“შორს სისხლიანი ხელები ჩვენგან”, “აღარ გვინდა კრიმინალები პოლიტიკაში”, “ნაცებო მოცოცხეთ” , „ბიუჯეტის გამფლანგველები ციხეში”,– ამ ტრანსფარანტებით დღეს ახალციხეში საპროტესტო აქცია გაიმართა. აქციის მონაწილეებმა ქალაქში ნაციონალური მოძრაობის ლიდერების ვიზიტი გააპროტესტეს. მათ ჯერ მსვლელობა ქუჩებში მოაწყვეს, რის შემდეგაც ნაციონალური მოძრაობის ახალციხის შტაბთან გადაინაცვლეს.

ახალციხის მუნიციპალიტეტის საკრებულოს თავმჯდომარის ირგვლივ განვითარებული მოვლენები — მთავარი თემა, ტელეკომპანია მეცხრე არხის თოქ–შოში. დიალოგში მოწვეულმა სტუმრებმა კიდევ ერთხელ განიხილეს, საკრებულოს 3 აპრილის ბრიფინგი, რასაც გადაცემაში მწვავე დებატები მოჰყვა.

საკრებულოს თავმჯდომარის მიერ პრესკონფერენციაზე გახმაურებულ ფაქტს აფასებენ მუნიციპალიტეტის პირველი პირები. გამოიწვევს თუ არა მომხდარი არეულობას ადგილობრივ თვითმმართველობაში და რა სახელდება ძალოვანი სტუქტურების ქმედების მიზეზად – თემით “მეცხრე არხი” დაინტერესდა.

რევაზ მერაბიშვილის აღიარებითი ჩვენება ახალციხის მუნიციპალიტეტის საკრებულოში და საფინანსო სამსახურის სამცხე–ჯავახეთის სამმართველოს პოზიცია. რას ყვება გამგეობის ინფრასტრუქტურის სამსახურის ტექნიკური ზედამხედველი და როგორ აფასებენ მომხდარს ადგილობრივ თვითმმართველობაში – თემით ტელეკომპანია “მე–9 არხი” დაინტერესდა.

ოლეგ სანდროშვილის ბრალეულობა თუ ხელოვნურად გამოწვეული დაპირისპირება– ახალციხის მუნიციპალიტეტის საკრებულოს თავმჯდომარემ დღეს სპეციალური პრესკონფერენცია გამართა. იგი საფინანსო პოლიციას ზეწოლაში ადანაშაულებს. საქმე  ასპინძის ქუჩაზე საცხოვრებელი კორპუსის გადახურვისა და საკრებულოს თავმჯდომარის მხრიდან გამგეობის თანამშრომელთა ზეწოლის ფაქტებს  ეხება.

საკადრო პოლიტიკა და კვალიფიციური კადრები -ახალი პოლიტიკური ძალის სათავეში მოსვლა  ტრადიციულად თანამდებობრივი პირების გაათავისუფლება- დანიშვნას უკავშირდება. რამდენად პრობლემური საკითხია სხვადასხვა უწყებისკვალიფიციური კადრებით დაკომპელქება და ვინ ინიშნება წამყვან პოსტზე ახალი ძალის მოსვლასთან ერთად, როგორია საკითხის ირგვლივ მოქალაქეებისა და ორი წამყვანი პოლიტიკური პარტიის პოზიცია, ,,მე–9 არხი” დაინტერესდა.

ახალციხის ადგილობრივ თვითმმართველობაში, საკრებულოს რიგით მესამე სხდომამ ხმაურით ჩაიარა. დეპუტატებმა დღის წესრიგში არსებული 14 საკითხი განიხილეს, თუმცა სხდომაზე დაძაბულობა ახალციხის, როგორც თვითმმართველ ქალაქად ჩამოყალიბების საკითხმა გამოიწვია. დეპუტატების ნაწილმა შეხვედრა დატოვა და აღნიშნულ კენჭისყრაში მონაწილეობა არ მიიღო.

ახალციხის მუნიციპალიტეტს ახალი გამგებლის მოვალეობის შემსრულებელი ჰყავს. აღნიშნულ პოსტზე პირველი მოადგილე, მალხაზ ჟუჟუნაძე ოფიციალურად დღეს დაინიშნა. ადგილობრივ საკანონმდებლო ორგანოს სასამართლოდან განჩინება დღეს წარედგინა. რის საფუძველზეც ყოფილი გამგებელი ბესიკ ბლიაძე თანამდებობიდან გათავისუფლდა. დღესვე მისმა ადვოკატმა რაიონული სასამართლოს განაჩენი სააპელაციო სასამართლოში გაასაჩივრა.

    ადიგენის საპრეტენზიო კომისიაში განაცხადების მიღება დასრულდა.  კომისიის თავმჯდომარის მამუკა ფაილოძის ინფორმაციით,  მათთან მხოლოდ ერთი განაცხადი შევიდა. ზურაბ ტაბიძე ახსნა–განმარტებას ითხოვს, თუ რატომ დაიწუნეს მისი კანდიდატურა.  აღნიშნულ პიროვნებას განაცხადი გორგულის ტერიტორიული ორგანოს რწმუნებულის თანამდებობაზე ჰქონდა შეტანილი. მან კონკურსის პირველი ეტაპი გაიარა, შემდეგ კი გასაუბრებაზეც გავიდა. საბოლოოდ კი  რწმუნებულის პოსტზე  ვაჟა მერაბიშვილი დაინიშნა.  მამუკა ფაილოძის განმარტებით, საპრეტენზიო კომისიის წევრები ზურაბ ტაბიძის განაცხადს განიხილავენ, იმსჯელებენ და აღნიშნულის შესახებ  პასუხს იგი  სამი დღის შემდეგ მიიღებს.  შეგახსენებთ, რომ ადიგენის მუნიციპალიტეტის საკრებულოსა და გამგეობაში შვიდ ვაკანტურ თანამდებობაზე კონკურსი 20 იანვარს გამოცხადდა. 89 კანდიდატიდან კომისიამ საბოლოოდ 7 მათგანი შეარჩია. კონკურსი ორ ეტაპად გაიმართა. პირველ ეტაპზე კომისიამ შესული განაცხადები განიხილა, ხოლო შემდეგი ეტაპი გასაუბრების სახით ჩატარდა.  კონკურსის შედეგები ცნობილი 18 მარტს გახდა.

2014 წლის თვთმართველობის არჩევნებამდე სამი თვე რჩება. ისევე როგორც საქართველოს სხვა რეგიონებში, სამცხე–ჯავახეთში პოლიტიკური პარტიების,  რაიონული ორგანიზაციების თავმჯდომარეების არჩევა მიმდინარეობს. ახალციხეში “ერთიანმა ნაციონალურმა მოძრაობამ” პარტიის თავმჯდომარე უკვე არჩია. ამ დრომდე რაიონული ორგანიზაციის ხელმძღვანელის დამტკიცების პროცესშია კოალიცია “ქართული ოცნება”.

ევროკავშირთან ასოცირების შეთანხმების ქართული ვერსია , რომელიც 1200 გვერდს შეიცავს, საქართველოს საგარეო საქმეთა სამინისტროს ვებ–გვერდზე დაიდო და მოსახლეობას თითოეული პუნქტის გაცნობის საშუალება მიეცა.  ასოცირების შეთანხმება, როგორც საქართველოს ევროკავშირთან დაახლოების სამოქმედო გეგმა, ქვეყნის პოლიტიკური, სოციალური და ეკონომიკური ცხოვრების თითქმის ყველა სფეროს მოიცავს და მიზნად ევროკავშირის სტანდარტებთან საქართველოს ეტაპობრივ დაახლოებას ისახავს.

ცვლილებები ადიგენის თვითმმართველობაში– ამიერიდან მუნიციპaლიტეტს ახალი გამგებლის მოვალეობის შემსრულებელი ეყოლება. აღნიშნული პოსტი პირადი განცხადების საფუძველზე არსენ ბალახაშვილმა 4 მარტს დატოვა. შეიცვალა გამგეობის საკონკურსო საატესტაციო კომისიის თავმჯდომარეც. 7 კაციან ჯგუფს საკრებულოს თავმჯდომარის მოადგილე, თემურ ფეიქრიშვილი უხელმნძღვანელებს.

ადიგენის მუნიციპალიტეტის გამგეობაში შექმნილი საკონკურსო კომისიის თავმჯდომარე, თემურ ფეიქრიშვილი გახდა. იგი ამ დრომდე, საპრეტენზიო კომისიის თავმჯდომარედ მოიაზრებოდა. რაც შეეხება ადიგენის საკრებულოს თავმჯდომარეს, რომელიც თვითმმართველობაში მოხელეთა შესარჩევად შექმნილ საკონკურსო კომისიას ხელმძღვანელობდა, დღეს აღნიშნული პოსტი დატოვა. გივი ენდელაძემდე კომისია კიდევ ორმა წევრმა, ადიგენის გამგებლის მოვალეობის შემსრულებელმა არსენ ბალახაშვილმა და მისმა მოადგილემ ზაზა ძინძიბაძემ დატოვა. დღეიდან, გივი ენდელაძის ნაცვლად, კომისიას მისი მოადგილე, თემურ ფეიქრიშვილი უხელმძღვანელებს. საკონკურსო კომისია ადიგენში 10 თებერვალს შეიქმნა, 7 კაციან კომისიას 1 წევრი აკლია. თემურ ფეიქრიშვილი ამბობს, რომ კომისია სრულად ხვალ დაკოპლექტდება, ამასთანავე, მომავალ კვირას გაირკვევა კანდიდატებთან გასაუბრების ვადები.

ადიგენის მუნიციპალიტეტს, ახალი გამგებლის მოვალეობის შემსრულებელი ჰყავს. აღნიშნულ პოსტზე არსენ ბალახაშვილი ზაქარია ენდელაძემ ჩაანაცვლა. რაც შეეხება არსენ ბალახაშვილს ის გამგებლის მოადგილედ რჩება. მან გადადგომის შესახებ განცხადება 4 მარტს დაწერა. არსენ ბალახაშვილი ადიგენის გამგებლის მოვალეობას 2013 წლის სექტემბრიდან ასრულებდა. ადიგენში ,,ექოს” გადამღები ჯგუფი იმყოფება, უფრო ვრცლად აღნიშნული საკადრო ცვლილების შესახებ, დღის მთავარ გამოშვებაში 21:30 საათზე გიამბობთ.

უდიპლომო საჯარო მოხელეების თემა მეცხრე არხის ეთერში გრძელდება. ადიგენის მუნიციპალიტეტის პირველი პირების გარდა, საზოგადოება სხვა თანამდებობის პირთა უმაღლესი განათლებითაც დაინტერესდა. აღნიშნულთნ დაკავშირებით, იურისტებს, არასამთავრობო ორგანიზაციისა და სამთავრობო სტრუქტურის წარმომადგენლებს შორის დისკუსია, თოქ–შოუ „დიალოგში“ გაიმართა.

უდიპლომო საჯარო მოხელეები თუ გაუგებრობა. ადიგენის მუნიციპალიტეტის გამგეობაში საკონკურსო კომისიის წევრებს არაკომპეტენტურობაში ადანაშაულებენ. არასამთავრობო ორგანიზაცია „საზოგადოებრივი დარბაზი“–ს თავმჯდომარე ამბობს, რომ გამგებლის მოვალეობის შემსრულებელს და საკრებულოს თავმჯდომარეს უმაღლესი განათლება არ აქვთ მიღებული. როგორ პასუხობენ ადიგენის მუნიციპალიტეტის გამგეობაში ბრალდებებს და რას ამბობენ იურისტები აღნიშნულ საკითხთან დაკავშირებით.

რაიონულ ორგანიზაციაში. ყოფილ თავმჯდომარეს პარტიის წევრები უპირისპირდებიან. ისინი თამარ გოგოლაძეს უყურადღებობასა და დანაპირების შეუსრულებლობაში ადანაშაულებენ, რაიონული ორგანიზაციის ყოფილი თავმჯდომარე კი ამას დეზინფორმაციად აფასებს.

„როდესაც სხვას სთხოვ დიპლომს, ჯერ თავად უნდა გქონდეს“– ,,საზოგადოებრივი დარბაზის“ თავმჯდომარის ეს განცხადება, საკონკურსო კომისიის წევრთა პოსტის დატოვების მიზეზი გახდა. არასამთავრობო ორგანიზაციის თავმჯდომარემ, გოდერძის კუბლაშვილმა ტელეკომპანია ,,მეცხრე არხის“ თოქ შოუ „ დიალოგში“ აღნიშნულ საკითხზე ისაუბრა და განმარტა, რომ ადგილობრივი თვითმართველობის მიერ შექმნილი, საკონკურსო კომისია არაკომპეტენტური პირებითაა დაკომპლექტებული. დღესვე ცნობილი გახდა, რომ ადიგენის მუნიციპალიტეტის გამგებლის მოვალეობის შემსრულებელმა, არსენ ბალახაშვილმა, კომისიის თავმჯდომარეს განცხადებით მიმართა. „ექოსთან“ სატელეფონო საუბარში არსენ ბალახაშვილმა დაადასტურა, რომ კომისიის დატოვების მიზეზი, ,,დიალოგში“ გაჟღერებული ინფრომაცია გახდა. ხოლო ზაზა ძინძიბაძემ, რომელიც ადიგენის მუნიციპალიტეტის გამგებლის მოადგილე იყო, საკონკურსო კომისია, სხვა ობიექტური მიზეზების გამო დატოვა. საკრებულოს თავმჯომარე ამბობს, რომ 5 კაციანი ჯგუფით კონკურსის ჩატარება მისთვის მიუღებელია. ამიტომ საკონკურსო კომისია 26 თებერვალს, ორ ახალ კანდიდატურას წარადგენს. ამის შემდეგ კი გამგეობაში გასაუბრების მეორე ეტაპი ჩატარდება. შეგახსენებთ, რომ ადიგენის მუნიციპალიტეტის გამგეობაში, შვიდ ვაკანტურ თანამდებობაზე კონკურსი 20 იანვარს გამოცხადდა. როგორ განვითარდება მოვლენები ადიგენის მუნიციპალიტეტის გამგეობაში, ამას ხვალ “ექოს” საინფორმაციო გამოშვებებიდან შეიტყობთ.

<a ასპინძის მუნიციპალიტეტის გამგებელი, 21 თებერვალს ტარიელ ლონდარიძის პარლამენტში გამოსვლას გამოსვლას გამოეხმაურა. “კითხვა მაქვს ბატონ ტარიელ ლონდარიძესთან თუ აქვს ინფორმაცია როდის გაკეთდა წყალი ასპინძის რაიონში და რამდენი დაიხარჯა, ან რა ქვია მის საქციელს რაშიც მან მუნიციპალიტეტი დადანაშაულა”_წერს ლევან ცაბაძე ფეისბუქის საკუთარ გვერდზე. ასპინძის მაჟორიტარმა დეპუტატმა, ქვეყნის მთავარ საკანონმდებლო ორგანოში პრეზიდენტის გიორგი მარგველაშვილს გამოსვლა შეაფასა და ყურადღება ასპინძის პრობლემებზე გაამახვილა. არაერთხელ მივმართე საქართველოს მთავრობას საქართველოს პარლამენტის ტრიბუნიდან ასპინძის რაიონის სოფლების საროსა და ხიზაბავრის პრობლემის შესახებ, მიუხედავად იმისა, რომ აღნიშნულ სოფლებში დასრულებულია ტექნიკური სამუშაოები თითქმის ორი წელია ვერ მოხერხდა მოსახლეობისათვის გაზის მიწოდება. ამ მდგომარეობას დაემატა სასმელი წყალის პრობლემაც. უკვე ორი თვეა ასპინძის მუნიციპალიტეტის ძირითადი ნაწილი მარაგდება სახანძრო მანქანის საშუალებით. ვინაიდან აღნიშნული პრობლემები ვერ მოაგვარა ვერც ადგილობრივმა და ვერც ცენტრალურმა მთავრობამ, იძულებული გავხდი მიმემართა საქართველოს პრეზიდენტისათვის– განაცხადა ტარიელ ლონდარიძემ და პრეზიდენტს პრობლემის პირად კონტროლზე აყვანისაკენ მოუწოდა. ასპინძის მუნიციპალიტეტში წყალთან დააკავშირებულ პრობლემაზე, ტელეკომპანია ,,მეცხრე არხმა” სიუჟეტი იანვრის თვეში მომზადა, რომელსაც გთავაზობთ: http://youtu.be/8EiHKo5u6Cs