ლევან ლობჯანიძე და თამაზ ძაძამია-ეს პირები დღეს ადიგენის მუნიციპლაიტეტის საკრებულოს სხდომათა დარბაზში 30 დეპუტატმა ფარული კენჭისყრით აირჩია. ამიერიდან ადიგენის საკრებულოს თამჯდომარე ლვან ლობჯანიძე იქნება ხოლო მისი მოადგილე თამაზ ძაძამია. საკრებულოს პირველი სხდომა ადიგენის მუნიციპალიტეტში, 38-ე საოლქო კომისიის თავმჯდომარემ გახსნა.

ადიგენის მუნიციპალიტეტის საკრებულოს ახალი შემადგენლობა 30 წევრით დაკომპლექტდება, მასში 3 პარტიის წამომადგენლები შევლენ: მაჟორიტარული სიით: 1.  ნუგზარ ქაშიბაძე, დაბა ადიგენიდან – „ქართული ოცნება”  2.  ნანა ბარბლიშვილი, დაბა აბასთუმნიდან –  „ქართული ოცნება”  3. თენგიზ ქომოშვილი, სოფელ არლიდან – ,,ერთიანი ნაციონალური მოძრაობა”  4.  ალექსი ენდელაძე, სოფელ ბენარიდან – ,,ქართული ოცნება”  5.  კობა ჩხიტუნიძე, სოფელ ბოლაჯურიდან – ,,ქართული ოცნება” 6.  ნინა სტეფანოვა, სოფელ გორგულიდან – ,,ქართული ოცნება” 7.  გიორგი მინაძე, სოფელ ვარხნიდან- ,,ქართული ოცნება” 8.  ბაგრატ ხოზრევანიძე, სოფელ ზანავიდან – ,,ქართული ოცნება”  9.  ნუკრი ხვედელიძე, სოფელ ლელოვნიდან – ,,ქართული ოცნება”  10. შალვა გავაშელი, სოფელ  მლაშიდან – ,,ქართული ოცნება” 11. ავთანდილ გობაძე, სოფელ მოხიდან  – ,,ქართული ოცნება” 12. ვაჟა ობოლაშვილი, სოფელ უდიდან – ,,ქართული ოცნება” 13.  ჯონდო ხარაიშვილი, სოფელ ფხეროდან – ,,ერთიანი ნაციონალური მოძრაობა”  14.  მუხრან ხარშილაძე, სოფელ ჩორჩნიდან – ,,ქართული ოცნება”  15.  თეიმურაზ შავაძე, სოფელ ჭეჭლიდან – საინიციატივო ჯგუფი პროპორციული სიით: ,,ქართული ოცნება” 1. მინდია ჯელია  2. ნინო ჩოგოვაძე 3. ლევან ლობჯანიზე 4. თამაზ ძაძამია 5. იმედა მღებრიშვილი 6. რევაზ გოგნაძე 7. ოთარ კვარაცხელია 8. ალექსი გიგოლაშვილი 9. იმედა ხომასურიძე  ,,ერთიანი ნაციონალური მოძრაობა” 1. გივი ენდელაძე 2. თემურ ფეიქრიშვილი 3. რატი ტატალაშვილი 4. დავით ოგანეზიანი ,,ბურჯანაძე– ერთიანი ოპოზიცია” 1. მალხაზ ბოჩიკაშვილი 2. მარლენ ქაფიანიზე

საქართველოს მთავრობამ პრემიების გაცემის ახალი წესი დაამტკიცა. დადგენილების თანახმად, კვარტალში ერთხელ, ხელფასის 100%-იანი ოდენობის გაცემის უფლება  უწყების ხელმძღვანელს აქვს. მთავრობის ადმინისტრაციაში აცხადებენ, აღნიშნული საკითხის  ჩარჩოებში მოქცევა აუცილებელი გახდა.   ექსპერტები  კი თვლიან, რომ ეს პრობლემა პირველ რიგში რეგიონებში უნდა მოგვარდეს.

არასამათავრობო ორგანიზაცია ,,ერთსულოვნება სამართლიანობისათვის ” მე-9 არხის” ეთერში გასულ  სიუჟეტს ეხმაურება. ორგანიზაციის ხელმძღვანელი ახალციხის მუნიციპლაიტეტის საკრებულოს თანამშრომლების მხრიდან  განმეორებით სახელფასო დანამატის მოთხოვნას არაკანონიერს უწოდებს და ამბობს, რომ მაშინ, როდესაც მუნციპალიტეტის არაერთი სოციალური პრობლემის წინაში დგას, მაღალჩინოსნები  პრემიებს არ უნდა ინიშნავდნენ.

ახალციხის მუნიციპალიტეტის საკრებულო განმეორებით სახელფასო დანამატს ითხოვს.  პრემიების ხელმეორედ გაცემასთან დაკავშირებით, საკრებულოს თავმჯდომარის ბრძანებას გამგებლის მოვალეობის შემსრულებელი ხელს არ აწერს. მალხაზ ჟუჟნაძის თქმით, 17  ივნისს საკრებულოს ყველა თანამშრომელმა 100%-იანი დანამატი მიიღო,  სამ დღეში კი საკრებულოდან კიდევ ახალი მიმართვა შევიდა. რის საფუძველე ითხოვს საკრებულო განმეორებით  სახელფასო დანამარტს და აქვს თუ არა უფლება გამგებლის მოვალეობის შემსრულებელს ბრძანება არ აღასრულოს? თემით ,,მე-9 არხი” დაინტერესდა.

   ახალციხის მუნიციპალიტეტის საკრებულომ განმეორებითი სახელფასო დანამატი მოითხოვა. საკანონმდებლო ორგანოს პირველი პირის  ბრძანებას აღნიშნულთან დაკავშირებით გამგებლის მოვალეობის შემსრულებელი ხელს არ აწერს. მალხაზ ჟუჟნაძის თქმით, 17  ივნისს საკრებულოს 21–ვე, ხოლო გამგეობის 30%–მა 100 %–იანი პრემია უკვე აიღეს. სამ დღეში კი საკრებულოდან პრემიებთან დაკავშირებით კიდევ ახალი მიმართვა შევიდა, რომლის თანახმადაც, საკრებულოს ყველა თანმშრომელზე ისევ 100%–იან სახელფასო დანამატს ითხოვდა. “გაცნობებთ, რომ ქვეყანაში შექმნილი მძიმე სოციალური ფონიდან გამომდინარე და ასევე, იმის გათვალისწინებით, რომ საკრებულოს თანამშრომლებს პრემია მიღებული აქვთ 2014 წლის 17 ივნისს #158–ე ბრძანებით, მიზანშეუწონლად მიმაჩნია ამავე წლის 20 ივნისს, ანუ სამ დღეში დამატებითი პრემიიის გაცემა” – ნათქვამია ახალციხის მუნიციპალიტეტის გამგებლის მოვალეობის შემსრულებლის საპასუხო წერილში. მალხაზ ჟუჟუნაძე “მეცხრე არხთან” ამბობს, რომ ამის შემდეგ საკრებულოდან  მუქარის შემცველი წერილი მიიღო, ვკითხულობთ შემდეგს: “თქვენი 2014 წლის 24 ივნისის მომართვიდან ჩანს, რომ სახეზეა საჯარო მოხელის მიერ ზემდგომი ორგანოს თანამდებობის პირის ბრძანების შეუსრულებლობა, რომელიც უკეთეს შემთხვევაში წარმოადგენს დისციპლინარულ გადაცდომას, ხოლო უარეს შემთხვევაში სისხლის სამართლის კოდექსით გათვალისწინებულ დანაშაულს (სამსახურეობრივი უფლება მოსილების გადამეტება)”. საკრებულოში აცხადებენ, რომ ორგანული კანონის თანახმად საკრებულოს თავმჯდომარის ბრძანების აღუსრულებლობა დაუშვებელია, რადგან გამგეობა საკანონმდებლო ორგანოს ქვემდგომი ორგანოა. საკრებულოს იურისტის ირინა ყურმაშვილის განმარტებით, გამგებელს საკრებულოს თავმჯდომარის ბრძანების გასაჩივრება მხოლოდ სასამართლოში შეუძლია. ვრცლად აღნიშნულთან დაკავშირებით 21:30 საათზე საინფორმაციო გამოშვებაში შემოგთავაზებთ.

ხმაური არ წყდება  თბილისის საკრებულოში მაღალი თანამდებობის პირებზე და აპარატის თანამშრომლებზე  გაცემული პრემიების გამო, რომლის ინიციატორიც  საკრებულოს თავმჯდომარე ირაკლი შიხიაშვილია. იგეგმება თუ არა მსგავსი დანამტები ადგილობრივ თვითმართველობებში ამის გარკვევას „მეცხრე არხი” შეეცადა.

ადგილობრივი თვითმმართველობის არჩევნები დასრულდა. მიუხედავად იმისა, რომ საარჩევნო ოლქებში შემაჯამებელი ოქმები ჯერ კიდევ არ დაწერილა, გამარჯვებული პარტიის სუბიექტების, ქალაქის მომავალი მერისა  და გამგებლის ვინაობა უკვე ცნობილია. ახლად დაკომპლექტებული ახალციხის ადგილობრივი  ხელისუფლება პირველ რიგში მოსაგვარებელ პრობლემებზე საუბრობს.

ადგილობრივი თვითმმართველობის არჩევნების შემდეგ ცნობილი ხდება როგორ დაკომპლექტდება თვითმმართველი ქალაქისა და თვითმმართველი თემის საკრებულოს შემადგენლობა. წინასწარი მონაცემებით, წამყვანი ადგილები კვლავ ორ პილიტიკურ ძალას, საპარტლამენტო უმრავლესობასა და უმცირესობას ერგო.

ახალციხის  მერობის კანდიდატები სამოქალაქო სექტორის წარმომადგენლებს შეხვდნენ. მათ საშუალება ჰქონდათ  საარჩევნო სუბიექტებისათვის  კითხვები დაესვათ  და ქალაქის განვითარებასთან დაკავშირებით, მერობის კანდიდატების აზრი მოესმინათ.

ახალციხის დემოკრატიული ჩართულობის ცენტრში მრგვალი მაგიდის ფორმატში ქალის პოლიტიკურ გააქტიურებაზე დისკუსია გაიმართა. შეხვედრას თვითმმართველობის არჩევნებში მონაწილე მერობის კანდიდატები, სხვადასხვა პარტიების აქტივისტი ქალბატონები და არასამთავრობო ორგანიზაციების წარმომადგენლები დაესწრნენ.  

სამცხე-ჯავახეთის რამდენიმე მუნიციპალიტეტის მონახულების შენდეგ, ირაკლი ღარიბაშვილი ახალციხეს ესტუმრა და საარჩევნო სუბიექტები ოფიციალურად  წარადგინა. ქალაქის ცენტრალურ პარკში, სპეციალურად მოწყობილი სცენიდან, პრემიერი  მოსახლეობას სამცხე–ჯავახეთის გუბერნატორმა წარუდგინა. რის შემდეგაც, ირაკლი ღარიბაშვილმა ადგილობრივებს სიტყვით მიმართა. პრემიერ–მინსტრმა ახალციხის თვითმმართველ ერთეულად ჩამოყალიბების უპირატესობაზე, ეთნიკური უმცირესობებისათვის ქართული ენის შეწავლის აუცილებლობასა და სამომავლო გეგმებზე ისაუბრა.

,,დავით თარხან- მოურავი-საქართველოს პარტიოტთა ალიანსმა” ახალციხეში საარჩევნო სუბიექტები დაასახელა. პარტიის ლიდერებმა გამგებლობის კანდიდატი ოფიციალურად წარადგინეს. ქალაქ ახალცხეში აღნიშნული პოსტისათვის  მამუკა გოგოლაძე იბრძოლებს. გარდა ამისა, ცნობილი გახდა  მაჟორიტარი დეპუტატებისა და პარტიულ სიაში შემავალი კანდიდატების ვინაობაც.

თვითმართველობის არჩევნების შემდეგ, მუნიციპალიტეტის დაყოფასთან დაკავშირებით, ახალციხის გამგეობაში საინფორმაციო შეხვედრა გაიმართა. სხვადასხვა სამსახურის უფროსებს ახალციხის მუნიციპალიტეტის გამგებლის მოვალეობის შემსრულებელმა ის ცვლილებები გააცნო, რაც  ადგილობრივი თვითმართველობის კოდექსისა და საჯარო სამსახურის შესახებ კანონში 15 ივნისის შემდეგ შევა.  

წინასაარჩევნო კამპანიის მომზადებისათვის, საარჩევნო ბლოკ “არასაპარლამენტო ოპოზიციის” ლიდერები ახალციხეს ესტუმრნენ.  ,,ახალი მემარჯვენეებისა” და ,,თავისუფალი საქართველოს”  წარმოამდგენლები სამცხე–ჯავახეთში მოქმედი  რაიონული ორგანიზაციების ხელმძღვანელებს შეხვდნენ და შტაბის ფორმირების, მაჟორიტარობის კანდიდატების შერჩევისა და პარტიული სიების დაკომპლექტების შესახებ ისაუბრეს.

“ქართულმა ოცნებამ” 12 თვითმმართველ ქალაქში მერობის კანდიდატები დაასახელა. საქართველოს პრემიერ მინისტრმა, სპორტის სასახლეში გამართულ შეხვედრაზე, ისინი დღეს ოფიციალურად წარადგინა. ადგილობრივი თვითმმართველობის არჩევნებზე, ქვეყნის 12 ქალაქში მერობის კანდიდატები იქნებიან: თბილისი – დავით ნარმანია; რუსთავი – დავით ჯიქია; ქუთაისი – შოთა მურღულია; გორი – ზურაბ ჯირგველიშვილი; ბათუმი – გიორგი ერმაკოვი; ფოთი – ირაკლი კაკულია; ზუგდიდი – ირაკლი გოგოხია; მცხეთა – ავთანდილ ნემსიწვერიძე; თელავი – პლატონ კალმახელიძე; ოზურგეთი – ბეგლარ სიორიძე; ახალციხე – გიორგი კოპაძე; ამბროლაური – რატი ნამგალაძე. ,,ქართულმა ოცნებამ” 2014 წლის 15 ივნისის, ადგილობრივი თვითმმართველობის არჩევნებისთვის ოფიციალური კამპანია დღეიდან დაიწყო.

ახალციხის ციხის დირექტორის თანაშემწე და სახალხო კრების წევრი სამცხე–ჯავახეთის სახელმწიფო რწმუნებულის მოადგილეს სატენდერო სისტემის გაკონტროლების მცდელობაში სდებს ბრალს. ლაშა ამირეჯიბი ირწმუნება, რომ ავთო კაჭკაჭაშვილის სამშენებლო კომპანიამ ,,მადლი” ახალციხის მუნიციპალიტეტის მიერ გამოცხადებულ ტენდერში მიიღო მონაწილეობა და საკრებულოს თავმჯდომარეს შუამავლის მეშვეობით ტენდერში გამარჯვება მოსთხოვა.

9 აპრილის ტრაგედია, იმ ადამიანებმაც გაიხსენეს ვინც 25 წლის წინ, თბილისში ყოფილი პარლამენტის შენობასთან მშვიდობიან დემონსტრაციაში იღებდა მონაწილეობას. მათი თქმით, დიდი მსხვერპლის მიუხედავად, ამ დღემ საფუძველი საქართველოს დამოუკიდებლობას დაუდო. 1989 წლის 9 აპრილს ისტორიკოსებიც აფასებენ. სისხლიანი დემონსტარაცია და დამოუკიდებლობისათვის გაღებული მსხვერპლი.

თვითმართველობის არჩევნებამდე ორი თვე რჩება, ახალციხეში პოლიტიკური პარტიები წინა საარჩევნო სამზადისში არიან თუმცა აქტიური კამპანია დაწყებული არ აქვთ. ზოგ მათგანს ამ დრომდე ოფისიც არ გაუხსნია. ჯერ–ჯერობით უცნობია ვინ იქნებიან თვითმართველ ქალაქში, მერობის, გამგებლობისა თუ დეპუტატობის კანდიდატები. დღესვე თვითმართველობის არჩევნებთან დაკავშირებით კომენტარი „სახალხო კრების” წევრმა ლაშა ამირეჯიბმაც გააკეთა.

,,ახალციხეში არ არსებობს ,,ქართული ოცნების” შტაბი, იქ ,,ნაციონალური მოძრაობიდან” გამოქცეული ადამიანები არიან”, – აცხადებს ,,სახალხო კრების” წევრი ლაშა ამირეჯიბი. მისი განმარტებით, აღნიშნულ პირებს მოსახლეობა პატივს არ სცემს და თვითმმართველობის არჩევნებში მათი გამარჯვების შანსიც ნაკლებია. ამირეჯიბი სამცხე-ჯავახეთის სახელმწიფო უსაფრთხოების სააგენტოს უფროსის თანამდებობაზე დავით ლომიძიც დანიშვნასაც აპროტესტებს. მისი განმარტებით, ლომიძე რეგიონში ხისტი ქმედებებით გამოირჩევა. როგორ ემზადებიან ახალციხეში სხვადსხვა პოლიტიკური პარტიები თვითმართველობის არჩევნებისათვის  და როგორია აღნიშნულზე ლაშა ამირეჯიბის შეფასება  ნახეთ, საინფორმაციო  გამოშვება “ექოში” 21:30 საათზე.