სამცხე-ჯავახეთის გუბერნატორის მოადგილემ დაკავებული პოსტი  დატოვა. ამასთან ერთად ავთანდილ კაჭკაჭაშვილმა განცხადება დაწერა „ქართული ოცნების“ ადიგენის რაიონული ორგანიზაციის თამჯდომარის თანამდებობიდან გადადგომის თაობაზეც. იგი პოსტების დატოვების  მიზეზად, თბილისიდან ახალ შემოთავაზებებს ასახელებს. ავთანდილ კაჭკაჭაშვილი სხვა დეტალებს არ აკონკრეტებს. ავთანდილ კაჭკაჭაშვილმა სამცხე-ჯავახეთის გუბერნატორის მოადგილის თანამდებობა და კოალიცია „ქართული ოცნების“ რაიონული ორგანიზაციის თავმჯდომარის პოსტი ერთდროულად დატოვა. კაჭკაჭაშვილი „მეცხრე არხთან“ სატელეფონო საუბარში განმარტავს, რომ თანამდებობების დატოვების მიზეზი დედაქალაქიდან ახალი სამსახურის შეთავაზება გახდა, თუმცა რა სფეროში აპირებს მუშაობის გაგრძელებას – ამას არ აკონკრეტებს.

ახალციხის მუნიციპალიტეტის გამგეობაში  საჯარო მოხელეთა შესარჩევი კონკურსის მესამე ეტაპი დასრულდა. პროცესზე 37 აპლიკანტი იყო მიწვეული, თუმცა აქედან გასაუბრებაზე 12 მათგანი არ გამოცხადდა.

ვეტერანების საქმეთა სახელმწიფო სამსახურის წარმომადგენლები ახალციხეს ესტუმრნენ და   1992 წლის აგვისტორს თვეში, აფხაზეთის ომში გარდაცვლილი პაატა ნათენაძის საფლავი და მისივე სახელობის მემორიალი გვირგვინით შეამკეს. როგორც „მეცხრე არხთან“ ვეტერანების საქმეთა სახელმწიფო სამსახურის დირექტორი მოადგილე განმარტავს,   აფხაზეთის ომში დაღუპილათა მოსახსენიებლად ახალი მემორიალი,  მიმდინარე წელს ახალციხის ცენტრალურ პარკში დაიდგმება.

ადიგენის მუნიციპალიტეტის საკრებულოს სხდომაზე აზრთა სხვადასხვაობა დღის წესრიგით გათვალისწინებულ პირველივე საკითხს მოჰყვა. დეპუტატები 1 საათის განმავლობაში იმაზე კამათობდნენ, უნდა მიეცათ თუ არა თანხმობა ახალი ფრაქციის ჩამოყალიბებაზე. აქვთ თუ არა უფლება  სხვადასხვა პარტიის წევრებს ერთ ფრაქციაში გაერთიანდნენ  – ამაზე ოპოზიციური და მმართველი პარტიის წევრებს  განსხვავებული  მოსაზრებები აქვთ. ეს ხმაური ადიგენის მუნიციპალიტეტის საკრებულოს სხდომაზე პირველისვე საკითხმა გამოიწვია. ,,გაერთიანებული დემოკრატიული მოძრაობისა“  და ,,მრეწველობა გადაარჩენს საქართველოს“ დეპუტატებს ფრაქციის შექმნაზე უარი ბოლო ინსტანციაზე,  საკრებულოს სხდომაზე ეთქვათ.

ადიგენის მუნიციპალიტეტში საკრებულოს სხდომა ხმაურის ფონზე მიმდინარეობს. აზრთა სხვადასხვაობა ახალი ფრაქციის შექმნის საკითხს მოჰყვა, რის გამოც “გაერთიანებული დემოკრატიული მოძრაობის”  წევრებმა, პროტესტის ნიშნად, საკრებულოს სხდომა დატოვეს.  აღნიშნულის მიზეზი საკრებულოს დღევანდელი გადაწყვეტილება გახდა, რომლის მიხედვითაც “გაერთიანებული დემოკრატიული მოძრაობისა” და  “მრეწველობა გადაარჩენს საქართველოს” ახალი ფრაქციის შექმნაზე უარი ეთქვთ.  სხდომაზე საკითხის დადებითად გადაწყვეტას,  საკრებულოს 14 დეპუტატი დაეთანხმა.  15–მა მათგანმა კი ფრაქციის შექმნას მხარი არ დაუჭირა. “გაერთიანებული დემოკრატიული მოძრაობისა” და  “მრეწველობა გადაარჩენს საქართველოს” წარმომადგენლები საკრებულოს სხდომის დღევანდელი გადაწყვეტილების, სასამართლოში გასაჩივრებას აპირებენ. შეგახსენებთ, რომ ფრაქციის ჩამოყალიბებაზე უარი პირველად, იურიდიულ საკითხთა კომისიის სხდომაზე ეთქვათ. მეორედ კი ბიუროს სხდომაზე. აღნიშნულ გადაწყვეტილებას ,,გაერთიანებული დემოკრატიული მოძრაობის“ წევრები, საკრებულოს მხრიდან მიზანმიმართულ ქმედებას  უკავშირებენ.

ამორტიზებული გზა, რომელიც ტურისტებს ახალციხის ისტორიულ კომპლექსთან აკავშირებს და საფრთხე, რომლის წინაშეც სოფელ ივლიტის მოსახლეობა ყოველი წვიმის დროს დგას – ადგილობრივები გზის მონაკვეთის  რეაბილიტაციასა და ნაპირსამაგრი სამუშაოების ჩატარებას ითხოვენ. ივლიტის მოსახლეობა სოფელში მისასვლელი გზის რეაბილიტაციასა და ნაპირსამაგრი სამუშაოების ჩატარებას ითხოვს. ადგილობრივები ამბობენ, რომ გზა მთლიანად ამორტიზებულია და ტრანსპორტს გადაადგილება უჭირს.

ახალციხის მუნიციპალიტეტის მერიაში საჯარო მოხელეთა შესარჩევი კონკურსის მესამე ეტაპი დაიწყო. დღეს გასაუბრებას მერიიდან  37, ხოლო საკრებულოდან 8 კონკურსანტი გაივლის. მათ საკუთარი შესაძლებლობები საკონკურსო–საატესტაციო კომისიის წინაშე უნდა  წარმოაჩინონ. პროცესის დაწყებისას, კომისიის 5 წევრიდან,  გასაუბრებაზე მხოლოს 3 მათგანი იმყოფებოდა. როგორც მერიაში განმარტეს,  მივლინების გამო, მესამე ეტაპს საკრებულოს თავმჯდომარე, კახაბერ ბერიძე ვერ დაესწრება. ხოლო  სამცხე–ჯავახეთის გუბერნატორის მოადგილე  ავთანდილ კაჭკაჭაშვილი პროცესზე დროებით არ იმყოფებოდა.

საქართველოს თვითმართველობებში გაცემული პრემიისა და სახელფასო დანამატის შემდეგ „საერთაშორისო გამჭვირვალობა – საქართველომ“ მორიგი კვლევის ანგარიში გამოაქვეყნა. არასამთავრობო ორგანიზაციამ საჯარო ინფორმაცია, ამჯერად სახელმწიფო რწმუნებულების-გუბერნატორების ადმინისტრაციებში გაცემული პრემიისა და სახელფასო დანამატის შესახებ გამოითხოვა. კვლევა 2012 წლის 1იანვრიდან 2015 წლის მაისამდე პერიოდს მოიცავდა. ანგარიშის მიხედვით, 2012 წელთან შედარებით, 2013-2014 წლებში, გაცემული პრემიების ოდენობა ყველა გუბერნიაში შემცირდა, თუმცა 2014 წელს, იმაზე მეტი თანხა გაიცა, ვიდრე – 2013 წელს.

სამხარეო–საკონსულტაციო საბჭოს გასვლითი სხდომა ამჯერად ასპინძაში გაიმართა. შეხვედრაზე მუნიციპალიტეტებში მიმდინარე ინფრასტრუქტურული პროექტების განხორციელებაზე, რეგიონული განვითარების 2015-2017 წლების სტრატეგიებისა და სამოქმედო გეგმების განახლებაზე, საჯარო მოხელეთა გადამზადებაზე,  ტურისტული სეზონის მიმდინარეობასა და რეგიონში ვიზიტორთა მოზიდვის გზებზე იმსჯელეს. საბჭოს სხდომას მხარის გუბერნატორი, მუნიციპალიტეტის გამგეობისა და საკრებულოს პირველი პირები დაესწრნენ. სამხარეო-საკონსულტაციო საბჭო სამ თვეში ერთხელ იკრიბება, წინა სხდომა მიმდინარე წლის მარტში გაიმართა.

    ადიგენის საკრებულოში, დეპუტატებს, ფრაქციის შექმნაზე უარი ოფიციალურად ეთქვათ. ,,გაერთიანებული დემოკრატიული მოძრაობისა“ და ,,მრეწველობა გადაარჩენს საქართველოს“ პარტიების წარმომადგენლებმა, საკუთარი განცხადების საფუძველზე პასუხი, 15 ივნისს, საკრებულოს თავმჯდომარისგან მიიღეს. მასში განმარტებულია, რომ თვითმმართველობის კოდექსის 30–ე მუხლისა და ადიგენის მუნიციპალიტეტის საკრებულოს რეგლამენტის 35–ე მუხლის საფუძველზე, ფრაქციის ჩამოყალიბებაზე უარი ეთქვათ. წარმომადგენლობით ორგანოში ამბობენ, რომ წევრებს საერთო პოლიტიკური ინტერესები  უნდა ჰქონდეთ. აღნიშნული გადაწყვეტილება იურიდიულ საკითხთა კომისიაში 11 ივნისს მიიღეს, რის შემდეგაც იგი ბიუროს სხდომაზე გავიდა, თუმცა შედეგი არ შეცვლილა. ამ ეტაპზე ,,გაერთიანებული დემოკრატიული მოძრაობისა“ და ,,მრეწველობა გადაარჩენს საქართველოს“ პარტიების წარმომადგენლები, საკითხის საკრებულოს სხდომაზე განხილვას ელოდებიან, უარყოფითი პასუხის შემთხვევაში კი ისინი ბრძოლას სამართლებრივად გეგმავენ.

ახალციხის მუნიციპალიტეტის გამგეობამ, თბილისში სტიქიით დაზარალებულთათვის შეგროვებული ტანსაცმელი, ნინოწმინდის ბავშვთა სახლს გაუგზავნა. გამგეობის კულტურის სამსახურის უფროსი „მეცხრე არხთან“ განმარტავს, რომ  დედაქალაქში დაზარალებულთათვის მხოლოდ პროდუქტი გააგზავნეს, ტანსაცმლის მიწოდება კი საჭირო აღარ გახდა.

ქალაქ ახალციხის საკრებულოში კიდევ ერთი რიგგარეშე სხდომა გაიმართა. დეპუტატება კენჭი დღის წესრიგით გათვალისწინებულ ორ საკითხს უყარეს, რომელიც ბიუჯეტში ცვლილებებს ეხებოდა. როგორც საკრებულოს თავმჯდომარე განმარტავს, სამხედრო გაწვევისას ტრანსპორტირებისათვის და სხვა პროექტებისთვის გამოყოფილი ხარჯები 146 ათასი ლარით შემცირდა, აღნიშნული თანხა აბის დასახლებაში ქუთაისის ქუჩის რეაბილიტაციას მოხმარდება.   რიგგარეშე სხდომას საკრებულოს 15 დეპუტატიდან  მხოლოდ 9 მათგანი ესწრებოდა, თუმცა გაერთიანებული დემოკრატიული მოძრაობის წარმომადგენელმა სხდომა პროტესტის ნიშნად დატოვა. ჯიმშერ გოგოლაური თვლის, რომ საკრებულოს სხდომები თვეში რამდენჯერმე არ უნდა ტარდებოდეს.

ახალციხის მერიამ კიდევ ერთი შტატი დაამატა. ადგილობრივი თვითმმართველობა ვაკანსიას თანაშემწის პოზიციაზე აცხადებს. მისი უფლება–მოვალეობები ქალაქის საკრებულომ უკვე დაამტკიცა. იზრდება თუ არა  მერიაში შტატები ხელოვნურად და  რატომ კარგავს საკრებულო მაკონტროლებლის მოვალეობას, ნახეთ ჩვენი სიუჯეტიდან.

ქალაქ ახალციხის საკრებულოში დღეს რიგგარეშე სხდომა გაიმართა. წარმომადგენლობითი ორგანოს დეპუტატებმა კენჭი მხოლოდ ერთ საკითხს უყარეს. როგორც საკრებულოს თავმჯდომარე განმარტავს, აღნიშნული საჯარო მოხელეთა შესარჩევ კონკურსს შეეხებოდა. კახა ბერიძის თქმით, კონკურსის მეორე ეტაპისათვის  რომელიც გამოცდების ეროვნულმა ცენტრმა უნდა ჩაატაროს, სახელმწიფო შესყიდვების გეგმაში საკმარისი თანხა გათვალისწინებული არ იყო, ამიტომ აღნიშნულთან დაკავშირებით,  ცვლილებები შევიდა და 2 500 ლარი დაემატა.

,,გაერთიანებული დემოკრატიული მოძრაობის“ ადიგენის საკრებულოს წევრები, იურიდიულ საკითხთა კომისიას ბრალს უკანონო ქმედებაში სდებენ. დეპუტატები პრეტენზიას გამოთქვამენ იმის შესახებ, რომ კომისიამ მათ ფრაქციის ჩამოყალიბებაზე უარი განუცხადა. მიზანმიმართული ხელის შეშლა თუ კანონის ფარგლებში მოქცეული ქმედება, ბურჯანაძის პარტიის წევრთა ბრალდება და პასუხი კომისიის თავმჯდომარისგან. მალხაზ ბოჩიკაშვილი ადიგენის საკრებულოში ,,გაერთიანებულ დემოკრატიულ მოძრაობას“ წარმოადგენს. აღნიშული პარტიიდან ადგილობრივი თვითმმართველობის შემადგენლობაში კიდევ ერთი წევრი მარლენ ქაფიანიძეა.

        “ნინო–ბურჯანაძე– ერთიან ოპოზიციას” ადიგენში ფრაქციის შექმნაზე უარი უთხრეს.  აღნიშნულის თაობაზე “მეცხრე არხს” “გაერთიანებულ დემოკრატიულ მოძრაობის” ადიგენის შტაბის უფროსმა განუცხადა. მალხაზ ბოჩიკაშვილის თქმით, ადიგენის საკრებულოს  ფრაქციის შექმნის მოთხოვნით 4 ივნისს მიმართა. საკრებულოს იურიდიულ საკითხთა კომისიის სხდომა დღეს, 11 ივნისს შედგა. წევრების გადაწყვეტილებით, “გაერთიანებულ დემოკრატიულ მოძრაობას” ფრაქციის შექმნაზე უარი ეთქვა. ბოჩიკაშვილის განმარტებით, კომისიის გადაწყვეტილება არ შეესაბამება საკრებულოს რეგლამენტის 35–ე მუხლის პირველ პუნქტს, რომლის მიხედვითაც მათ ფრაქციის შექმნაზე უარი ეთქვათ. აღნიშნული მუხლის თანახმად კი ფრაქცია წევრების საერთო პოზიციით უნდა შეიქმნას. “ჩვენ ადიგენის კეთილდღეობის მიზით, “მრეწველებთან” გავერთიანდით და ფრაქციის შექმნა გადავწყვიტეთ. ერთი აზრი რომ არ გვქონოდა, ამ საკითხით საკრებულოს არც მივმართავდით” – აცხადებს მალხაზ ბოჩიკაშვილი. “მეცხრე არხი” ადიგენის მუნიციპალიტეტის საკრებულიოს იურიდიულ საკითხთა კომისიის თავმჯდომარეს დაუკავშირდა. მუხრან ხარშილაძემ განაცხადა, რომ ამ დროისათვის შესაბამისი ოქმი იწერება, რომელშიც ფრაქციის შექმნასთან დაკავშირებით, საკრებულოს უარი მითითებული იქნება. “მეცხრე არხი” თემის დეტალებს მოგვიანებით მოგაწვდით

საჯარო მოხელეთა შესარჩევი კონკურსი და  თანამდებობები, რომლებზეც ვაკანსია რამდენჯერმე  ცხადდება. გაამართლა თუ არა საჯარო სამსახურებში თანამშრომელთა კონკურსის წესით შერჩევამ და რატომ ვერ ხერხდება ადგილობრივ თვითმმართველობებში თანამშრომელთა შერჩევა ერთხელ გამოცხადებული კონკურსის საფუძველზე – კვალიფიციური კადრების ნაკლებობა თუ ნეპოტიზმის პრობლემა თვითმმართველობებში?–  რას ფიქრობს ხალხი, ექსპერტი და ხელისუფლება – თემით “მეცხრე არხი” დაინტერესდა. სამცხე–ჯავახეთის 7  მუნიციპალიტეტში საჯარო მოხელეთა შესარჩევი კონკურსი სექტემბრის თვის შემდეგ ზოგან მესამედ, ზოგან კი მეოთხედ  გამოცხადდა.

ახალციხის მერის კიდევ ერთი დაპირება ამომრჩეველს, რომელიც ვერ ხორციელდება. გიორგი კოპაძე მიმდინარე წელს დახურული საცურაო უზისა და სპორტის სასახლის მშენებლობას გეგმავდა, თუმცა იმ  ტერიტორიაზე, სადაც ახალი ობიექტების მშენებლობისათვის იყო გამოყოფილი, სამუშაოები ამ დრომდე დაწყებული არ არის. ეს განცხადება ახალციხის მერმა „მეცხრე არხის“ ეთერით გასული წლის ოქტომბრის თვეში გააკეთა. გიორგი კოპაძე ირწმუნებოდა, რომ 2015 წელს სპორტის სასახლისა და საცურაო აუზის მშენებლობა აუცილებლად დაიწყებოდა, თუმცა ისევე როგორც ამომრჩევლისათვის მიცემული სხვა მასშტაბური პროექტის დაპირება, ჯერჯერობით ესეც შეუსრულებელია. ახალციხელები ქალაქში სპორტის სასახლისა და საცუარაო აუზის მნიშვნელობაზე საუბრობენ და ამბობენ, რომ ობიექტების მშენებლობა ხელს ახალგაზრდებში ცხოვრების  ჯანსაღი წესის დანერგვას შეუწყობს. ადგილობრივების ნაწილს ახალი კომპლექსის მშენებლობის იმედი  არ აქვს, ნაწილი კი ფიქრობს, რომ ახალციხის მერი დაპირებას აუცილებლად შეასრულებს.

ახალციხის მუნიციპალიტეტის საკრებულოში რიგით მეათე სხდომა გაიმართა. დღის წესრიგით გათვალისწინებული საკითხების უმრავლესობას ,,ნაციონალური მოძრაობის“ წევრებმა მხარი არ დაუჭირდეს. მათი პროტესტი ბიუჯეტთან დაკავშირებულმა საკითხებმა გამოიწვია. ახალციხის მუნიციპალიტეტში საკრებულოს სხდომის პირველი და მეორე საკითხები 2015 წლის ბიუჯეტში შესულ ცვლილებებს შეეხებოდა. როგორც ადგილობრივ თვითმმართველობაში განაცხადეს, ცვლილებები ინფრასტრუქტურულმა პროექტმა გამოიწვია,

,,ერთიანი ნაციონალური მოძრაობის” ლიდერები ახალციხის მუნიციპალიტეტის სოფლებში მოსახლეობას ხვდებიან. ნუგზარ წიკლაური პარტიის ადგილობრივ წარმომადგენლებთან ერთად, სოფელ გიორგიწმინდაში იმყოფება და მაცხოვრებლების პრობლემებს ადგილზე ეცნობა. მოსახლეობის თქმით, სოფელში სასმელი და სარწყავი წყლის სისტემა კვლავ მოუწესრიგებელია. ნუგზარ წიკლაურთან ერთად მოსახლეობას ახალციხისა და ასპინძის მუნიციპალიტეტების მაჟორიტარი დეპუტატები ვაჟა ჩიტაშვილი, ტარიელ ლონდარიძე და რაიონული ორგანიზაციების ხელმძღვანელებიც ხვდებიან. პოლიტიკური გაერთიანების ლიდერები შეხვედრებს ახალციხის მუნიციპალიტეტის მასშტაბით, სხვა სოფლებშიც გეგმავენ.