კიდევ ერთი სასტუმრო ახალციხეში.  ისტორიული ციხის კომპლექსში ახალი სამ ვარსკვლავიანი სატუმრო „რაბათი ჯინო ველნეს“–ი გაიხსნა, რომელიც კომპანიების სააქციო საზოგადოება „საპარტნიორო ფონდისა“ და “ევროქომ ინვესთმენთ ჯორჯია”–ს ერთობლივი დაფინანსებით აშენდა. სასტუმრო 38 ნომრიანია და 30–მდე ადამიანია დასაქმებული. მათშორის უმრავლესობა ადგილობრივია.

  მესხეთის სახელმწიფო დრამატულმა თეატრმა საქველმოქმედო სპექტაკლი გამართა.  მსახიობებმა მაყურებელს ავთო ვარსიმაშვილის “ღმერთო დაგვიფარე ჩვენ და ადამიანები” წარუდგინეს. თეატრის ადმინისტრაციის გადაწყვეტილებით, სპექტაკლიდან შემოსული თანხა მთლიანად კოტე მარჯანიშვილის სახელობის სახელმწიფო აკადემიური დრამატული თეატრის მსახიობს გიორგი ყორღანაშვილს გადაერიცხება

,,ახალციხის ციხე” მალე ფრანგული ,,ფორტ ბოიარდის ციხის”  მსგავსი გახდება. რაბათის ტერიტორიაზე, ციხის ხელმძღვანელობის ხელშეწყობით, კალიფსო თრეველისა და ინსენთივ–ტურის ერთობლივი პროექტი სახელწოდებით „რაბათის ციხის საგანძური“ ხორციელდება. როგორც ახალციხის ციხის ადმინისტრაციაში აცხადებენ, შოუსთვის ციხის ქვედა ნაწილის ოთხკუთხა აუზი, ზემო კარიბჭე, კოშკი თავისი გასასვლელებით და მედრესე იქნება გამოყენებული. თამაშებისა და წინააღმდეგობების სიუჟეტები საქართველოს, კონკრეტულად, მესხეთის ისტორიულ მომენტებზე იქნება აგებული. ციხის ტერიტორიაზე სამუშაოები ამჟამადაც მიმდინარეობს, თამაშისათვის 8 ოთახი მზადდება, ინტელექტუალური თამაშებისათვის განკუთვნილი 4 ოთახი კი მედრესეში განთავსდება. აქ მონაწილეები საკუთარ შესაძლებლობებს გამოცდიან. გამარჯვებულები 8 გასაღებს მიიღებენ და სიტყვა კოდის გამოცნობა მოუწევთ, რის შემდეგაც ციხის დაბლა ნაწილში განთავსებულ აუზში 3000 ლარის ოდენობის მონეტა ჩამოიცლება. მონაწილეებს 3 წუთის განმავლობაში საშუალება ექნებათ წყლიდან რაც შეიძლება მეტი მონეტა ამოიღონ. რაბათის ხელმძღვანელთა განცახდებით თამაშები 4 და 5 აპრილს გაიმართება. ,,ახალციხის ციხის” ადმინისტრაციაში აცხადებენ, რომ მონაწილეებს საინტერესო თავგადასავალი ელოდებათ.

ექვთიმე თაყაიშვილის დაბადებიდან 150 წლისთავთან დაკავშირებით „იუნესკომ” 2013 წელი საზოგადო მოღვაწის საიუბილეო წლად გამოაცხადა. ახალციხის მეექვსე საჯარო სკოლაში არსებული სამოქალაქო კლუბის „დისპერსიის” წევრებმა ღირსშესანიშნავი თარიღი ექვთიმე თაყაიშვილისადმი მიძღვნილი ღონისძიებით აღნიშნეს. მოსწავლეებმა აუდიტორიას ქართველი ისტორიკოსის ცხოვრებისა და მოღვაწეობის ამსახველი ფოტო და ვიდეო მასალა აჩვენეს.

სამცხე-ჯავახეთის სახელმწიფო სასწავლო უნივერსიტეტის სააქტო დარბაზში,  სტუდენტის შოთა წურწუმიას პოეზიის საღამო გაიმართა. ღონისძიებაში მონაწილეობა სხვადასხვა ფაკულტეტის წარმომადგენლებმა მიიღეს , რომლებმაც ახალგაზრდა პოეტის მიერ  დაწერილი ლექსები მუსიკის ფონზე წაიკითხეს. პოეზიის საღამო არატრადიციული იყო. ღონისძიებაზე ლექსებისა და სიმღერების გარდა კარატის ილეთებიც შესრულდა.

ახალციხის ციხე ამჯერად საქართველოს პრეზიდენტის ყურადღების ცენტრში მოექცა. ავლაბრის რეზიდენციაში გამართულ პრესკონფერენციაზე, მიხეილ სააკაშვილმა კომპლექსის მნიშვნელობასა და  მთავრობის მისდამი დამოკიდებულებაზე ისაუბრა. თუმცა პრეზიდენტს ჟურნალისტებთან, ახალციხის ისტორიული უბნის, რაბათის განვითარების მეორე ეტაპზე ყურადღება არ გაუმახვილებია.

,,რაბათი დღეს” -ასე ქვია ვიდეოს, რომელიც  ფეისბუქის, ვანო მერაბიშვილის ოფიციალურ გვერდზე გავრცელდა, ყოფილი  პრემიერ მინისტრი, რომლის ინიციატივითაც ახალციხის ციხეს რეაბილიტაცია ჩაუტარდა, ისტორიული კომპლექსის დღევანდელი მდგომარეობით დაინტერესდა.  ამ დროისათვის ,,რაბათში”  თითქმის ყველა კომერციული ობიექტი დახურულია. ამის  მიზეზად კი  სახელმწიფო რწმუნებული ადგილობრივი მუნიციპალიტეტის მხრიდან კერძო კომპანიებისათვის, კომუნალური გადასახადების გაზრდას ასახელებს. რას პასუხობენ აღნიშნულს ადგილობრივ ხელისუფლებაში და რა მდგომარეობაა დღეისათვის ისტორიულ კომპლექსში

სამთო-სათხილამურო კურორტ ბაკურიანში ტურისტული სეზონი დასასრულს უახლოვდება. შესაბამისად, თებერვლის თვეში, ვოზიტორთა რაოდენობამაც იკლო. ადგილობრივები ამბობენ, რომ წინა წელთან შედარებით კურორტს ნაკლები დამსვენებელი ჰყავს.

http://www.youtube.com/watch?v=px03KVhJtvg

http://www.youtube.com/watch?v=HAPi3cuQrNg