ვირტუოზი გიტარისტი და ახალციხის საპატიო მოქალაქე ადგილობრივებისთვის კონცერტს გამართავს.  თემურ ყვითელაშვილი მესხი მაყურებლისათის იმ 11 კომპოზიას შესარულებს, რომელიც თავის ახალ ალბომშია შესული.   ღონისძიებაზე ახალციხისათვის მიძღვნილი ჰერიო ბიჭებოც გაჟღერდება. საღამო  მესხეთის პროფესიულ დრამატულ თეატრში 6 ნოემბერს შედგება.

19 ოქტომბერს, ახალციხის ციხის ტერიტორიაზე მორიგი ღონისძიება გაიმართება.  ისტორიული კომპლექსის ქვედა ნაწილი საქართველოს ეროვნულ   უნივერსიტეტთან ,,სეუ“ –სთან არსებულ ანსამბლს  უმასპინძლებს. კონცერტზე ქართული ხალხური სიმღერისა და ცეკვის ანსამბლი სრული პროგრამით წარსდგება. ,,რეპერტუარში შედის ქართული- ხალხური ცეკვები და სიმღერები. ნომრები განსხვავებული ქორეოგრაფიით და მუსიკალური თანხლებით იქნება  წარმოდგენილი. ეს არის თეატრალიზებული წარმოდგენა,  რომელიც მხატვრული გაფორმების ელემენტებსაც შეიცავს. ახალციხელებს ლამაზ, დაუვიწყარ  საღამოს ვპირდებით“ –განაცხადა ,,ექოსთან“ ღონისძიების ორგანიზატორმა, რატი ტვილდიანმა. კონცერტი უფასოა და ის  ადგილობრივი ხელისუფლებისა და ახალციხის ციხის ადმინისტრაციის მხარდაჭერით იმართება.  

ასპინძის მუნიციპალიტეტში ,,შოთაობა” იზეიმეს. უკვდავი პოემის, ,,ვეფხისტყაოსნის” ავტორს დღესასწაულზე რამდენიმე ღონისძიება მიეძღვნა.  ტრადიციული ლიტერატურული კონკურსი, შეჯიბრი მესხურ კერძებში, ქართული ფოლკლორული სიმღერისა და ცეკვის ნომრები, ჭიდაობა — ამ სანახაობებით ,,შოთაობა” გასული წლებისგან განსხვავებით წელს პირველად ვარძიაში გაიმართა.

,,სამშობლო, რომელიც შორია” –ასე ჰქვია ფილმს, რომელმაც საერთაშორისო აღიარება მოიპოვა. დოკუმენტური მასალა ახალციხისა და აზერბაიჯანის ტერიტორიაზეა გადაღებული და რეპატირიებულ მესხებს ეხება.  უკრაინაში გამართულ კინოფესტივალზე  ფილმის რეჟისორმა, სანდრო ვახტანგოვმა თავად წარადგინა. დაახლოებით, 60 ქვეყანას შორის კი მან პირველი ადგილი  მოიპოვა.

     12ოქტომბერს 13:00 საათზე ვარძიის მუზეუმ–ნაკრძალის მიმდებარე ტერიტორიაზე სახალხო–ტრადიცული დღესასწაული „შოთაობა“ აღინიშნება.     ვარძია სხვადასხვა მუნიციპალიტეტიდან მოწვეულ სტუმრებს უმასპინძლებს.     გაიმართება გამოფენა–გაყიდვა, სპორტული შეჯიბრებები და კულტურული ღონისძიებები. კონცერტის ძირითად ნაწილში მაყურებლების წინაშე ანსამბლი „ქართული ხმები“ და ბენდი „ნალი“ წარსდგებიან. ღონისძიებაში მონაწილეობას მიიღებენ, ქართველი მწერლებიც. გარდა ამისა, მოწვეულ სტუმრებს ხალხური სიმღერისა და ცეკვის ნომრებს შესთავაზებენ ახალციხის, ასპინძისა და წალკის ფოლკლორული ანსამბლებიც.     ღონისძიებას ორგანიზებას ასპინძის მუნიციპალიტეტეტის ხელმძღვანელობა უწევს.      „2008–წლიდან აღდგა დღესასწაულის აღნიშვნის ტრადიცია, რომელიც  ყოველწლიურად სოფელ რუსთავში იმართებოდა. მისი აღნიშვნა ყოველთვის ოქტომბერში ხდებოდა და თითქმის სულ ცუდი ამინდი ემთხვეოდა. სწორედ ამიტომ, დღესასწაულის გამართვა ვარძიაში გადაწყდა. გარდა იმისა, რომ  სტუმრები სახალხო დღესასწაულით ისიამოვნებენ, მათ საშუალება მიეცემათ ისტორიული ძეგლიც  დაათვალიერონ. აღსანიშნავია ისიც, რომ  სახალხო დღესასწაული  პირველად ვარძიაში ჩატარდა“ – განუცხადა „მეცხრე არხის“ ჟურნალისტებს ასპინძის მუნიციპალიტეტის გამგეობის კულტურის, სპორტის, ძაგლთა დაცვის, ტურიზმის, სპორტისა და ახალგაზრდობასთან ურთიერთობის სამსახურის უფროსმა მაკა ბერიძემ.      სახალხო დღესასწაულს საფუძველი 1966 წელს ჩაეყარა, თუმცა წლების განმავლობაში მისი აღნიშვნის ტრადიცია შეწყდა.  2008 წელს კი გაზეთ „ლიტერატურული მესხეთის“ გადაწყვეტილებითა და საქართველოს პირველი ლედის სანდრა–ელისაბედ რულოვსის პატრონაჟით „შოთაობა“ კვლავ სახალხო–ტრადიციული დღესასწაული გახდა. 

მესხეთის პროფესიული დრამატული თეატრი თბილისის საერთაშორისო თეატრალურ ფესტივალში მონაწილეობს. მის ფარგლებში, მიმდინარე წლის 8 ოქტომბერს, 18 საათზე, ადგილობრივი მსახიობები მაყურებლის წინაშე კოტე მარჯანიშვილის სახელობის სახელმწიფო დრამატული თეატრის დიდ სცენაზე წარსდგებიან. მესხეთის თეატრალური დასი საზოგადოებას პოლიკარპე კაკაბაძის პიესის მიხედვით დადგმულ ორმოქმედებიან კომედიას “ყვარყვარე”–ს შესთავაზებს, რომლის დამდგმელი რეჟისორიც ნიკოლოზ საბაშვილია. სპექტაკლზე დასწრება მაყურებლისათვის უფასოა. “თბილისის საერთაშორისო თეატრალური ფესტივალი 2013″ 19 სექტემბერს გაიხსნა და 8 ოქტომბერს დაიხურება.

„ერთად გადავარჩინოთ მაუკა გვირჯიშვილი”–მესხეთის პროფესიულ დრამატულ თეატრში 21 წლის ახალგაზრდის დასახმარებლად  საქველმოქმედო აქცია–კონცერტი გაიმართა.  მასში მონაწილეობის მისაღებად  დედაქალაქიდან ესტრადის მომღერლები და სხვადასხვა მუსიკალური ჯგუფების  წარმომადგენლები ჩამოვიდნენ.  მათ ადგილობრივ მსმენელს თავიანთი რეპერტუარი შესთავაზეს და მოსახლეობას აქციაში ჩართვისკენ მოუწოდეს.

ახალციხეში ბერა ივანიშვილს ელოდებიან. ტურნე „ჩვენ ვართ საქართველოს“ ფარგლებში იგი კონცერტს გამართავს. თამარ მეფის  ქუჩის  მიმდებარე ტერიტორიაზე სცენის მონტაჟი მთელი დღის განმავლობაში მიმდინარეობდა. აღნიშნულ  მონაკვეთზე ცენტრალური გზა საპატრულო პოლიციამ გუშინ საღამოს გადაკეტა, რასაც ადგილობრივების უკმაყოფილება მოჰყვა.

     ბერა ივანიშვილი ახალციხეს ესტუმრება. მომღერლის კონცერტისთვის მზადება ქალაქში მეორე დღეა მიმდინარეობს. ამ დროისათვის, თამარ მეფის ძეგლის მიმდებარე ტერიტორიაზე სცენის მონტაჟი ხდება. კონსტრუქციის აგების გამო, ცენტრალური ქუჩა გუშინ საღამოს გადაიკეტა. მოსახლეობას ავტომობილებით გადაადგილება შემოვლითი გზით უხდებათ. ბერა ივანიშვილი ახალციხეს 3 ოქტომბერს ესტუმრება.

    მესხეთის პროფესიული დრამატული თეატრი ახალ სეზონს იწყებს. რიგით 46–ე თეატრალურ სეზონს ლალი კეკელიძის პიესა ,,იქ სადაც ჩემი სახლია” გახსნის, რომელსაც მსახიობები მაყურებელს 1 და 2 ოქტომბერს   შესთავაზებენ. პიესის მიხედვით, ეს არის დრამატული ამბავი ერთ-ერთი ქართული ოჯახის შესახებ, რომელიც ღირსებაზე და პატიოსნებაზე დაფუძნებით შეიქმნა და დღევანდელ რეალობაში თავის გადარჩენას ცდილობს.  დედა, რომელსაც მეუღლე და უფროსი ვაჟიშვილი აფხაზეთის ომში დაეღუპა, ხუთი შვილის ამარა, გაუსაძლისი პირობების პირისპირ მარტო აღმოჩნდება. დედა და შვილები საკუთარი პრობლემების, განხვავებული ცხოვრების წესის და მსოფლმხედველობის მიუხედავად, გარეუბანში “ხრუშოვკის” ერთ ოთახიანში შეხიზნულან და  სიღარიბის ხვედრს ერთად იზიარებენ. მანამ სანამ მოვლენები სხვაგვარად განვითარდება. ერთმოქმედებიანი კომედიის დამდგმელი რეჟისორი კახა გოგიძეა. გასულ სეზონზე თეატრმა 48 წარმოდგენა გამართა, აქედან 5  პრემიერა იყო.

მესხეთის პროფესიულ დრამატულ თეატრში ცვლილებებია– დასის შემადგენლობას ორი ახალი წევრი შეემატა. მთავარი რეჟისორისა და დირექტორის პოსტები, რომლებიც თატრში სამხატვრო ხელმძღვანელმა წარადგინა, უკვე დაკავებულია. დასი საშემოდგომო სეზონის დაწყებისათვის ემზადება.

მესხეთის სახელმწიფო დრამატული თეატრის მთავარი რეჟისორი ზურაბ სიხარულიძე გახდა. ახალი რეჟისორი  დასის წევრებთან პირველ შეხვედრას ხვალ გეგმავს. შეგახსენებთ, რომ ცვლილება “თეატრის შესახებ” კანონში, მიმდინარე წლის აპრილის თვეში შევიდა, რომლის მიხედვითაც თეატრის მთავარ რეჟისორს სამხატვრო ხელმძღვანელი ნიშნავს. მესხეთის სამხატვრო ხელმძღვანელის თანამდებობაზე კი  კულტურის მინისტრის გადაწყვეტილებით 17 სექტემბერს, ლია სულუაშვილი დაინიშნა. ამ დრომდე ვაკანტურია თეატრის მმართველის თანამდებობა, რომელსაც საქართველოს კულტურის სამინისტრო, რამდენიმე დღეში დაამტკიცებს.

მესხეთის სახელმწიფო დრამატული თეატრის სამხატვრო ხელმძღვანელი არჩეულია. საქართველოს კულტურისა და ძეგლთა დაცვის  სამინისტროს გადაწყვეტილებით,  თანამდებობას ლია სულუაშვილი დაიკავებს. აღნიშნულ პოსტზე მესხეთის თეატრიდან სამინისტროში კიდევ ერთი, რეჟისორ თამაზ იმნაძის  კანდიდატურა იყო წარდგენილი.

საქართველოს კულტურისა და ძეგლთა დაცვის სამინისტრომ მესხეთის სახელმწიფო დრამატული თეატრის სამხატვრო ხელმძღვანელის თანამდებობაზე, თეატრის ყოფილი მმართველი ნაზო (ლია ) სულუაშვილი დაამტკიცა. სამინისტროს ბრძანება  # 01/262     2013 წლის 17 სექტემბრით თარიღდება, რომლის თანახმადაც ლია სულუაშვილი აღნიშნულ თანამდებობას 4 წლის ვადით დაიკავებს. შეგახსენებთ, რომ მესხეთის სახელმწიფო დრამატული თეატრის სამხატვრო ხელმძღვანელის პოსტისათვის ერთმანეთს დასის წევრები დაუპირისპირდნენ. იხილეთ ამ თემაზე მომზადებული მასალა :

   მესხეთის სახელმწიფო დრამატული თეატრის სამხატვრო ხელმძღვანელის ვინაობა ცნობილია. კულტურის სამინისტრომ, აღნიშნულ თანამდებობაზე თეატრის მმართველი ლია სულუაშვილი დაამტკიცა. როგორც, ლია სულუაშვილი “მეცხრე არხთან” სატელეფონო საუბარში ამბობს, იგი კულტურის სამინისტროში გუშინ დაიბარეს და გადაწყვეტილება გააცნეს, რომელზეც ხელი  გურამ ოდიშარიამ ორი დღის წინ მოაწერა.     “კულტურის მინისტრს  გუშინ შევხვდი და გადაწყვეტილებას გვეცანი. ვიცოდი, რომ   სამხატვრო ხელმძღვანელი მე ვიქნებოდი, თუმცა თეატრში ბოლო პერიოდში მომხდარი მოვლენების გამო, ბოლომდე დარწმუნებული არ ვიყავი”_ ამბობს ლია სულუაშვილი. ლია სულუაშვილი,  მეხეთის დრამატული თეატრის  სამხატვრო ხელმძღვანელის თანამდებობაზე დანიშვნის ბრძანებას, სამინისტროდან სავარაუდოდ ხვალ მიიღებს. იგი  სამხატვრო ხელმძღვანელის თანამდებობაზე დანიშვნის ბრძანებასთან ერთად, მესხეთის სახელმწიფო დრამატული თეატრის მმართველის პოსტიდან გადადგომის შესახებ განკარგულებასც მიიღებს. თემაზე “ექო”–ს გადამღები ჯგუფი მუშაობს და სიუჟეტს მოგვიანებით შემოგთავაზებთ.

ანა ფრანკი აქტუალური ისტორია – ამ სახელწოდების გამოფენა, ახალციხის ციხის ტერიტორიაზე გაიმართა. პროექტი საქართველოს პირველი ლედის სანდრა –ელისაბედ რულოვსის ინიციატივით ხორციელდება და ქვეყნის ათ ქალაქს მოიცავს.

განხეთქილება მესხეთის სახელმწიფო დრამატულ თეატრში. სამხატვრო ხემლძღვანელის პოსტზე თამაზ იმნაძის კანდიდატურის დასახელებას დასის წევრთა დაპირისპირება მოჰყვა. მათი ნაწილი მსახიობს მხარს უჭერს, ნაწილი კი მიიჩნევს, რომ თეატრის ხემძღვანელად კვლავ ლია სულუაშვილი უნდა დაინიშნოს. ორივე კანდიდატს საჭირო დოკუმენტაცია კულტურის სამინისტროში უკვე წარდგენილი აქვს.

“ანა ფრანკის დღიური”–ასე ჰქვია პროექტს, რომელიც საქართველოს გაეროს ასოციაციის მიერ ხორციელდება. აღნიშნული პროექტის ფარგლებში, 13 სექტემბერს, ახალციხის ციხის საგამოფენო დარბაზში გამოფენაც მოეწყობა, რომელიც 19 სექტემბრამდე დარჩება. პროექტის “ანა ფრანკის დღიურები”–ის მთავარ მიზანს, განსხვავებული ეთნიკური და რელიგიური წარმომავლობის პირებს შორის, ტოლერანტობისა და ადამიანის უფლებების პოპულარიზაცია წარმოადგენს.

მესხეთის სახელმწიფო დრამატული თეატრის სცენაზე სეზონის ბოლო პრემიერა გაიმართა. სპექტაკლი, სახელწოდებით ,,იქ, სადაც ჩემი სახლია” ადგილობრივმა მსახიობებმა წარმოადგინეს. კომედიური ჟანრის სცენარში  მრავალშვილიანი ოჯახის ყოველდრიური ცხოვრება და მათი პრობლემებია  წარმოდგენილი.

„მესხური ფესტივალი 2013″ – ახალციხის ტელეკომპანია „მე-9 არხის” ორგანიზებით, ახალციხის ციხის ტერიტორიაზე, 3 აგვისტოს საქველმოქმედო ღონისძიება გაიმართება, სადაც შემოსული თანხა სოციალურად დაუცველ ოჯახებს მოხმარდება. ფესტივალის თანაორგანიზატორი  ახალციხის მუნიციპალიტეტია.  მასში მონაწილეობას ადგილობრივი ცეკვისა და სიმღერის ანსამბლები და ესტრადის მომღერლები მიიღებენ.