ოზურგეთის თეატრმა ახალციხეში  გასტროლები დაამთავრა. მსახიობებმა მაყურებელს დღეს ბოლო სპექტაკლი  ოთარ ბაღათურიას ”მეფე ლირი თავშესაფარში”  შესთავაზა. სცენარის მიხედვით  მოქმედება  ერთ-ერთ თავშესაფარში ხდება. შენობა იყიდება, რასაც მობინაადრეები სასტიკად ეწინააღმდეგებიან.

ოზურგეთის სახელმწიფო დრამატული თეატრის მსახიობებმა დღეს  შალვა დადიანის პიესის მიხედვით დადგმული სპექტაკლი „გუშინდელნი???“ წარმოადგინეს. გაღატაკებული აზნაურების ყოფა–ცხოვრება და რუსი ჩინოვნიკების დამოკიდებულება ქართველებისადმი – მსახიობებმა ადგილობრივი მაყურებელის წინაშე მე–19 საუკუნის საქართველო გააცოცხლეს.

ბორჯომის ცენტრალური პარკის მიმდებარე ტერიტორიაზე დღეს „ბარამბინოს ნაყინის ფესტივალი” გაიმართა. ბავშვებს სხვადასხვა ზღაპრის გმირმა უმასპინძლა, რომელთან ერთადაც ანიმატორებმა და ილუზიონისტებმა მათთვის მხიარული განწყობის შექმნაზე იზრუნეს.

მესხეთის  სახელმწიფო დრამატულ თეატრს  ბორჯომის  მოზარდ მაყურებელთა თეატრალური დასი ესტუმრა. „თეატრონმა” მაყურებელს  თამაზ ჭილაძის პიესა „ჩიტების ბაზარი” წარუდგინა.

ტაბაწყურის ტბა, რომელიც ჯავახეთის ზეგანზეა განლაგებული ბორჯომის მუნიციპალიტეტს ეკუთვნის და ახალქალაქის ზონას ესაზღვრება. ტბის სილამაზიდან გამომდინარე ზაფხულობით, მას ტურისტები ხშირად სტუმრობენ. ზღვის დონიდან  დაახლოებით 2000 მეტრზე მდებარე ტბა წლის ნებისმიერ დროს ვიზიტორთა გაოცებას იწვევს.

ტურისტული ინფრასტრუქტურა სამცხე–ჯავახეთში. რა მდგომარეობაშია ისტორიულ ძეგლებამდე მისასვლელი გზები და რამდენად კმაყოფილი რჩება რეგიონში ჩამოსული დამთვალიერებელი არსებული პირობებით.

„მულტიპულტის” თეატრის მსახიობებმა ცნობილი მულტფილმი, „მაშა და დათვი”, ახალციხელ მაყურებელს სპექტაკლის სახით შესთავაზეს. მულტიპლიკაციური ფილმის მეორე სერია, სახელწოდებით, „ტყუილების გუდა” მესხეთის სახელმწიფო დრამატული თეატრის სცენაზე გაცოცხლდა.

ახალციხის დემოკრატიული ჩართულობის ცენტრში დღეს ეროვნებით სომეხი კომპოზიტორის არამ ხაჩატურიანის 110 წლისთავთან დაკაშირებით ღონისძიება გაიმართა. მას ორგანიზება აღნიშნულმა ცენტრმა და ახალციხის ვაჰრამ გაიფეჭიანის სახელობის შემოქმედთა კავშირმა გაუწია.  

წელს პირველად სახალხო დღესასწაული „ახალციხობა ” რაბათის განახლებულ კომპლექსში გაიმართა. ცნობილ მუსიკოსებს, კომპოზიტორებსა და სპეციალურად კონცერტისათვის მოწვეულ სტუმრებს ახალციხე დილიდან მასპინძლობდა. ღონისძიების ორგანიზატორებმა გამოჩენილ ადამიანებს ვაჟა აზარაშვილს, თემურ ყვითელაშვილსა და თემურ ჩხეიძეს საპატიო ახალციხელის წოდება მიანიჭეს.

ლამაზი სანახაობა და წყვილი, რომელმაც რაბათში იქორწინა. ახალციხის ციხეში წარმოდგენის საჩვენებლად ჩამოსულმა, ,,შავფაროსნებისა” და ,,მოძრაობის თეატრის” მსახიობებმა შეუღლება 5 წლიანი სიყვარულის შემდეგ, ქორწინების სახლში ექსპრომტად გადაწყვიტეს.

ახალციხის ციხის ტერიტორიაზე თეატრალური წარმოდგენები გაიმრთა. მასში „მოძრაობის თეატრის” მსახიობები, „შავფაროსნები”  და ფოლკლორული ანასმბლი „ფაიტონი” მონაწილეობდა.  მათ მესხი მაყურებლისათვის  ვაჟა-ფშაველას სტუმარ-მასპინძელი გააცოცხლეს და ძველი ქართული, ტრადიციული საბრძოლო ხელოვნების ილეთები შეასრულეს. ღონსძიებას ორგანიზება საქართველოს ტურსისტულმა დეპარტამენტმა გაუწია.

მეხუთე სკოლასთან არსებული ქორეოგრაფიული ანსამბლი „ლომსია” ესპანეთში გასტროლებზე   გაემგზავრა. ახალციხელი მოცეკვავეები მონაწილეობას საერთაშორისო ფესტივალზე მიიღებენ, რომელშიც  12 ქვეყანაა ჩართული. ანსამბლი მაყურებლის წინაშე სამი ცეკვით – აჭარულით, ქართულით  და მთიულურით წარსდგება.

ახალციხის კულტურის დაწესებულებათა გაერთიანებას ახალი უფროსი ჰყავს. ბელა მოდებაძის ნაცვლად თანამდებობა „ქართულო ოცნების” წევრმა გიორგი ჟუჟუნაძემ დაიკავა.

ბორჯომში საზაფხულო ტურისტული სეზონი  დაიწყო. დამსვენებელთა პირველი ნაკადი კურორტმა  პირველი ივნისიდან მიიღო. სასტუმროების მეპატრონეები და საოჯახო სასტუმროების დიასახლისები  ამ დრომდე, ძირითადად, უცხოელ ვიზიტორებს მასპინძლობენ.

კახა ცაბაძისა და ელიზბარ ლონდარიძის შემოქმედება დღეს ახალციხის სამუსიკო სკოლის მოსწავლეებმა თავად ავტორებისათვის შეასრულეს. ცნობილი ქართველი კომპოზიტორების სტუმრობა მათ ღონისძიებით აღნიშნეს და საკუთარი მუსიკალური შესაძლებლობები აჩვენეს. ღონისძიებაზე საფორტეპიანო ნაწარმოებები და ვოკალური ნომრები ერთნამეთს ცვლიდა. საქართველოს კომპოზიტორთა კავშირის წევრები ახალციხეში სასწავლებლის მოწვევით ჩამოვიდნენ. როგორც სამუსიკო სკოლის დირექტორი განმარტავს, ცნობილი კომპოზიტორები სასწავლებელს ყოველ წელს სტუმრობენ, რაც მოსწავლეებისათვის სტიმულის მიმცემია.

აბასთუმნის მოსახლეობა კულტურული მემკვიდრეობის დაცვას მოითხოვს. კურორტზე არსებული შენობები, რომლებიც ,,წითელ წიგნშია” შეტანილი, ნგრევის პირასაა. დროთა განმავლობაში დაზიანდა ხის შენობების ფასადები, კედლები და სახურავი. ადგილობრივების თქმით, ყველა ისტორიულ სახლში წვიმის დროს წყალი ჟონავს. მათივე განმარტებით, აღნიშნული შენობების რეაბილიტაციის უფლება მაცხოვრებლებს თვითნებურად არ აქვთ. ამისათვის მათ ძეგლთა დაცვის სამინისტროსგან თანხმობა სჭირდებათ. კულტურული მემკვიდრეობის ნუსხაში შეტანილი საცხოვრებელი სახლების რეაბილიტაციისათვის საჭირო თანხა არც ადგილობრივ თვითმმართველობაში მოიძებნება.

ტურისტული სეზონის დადგომასთან ერთად სამცხე-ჯავახეთში ვიზიტორების რაოდენობა იზრდება. საინფორმაციო ცენტრების მონაცემებით, ტურისტების რიცხვმა იმატა ახალციხის ციხეში. ბორჯომში კი გასულ წელთან შედარებით, დამსვენებელთა რაოდენობა იანვრის შემდეგ 700-მდე ადამიანითაა გაზრდილი. რეგიონში ვიზიტორების ნაკადს, წელს მთელი მსოფლიოდან ელოდებიან.

შთაბეჭდილებები ტაო-კლარჯეთზე. დღეს ახალციხის პირველი საჯარო სკოლის მოსწავლეებმა მშობლებისა და პედაგოგებისათვის, ისტორიულ ტაო-კლარჯეთზე ფილმის ჩვენება მოაწყეს, რომელიც ახალგაზრდებმა თავად გადაიღეს.

სერგეი ფიდანიანმა პირველი პერსონალური გამოფენა გამართა. ტელეკომპანია ,,მე–9 არხის” ოპერატორმა საკუთარი ნამუშევრები დღეს ფართო საზოგადოებას გააცნო. თბილისში, ეროვნული საჯარო ბიბიოთეკის ადმინისტრაციულ კორპუსში, ფოტოგრაფმა ფსიქოლოგიური პორტრეტები და სოციალური თემატიკა წარმოადგინა.