კოალიცია “ქართული ოცნების” ახალციხის საარჩევნო შტაბის ხელმძღვანელი გია კოპაძე გახდა. როგორც “მეცხრე არხთან” შტაბის ყოფილმა ხელმძღვანელმა მალხაზ ჟუჟუნაძემ განაცხადა, საარჩევნო შტაბმა ფუნქციონირება უკვე დაიწყო. “მე მუნიციპალიტეტის გამგებლის მოადგილის თანამდებობაზე ვაგრძელებ მუშაობას, თუმცა ჩემი გამოცდილებიდან გამომდინარე, შტაბის ახალ ხელმძღვანელს გვერდში დავუდგები და დავეხმარები”–განაცხადა “ექოსთან” მალხაზ ჟუჟუნაძემ. მისივე თქმით, ამ ეტაპზე წინა საარჩევნოდ, პარტიის სტრუქტურის ჩამოყალიბება მიმდინარეობს. კოალიცია “ქართული ოცნების” ახალციხის საარჩევნო შტაბის ახალი ხელმძღვანელის კომენტარსა და თემის შესახებ დეტალებს, “მეცხრე არხი” “ექოს” საინფორმაციო გამოშვებებში მოგაწვდით.

საქართველოს პრემიერ-მინისტრი, ადგილობრივი თვითმმართველობის არჩევნებში საარჩევნო ბარიერის 50%-მდე გაზრდის ინიციატივით გამოდის. ირაკლი ღარიბაშვილის თქმით, ყველა თვითმმართველ ქალაქში მერები პირდაპირი გზით აირჩევა. ამ ინიციატივას არასაპარლამენტო თუ საპარლამენტო ოპოზიცია მიესალმება, თუმცა ისინი აქცენტებს ხალხის არჩევანზე აკეთებენ და ამბობენ, რომ პროცენტული ბარიერის გაზრდა ბევრ ვერაფერს შეცვლის.

ქართველი მწერლის,ჭაბუა ამირეჯიბის შვილი და „ახალციხის ციხის„ დირექტორის თანაშემწე, ლაშა მირეჯიბი, პრესასთან სამცხე-ჯავახეთში მოსალოდნელ არეულობაზე საუბრობს. ამის მიზეზად იგი უკანასკნელი ორი თვის განმავლობაში 36 ეთნიკური სომეხის სამსახურიდან უკანონოდ გათავისუფლებას ასახელებს.

“ნაციონალური მოძრაობა” თვითმართველობიოს არჩევნებისათვის შიდა პრაიმერებს იწყებს. აღნიშნულის თაობაზე პოლიტიკურმა ორგანიზაციამ სპეციალური განცხადება გააკეთა, რომელსაც უცვლელადს გთავაზობთ. “ახლოვდება ადგილობრივი თვითმმართველობის არჩევნები, შესაბამისად, ყველა პოლიტიკურმა ორგანიზაციამ, მათ შორის, „ერთიანმა ნაციონალურმა მოძრაობამ“ დაიწყო მზადება, ჩვენ ვატარებთ შიდა არჩევნებს – პრაიმერებს. სამწუხაროდ, ამ პროცესს „ქართულმა ოცნებამ“ დაუპირისპირა სამართალდამცავი ორგანოები და პოლიტიკური რეპრესიების ახალი ტალღა, ადგილობრივი ლიდერების წინააღმდეგ. კიდევ უფრო სამწუხაროა, რომ ამ პროცესში მონაწილეობენ კონკრეტული მოსამართლეები, ქუთაისის სასამართლოს მოსამართლე დავით ახალბედაშვილი და ქუთაისის სააპელაციო სასამართლოს თავმჯდომარე მალხაზ გურული. შეგახსენებთ, რომ ჩვენ ჯერ კიდევ ცხრა თვის წინ ვსაუბრობდით ამ მოსამართლეების მხრიდან ხელისუფლების დაკვეთის შესრულებაზე, როცა იხილებოდა ვანო მერაბიშვილის აღკვეთი ღონისძიების შეფარდების საკითხი. მაშინ ხელისუფლებამ საქმე ხელოვნურად გადაიტანა ქუთაისში, რადგან მათ ჰქონდათ გარანტია წინასწარი პატიმრობის შეფარდებისა. გუშინ იმავე ახალბედაშვილმა წინასწარი პატიმრობა შეუფარდა ხონის რაიონის გამგებელს, ზურაბ ჯიბუხაიას და გამგებლის მოადგილეს, მერაბ ჭელიძეს. ბრალდება სრულიად აბსურდულია – ეხება ოთხი წლის წინ 12 ათასი ლარის ღირებულების შეშის დარიგებას სოციალურად დაუცველი ოჯახებისთვის. ბრალდების შინაარსიდანაც ნათლად ჩანს, რომ ეს არის მხოლოდ პოლიტიკური ანგარიშსწორება. პარალალურად, იმავე დღეს დააკავეს ახლად არჩეული დუშეთის რაიონის საკრებულოს თავმჯდომარის მოადგილე, „ერთიანი ნაციონალური მოძრაობის“ რაიონული ორგანიციის თავმჯდომარე ზურაბ ოტიაშვილი. მას დაკავებამდე რამდენიმე დღით ადრე პარლამენტის წევრი ირაკლი ტრიპოლსკი დაემუქრა, რომ შეუქმნიდა პრობლემებს თუ თავს არ დაანებებდა „ერთიანი ნაციონალური მოძრაობის“ სახელით აქტივობებს. აქვე შეგახსენებთ, რომ გასულ წელს არჩილ კბილაშვილმა განაცხადა პროკურატურის ახალი სტანდარტის შესახებ, რომ ე.წ. „თეთრი საყელოს“ დანაშაულებთან (სამოხელეო და ფინანსური) დაკავშირებით პროკურატურა აღარ მოითხოვდა წინასწარ პატიპრობას. ეს განცხადება არაერთხელ გაიმეორა ბიძინა ივანიშვილმა და ირაკლი ღარიბაშვილმა. მიუხედავად ამისა, მაინც მოითხოვეს წინასწარი პატიმრობა, რაც სასამართლომაც დაუკმაყოფილა და ეს კიდევ ერთხელ ადასტურებს, რომ მათი მიზანი იყო არა დანაშაულზე რეაგირება, არამედ პოლიტიკური დევნა. აქვე გვინდა განვაცხადოთ, რომ ხონის მოქმედი გამგებელი ზურაბ ჯიბუხაია და დუშეთის საკრებულოს თავმჯდომარის მოადგილე ზურაბ ოტიაშვილი იღებდნენ მონაწილეობას პრაიმერიზში და დიდი ალბათობით სწორედ ისინი უნდა ყოფილიყვნენ „ერთიანი ნაციონალური მოძრაობის“ კანდიდატები ხონისა და დუშეთის რაიონების გამგებლის არჩევნებში. ამასთან, 2012 წლის 1–ლი ოქტომბრის შემდეგ, თითქმის ყველა რაიონში დაიწყო ანალოგიური პროცესები, როდესაც „ერთიანი ნაციონალური მოძრაობის“ ადგილობრივი პოლიტიკური ლიდერების მიმართ მასობრივად დაიწყეს გამოძიებები და საქმე წყდებოდა მხოლოდ იმ შემთხვევაში, თუ ისინი შეწყვეტდნენ „ერთიანი ნაციონალური მოძრაობის“ მხარდაჭერას. ნათელია, რომ გრძელდება ხელისუფლების კამპანია მთავარი ოპოზიციური ძალის განადგურების მიზნით, ამ ამოცანის თაობაზე არაერთხელ ღიად განაცხადა ყოფილმა პრემიერმა ბიძინა ივანიშვილმა და სულ ცოტა ხნის წინ პრემიერ–მინისტრმა ირაკლი ღარიბაშვილმა. მოვუწოდებთ ყველა მოსამართლეს, არ გახდნენ ამ პოლიტიკური კამპანიის ინსტრუმენტი.”

წლების წინ დაწყებული კონფლიქტის მოგვარებაზე ორი ქვეყნის პირველი პირები საუბრობენ. რუსეთის პრეზიდენტი გიორგი მარგველაშვილთან შესახვედრად მზადაა და მის თანხმობას ელის. როგორ პასუხობს პუტინის განცხადებას საქართველოს პრეზიდენტი და რას ფიქრობს ხალხი ქართულ-რუსული ურთიერთობის შესახებ. რა უნდა იყოს პირველი ნაბიჯი პოლიტიკური სვლა თუ სპორტულ-კულტურულ ღონისძიებებში მონაწილეობის მიღება, ახალციხის მაცხოვრებლებისა და ექსპერტთა მოსაზრებები.

ადგილობრივ თვითმმათველობასა და გათავისუფლებულ თანამშრომლებს შორის დაპირისპირება გრძელდება. ამჯერად ცხარე დებატებმა ტელეკომპანია “მეცხრე არხის” თოქ-შოუში გადაინაცვლა. კონკურსის მონაწილეები კომისიის ხელმძღვანელობას, კონკურსის წესების დარღვევაში ადანაშაულებენ და სასამართლოში ჩივილით ემუქრებიან.

ახალციხე თვითმმართველი ქალაქების რიცხვში- 77 ხმით 7-ის წინააღმდეგ, პარლამენტმა ადგილობრივი თვითმმართველობის კოდექსი დაამტკიცა. ახალი სტატუსი 7 რეგიონულ ცენტრთან ერთად ახალციხემაც მიიღო. ამიერიდან, აქ არსებული პრობელემების მოგვარებაზე მერი იზრუნებს, რომელსაც პირდაპირი წესით თავად მოსახლეობა აირჩევს.

ადიგენის მუნიციპალიტეტის დეპუტატი დღეს პარლამენტის სხდომაზე სიტყვით გამოვიდა. ზურაბ ჩილინგარაშვილმა მოხსენება ადიგენის გამგებლის სასამართლო პროცესზე საუბრით დაიწყო.

ახალციხის თვითმმართველობაში საჯარო მოხელის კონკურსის შედეგები ცნობილია. ვინ დასაქმდება ადგილობრივ ხელისუფლებაში, ამას კონკურსის მონაწილეები ხვალ, 4 თებერვალს შეიტყობენ. ახალციხის მუნიციპალიტეტის საკრებულოს თავმჯდომარის თქმით, საკონკურსო კომისიამ 71 ვაკანსიაზე სულ 257 კანდიდატურა განიხილა. ის პირები, რომელთაც თვითმმართველობის მიერ მოთხოვნილი საკვალიფიკაციო პირობები ვერ დააკმაყოფილეს, კონკურსიდან ავტომატურად მოიხსნენ.

ატესტაცია და რეორგანიზაცია გუბერნიაში– სამცხე–ჯავახეთის სამხარეო ადმინისტრაციაში 16 თანამშრომელი გათავისუფლდა. 8 მათგანმა ატესტაცია სპეციალური, მუდმივმოქმედი კომისიის წინაშე ვერ გაიარა, ამდენივე შტატგარეშე თანამშრომელმა დატოვა თანამდებობა რეგიონის სამაშველო სამსახურშიც. გათავისუფლებული პირები საკუთარ პოსტზე ერთი თვის განმავლობაში დარჩებიან.

ახალციხის თვითმმართველობაში საკონკურსო კომისიამ განცახდებების შესწავლა და გასაუბრების მეორე ეტაპი დაასრულა. ადგილობრივ ხელისუფლებაში 71 ვაკანსიაზე 547 განაცხადი შევიდა, თუმცა გასაუბრებაში მონაწილეობა მხოლოდ 257 პრეტენდენტმა მიიღო. საკრებულოს თავმჯდომარის თქმით, ის პირები რომლებმაც თვითმმართველობის მიერ მოთხოვნილი საკვალიფიკაციო პირობები ვერ დააკმაყოფილეს, კონკურსიდან ავტომატურად მოიხსნენ. კომისიის წევრთა თქმით, ხარვეზები იყო რეზიუმეების შევსების დროსაც. პრეტენდენტებს განაცხადები რამდენიმე პოზიციაზე ჰქონდათ შევსებული, ამის გამო, მათი კანდიდატურები არ განიხილეს.

ახალციხის თვითმართველობაში საპრეტენზიო კომისია საჩივრებს განიხილავს. კომისიის თავმჯდმომარის თქმით, ამ ეტაპზე კომისაში ოთხი ადამიანის განაცხადი შევიდა. მაკა სუდაძის განმარტებით, ამათგან მხოლოდ ერთი პრეტენდენტის მოთხოვნა დაკმაყოფილდა და მას საშუალება აქვს კონკურსში მონაწილეობა ხელახლა მიიღოს.

სამცხე–ჯავახეთის გუბერნატორის, აკაკი მაჭუტაძის პირველი მოადგილის ვინაობა ცნობილია. ამ პოსტზე კოალიცია “ქართული ოცნების“ ადიგენის შტაბის უფროსი დაინიშნა. ავთანდილ კაჭკაჭაშვილის თქმით, იგი სამცხე–ჯავახეთის მხარეს კარგად იცნობს და პრობლემები, რომელიც მოსახელობას აწუხებს, მისთვის უცხო არ არის. გუბერნატორის პირველი მოადგილის განმარტებით, ყველა სფერო თანაბარ ყურადღებას საჭიროებს და ახლო მომავალში პრობლემის მოგვარების გზებიც შეირჩევა. თუმცა მისი თქმით, პირველ რიგში, სახელმწიფო რწმუნებულის აპარატში მიმდინარე რეორგანიზაციის საკითხია გადასაწყვეტი, რომელიც თვის ბოლოსთვის დასრულდება. გუბერნიის თანამშრომლები გასაუბრების სახით შეირჩევიან.

ახალციხის თვითმმართველობაში საკონკურსო კომისიამ განცახდებების შესწავლა დაიწყო. პირველი სხდომა 14:00 საათზე ჩატარდა, რომელსც კომისიის 9 წევრიდან მხოლოდ 7 დაესწრო. საკრებულოს თავმჯდომარის თქმით 2 წარმომადგენელი საპატიო მიზეზის გამო განაცხადების განხილვისას ვერ გამოცხადდა. ოლეგ სანდროშვილის განმარტებით, ადგილობრივ ხელისუფლებაში 71 ვაკანსიაზე 547 განაცხადი შევიდა. ის პირები, რომლებმაც თვითმმართველობის მიერ მოთხოვნილი საკვალიფიკაციო პირობები ვერ დააკმაყოფილეს, კონკურსიდან ავტომატურად მოიხსნენ.

ბორჯომის მინიციპალიტეტის გამგებლის ყოფილი მოადგილე აღმასრულებელი ორგანოს პირველ პირს უპირისპირდება. გიორგი გიუაშვილი დაკავებული თანამდებობიდან გათავისუფლებას აპროტესტებს და აცხადებს, რომ მისი მისამართით ბინძური კამპანია განხორციელდა.

სამცხე–ჯავახეთს ახალი გუბერნატორი ჰყავს. აკაკი მაჭუტაძე აღნიშნულ თანამდებობაზე, საქართველოს პრემიერ მინისტრმა მთავრობის სხდომაზე დაამტკიცა. ირაკლი ღარიბაშვილმა გუბერნატორებს რეგიონში დაგეგმილი ინფრასტრუქტურული პროექტები წარმატებით და ეფექტურად განახორციელებისაკენ მოუწოდა.

რელიგიური უმცირესობებისათვის პრობლემური საკითხები კანონმდებლობის საფუძველზე მოგვარდება–ამის შესახებ რეინტეგრაციის საკითხებში სახელმწიფო მინისტრმა ახალციხეში ყოფნისას ისაუბრა. პაატა ზაქარეიშვილის თქმით, რელიგიურ გაერთიანებებსა და ხელისუფლებას შორის საკანონმდებლო ბმა არ არსებობს, ამიტომ სამინისტროში სამთავრობო უწყებათა შორისი კომისია ჩამოყალიბდა. ჯგუფს თავად რეინტეგრაციის მინისტრი ხელმძღვანელობს მისი წევრები იმ რეკომენდაციების ჩამოყალიბებაზე მუშობენ, რომლებიც სხვადასხვა კონფესიების პრობლემურ საკითხებს კანონის ფარგლებში დაარეგულირებს.

თურქეთთან და აზერბაიჯანთან ერთად შევძელით ისეთი მსხვილი ინფრასტრუქტურული პროექტების განხორციელება, რომელიც უზრუნველყოფს მძლავრი, სტაბილური და რეგიონისთვის მნიშვნელოვანი ენერგეტიკული დერეფნის შექმნას, – ამის შესახებ ენერგეტიკის მინისტრმა კახი კალაძემ ახალციხეში 400 კვ ელექტროგადამცემი ხაზისა და ქვესადგურ “ახალციხის” გახსნის ცერემონიაზე განაცხადა. ვიცე-პრემიერის შეფასებით, დღევანდელი დღე რეგიონისთვის ძალიან მნიშვნელოვანია, ვინაიდან დასრულდა ერთ–ერთი ყველაზე მასშტაბური ენერგეტიკული პროექტის განხორციელება, რაც მრავალწლიანი მჭიდრო და წარმატებული ურთიერთთანამშრომლობის შედეგია. “სამი ქვეყნის დამაკავშირებელი მილსადენებისა და ნავთობსადენების გარდა სამხრეთის ენერგეტიკული მიმართულება კიდევ უფრო გაძლიერდა ახალციხეში მაღალტექნოლოგიური ქვესადგურისა და ტრანსსასაზღვრო გადამცემი ხაზების მშენებლობით. შედეგად ნავთობისა და ბუნებრივი აირის გარდა შესაძლებელი გახდა ელექტროენერგიის ტრანსპორტირება და ევროპის ბაზრების მომარაგება. აღნიშნული პროექტის ფარგლებში საერთაშორისო საფინანსო ინსტიტუტების ფინანსური მხარდაჭერით მხოლოდ საქართველოში 250 მილიონი ევროს ინვესტიცია განხორციელდა. ეს პროექტი ხელს შეუწყობს ჩვენი ქვეყნის ელექტროსისტემის მდგრადობას, ინვესტიციების მოზიდვას, ელექტროენერგიის ექსპორტის გაზრდას და ტრანსსასაზღვრო ვაჭრობის განვითარებას”, – განაცხადა კალაძემ. ენერგეტიკის მინისტრის განცხადებით, ხელისუფლების ამოცანაა, საქართველოს ენერგეტიკის სექტორმა ერთ-ერთი წამყვანი როლი შეასრულოს ქვეყნისა და რეგიონის განვითარებაში. “ჩვენი ამოცანაა, ენერგეტიკის სექტორმა უპასუხოს არსებულ გამოწვევებს ენერგეტიკული უსაფრთხოების, ენერგორესურსებზე ხელმისაწვდომობის, ჩვენი მოსახლეობის კეთილდღეობისა და ბიზნესის კონკურენტუნარიანობის ამაღლების საქმეში”, – აღნიშნა კახი კალაძემ და პარტნიორებს მხარდაჭერისა და წარმატებული თანამშრომლობისთვის მადლობა გადაუხადა.

ასპინძის მუნიციპალიტეტის გამგეობაში შტატების შემცირება მიმდინარეობს. ჯერ კიდევ ივლისის თვეში დაწყებული რეორგანიზაცია, ხელმძღვანელებს სისირულეში ახლა მოჰყავთ. დაკავებული თანამდებობებიდან 18 თანამშრომელი გათავისუფლდა, რომლებიც აღნიშნულს აპროტესტებენ. ასპინძის მოსახლეობა აცხადებს, რომ მუნიციპალიტეტში უმუშევრობის პრობლემა დგას და ადგილობრივი ხელისუფლების მიერ გამგეობაში კადრების შემცირება სიტუაციას უფრო ართულებს.