27 მილიონ 50 ათასი დოლარი სამცხე-ჯავახეთს – რეგიონში ტურიზმის განვითარების მიზნით, რეგიონული განვითარების ფონდი ახალ პროექტს იწყებს, რომელსაც ფინანსურად მსოფლიო ბანკი უზრუნველყოფს.   მის ფარგლებში სამცხე-ჯავახეთის მასშტაბით 19 მნიშვნელოვანი პროექტი განხორციელდება. პირველად რეგიონში საფარის მონასტრამდე მისასვლელი გზაზე ასფალტი დაიგება და მოეწყობა ტურისტული ინფრასტრუქტურა. ახალციხის გარდა პროექტების განხორციელება იგეგმება ბორჯომში, ადიგენის, ასპინძისა და ახალქალაქის  მუნიციპალიტეტებშიც. რეგიონული განვითარების მესამე  პროექტი საქართველოს ორ რეგიონში განხორციელდება.  მსოფლიო ბანკის მიერ სესხის სახით გადმორიცხული 60 მილიონი დოლარი და სახელწიფო ბიუჯეტის  15 მილიონი დოლარი სამცხე-ჯავახეთსა და მცხეთა- მთიანეთს მოხმარდება.

პოეზია,ლიტერატურის სიყვარული, აქტიურობა კულტურულ ღონისძიებებში, ჩართულობა  ახალგაზრდულ ცხოვრებაში- ეს ის საკითხებია,რომლებიც ლიტერატურული სალონის 20-მდე წევრს აერთიანებს. პოეზიისა და პროზის  მოყავრული ახალგაზრდები სასტუმრო ,,ლომსიაში“ შეიკრიბნენ და საკუთრი შემოქმედება ფართო აუდიტირიას გააცნეს. შეხვედრას ორგანიზება პროექტის ,,ახალგაზრდები საქართველოში- გამოწვევები და პერსპექტივები“ წარმომადგენლებმა გაუწიეს. აღნიშნული პროექტის ფარგლებში, სამცხე-ჯავახეთიან 4 ახალგაზრდა შეირჩა,

ახალციხის სამხატვრო სკოლაში თემაზე „სახელმწიფო და ძალადობა“  ნახატების გამოფენა გაიმართა, სადაც საჯარო სკოლების მოსწავლეთა 27 ნამუშევარი გამოიფინა თემატური ნახატების კონკურსი ახალგაზრდულმა ცენტრმა იანვრის თვეში გამოაცხადა. მასში რეგიონის მასშტაბით 14 სკოლა ჩაერთო. თავდაპირველად ადგილობრივი კონკურსი ჩატარდა. სამხატვრო სკოლაში გამოფენაზე კი სწორედ იმ მოსწავლეთა ნამუშევრები მოხვდა, რომლებმაც სკოლის კონკურსში გაიმარჯვეს.

,,მესხეთის სახელწიფო დრამატული თეატრის 140 წლისა და ქართული, პროფესიული თეატრის 165 წლის იუბილე  14 იანვარს, ახალციხეში, აღინიშნა.  ყველასთვის ცნობილმა ადგილობრივმა და მოწვეულმა მსახიობებმა საიუბილეო თარიღი გრანდიოზულად,არაერთი სპექტაკლის გათამაშებითა და სხვადასხვა დაჯილდოებებით აღნიშნეს. საღამო მესხეთის თეატრში მასპინძლებმა  გახსნეს, მათ მაყურებელს ნაწყვეტი სპექტაკლიდან ,,მე მინდა კნეინა გავხდე“ ითამაშეს და აღნიშნეს, რომ ეს ის სპექტაკლია, რომლითაც  ახალციხეში 140 წლის წინ თეატრი გაიხსნა.

„ზუმბა ლენდი“,  „ფრანი“ და როკენ–როლის შემსრულებელი ენრიკო ჯანელიძე–ესტრადის სწორედ ამ ვარსკვლავებმა, ახალი წლის ღამეს ადგილობრივების საზეიმო განწყობაზე იზრუნეს.

ახალციხის სამხატვრო სკოლაში დღეს მოსწავლეთა ნამუშევრების გამოფენა გაიმართა. პედაგოგებმა და ბავშვებმა სემესტრული ანგარიში წარადგინეს და საკუთარი ნახატები საზოგადოებასა და ადგილობრივი ხელისუფლების წარმომადგენლებს უჩვენეს.

ახალგაზრდის,  სიცოცხლის გადარჩენისათვის გამართული  აქცია,  ცარიელი დარბაზი და გაყიდული ბილეთებით შესული მიზერული თანხა–ასეთი შედეგით  დასრულდა ახალციხეში ნიკა ნატროშვილის დასახმარებლად  გამართული საქველმოქმედო კონცერტი. ღონისძიება სამცხე–ჯავახეთის სახელმწიფო უნივერსიტეტის სააქტო დარბაზში, შედგა რომელიც  აწყურის საჯარო სკოლის მოსწავლეების ინიციატივით გაიმართა.  ახალგაზრდებმა მაყურებელს სხვადასხვა სახის ფოლკლორული და ქორეოგრაფილული ნომრები შესთავაზეს, ბილეთის ღირებულება კი 2 ლარი იყო.

არლის, ასპინძისა და ახალქალაქის საინტეგრაციო ცენტრების აღსაზრდელებმა რაგბის  ბაზაზე შემოქმედებითი საღამო  გამართეს. შშმ პირები,  მაყურებლის წინაშე წარსდგნენ და მათ საკუთარი შესაძლებლობები უჩვენეს.

„ახალწელს დაკარგულები“ – კიკალა სტუდიო“ სამცხე–ჯავახეთში ფილმს იღებს. რომელსაც ქართველი მაყურებელი საახალწლოდ იხილავს. უკვე ერთი კვირაა გადაღებები მიმდინარეობს რაბათის ისტორიულ კომპლექსშიც. ფილმის სცენარისტი ნიკა რამიშვილი, იგივე „დროფია“. დაგეგმილი კონცერტი სამცხე –ჯავახეთის მოსახლეობისთვის, ავტობუსის დაკარგული მძღოლი, უცნაურ მდგომარეობაში მყოფი მომღერლები და მათი მომლოდინე პროდიუსერები მოსახლეობაში დუბლიორების ძებნას იწყებენ –ეს ფილმის ძირითადი სცენარია.

     მესხეთის სახელმწიფო პროფესიული დრამატული თეატრი დღეს, 18 დეკემბერს “თეატრი ბორბლებზე” თეატრალურ დასს უმასპინძლებს. “არტ–ცენტრის” პროექტის ფარგლებში მესხი მაყურებელი პრემიერას – სახელწოდებით “ქსელი” იხილავს.  იუჯინ ო ნილის პიესის მიხედვით დადგმული სპექტაკლის რეჟისორი ვახტანგ ბერიძეა. პრემიერა 19:00 საათზე დაიწყება. დასწრება თავისუფალია. პროექტი აჭარის ავტონომიური რესპუბლიკის კულტურის სამინისტროს ქვეპროგრამის “კულტურული ცხოვრების გააქტიურება” ფარგლებში ხორციელდება.

ახალციხის ცენტრალურ ბიბლიოთეკაში  90 წლის იუბილესთან დაკავშირებით, გიორგი ზედგინიძის წიგნის „ჯავახური ლექსიკის“ პრეზენტაცია მოეწყო. მასში 28 ათასამდე სიტყვაა შესული. ღონისძიებას, ადგილობრივი ხელისუფლების წარმომადგენლები, საზოგადო მოღვაწეები, სახალხო მთქმელები და უბრალო მოქალაქეები დაესწრნენ.

6 თასი, 5 პირველი, ამდენივე  მესამე  და ერთი  მეორე ადგილი – ეს სტუდია „სიხარულის“ მორიგი წარმატებაა. სამეჯლისო ცეკვების პატარა შემსრულებლებმა საკუთარი შესაძლებლობები სომხეთში, ქალაქ ერევანში გამართულ ღია ჩემპიონატზე გამოავლინეს. მოცეკვავეებმა წარმატებას თითქმის ყველა კატეგორიაში მიაღწიეს. როგორც ევროპული, ასევე ლათინური პროგრამის წარდგენისას მათ ჟიურის მოწონება დაიმსახურეს და ახალციხეში მედლებით, დიპოლმებითა და თასებით დაბრუნდნენ. ჩემპიონატში მონაწილეობა

საქველმოქმედო აქცია ახალციხეში.  წინასაახალწლოდ სოციალურად დაუცველებისათვის, „ჯორჯიან მუზიკ ფროდაქშენისა“  და სამცხე-ჯავახეთის სამხარეო ადმინისტრაციის პატრონაჟით, საქველმოქმედო კონცერტი- აქცია „უკეთესი მომავლისაკენ“ გაიმართა. მას ადიგენის, ასპინძის, ახალციხის, ახალქალაქის, ბორჯომისა და ნინოწმინდის მუნიციპალიტეტები შეუერთდნენ. პროექტის ფარგლებში სამცხე-ჯავახეთში მცხოვრებ 21 სოციალურად დაუცველ მრავალშვილიან ოჯახს საახალწლო საჩუქრები და ტკბილეული  გადაეცათ.

„ახალციხე –  სამცხე–ჯავახეთის ცენტრი“ – ასე ჰქვია ალბომს, რომლის პრეზენტაციაც ახალციხის ციხის ისტორიულ კომპლექსში გაიმართა. მას სასტუმროების მენეჯერები,  არასამთავრობო ორგანიზაციების, სომხური დიასპორის, ადგილობრივი ხელისუფლების წარმომადგენლები და ტურიზმის განვითარებით დაინტერესებული პირები დაესწრნენ.  ალბომები მათ საჩუქრად გადაეცათ. ახალციხის მერიის კულტურის სამსახურის უფროსის თქმით, ალბომის შექმნის ინიციატივა კახა კოპაძეს უკუთვნოდა, მოგვიანებით იდეა მათ მიერ დამუშავდა და განხორციელდა.  კულტურის სამსახურს მნიშვნელოვანი დახმარება ისტორიკოსებმა და სპეციალისტებმა გაუწიეს.

ახალციხის მუნიციპალიტეტის გამგეობის ადმინისტრაციულ შენობაში პოეზიის საღამო გაიმართა. ღონისძიებაში მონაწილეობა სოფლების საჯარო სკოლის 19–მა მოსწავლემ მიიღო. მათ დამსწრე აუდიტორიას საკუთარი შემოქმედება გააცნეს და ლექსები წაუკითხეს.  „ჩვენ გვიყვარს პოეზია“ მუნიციპალიტეტის გამგეობის კულტურის სამსახურის მიერ განხორციელდა. მონაწილეებს ახალციხის მუნიციპალიტეტის გამგეობიდან სიმბოლურად ქართველი მწერლების ლექსების კრებულები გადაეცათ. საღამოს მიზანს ახალგაზრდა პოეტების შემოქმედების, პოპულარიზაცია და საზოგადოებისათვის მათი გაცნობა წაროადგენდა. ღონსძიების დასასრულს დამსწრე აუდიტორიამ ნორჩი პოეტების შემოქმედება შეაფასა და ახალგაზრდებს რჩევებიც მისცა.  ახალციხის მუნიციპალიტეტის გამგეობა მათ ლექსების კრებულს დაუბეჭდავს.

რომანტიკული გარემო, წყნარი მუსიკა და სანთლის შუქზე წაკითხული ლექსები–ასეთ გარემოში დღეს ახალციხეში  ქართველი პოეტი, გალაკტიონ ტაბიძე გაიხსენეს.  ღონისძიება პოეტის დაბადებიდან 123 წლისთავს  მიეძღვნა.  საღამო ახალციხის ცენტრალურ ბიბლიოთეკაში შედგა. ახალგაზრდებმა გალაკტიონ ტაბიძის ლექსები, ბიოგრაფია და პირადი წერილები  წაიკითხეს.

ჭათურის  სახელმწიფო პროფესიული დრამატული თეატრი მესხეთს საგასტროლო სპექტაკლით ესტუმრა.  მსახიობებმა ადგილობრივ მაყურებელს  მიხეილ ჯავახიშვილის  მოთხრობის მიხედვით დადმული თეატრალური წარმოდგენა  „ლამბალო და ყაშა“ შესთავაზა.  ჭიათური თეატრის დირექტორის განმარტებით, წლების შემდეგ მესხეთში ეს მათი პირველი გასტროლია. ნანა წერეთელის თქმით, სასიხარულოა, რომ ადგილობრივმა მაყურებელმა მათ მიერ წარმოდგენილი სპექტაკლი თბილად მიიღო.

ვარძიის არქიტექტურული კომპლექსის გადარჩენის პროგრამა ამოქმედდა. ამასთან დაკავშირებით, 20 ნოემბერს, სამცხე–ჯავახეთში პრემიერ–მინისტრი იმყოფებოდა. ირაკლი ღარიბაშვილმა მიმდინარე სამუშაოები დაათვალიერა და მის მნიშვნელობაზე ისაუბრა.

ახალციხელი მოცეკვავეების კიდევ ერთი წარმატება ქვეყნის მაშტაბით. 14 და 15 ნოემბერს დედაქალაქში გამართულ კონკურსში, რომელშიც საქართველოს სხვადასხვა რეგიონიდან ათობით მოცეკვავე მონაწილეობდა,  ახალციხელმა სპორტსმენებმა   მოწინავე ადგილები დაიკავეს.   სტუდია „სიხარულის“ მოსწავლეები საერთაშორისო ჩემპიონატისთვის ემზადებიან, რომელიც დეკემბრის თვეში სომხეთში ჩატარდება.

ახალციხის მუნიციპალიტეტში აქტიური ტურისტული სეზონი დასრულდა.  რაბათის ისტორიული  კომპლექსის ადმინისტრაცია  მომავალი სეზონისთვის  ემზადება. ციხის ხელმძღვანელობა დამსვენებლებისათვის სრული კომფორტის შექმნასა და ინფრასტრუქტურის მოწესრიგებას საერთაშორისო სტანდარტების  გათვალისწინებით გეგმავს.