი მიულოცავენ. სამინისტროს პრესსამსახურის ინფორმაციით, ხუთ შემსრულებელს კიდევ სამი ცნობილი მომღერალი დაემატება, თუმცა მათი ვინაობა ჯერ გარკვეული არ არის. ,,მე–9 არხთან“ საუბრისას ქეთი ებანოიძემ განმარტა, რომ ქართული ესტრადის წარმომადგენლები ახალციხის მერიის მოთხოვნის მიხედვით შეარჩიეს. კულტურის სამინისტროს ინფორმაციით, საახალწლო კონცერტი 31 დეკემბერს, საღამოს 10–ის ნახევარზე დაიწყება და 12:00 საათზე ფოიერვერკით დასრულდება. ყველა ხარჯს კულტურის სამინისტრო დაფარავს.

,,ახალციხის ციხის” 16 თანამშრომელი, იანვრიდან, ისტორიულ კომპლექსში მუშაობას ვეღარ გააგრძელებს. ადმინისტრაციამ გადაწყვიტა, რომ გიდებს, მეთვალყურეებს და მარეგულირებლებს ხელშეკრულება, რომელიც დეკემბერში უსრულდებათ, აღარ გაუგრძელოს. ამ გადაწყვეტილებას იმ პირების უკმაყოფილება მოჰყვა, ვინც ახალციხის ციხეს რამდენიმე დღეში დატოვებს. დეტალებს ,,მე–9 არხის“ კორესპონდენტი არკვევდა. სახლში წასვლა ახალციხის ციხის 16 თანამშრომელს მოუწევს. გიდების გარდა, ხელშეკრულება აღარ გაუგრძელდებათ მარეგულირებლებსა და მეთვალყურეებს.

ახალციხეში, 9 აპრილის ქუჩაზე მომხდარი ავტოავარიის გამო, ქალაქში ბუნებრივი აირის მიწოდება შეწყდა. დაახლოებით 20:30 საათზე ,,ფორდის” მარკის მიკროავტობუსი გაყვანილობას შეეჯახა. შემთხვევის შედეგად არავინ დაშავებულა. როგორც ,,მეცხრე არხთან“ გაზმომარაგების კომპანია ,,ინტერგაზის“ დირექტორმა ვასილ აბულაძემ განმარტა, შემთხვევის შედეგად მილი დაზიანდა, უსაფრთხოების მიზნით კი მთელი ღამის განმავლობაში ბუნებრივი არის მიწოდება შეწყდება.

ახალციხეში, 9 აპრილის ქუჩაზე მომხდარი ავტოავარიის გამო, ქალაქში ბუნებრივი აირის მიწოდება შეწყდა. დაახლოებით 20:30 საათზე ,,ფორდის” მარკის მიკროავტობუსი გაყვანილობას შეეჯახა. შემთხვევის შედეგად არავინ დაშავებულა. როგორც ,,მეცხრე არხთან“ გაზმომარაგების კომპანია ,,ინტერგაზის“ დირექტორმა ვასილ აბულაძემ განმარტა, შემთხვევის შედეგად მილი დაზიანდა, უსაფრთხოების მიზნით კი მთელი ღამის განმავლობაში ბუნებრივი არის მიწოდება შეწყდება. მისივე თქმით, გაზმომარაგება ქალაქში ხვალ, 23 დეკემბერს დილიდან აღდგება. შემთხვევის ადგილზე იმყოფებიან  ,,ინტერგაზის“ თანამშრომლები. ისინი დაზიანებულ ადგილზე სამუშაოებს ახორციელებენ. ადგილზე მობილიზებული იყო საპატრულო პოლიციის ეკიპაჟი, მათ  მიკროავტობუსის მძღოლს ჯარიმა 250 ლარის ოდენობით დააკისრეს. ამ დროისათვის, ქალაქ ახალციხეში 5 000–ზე მეტი აბონენტი ბუნებრივი აირის გარეშეა დარჩენილი.

სამცხე–საათაბაგოს პოლიტიკური ისტორია,  მხარეში არსებული ფეოდალური საგვარეულობები, მათი ვინაობა და წარმომავლობა – ამ საკითხებს ერთად თავი პროფესორმა რომან გოგლაურმა მოუყარა. ისტორიკოსმა წიგნის, სახელწოდებით  – „ჩრდილო–კავკასია, სამცხე–ჯავახეთის ურთიერთობა და ქართ–კახეთი XVIII საუკუნეში“,  პრეზენტაცია დღეს ახალციხის ადმინისტრაციულ შენობაში გამართა. იგი ავტორის 50 წლის იუბილესა და სამცხე–ჯავახეთის სახელმწიფო უნივერსიტეტის 25 წლის იუბილეს მიეძღვნა. პრეზენტაცია ქალაქის მერიის ინიციატივით მოეწყო, როგორც თვითმმართველობაში განმარტავენ, წიგნის გამოცემა უსახსრობის გამო ვერ მოხერხდა, ამიტომ ქალაქის მერიამ გადაწყვიტა ნაშრომის დაბეჭდვისათვის, დაახლოებით,  5 000 ლარი გამოყოს. აღნიშნული თანხით, პირველ ეტაპზე, დაგეგმილია 500 ეგზემპლიარის  გამოცემა, რომელიც  შემდგომში ბიბლიოთეკებს უფასოდ გადაეცემათ.