პირველ ივნისს ახალციხის მუნიციპალიტეტის  გამგეობის კულტურის სამსახური პატარებს ნაყინით გაუმასპინძლდება. ბავშვთა საერთაშორისო დღეს აქცია ახალციხის ცენტრალური პარკის მიმდებარე ტერიტორაზე ჩატარდება. კულტურის სამსახურის უფროსი სპეციალისტის  განმარტებით, სკოლამდელი აღზრდის დაწესებულებებში ღონისძიებების გამართვაც იგეგმებოდა,  თუმცა სწავლის შეჩერების გამო, გეგმა ვეღარ განხორციელდება.

რაბათის ისტორიულ კომპლექსში კულტურლი ღონისძიება გაიმართა. საესტრადო სიმღერები, მუსიკალური ნომრები, ფოლკლორული  და სამეჯლისო ცეკვები, აუდიტორიას ადგილობრივმა ანსამბლებმა წარუდგინეს. საღამო მიზნად  ეთნიკურად განსხვავებულ საზოგადოებას შორის კულტურული ღონიძიებით დიალოგის წარმართვას ისახავდა. მას ორგანიზაება ,,კავკასიის ინიციატივათა ქსელმა” გაუწია.

საინფორმაციო-შემეცნებითი ტურის პირველ დღეს, დიპლომატიური კორპუსის წარმოამდგენლები რაბათის კომპლექსს ესტუმრნენ. მათ  სამცხე–ჯავახეთის ისტორიული მუზეუმი დაათვალიერეს, სადაც უძველესი ნივთებისა  და იარაღების გასაცნობად კომპლექსში 6 ინგლისური ენის მცოდნე გიდი შეირჩა.  შემეცნებითი ტურის მეორე დღეს კი ელჩებბმა ასპინძისა და ნინოწმინდის მუნციპალიტეტები მოინახულეს. საქართველოში აკრედიტებული ელჩები და მათი ოჯახის წევრები ვარძიის ისტორიულ ქალაქსა და ფოკის დედათა მონასტერს ესტუმრნენ. 100–მდე საელჩოს წარმოამდგენლებთან ერთად,  რეგიონში საგარეო საქმეთა მინისტრიც იმყოფებოდა.

საქართველოს დამოუკიდებლობის დღისადმი მიძღვნილი ღონისძიების ფარგლებში რაბათის ციხის ტერიტორიაზე სხვადსხვა ღონისძიება მოეწყობა: სპორტული შეჯიბრი, წიგნების გამოფენა–გაყიდვა, ადგილობრივი მხატვრებისა და ხალხური რეწვის ოსტატთა, ასევე შეზღუდული შესაძლებლობების მქონე პირთა ხელნაკეთი ნივთებისა და ნამუშევრების გამოფენა, ღვინის ფესტივალი, თოჯინების თეატრის სპექტაკლი, ასფალტზე ხატვა და სხვა.

თბილისის ზაქარია ფალიაშვილის სახელობის ოპერისა და ბალეტის თეატრის ანსამბლი „სულიკო“ ახალციხეს ესტუმრა.  ოპერის სოლისტებისგან შემდგარმა ანსამბლმა სამუსიკო სკოლის დარბაზში ადგილობრივ მაყურებელს ქართული–ხალხური სიმღერები წარმუდგინა. ერთგანყოფილებიანი კონცერტი სტუმრებმა კულტურისა და ძეგლთა დაცვის სამინისტროს პროექტის „რეგიონების“ ფარგლებში ჩაატარეს.

ბორჯომის მეორე ჩამოსასხმელ ქარხანას უკრაინული და  ყაზახური უმსხვილესი ტურისტული სააგენტოების წარმომადგენლები ესტუმრნენ. ინფო-ტურის ფარგლებში, მათ ქარხანაში მინერალური წყლების წარმოების პროცესი დაათვალიერეს და მის ისტორიას გაეცვნენ.  რის შემდეგაც სტუმრები ახალი ვებ–გვერდის პრეზენტაციას დაესწრნენ, რომელიც “IDS ბორჯომი-საქართველოს”  მიერ  ტურიზმის ხელშეწყობის ფარგლებში  მომზადდა.

მუნიციპალიტეტის მასშტაბით შეგროვებული ხელოვნების ნამუშევრების დათვალიერება მსურველებს ადიგენში სამი დღის განმავლობაში შეეძლოთ. 21 მაისს დაბაში ღონისძიების დასკვნითი ეტაპი გაიმართა და საუკეთესო ნამუშევრების ავტორებს სიგელები გადაეცათ.

დამეგობრებული მუნიციპალიტეტები და კულტურის სამინისტროს ახალი ინიციატივა — დღეს ადიგენს ტყიბულის სიმღერისა და ცეკვის ანსამბლები ესტუმრნენ. მათ მასპინძლებს სხვადასხვა საკონცერტო ნომრები წარუდგინეს და საკუთარი შესაძლებლობები აჩვენეს.

ანსამბლი „თამარიონი“ ოცი წლისაა. იუბილესთან დაკავშირებით ქალთა ფოლკლორულმა ანსამბლმა ღონისძიება მესხეთის პროფესიულ დრამატულ თეატრში გამართა. მონაწილეებმა მაყურებელს ყველა ის ტრადიციული სიმღერა შესთავაზეს, რომელსაც „თამარიონი“ წლების განმავლობაში  ასრულებდა.

   ახალციხეში თამარ მეფის ძეგლი გვირგვინითა და ყვავილებით შეამკეს. ადგილობრივი მუნიციპალიტეტის პირველმა პირებმა ძლევაშემოსილ ქართველ მეფეს პატივი ამგვარად მიაგეს. გამგებლის თანამდებობაზე მოვალეობის დროებითმა შემსრულებელმა მოსახლეობას წმინდანის ხსენების დღე მიულოცა და თამარ მეფის დროს გაერთიანებულ საქართველოში ცხოვრება უსურვა. “მინდა, რომ მომავალი თაობა იცნობდეს თამარ მეფეს, თუ რა ღვაწლი ჰქონდა მას საქართველოსთვის გაწეული და ასეთი ძლიერი ქალები გვიმრავლოს ქვეყანაზე” – აღნიშნა გამგებლის მოადგილემ თამარ გოგოლაძემ. დღესვე წმინდანის ხსენების დღესთან დაკავშირებით,  ადგილოვრივი ანსამბლი “თამარიონი” ზაზა თამარაშვილის ხელმძღვანელობით, მესხეთის სახელმწიფო პროფესიულ დრამატულ თეატრში ღონისძიებას გამართავს. კონცერტი, ასევე, ეძღვნება ანსამბლის დაარსებიდან 20 წლის იუბილეს. ღონისძიება 18:00 საათზე დაიწყება. ახალციხეში თამარის ძეგლის გამოქაკდაკებას ერთი ისტორია უკავშირდება. მოქანდაკეებმა წმიდანად შერაცხული მეფის ძეგლი ქვაში გამოაქანდაკეს. მათ 72 ტონიანი თეთრი ქვისგან თავდაპირველად თავის ფორმა გამოიყვანეს, და როდესაც გულ-მკერდის მარცხენა მხარის დამუშავებაზე გადავიდნენ, გულის ადგილზე ქვა გასკდა. ქვაში თხევადი სითხით ამოვსებული გულის ფორმის ღრმული იყო, რომელიც თბილი დახვდათ. რბილობი გეოლოგებმაც შეისწავლეს. იგი ძალიან ჰგავდა ცვილს, რომლითაც თაფლის სანთელს ასხამენ. „თამარი სგული“ საქართველოს პატრიარქმა სიწმინდედ შერაცხა, რომელმაც უფლის კვართის შემდგომ უდიდეს სასწაულად მიიჩნია.  ე.წ “თამარის გული” ამ დროისათვის სიონის საკათედრო ტაძარშია დაბრძანებული.

ახალციხეს, ცხინვალის ივანე მაჩაბელის სახელობის,  სახელმწიფო დრამატული  თეატრი ესტუმრა.  მსახიობებმა მესხეთის  თეატრის სცენაზე, დათო ტურაშვილის პიესის მიხედვით დადგმული სპექტაკლი ,,მატარებელი” ითამაშეს. სამშობლო, ქვეყნის ოკუპაცია- ერთმოქმედებიან   პროგრამაში, 1921 წელი და იმ პერიოდში,  საქართველოში მომხდარი მოვლენები იყო ასახული. მესხეთის თეატრმა,  ცხინვალის თეატრალურ დასს თითქმის ცარიელი დარბაზით უმასპინძლა. სპექტაკლზე მაყურებელი არ მივიდა.

ახალციხის სამუსიკო სკოლაში შეზღუდული შესაძლებლობის მქონე პირთათვის საქვემოქმედო კონცერტი გაიმართა,. სპეციალურად ამ დღისათვის ქალაქს მომღერლები  ეწვივნენ, მათ შორის პროექტ ნიჭიერის გამარჯვებული ვანო ფიფია. მათ ადგილობრივ მაყურებელს თავიანთი რეპერტუარიდან რამდენიმე სიმღერა შესთავაზეს.

ახალციხეში საქართველოს სახალხო არტისტის, დამსახურებული მოღვაწის, პროფესორ ნანა დემეტრაშვილის დაბადებიდან 75 წლისადმი მიძღვნილი ღონისძიებები გაიმართა.

დამსახურებული არტისტის, ნანა დემეტრაშვილის საპატივცემულოდ სამცხე-ჯავახეთში საიუბილეო ღონსიძიება გაიმართება. ამასთან დაკავშირებით განცხადება  ღონისძიების ორგანიზატორებმა ოფიციალურად,  დღეს გამართულ  პრესკონფერენცია გააკეთეს. შეხვედრაზე მათ მედიის წარმომადგენლებს საიუბილეო დღესთან დაკავშირებით  ინფორმაცია გააცნეს და ღონიძიების დეტალებზე ისაუბრეს.   მათი განმარტებით მსახიობის პატივსაცემად გამართული ღონისძიება „ქართული სიტყვა მესხეთში” ორი დღის განმავლობაში 26 და 27 აპრილს გაიმართება. თავდაპირველად ნანა დემეტრაშვილის სახელობის მემორიალური დაფა  მის საცხოვრებელი სახლის კედელზე  დამაგრდება.   შემდეგ მსახიობის მოღვაწეობის შესახებ შექმნილი  წიგნის პრეზენტაცია მოხდება.  თეატრის ფოიეში კი დემეტრაშვილის ამსახველი ფოტო-გამოფენა მოეწყობა.

სამცხე-ჯავახეთში ტურისტული სეზონი გაიხნა.  საინფორმაციო სააგენტოებმა ვიზიტორთა მისაღებად  მზადება დაიწყეს. თუმცა ხელისუფლების წარმომადგენლები და სხვადასხვა სააგენტოს მეპატრონეები გარკვეულ პრობლემებზე საუბრობენ.

„ერთი ცის” ქვეშ” – ახალციხის სამუსიკო სკოლამ მულტიეთნიკური ხელოვნების ფესტივალის შესარჩევ ტურს უმასპინძლა. ღონისძიებაში მონაწილეობა ახალციხის, ასპინძის, ნინოწმინდის და ახალქალაქის სამუსიკო სკოლების აღსაზრდელებმა მიიღეს. კონკურსზე, როგორც კლასიკური, ასევე, ეროვნული სიმღერები გაჟღერდა. ორგანიზატორთა თქმით, ფესტივალის მიზანს ქართველი და არაქართველი მოსახლეობის დამეგობრება წარმოადგენდა.    

სტუდია „სიხარული“–ს მორიგი წარმატება. სპორტული ცეკვების სტუდიის ახალციხელმა მოცეკვავეებმა მონაწილეობა თბილისის თასის გათამაშებაში  მიიღეს. მათ სხვადასხვა სახის ცეკვებში საპრიზო ადგილები დაიმსახურეს და  მედლებით, თასებითა და სიგელებით დაჯილდოვდნენ.

მესხეთის პროფესიულ დრამატულ თეატრში მსახიობის მონო სპექტაკლი სახელწოდებით „ქარი მწყურია მე პირდაპირი” გაიმართა, სადაც მურმან ჯინორიამ ცნობილი ქართველი პოეტებისა და მწერლების ლექსები წაიკითხა. სპექტაკლი არასტანდარტუილად წარიმართა. აუდიტორიას საშუალება ჰქონდა მსახიობისათვის კითხვები დაესვა.  

მესხეთის პროფესიულ სახელმწიფო დრამატულ თეტრში სეზონის მეორე პრემიერა გაიმართა. ,,ბუზები“ ამ სახელწოდებით სპექტაკლში ადგილობრივმა მსახიობებმა ზეციური და მიწიერი ხელისუფალება და მისი შემოქმედნი წარმოასჩნეს. პიესა ფრანგ მწერალს, ჟან-პოლ სარტრს ეკუთვნის, სადაც ორესტეს და ელექტრას მითის სახეცვლილი ვერსია წარმოადგენიოლი. სპექტაკლში მოქმედება ანტიკურ ქალაქში ვიტარდება, სადაც მსხვერპლი, მკვლელობა, სისხლისღვრა და ბოროტება ერთმანეთს ცვლის. ბუზები კი სინანულისა და შიშის მეტაფორას ქმნის.

ახალციხის ციხეში ახალი ტურისტული სეზონი საზეიმოდ გაიხსნა. სეზონის გახსნასთან დაკავშირებით, კომპლექსში ღონისძიება გაიმართა.