ახალციხის მუნიციპალიტეტის თემის საკრებულოში ფრაქცია ,,თავისუფალი დემოკრატები“ დაიშალა – ამის შესახებ სპეციალური განცხადება მედიასთან ფრაქციის ერთ–ერთმა წევრმა და საკრებულოს თავმჯდომარის მოადგილემ, გელა ნოზაძემ გააკეთა. მისი თქმით, ფრაქციის დატოვების შესახებ განცხადება ბაიცარ მანასიანმა შეიტანა, რის შედეგადაც მისი დაშლა გახდა საჭირო, იმ მოტივით, რომ სამ პიროვნებაზე ნაკლები ფრაქციაში არ შეიძლება იყოს.

ასპინძის მუნიციპალიტეტის საკრებულოს წევრმა კოალიცია „ქართული ოცნება“ დატოვა. ალიკა ცინაძე, რომელიც ადგილობრივ ხელისუფლებაში „თავისუფალი დემოკრატების“ სახელით მოვიდა აცხადებს, რომ გადაწყვეტილება აღნიშნულის თაობაზე დღეს მიიღო. ცინაძის მსგავსად პარტიაში რჩებიან  „თავისუფალი დემოკრატების“ წარმომადგენლები ნინოწმინდისა და ახალქალაქის საკრებულოში ვოსკან ელოიანი და მარტინ გაბრიელიანი. ასევე, პარტიაში რჩება ქალაქ ახალციხის მერიის საკრებულოს წარმომადგენელი შალვა გოგოლაძე. რაც შეეხება ბორჯომის საკრებულოს, გიორგი ფერაძემ კოალიცია „ქართულ ოცნებაში“  დარჩენის გადაწყვეტილება მიიღო. დატოვებს თუ არა პარტიას ირაკლი ალასანიას გუნდის წევრი ახალციხის მუნიციპალიტეტის საკრებულოში, ბიძინა გოგოლაძე, აცხადებს, რომ აღნიშნულთან დაკავშირებით, გადაწყვეტილება ჯერ არ მიუღია. საკითხზე კომენტარის გაკეთება არ ისურვა “თავისუფალი დემოკრატების“ წევრმა ადიგენში თამაზ ძაძამიამ. შეგახსენებთ, რომ 7 ნოემბერს ირაკლი ალასანიანს გუნდი დატოვა ბორჯომის მუნიციპალიტეტის მაჟორიტარმა დეპუტატმა გედევან ფოფხაძემაც.

ბორჯომის მუნიციპალიტეტის მაჟორიტარი დეპუტატი  უმრავლესობაში რჩება. ამის შესახებ გედევან ფოფხაძემ, საგანგებო ბრიფინგზე განაცხადა. ფოფხაძე მიიჩნევს, რომ მისი ადგილი უმრავლესობაშია. რაც შეეხება ფრაქცია “თავისუფალი დემოკრატების” დატოვებას, გადაწყვეტილება იმ პოლიტიკური პრიორიტეტების გათვალისწინებით მიიღო, რომელიც უფრო ღირებულად მიიჩნია.   აქვე ფოფხაძე პარტია „თავისუფალი დემოკრატებისაგან“ პირად წყენას არ უარყოფს, თუმცა, დეტალებზე საუბრისაგან თავს იკავებს. შეგახსენებთ, რომ “თავისუფალმა დემოკრატებმა” საპარლამენტო უმრავლესობა 5 ნოემბერს, მას შემდეგ დატოვეს, რაც პრემიერ-მინისტრმა ირაკლი ალსანია თავდაცვის მინისტრის თანამდებობიდან გაათავისუფლა.

ცვლილებებია მინისტრთა კაბინეტში. ირაკლი ღარიბაშვილის მიერ ირაკლი ალასანიას  გათავისუფლებას რამდენიმე მინისტრის გადადგომა მოყვა. პოსტი დატოვეს ალექსი პეტრიაშვილმა და მაია ფანჯიკიძემ მოდგილეებთან ერთად. ამასთანავე, ფრაქცია „თავისუფალი დემოკრატები“ კოალიცია  “ქართულ ოცნებას“ გამოეყო.  

რა გაკეთდა ქვეყანაში ირაკლი ღარიბაშვილის მოსვლის შემდეგ  –  საქართველოს პრემიერ მინისტრმა ორი წლის განმავლობაში  სხვადასხვა სფეროში გატარებული რეფორმები შეაჯამა და განაცხადა, რომ მძიმე მემკვიდრეობის მიუხედავად, უმნიშვნელოვანესი პრობლემები დაძლეულია.

სამხარეო ადმინისტრაციაში დღეს რეგიონული განვითარების სააგენტოების ასოციაციის დირექტორმა, მუნიციპალიტეტების გამგებლებთან და საკრებულოების თავმჯდომარეებთან მორიგი სამუშაო შეხვედრა გამართა. ნანა ზუბაშვილის განმარტებით სააგენტოს წესდებაში ცვლილებები შედის, რაც ახალციხის მუნიციპალიტეტის დაყოფამ გამოიწვია. მისივე თქმით, საჭირო გახდა რეგიონული განვითარების სააგენტოების ასოციაციას, რეგიონში არსებული მეშვიდე,  ქალაქის საკრებულოც დაემატოს.

სამცხე–ჯავახეთში საკონსულტაციო საბჭო შეიქმნა. სადაც რეგიონის 6 მუნიციპალიტეტის გამგებელი, ქალაქ ახალციხის მერი, საკრებულოს თავმჯდომარეები და მათი მოადგილეები შევლენ. საბჭოს, რეგიონის გუბერნატორი უხელმძღვანელებს. აღნიშნულთან დაკავშირებით სამხარეო ადმინისტრაციაში დღეს პირველი შეხვედრა გაიმართა, რომელსაც ინფრასტრუქტურის სამინისტროს წარმომადგენლები დაესწრნენ.

ადიგენში მაცხოვრებელ შშმ პირებს გუბერნიისაგან საჩუქრად ეტლები გადაეცათ. სამცხე-ჯავახეთის გუბერნატორის მოადგილე, ადიგენის მუნიციპალიტეტის გამგებლის მოადგილესთან ერთად შშმ პირებს პირადად ესტუმრა და საჭირო ინვენტარი გადასცა.  ეტლები სოფელ აბასთუმანში, ბოლაჯურში, გომაროსა და ჩორჩანში მაცხოვრებელ  ბენეფიციარებს გადაეცათ.

დეპუტატებმა ქალაქ ახალციხის მუნიციპალიტეტის ადგილობრივი თვითმმართველობის მოხელეთა საკონკურსო-საატესტაციო კომისიის დებულების დამტკიცების შესახებ იმსჯელეს და ქალაქ ახალციხის მუნიციპალიტეტის მერიის საჯარო მოხელეთა დამატებითი საკვალიფიკაციო მოთხოვნებს ერთხმად დაუჭირეს მხარი. ადგილობნრივი საკანონმდებლო ორგანოს წევრებმა   ქალაქ ახალციხის მუნიციპალიტეტის მოხელეთა საკონკურსო- საატესტაციო კომისიის თავჯდომარედ დანიშვნის საკითხიც  განიხილეს.

„ქრისტიან–დემოკრატიული მოძრაობის“ სამცხე–ჯავახეთის ორგანიზაციამ პარტიის თავმჯდომარის პოსტიდან ნინო ბურჯანაძის გათავისუფლება მოითხოვა . ამასთან დაკავშირებით ისინი სპეციალურ განცხადებას ავრცელებენ, სადაც ნათქვანია, რომ მიმდინარე წლის 6 მაისს შემდგარი ყრილობა არალეგიტიმურია, რადგან საქართველოს მასშტაბით მას „ქრისტიან–დემოკრატიული მოძრაობის“ ათამდე წევრი ესწრებოდა.  შესაბამისად, ყრილობის მიერ პარტიის თავმჯდიომარედ ნინო ბურჯანაძის არჩევა არაკანონიერი გარიგების შედეგად მოხდა. „ქრისტიან–დემოკრატიული მოძრაობის“ უფლებამოსილი აბსოლუტური უმრავლესობა კიდევ ერთხელ ურჩევს ნინო ბურჯანაძეს, შეეშვას ნაციონალებთან ასოცირებული ზოგიერთი „ვაიხელმძღვანელის“ გათეთრების მცდელობას, გაემიჯნოს მათ და ნებაყოფლობით დატოვოს „ქრისტიან–დემოკრატიული მოძრაობის“ არალეგიტიმურად დაკავებული თავმჯდომარის პოსტი“ – ნათქვამია

საქართველოს პრეზიდენტს ვერავინ ვერ ეტყვის, რამდენ ხანში მიიღოს გადაწყვეტილება – ასე გამოეხმაურა გიორგი მარგველაშვილი ირაკლი ღარიბაშვილის კომენტარს.  პრეზიდენტმა განაცხადა, რომ ადმინისტრაციამ მაშინ მიიღო გადაწყვეტილება, როცა ეს საჭიროდ ჩათვალა.

ახალციხის თვითმმართველი თემის საკრებულოში ფრაქცია ,,ქართული ოცნება კონსერვატორები“  შეიქმნა. მის თავმჯდომარედ ართუნ აგაბაბიანი დაინიშნა, ხოლო წევრები ალექსი ლაბაძე და ვასილ სისვაძე არიან. ამასთან დაკავშირებით, ინფორმაციას დეპუტატები 8 აგვისტოს,  საკრებულოს რიგით 4–ე სხდომაზე გაეცნენ.  დღესვე საკრებულოს 13–მა თანამდებობის პირმა უფლებამოსილების 300 ლარიანი ხარჯის აღებაზე საკუთარი ნებით უარი განაცხადა. საკრებულოს თავმჯდომარე, მისი მოადგილე, 5 კომისიისა და 6 ფრაქციის ხელმზღვანელი პირები უფლება–მოსილების განხორციელებასთან დაკავშირებული სხვადასხვა სახის ანაზღაურებას აღარ მიიღებენ.

5 აგვისტოს, ახალციხის მუნიციპალიტეტის საკრებულოს რიგით მესამე სხდომა  გაიმართა. დღის წესრიგის ერთ–ერთ მთავარ  საკითხს  2014 წლის ბიუჯეტის დამტკიცება წარმოადგენდა, რომლესაც მხარი თემის 21–მა დეპუატამა დაუჭირა, 2–მა კი  თავი შეიკავა.

ახალიხეში საკადრო ცვლილებები გრძელდება. ქალაქის სკოლამდელი აღზრდის დაწესებულების დირექტორად  დღეს ოფიციალურად ნანა ბერიძე დაინიშნა. კულტურის დაწესებულებათა გაერთიანების ხელმძღვანელის პოსტი ზაირა კელაპტრიშვილმა დაიკავა, ხოლო ახალციხის დასუფთავების სამსახურის შპს “კეთილმოწყობის” დირექტორი, გიორგი ბალიაშვილი გახდა.

ახალციხეში ყოფილი კომისარიატის შენობაში შესახლებული ოჯახები ამბობენ, რომ თვითმართველი თემის საკრებულოს წარმომადგენლები მათ გამოსახლებით დაემუქრნენ. ბრალდებებს, საკრებულოს თავმჯომარე და მისი მოადგილე უარყოფეს. მათი თქმით,  გაუგებრობას ჰქონდა ადგილი.

რა არის ასოცირების ხელშეკრულება, რა სიკეთის მომტანია საქართველოსთვის ევროატლანტიკურ სივრცეში გაწევრიანება, ალიანსში შესვლის შემდეგ რა გამოწვევების წინაშე დადგება ქვეყანა–ამ და სხვა მნიშვნელოვან საკითხებზე ახალქალაქის მუნიციპალიტეტში შეხვედრა გაიმართა.

    ახალი მოწვევის საკრებულომ ადიგენის მუნიციპალიტეტში  19 ტერიტორიული ორგანო დაამტკიცა. ამ დრომდე მუნიციპალიტეტში 15 ტერიტორიული გაერთიანება იყო. საკრებულოს წევრთა გადაწყვეტილებით, ვარხნის ტერიტორიული ორგანო  2 ნაწილად გაიყო – ვარხნისა და წახნის,  ჭეჭლის ტერიტორიული ორგანო –ჭეჭლისა და ღორთუბნის, ბენარის ტერიტორიული ორგანო –  ბენარისა და ხევაშნის ტერიტორიულ ერთეულებად. ოპოზიციური პარტიის წარმომადგენლებს ასევე, ჰქონდათ ინიციატივა, მლაშის ტერიტორიული ორგანოც გაყოფილიყო, თუმცა საკითხი საკრებულოს სხდომაზე არ გავიდა. ახალი მოწვევის საკრებულოს სხდომაზე მეორე საკითხად  მუნიციპალიტეტის გამგებლის პირველი მოადგილისათვის ავტომობილის შესყიდვა განიხილეს, რომელიც ასევე, ხმათა უმრავლესობით დამტკიცდა. “ქრისტიან–კონსერვატიული ფრაქციის” თავმჯდომარე რატი ტატალაშვილი “მეცხრე არხთან” აცხადებს, რომ ავტომობილის შეძენის საკითხს ოპოზიციური პარტიის წარმომადგენლებმა ადიგენის საკრებულოში მხარი არ დაუჭირეს და ამასთან დაკავშირებით პროტესტიც გამოთქვეს. მისივე თქმით, ახალი ავტომობილის შეძენის საჭიროება არ არსებობს, რადგან წინა ხელისუფლება არსებულ რესურსს აქტიურად იყენებდა. ავტომობილი, რომლის შეძენასაც ადიგენის მუნიციპალიტეტის გამგებლის პირველი მოადგილისათვის იგეგმება, დაახლოებით, 20 000 ლარი ჯდება.   წყარო: https://www.facebook.com/pages/%E1%83%90%E1%83%93%E1%83%98%E1%83%92%E1%83%94%E1%83%9C%E1%83%98adigeni/411320402266947?fref=photo

ახალციხის თვითმმართველი ქალაქის საკრებულოში ფრაქციები შეიქმნა. „ნაციონალური მოძრაობის”,  „ქართული ოცნებისა”  და „რესპუბლიკური”  პარტიების ფრაქციის თავმჯომარეების ვინაობა ცნობილია.

ვინ არიან ის ადამიანები, რომლებიც დაიკავებენ მოადგილეებისა და სამსახურის უფროსების პოსტებს ახალ მთავრობაში? საზოგადოებისათვის ნაცნობი თუ უცნობი სახეები – ახალციხის პირველი პირების დამტკიცებასთან ერთად მოსახლეობისათვის აქტუალური ახალი კადრების დამტკიცების საკითხი ხდება. ქალაქისა და თემის ხელმძღვანელებს მოადგილეები ამ დრომდე არ ჰყავთ, ამბობენ, რომ საკითხი განხილვის პროცესშია და საზოგადოება ახალ შემადგენლობას უახლოეს დღეებში იხილავს.

„ ახალციხის ციხის”  დირექტორი  აუცილებლად შეიცვლება და ეს იქნება განათლებული და ახალციხის პატრიოტი” ეს განცახდება ქალაქის ახლად არჩეულმა მერმა გააკეთა. აღნიშნულ განცხადებას ციხის დირექტორი გამოეხმაურა.  გუჯა ბიჭაშვილის თქმით , თანამდებობიდან გადადგომა მისთვის პრობლემას  არ წარმოადგენს.  ამბობს,  რომ  თუ დაწესებულებას ნამდვილად ღირესული ადამიანი უხელმძღვანელებს მისასალმებელი ფაქტი იქნება.