უნდა მიიღოს თუ არა საქართველომ სოჭის ოლიმპიადაში მონაწილეობა? -თემა, რომელიც ქვეყანაში  დღის  წესრიგში დგას. პოლიტიკოსთა ნაწილი თვლის, რომ საქართველომ ოლიმპიადას ბოიკოტი უნდა გამოუცხადოს, რადგან რუსეთმა შესაძლოა ის პოლიტიკური მიზნებისათვის გამოიყენოს.  რა დადებითი ან უარყოფითი შედეგები შეიძლება მოუტანოს მონაწილეობის მიღებამ ქვეყანას და  ვისი ინტერესები დაზარალდება  უარის თქმის შემთხვევაში  -რას ფიქრობენ  ამ საკითხთან დაკავშირებით ახალციხეში. პოლიტიკოსების, მოქალაქეებისა და სპორტსმენების მოსაზრებები ნახეთ ჩვენს სიუჟეტში.

კოალიცია „ქართული ოცნების“ ხელისუფლებაში ყოფნის  ერთწლიანი მუშაობა, სხვადასხვა პარტიის წევრებმა,  სამოქალაქო სექტორის წარმომადგენლებმა და სტუდენტებმა, „მეცხრე არხის“ თოქ–შოუში შეაჯამეს. საათნახევრის განმავლობაში ცხარე დებატებისას, მათ ბოლო ერთი წლის პერიოდში ხელისუფლების მიერ შესრულებულ და შეუსრულებელ დაპირებებსა და  ქვეყანაში განვითარებულ მოვლენებზე ისაუბრეს.

 ვაჟა ჩიტაშვილი პარლამეტში,  დღევანდელი დეპატებისას სიტყვით გამოვიდა და სამცხე–ჯავახეთში არსებულ პრობლემებზე ისაუბრა. “ქვეყანაში შენელებულია ეკონომიკური ზრდის ტენდენცია”–ამ სიტყვებით დაიწყო ახალციხის მაჟორიტარმა საკანონმდებლო ორგანოში გამოსვლა. ვაჟა ჩიტაშვილმა  სამცხე–ჯავახეთის მაგალითზე  ისაუბრა და აღნიშნა, რომ ბოლო ერთი წლის განმავლობაში, რეგიონში არ გახსნილა არცერთი მცირე თუ მსხვილი საწარმო, სოფლის მეურნეობაში არ გაკეთებულა არცერთი წყალსაცავი, რომელიც გლეხს  სასოფლო–სამეურნეო სავარგულების მოვლაში ხელს შეუწყობდა. არ მომხდარა სათიბებში მისასვლელი გზების რეაბილიტაცია.   “მე და ჩემ კოლეგამ, ტარიელ ლონდარიძემ  ვეცადეთ გაგვეგო რეგიონში ერთი ადამიანი, ვინც  მიიღო დაბალ პროცენტიანი კრედიტი, ტუმცა ასეთი პიროვნებას ვერ მივაკვლიეთ”– აღნიშნა ახალციხის მაჟორიტარმა. ვაჟა ჩიტაშვილმა დღეს ახალი ხელისუფლების მიერ სასოფლო–სამეურნეო ბარათების დარიგებასა და მის მნიშვნელობაზეც ისაუბრა  და აღნიშნა, რომ უკეთესი იქნებოდა ამის ნაცვლად, სარწყავი სისტემებისათვის და სოფლის მეურნეობაში არსებულ სხვა პრობლემებისათვის მიეხედათ. დეპუტატმა გამოსვლის დასასრულს, უმცირესობასა და უმრავლესობის ურთიერთობებზეც ისაუბრა.

საქართველოს ლეიბორისტული პარტიის ლიდერმა და პრეზიდენტობის კანდიდატამა სამცხე–ჯავახეთში სტუმრობა  ბორჯომის მუნიციპალიტეტით დაასრულა. შალვა ნათელაშვილმა ბორჯომის, ბაკურიანის, წაღვერისა და ახალდაბის მკვიდრებს საკუთარი გეგმები გააცნო და ქვეყანაში მიმდინარე მოვლენებზე ესაუბრა. მანამდე კი პრეზიდენტობის კანდიდატმა, წინა საარჩევნო კამპანიის ფარგლებში, ნინოწმინდის, ახალქალაქის, ასპინძის, ადიგენისა და ახალციხის მოსახლეობაც მოინახულა.

კოალიცია „ქართული ოცნების” პრეზიდენტობის კანდიდატი, წინა საარჩევნო კამპანიის ფარგლებში, დღეს ახალციხესა და ასპინძას ესტუმრა. გიორგი მარგველაშვილმა მოსახლეობას სიტყვით მიმართა და არჩევნებში გამარჯვების შემთხვევაში, საკუთარ გეგმებზე ისაუბრა. ახალციხეში გამოსვლის შემდეგ  იგი რეინტეგრაციის მინისტრთან და დედაქალაქიდან ჩამოსულ სხვა სტუმრებთან ერთად ასპინძაში გაემგზავრა. მედიასთან საუბარში დღეს კანდიდატმა რეგიონის მნისშვნელობაზეც ისაუბრა.

პარტია “ერთიანი ნაციონალური მოძრაობის” თანამდებობის პირებზე შესაძლოა, სახელმწიფო თანამდებობრივი შეზღუდვები დაწესდეს და მათ იმ პოსტების დაკავება აეკრძალოთ, რომლებიც მხოლოდ “კომუნისტური პარტიის” ყოფილი თანამდებობის პირებისთვის არის აკრძალული. ეს იმ შემთხვევაში მოხდება, თუ მმართველი კოალიცია დეპუტატ კობა დავითაშვილის მიერ მომზადებულ საკანონმდებლო ინიციატივას გაიზიარებს. პარლამენტში უკვე ოფიციალურად ინიცირებულია “თავისუფლების ქარტიაში” შესატანი ცვლილებების პროექტი. ეს ის კანონია, რომელიც დაახლოებით სამი წლის წინ სსრკ-ის თანამდებობის პირებისა და საბჭოთა სპეცსამსახურების წარმომადგენლების თანამდებობრივი შეზღუდვისთვის დაიწერა და სხვანაირად “ლუსტრაციის შესახებ” კანონსაც უწოდებენ.

ვანო მერაბიშვილი მის წინააღმდეგ წაყენებული ერთ-ერთი ბრალდების თაობაზე სასამართლო პროცესის დაწყებას ეხმაურება. როგორც მერაბიშვილი “ფეისბუქის” გვერდზე გავრცელებულ განცხადებაში აღნიშნავს, საკუთარი უდანაშაულობის დასამტკიცებლად ადვოკატებთან ერთად ყველაფერს გააკეთებს. “ძალიან კარგად მესმის, რომ ეს პოლიტიკური პროცესია და მე ივანიშვილის მთავრობის პოლიტიკური პატიმარი ვარ. ისიც მესმის, რომ ჩემი დაპატიმრება მოხდა მთავარი ოპოზიციური პარტიის, “ერთიანი ნაციონალური მოძრაობის” დასასუსტებლად და მოახლოებული არჩევნების წინ ჩვენი პარტიის რიგებში დაბნეულობისა და დეზორგანიზაციის შემოსატანად. მინდა კიდევ ერთხელ განვმარტო საზოგადოებისთვის – ქუთაისის სასამართლოში ეს საქმე წამოიღეს მხოლოდ იმიტომ, რომ პროკურატურას მოსამართლე ახალბედაშვილისგან გარანტია ჰქონდა მიღებული, რომ ის გამოიტანდა ჩემი წინასწარ პატიმრობაში აყვანის სრულიად დაუსაბუთებელ და უკანონო განაჩენს. შემდეგი ნაბიჯი იყო, როდესაც მოსამართლე გურულს გადაწყვეტილება ძალაში დაატოვებინეს. ესეც უპრეცედენტო დარღვევაა! მოსამართლე გურული საერთოდ არ იყო უფლებამოსილი, განეხილა ეს საკითხი. საქართველოს კანონმდებლობით, ამ მოსამართლეს არ ჰქონდა უფლება, მიეღო გადაწყვეტილება, მაგრამ იმდენად დიდია ივანიშვილის სურვილი, რომ მე ციხეში ვიყო, მთავრობა ამ პროცედურულ დარღვევებზეც წავიდა”, – აცხადებს მერაბიშვილი. ყოფილი პრემიერი დარწმუნებულია, რომ ამ დარღვევებს სტრასბურგის სასამართლო შესაბამის ყურადღებას მიაქცევს. “როგორც საერთაშორისო, ისე ქართული საზოგადოება მალე დარწმუნდება, რომ სახეზეა მხოლოდ პოლიტიკური დევნა და ამ ყველაფერს საერთო არ აქვს სამართალსა და სამართლიანობასთან. ყველა ჩემს გულშემატკივარს კიდევ ერთხელ დიდ მადლობას ვეუბნები სამართლებრივი ბრძოლის ამ ახალი რაუნდის დაწყების წინ”, – აცხადებს ვანო მერაბიშვილი.

ახალციხის ცენტრალურ პარკში კოალიცია ქართული ოცნების   წევრებმა აქცია გამართეს.  მასში მონაწილეობა მუნიციპალიტეტის სხვდასხვა სოფლებიდან  ჩამოსულმა აქტივისტებმაც მიიღეს.  შეხვედრის მიზანს მოსახლეობისათვის კოალიციის წინა საარჩევნო გეგმების გაცნობა წარმოადგენდა.

კოალიცია „ქართული ოცნების” პრეზიდენტობის კანდიდატი წინა საარჩევნო კამპანიის ფარგლებში მოსახლეობასთან შეხვედრებს განაგრძობს. გიორგი მარგველაშვილი საკუთარი გუნდის წევრებთან ერთად, დღეს ბორჯომს ესტუმრა და ადგილობრივებს შეხვდა. კანდიდატმა ქვეყანაში მიმდინარე პოლიტიკურ პროცესებზე ისაუბრა.

ქართულ ოცნებას” ახალქალაქის აქტივისტების ნაწილი ემიჯნება “ქართულ ოცნებას” ახალქალაქის აქტივისტების ნაწილი ემიჯნება. “ქართული ოცნების” ახალქალაქის საპარლამენტო შტაბის ყოფილმა წევრებმა დღეს თბილისში “ქართული ოცნების” ოფისთან აქცია-ბრიფინგი გამართეს. მასში “ქართული ოცნების” 50-მდე ყოფილი აქტივისტი და მხარდამჭერი მონაწილეობდა. ასევე იმყოფებოდნენ ახალქალაქის საპარლამენტო შტაბის წევრები ბეჟან გუნავა და მელიქ რაისიანი. ჟურნალისტებთან საუბრისას მათ განაცხადეს, რომ “ქართული ოცნების” ოფისთან ისინი საკუთარი პოზიციის დასაფიქსირებლად შეიკრიბნენ. კერძოდ, ბეჟან გუნავა და მელიქ რაისიანი აცხადებენ, რომ ახალქალაქში არჩევნების შემდეგ არაფერი შეცვლილა, უფრო მეტიც, თანამდებობაზე დარჩნენ უშიშროების სამსახურის ხელმძღვანელი პირები, რომლებიც “ნაციონალურ მოძრაობაში” იყვნენ, დღეს კი ახალქალაქში “ქართული ოცნების” საპრეზიდენტო შტაბის წევრები არიან. აქციის ორგანიზატორები აცხადებენ, რომ ახალქალაქში “ქართული ოცნების” ორგანიზაციის დაფუძნებისას, სწორედ ეს სამართალდამცავები დასდევდნენ და იჭერდნენ. ახალქალაქიდან ჩამოსულები ასევე აცხადებენ, რომ კორუფციის შემცირებისა და რეგიონში დემოკრატიის განვითარების თვალსაზრისით არაფერი შეცვლილა. “პრესა. ჯე”

,,ქართულ ოცნების“ ახალციხის  საარჩევნო შტაბი განახლებული შემადგენლობით  ჩამოყალიბდა. კოალიციის ადგილობრივ ორგანიზაციას ამიერიდან მალხაზ ჟუჟუნაძე უხელმძღვანელებს. ახალი თანმდებობის გამო მან ახალციხის მუნციპალიტეტის გამგებლის მოადგილის პოსტი ორ თვე ნახევრით დატოვა. მალხაზ ჟუჟუნაძესთან ერთად, იმავე მიზეზით, უფლება–მოსილება გამგებლის მრჩეველს, გოჩა პარუნაშვილსაც შეუჩერდა.

„მოძრაობა სამართლიანი საქართველოსათვის“ პრეზიდენტობის კანდიდატმა წინა საარჩევნო კამპანია, დღეს სიმბოლურად მშობლიური სოფლიდფლიდან დაიწყო. სერგო ჯავახიძე ბორჯომის მუნიციპალიტეტის სოფელ საკირის მოსახლეობას შეხვდა და მათ პრობლემებს გაეცნო. ადგილობრივებს კანდიდატმა პარტიის საარჩევნო პრიორიტეტები გააცნო

დღეს 12 საათზე,  სამცხე–ჯავახეთის სამხარეო სამმართველოსთან შეკრებილ მოსახლეობას და ნაციონალური მოძრაობის  დეპუტატებს საპარლამენტო უმცირესობის წევრი გიორგი ვაშაძე შეუერთდა. მისი ახალციხეში ჩამოსვლის მიზანი, როგორც მედიასთან საუბრისას განმარტა, ადიგენის მუნიციპალიტეტის გამგებლის დაკავება და სოფელ ჭელაში განვითარებული მოვლენები იყო. ,,აშკარა პოლიტიკურ გარჩევებთან გვაქვს საქმე, ნაციონალურ მოძრაობას აქვს ძალიან მყარი პოზიციები და მათი მიზანი იყო გამგებლის დაკავება, რათა შეეცვალათ პოლიტიკური განწყობა რაიონში. მათ ისარგებლეს მინარეთის თემით, რათა გადაეფარათ ინფორმაცია გამგებლის დაკავების შესახებ.  არაერთგზის იყო შემოთვლები და მუქარები, რომ თუ ის არ გადადგებოდა დაკავებული თანამდებობიდან მაშინ დააკავებდნენ მას და მისცემდნენ სისხლის სამართლის პასუხისმგებლობაში. საქმე თითიდან  გამოწოვილია, ამას მოწმობს,  იუსტიციის მინისტრის განცხადება, რომელიც ამბობს,  რომ ადიგენი ბოლო ფორ პოსტი იყო ნაციონალური მოძრაობისათვის. ბოლომდე გვერდში დავუდგებით სიმონ პარუნაშვილს და ამ უკანონობას არ ვაპატიებთ ხელისუფლებას”–განაცხადა ახალციხეში სტუმრობისას გიორგი ვაშაძემ.

„ერთიანი ნაციონალური მოძრაობის”  პრეზიდენტობის  კანდიდატის ვიზიტი ასპინძაში.  დავით ბაქრაძე, ასპინძის მაჟორიტარ დეპუტატთან ტარიელ ლონდარიძესთან ერთად სოფელ  საროს ესტუმრა, ადგილობრივ მოსახლეობას შეხვდა, მათ პრობლმებს გაეცნო და გადაჭრის გზებზე იმსჯელა.

  “ერთიანი ნაციონალური მოძრაობის” პრეზიდენტობის კანდიდატი, დღეს ასპინძას ესტუმრა. დავით ბაქრაძემ მუნიციპალიტეტში ვიზიტი სოფელ საროდან დაიწყო, სადაც ადგილობრივ მოსახლეობას შეხვდა, მათი  პრობლემები მოისმინა და გადაჭრის გზებზე ესაუბრა. დავით ბაქრაძემ  და  ასპინძის მაჟორიტარმა  დეპუტატმა ტარილ ლონდარიძემ  ადგილობრივებთან საუბრისას, იმ პროექტებზეც გაამახვილეს ყურადღება, რომელიც მუნიციპალიტეტში ამ დროისათვის შეჩერებულია.

 ასპინძაში,  რწმუნებულების გათავისუფლებასთან დაკავშირებით  “მე–9 არხს” ტერიტორიული გაერთიანების ხელმძღვანელები დაუკავშირდნენ. სოფელ რუსთავის თემის რწმუნებული “ექოს” უყვება, რომ გამგებელმა ლევან ცაბაძემ, ისინი  2 აგვისტოს დაიბარა თათბირზე და განუცხადა, რომ თანამდებობიდან წასვლის შესახებ განცხადებები დაეწერათ. ” გამგებელმა გვითხრა, რომ დავალებული აქვს ჩვენი სამსახურიდან გათავისუფლება და “ქართული ოცნების” წევრებმა უნდა ჩაგვანაცვლონ “ – ამბობს ჯემალ იაკობაძე. რწმუნებულების გათავისუფლება   კონკრეტულად ვისგან აქვს ასპინძის მუნიციპალიტეტის გამგებელს დავალებული, ამაზე თემის ხელმძღვანელები ვერ საუბრობენ. ამ დროისათვის 14 რწმუნებულიდან და 7 სპეციალისტიდან განცხადებები სოფლების ოშორის, ოთის, ტოლოშის, მირაშხანის ვარგავისა და დაბა ასპინძის რწმუნებულს არ დაუწერიათ. დაბა ასპინძის რწმუნებული “მე–9 არხთან” სატელეფონო საუბარში ამბობს, რომ განცხადების დაწერას არ აპირებს, რადგან ლევან ცაბაძეს ზუსტი მიზეზი, რატომ სურს მათი სამსახურიდან გაშვება არ უთქვამს. ” გვეუბნება, რომ განცხადებები უნდა დავწეროთ, მიზეზს კი ვერ გვიკონკრეტებს. განცხადებას არ დავწერთ და ყველას გავაგებინებთ, როგორ იქცევა ლევან ცაბაძე ასპინძაში”–განუცხადა დაბა ასპინძის ტერიტორიული ორგანოს რწმუნებულმა და გამგეობის სპეციალისტმა ალექსანდრე ნადიბაიძემ. შეგახსენებთ, რომ აღნიშნულთან დაკავშირებით, რამდენიმე დღის წინ,  სპეციალური განცხადება არასამთავრობო ორგანიზაცია  “სამართლიანი არჩევნებმაც”  გააკეთა: “ადგილობრივი თვითმმრთველობის შესახებ” საქართველოს ორგანული კანონისა და “საჯარო სამსახურის შესახებ” საქართველოს კანონის თანახმად, თვითმმართველი ერთეულის რწმუნებულის გათავისუფლების უფლება მუნიციპალიტეტის გამგებელს კანონით დადგენილი საფუძვლების არსებობის შემთხვევაში თავად შეუძლია. შესაბამისად, “სამართლიანი არჩევნები” მიიჩნევს, რომ მუნიციპალიტეტის გამგებლის მიერ რწმუნებულების მიმართ წაყენებული მოთხოვნა, საკუთარი ნებით დაწერონ განცხადებები სამსახურიდან გათავისუფლების მოთხოვნით,  უკანონოა და შეიცავს მუქარისა და ზეწოლის ნიშნებს”, – ნათქვამია “სამართლიანი არჩევნების” განცხადებაში.

სამცხე-ჯავახეთში პარტია „სოციალ–დემოკრატები საქართველოს განვითარებისთვის” დაფუძნდა.  პარტიის ჩამოსაყალიბებლად რეგიონს სოციალ-დემოკრატების” ლიდერი ესტუმრა. გია ჟორჟოლიანი მოსახლეობას შეხვდა და მათი პრობლემები მოისმინა.

რეგიონებში საკონსტიტუციო ცვლილებების განხილვას ნაციონალები ეთიშებია.

   მაჟორიტარებთან დაკავშირებით პრობლემები არსებობს, – ამის შესახებ, საქართველოს პრემიერ-მინისტრმა ბიძინა ივანიშვილმა დღეს, ეკონომიკური გუნდის ექსპერტებთან შეხვედრის შემდეგ ჟურნალისტებს განუცხადა და აღნიშნა, რომ მან მაჟორიტარული სისტემის გაუქმების საკითხი სხვადასხვა დროს რამდენჯერმე დააყენა. “მაჟორიტარების პრობლემა იმ დონით არსებობს, რომ მე რამდენჯერმე დავსვი საკითხი, შეიძლება ეს მაჟორიტარული საერთოდ ამოვიღოთ, თუმცა არ ვარ ამის დიდი სპეციალისტი და ამ საკითხს ძალიან ფრთხილად ვეკიდები”, – განაცხადა ივანიშვილმა. მისივე თქმით, მაჟორიტარები პარლამენტრის წევრები არიან, კანონმდებლობის ჩამოყალიბებაში მონაწილეობენ, შესაბამისად, კეთილი უნდა ინებონ და საკუთარი უფლებები და მოვალეობები გაარკვიონ კარგად და იმის მიხედვით გააგრძელონ საკუთარი მოღვაწეობა. “მათთვის არ ჩაუბარებით რეგიონები. ისინი აირჩიეს ამ რეგიონებიდან. ვალდებულება აქვთ ამ რეგიონების მიმართ და ეს უნდა განახორციელონ და არა მეტი. შეიძლება უხეში ტერმინი გამოვიყენე, როდესაც ტერმინი – ფეოდალური გამოვიყენე, მაგრამ ის, რომ მათ მიაჩნიათ, რეგიონი თვითონ უნდა მართონ, ასე არ არის”, – განაცხადა ივანიშვილმა. პრემიერმა არ დააკონკრეტა, რომელ მაჟორიტარ დეპუტატთან მიმართებაში აქვს პრეტენზიები. მისი თქმით, ყველას აქვს პრობლემა, ზოგს ცოტა, ზოგს დიდი, მაგრამ პრობლემები არსებობს. პრემიერის განცხადებით, ბევრს პოლიტიკური გამცდილება აკლია. “ინტერპრესნიუსი”

    “ერთიანი ნაციონალური მოძრაობის” ლიდერი დღევანდელ ინტერვიუს facebook-ის საკუთარ გვერდზე  ეხმაურება. დავით ბაქრაძის განმარტებით, მისი ფრაზა “ნაციონალური მოძრაობა” დამთავრდა” – ჟურნალისტების მიერ არასწორად იქნა გამოყენებული, რაც საინფორმაციო სააგენტოების მთავარი განსახილველი თემა გახდა. დავით ბაქრაძის განცხადებას უცვლელად გთავაზობთ: “მეგობრებო! მინდა გამოვეხმაურო ჩემს დღევანდელ ინტერვიუს, რომელმაც დიდი ვნებათაღელვა გამოიწვია საინფორმაციო სააგენტოებში. კერძოდ, მთავარი განსახილველი გახდა თითქოს ჩემი ნათქვამი ფრაზა, “ნაციონალური მოძრაობა დამთავრდა”. მინდა მკაფიოდ განვმარტო: ჩემი ამ წინადადების კონტექსტიც, შინაარსიც და კონკრეტული ფორმაც ეხებოდა იმას, რომ ნაციონალური მოძრაობა ძველი სახით დამთავრდა, პარტიაში მიდის განახლების პროცესი და ჩვენ ვყალიბდებით ახალი ტიპის პარტიად, რისი დასტურიცაა მიმდინარე პრაიმერიც, გულახდილი დებატებიც წარსულზე და პარტიაში მიმდინარე სხვა ცვლილებებიც. ნებისმიერი ადამიანი, ვინც წაიკითხავდა ინტერვიუს, დარწმუნდებოდა, რომ კონტექსტიდან ამოგლეჯილად და თან ასეთი შემოკლებული და უზუსტო სახით ეს ფრაზა სრულიად არ შეესაბამება ინტერვიუს ზოგად სულისკვეთებას, რომლის აზრიც არის ის, რომ განახლებული ნაციონალური მოძრაობა, რომელიც გულწრფელად და ობიექტურად აფასებს მტკივნეულ თემებს, რომელიც მზად არის, ითანამშრომლოს ხელისუფლებასთან ეკონომიკური კრიზისიდან ქვეყნის გამოსაყვანად, და რომელიც რჩება პრინციპულ და აქტიურ ოპოზიციად, ხელისუფლებაში დაბრუნების პერსპექტივით – ასეთი ნაციონალური მოძრაობა არის პარტია, რომელსაც აქვს მომავალი და იმსახურებს ხალხის და საზოგადოების მხარდაჭერას. სწორედ ასეთი ნაციონალური მოძრაობის საპრეზიდენტო პრაიმერში ვიღებ მე მონაწილეობას და იმედი მაქვს, ყველა თქვენგანთან ერთად ბევრ კეთილ საქმეს გავაკეთებთ ჩვენი ქვეყნისთვის!” https://www.facebook.com/dbakradze?hc_location=stream