„გამგებლების თავები დაიყრება, მაქვს ინფორმაცია, რომ გამგებლების ნაწილი მამაძაღლობს, მაგრამ დასამტკიცებლად ფაქტები და კომპანიების დახმარება მჭირდება“–ეს განცხადება საქართველოს ინფრასტრუქტურისა და რეგიონული განვითარების მინისტრის მოადგილემ გააკეთა. აღნიშნულს  ბორჯომის მუნიციპალიტეტში გამოეხმაურნენ.

საგანგებო თათბირი მიმდინარეობდა მთავრობის ადმინისტრაციაში. როგორც ცნობილია, პრემიერი რეგიონების გუბერნატორებს შეხვდა. “რუსთავი 2”-ის ინფორმაციით, შეხვედრაზე რეგიონებში არსებულ ვითარებაზე ისაუბრეს. ასევე დადგინდა თარიღი, თუ როდის დაიბარებს პრემიერი მუნიციპალიტეტების ხელმძღვანელებს და მოისმენს მათგან ანგარიშს რეგიონში არსებულ ვითარებაზე. „გამგებლებთან შეხვედრა სავარაუდოდ, ოთხშაბათს იქნება. პრემიერთან შეხვედრაზე ჩვენც ვიქნებით. რაც შეეხება ფორმატს, გვეტყვიან ალბათ“, – განაცხადა მცხეთა-მთიანეთის გუბერნატორმა ნუგზარ ყიფიანმა. შეხვედრა რამდენიმე საათის განმავლობაში მიმდინარეობდა. ცალკეული გუბერნატორები პრემიერს ინდივიდუალურად, პირისპირაც ხვდებოდნენ. ამის შემდეგ შედგა გაფართოებული შეხვედრაც. გუბერნატორების თქმით, შეხვედრაზე ინფრასტრუქტურული პროექტების შესხებ პრემიერს ინფორმაცია მიაწოდეს. „პრემიერთან იყო ჩვეულებრივი სამუშაო შეხვედრა. ვისაუბრეთ რეგიონებში მიმდინარე ინფასტრუქტურულ პროექტებზე“, – განაცხადა ქვემო ქართლის გუბერნატორმა პაატა ხიზანიშვილმა. რაც შეეხება მუნიციპალიტეტში განსახორციელებელ საკადრო ცვლილებებს, გუბერნატორების თქმით, შეხვედრაზე ამ საკითხთან დაკავშირებით არაფერი თქმულა. უცნობია იყო თუ არა დღევანდელ შეხვედრზე ინფრასტრუქტურის მინისტრი ან მისი მოადგილე. თუმცა როგორც ცნობილია პრემიერის და გუბერნატორების შეხვედრას ვიცე-პრემიერი კახი კალაძე ესწრებოდა.

შეუსრულებელი ვალდებულება თუ  პროექტების ჩავარდნის ობიექტური მიზეზები– 2014 წელს, როგორც ქალაქ ახალციხის, ასევე მუნიციპალიტეტის მასშტაბით, ინფრასტრუქტურის სამინისტროდან დაფინანსებული ვერცერთი პროექტი დასრულდა. მათთვის გამოყოფილი თანხა მიმდინარე წლის ბიუჯეტს დაემატა, შესაბამისად სამუშაოები ერთი წლის დაგვიანებით მიმდინარეობს. ადგილობრივ თვითმმართველობებში ამბობენ, რომ სამუშოები კლიმატური პირობების გამო შეფერხდა, თუმცა საწინააღმდეგო მოსაზრება აქვთ ოპოზიის წევრებს. სოფელ ღრელის ცენტრალური გზის მოასფალტება; პამაჯი-წყალთბილის ცენტრალური გზის რეაბილიტაცია-მოასფალტება; ზარზმელის ქუჩის რეაბილიტაცია და საკანალიზაციო ქსელის მოწყობა; გვარამაძის ქუჩაზე  გზისა და სანიაღვრე არხის, ასევე  გადასასვლელი ხიდის რეაბილიტაცია – ეს ის პროექტებია, რომელთა შესასრულებლადაც 2014 წელს ინფრასტრუქტურის სამინისტრომ ახალციხეში 3 მილიონამდე ლარი გამოყო, თუმცა სამუშოები განსაზღვრულ ანუ 1 წლიან ვადაში ვერ შესრულდა,

“მოგიწევთ პასუხისმგებლობის აღება შეუსრულებელ სამუშაოებზე “, – ამის შესახებ საქართველოს პრემიერ-მინისტრმა ირაკლი ღარიბაშვილმა მთავრობის დღევანდელ სხდომაზე განაცხადა, სადაც მან ეკონომიკური ბლოკის მინისტრებისგან 2015 წლის ბიუჯტის ორი თვის შესრულების შესახებ ინფორმაცია მოისმინა. პრემიერმა მინისტრებისგან მიმდინარე სამუშაოების მაქსიმალურად გაკონტროლება მოითხოვა. ირაკლი ღარიბაშვილმა ასევე მიმართა ქალაქის მერებსა და მუნიციპალიტეტის გამგებლებს. “გამგებლებსა და არჩეულ მერებს გაუჩნდათ განცდა, რომ ისინი არიან ხელშეუხებლები. მინდა მათ ვუთხრა, რომ ძალიან ცდებიან იმიტომ, რომ მათ აიღეს პასუხისმგებლობა ჩვენი პოლიტიკური ძალის მიმართ და ხალხის მიმართ”, – განაცხადა პრემიერ მინისტრმა. მისივე თქმით, ვერავინ გაექცევა პასუხისმგებლობას, თუ ისინი არაეფექტურები არიან და დაკისრებულ მოვალეობას ვერ ასრულებენ. “აუცილებლად მოხდება მათი პასუხისმგებლობის საკითხის დაყენება. მე მინდა ყველამ გაითვალისწინოთ ეს – მინისტრებმა, მერებმა, გამგებლებმა, რომ ჩვენ არ ვაპირებთ ვინმეს არაეფექტურობა ყურადღების მიღმა დარჩეს”, – განაცხადა ღარიბაშვილმა.

ადიგენის მუნიციპალიტეტის საკრებულოს ყოფილი თავმჯდომარე თანამდებობიდან გადაყენებასთან დაკავშირებით, სამართლებრივ ბრძოლას აპირებს. ლევან ლობჯანიძე ტელეკომპანია ,,მე–9 არხთან“ განმარტავს, რომ აღნიშნული საკითხის შესახებ ქართული ოცნების“ ცენტრალურ ოფისშია დაბარებული. ყოფილი თავმჯდომარის თქმით, 4 მარტის ადიგენის საკრებულოს სხდომა დარღვევებით ჩატარდა და  მისთვის და მისი მხარდამჭერებისათვის ბევრი კითხვა გაჩნდა. ფაქტს პარტიის საბოტაჟად აფასებენ ლევან ლობჯანიძის მომხრეები. თავად ყოფილი თავმჯდომარე განმარტავს, რომ იმპიჩმენტის შესახებ ცენტრალური ოფისი  ინფორმირებული იყო და მათ ავთანდილ კაჭკაჭაშვილს პროცესის გადავადება დაავალეს, თუმცა კაჭკაჭაშვილი საპირისპიროდ მოიქცა, ,,ქართული ოცნების“  ცენტრალურ ოფისში წასვლამდე, დეპუტატებს სახლში მიაკითხა და  გადაყენების მოსამზადებელ დოკუმენტზე ხელი მოაწერინა. აღნიშნულ ბრალდებებს კატეგორიულად უარყოფს სამცხე–ჯავახეთის გუბერნატორის მოადგილე. ყოფილი თავმჯდომარე ამბობს, რომ ბრძოლას არ შეწყვეტს და მის გადაყენებასთან დაკავშირებით, სამართლებრივ პასუხს მოითხოვს. შეგახსენებთ, რომ ლევან ლობჯანიძე 4 მარტს, ადიგენის საკრებულოს სხდომაზე იმპიჩმენტის წესით გადააყენეს. მისი თანამდებობიდან მოხსნა თავისივე პარტიის, ,,ქართული ოცნების“ 15–მა დეპუტატმა მოითხოვა. გადაყენებას მხარი 21 წევრიდან 17–მა მათგანმა დაუჭირა. ამ დროისათვის, ადიგენის მუნიციპალიტეტის საკრებულოს თავმჯდომარე იმედა მღებრიშვილია, რომლის არჩევასაც მხარი 16–მა დეპუტატმა დაუჭირა.

4 მარტს, ადიგენის მუნიციპალიტეტის საკრებულოში სხდომა გაიმართა, სადაც დეპუტატებმა იმპიჩმენტის წესით საკრებულოს თავმჯდომარე გადააყენეს. სხდომის გადასაღებად, ადიგენის მუნიციპალიტეტის ადმინისტრაციულ შენობაში მისული სატელევიზიო ჯგუფი დაცვის პოლიციამ სხდომათა დარბაზში არ შეუშვა. იმ პერიოდში, როდესაც ფარული კენჭისყრა მიმდინარეობდა, დაცვის წევრმა მედიას ჯერ 2 წუთით მოცდა, დაახლოებით 20 წუთის შემდეგ კი შენობის დატოვება მოსთხოვა. ჟურნალისტი შეეცადა მისთვის აეხსნა, რომ სხდომა ღია იყო და მასზე დასწრება ყველა მსურველს შეეძლო, თუმცა დაცვის წევრი იმეორებდა, რომ უფროსის დავალება ჰქონდა შენობაში ჟურნალისტები არ შეეშვა. კითხვაზე, თუ ვინ იყო ე.წ ,,უფროსი”, იგი არ პასუხობდა. ჟურნალისტები საქმის გარკვევას საზოგადოებასთან ურთიერთობის სამსახურთან შეეცადნენ, თუმცა მდგომარეობა უცვლელი დარჩა. ნახევარ საათიანი ლოდინისა და ადგილობრივი თვითმმართველობის პირველ პირებთან სატელეფონო ზარების შემდეგ, საქმეში ნაციონალური მოძრაობის წევრები და თავად ყოფილი თავმჯდომარე, ლევან ლობჯანიძე ჩაერია, რის შემდეგაც მედიას გადაღების საშუალება მიეცა. შეგახსენებთ, რომ კანონმდებლობის მიხედვით, საკრებულოს სხდომები ღიაა და ადგილობრივი თვითმმართველობა ვალდებულია მედიასა და საზოგადოებას სხდომის გამართვის შესახებ წინასწარ აცნობოს. (ტელეკომპანია ,,მე–9 არხი” კადრების ხარისხის გამო ბოდიშს გიხდით, რადგან იგი არა სატელევიზიო, არამედ სამოყვარულო კამერით არის გადაღებული)

იმპიჩმენტის წესით გადაყენებული საკრებულოს თავმჯდომარე და ხმაური ადიგენის მუნიციპალიტეტში–,,ქართული ოცნების“ დეპუტატების მოთხოვნით, ამავე პარტიის წევრმა ლევან ლობჯანიძემ თანამდებობა დატოვა. დაახლოებით ერთ საათში კი საკრებულომ ახალი ხელმძღვანელი, იმედა მღებრიშვილი აირჩია. რა გახდა თანამდებობიდან გადაყენების მიზეზი და რა კავშირი აქვს აღნიშნულ საქმესთან სამცხე–ჯავახეთის გუბერნატორის მოადგილეს, ავთანდილ კაჭკაჭაშვილს. ლევან ლობჯანიძე საკრებულოს თავმჯდომარის თანამდებობიდან იმპიჩმენტის წესით მისივე პარტიის წევრებმა გადააყენეს. აღნიშნულის მოთხოვნით საკრებულოს ,,ქართული ოცნების“ 15–მა დეპუტატმა მიმართა, რის შემდეგაც საკრებულოს  სხდომაზე ინიციატივას 21 დეპუატატიდან მხარი 17–მა მათგანმა დაუჭირა.

ადიგენის საკრებულოს თავმჯდომარის გადაყენების შემდეგ, წარმომადგენლობით ორგანოში სხდომა გრძელდება, რომელსაც მოადგილე თამაზ ძაძამია უძღვება. სხდომაზე “ქართული ოცნების” დეპუტატებმა თავმჯდომარის  არჩევა დღესვე მოითხოვს. აირჩევენ თუ არა საკრებულოს ახალ თავმჯდომარეს,  დეპუტატებმა  აღნიშნულს კენჭი უკვე უყარეს, რომელსაც მხარი 21–დან 16 –მა დეპუტატმა დაუჭირა. ვინ იქნება ადიგენის წარმომადგენლობითი ორგანოს ახალი ხელმძღვანელი, დეტალებს მოგვიანებით მოგაწვდით, ადგილზე “მეცხრე არხის” გადამღები ჯგუფი იმყოფება.

ადიგენის მუნიციპალიტეტის საკრებულოს დეპუტატებმა ფარული კენჭისყრით საკრებულოს თავმჯდოამრე დაკავებული თანამდებობიდან გადააყენეს. კენჭისყრაში მონაწილეობა 21–მა დეპუტატმა მიიღო, მათგან ლევან ლობჯანიძის გადაყენებას მხარი 17–მა დეპუტატმა დაუჭირა. შეგახსენებთ, რომ წარმომადგენლობით ორგანოს თავმჯდომარის გადაყენების მოთხოვნით 15–მა დეპუტატმა მიმართა. ყველა მათგანი “ქართული ოცნების” წარმომადგენელია. “მეცხე არხის” ინფორმაციით, ლევან ლობჯანიძემ სხდომაზე განაცხადა, რომ იგი სამცხე–ჯავახეთის სახელმწიფო რწმუნებულის მოადგილემ ავთანდილ კაჭკაჭაშვილმა კაბინეტში დაიბარა და “ნაციონალურ მოძრაობასთან” ახლო ურთიერთობის გამო მისი გადადგომა მოთხოვა. ლევან ლობჯანიძე ადიგენის მუნიციპალიტეტის საკრებულოს თავმჯდომარედ 2014 წლის 14 ივლისს აირჩიეს.

ადიგენის მუნიციპალიტეტის დეპუტატები საკრებულოს თავმჯდომარის ლევან ლობჟანიძის გადაყენების საკითხს განიხილავენ. წარმომადგენლობით ორგანოს თავმჯდომარის გადაყენების მოთხოვნით 15–მა დეპუტატმა მიმართა. ყველა მათგანი “ქართული ოცნების” წარმომადგენელია. “მეცხე არხის” ინფორმაციით, ლევან ლობჯანიძემ სხდომაზე განაცხადა, რომ იგი სამცხე–ჯავახეთის სახელმწიფო რწმუნებულის მოადგილემ ავთანდილ კაჭკაჭაშვილმა კაბინეტში დაიბარა და “ნაციონალურ მოძრაობასთან” ახლო ურთიერთობის გამო გადადგომა მოთხოვა. ამ დროისათვის, საკრებულოს დეპუტატები თავმჯდომარის გადაყენების საკითხს კენჭს ფარულად უყრიან.

რეგიონის ყოფილი გუბერნატორი და „გაერთიანებული დემოკრატიული მოძრაობის“ პოლიტიკური მდივანი, პარტიის რაიონული ორგანიზაციის წარმომადგენელბს შეხვდა და სამომავლო გეგმებზე ისაუბრა. შეხვედრის ერთ-ერთი მთავარი თემა ვადამდელი საპარლამენტო არჩევნებისათვის მზადება იყო, რომელსაც პარტია მოითხოვს. გარდა ამისა გიგლა ბარამიძემ „მეცხრე არხთან“ საუბრისას ყურადღება ქვეყანაში მიმდინარე მოვლენებზე გაამახვილა და განმარტა, რომ ქვეყანას, როგორც პოლიტიკური, ისე ეკონომიკური, სოციალური თუ საგარეო პრობლემები აქვს. მან ხაზი ეროვნული ვალუტის გაუფასურებას გაუსვა და აღნიშნა, რომ  საკითხების მოგვარებისათვის გამოსავალი,  ქვეყანაში ვადამდელი საპარლამენტო არჩვენების ჩატარებაა. გიგლა ბარამიძე ამბობს, რომ ქვეყანაში ერთადერთი სერიოზული ოპოზიციური ძალა „გაერთიანებული დემოკრატიული მოძრაობაა“ და იმ შემთხვევაში თუ ვადამდელი საპარლამენტო არჩევნები გაიმართება, საკანონმდებლო ორგანოში უმრავლესობის მოპოვების იმედიც აქვს.

ახალციხეში მერიის სათათბირო ორგანო, ახალგაზრდული საბჭო ჩამოყალიბდება- ამასთან დაკავშირებით, 12 თებერვალს, საინიციატივო ჯგუფის 10-მდე წევრი ახალციხის მერს შეხვდა. ახალგაზრდებმა ადგილობრივი თვითმმართველობის პირველ პირებს ქალაქის კეთილმოწყობისათვის შემუშავებული  რამდენიმე იდეა შესთავაზეს. საინიციატივო ჯგუფმა მოსახლეობის გამოკითხვის მიხედვით,  პირველ ეტაპზე ყურადღება ცენტრალური პარკის მოწესრიგებაზე შეაჩერა. ჯგუფის წევრებმა მერს სპეციალურად მომზადებული პრეზენტაცია წარმოუდგინეს. მათი თქმით, ქალაქის კეთილმოწყობისათვის უკეთესი იქნება თუკი  პარკს დასასვენებელი სკამები, ნაგვის ურნები და სასმელი წყლის წერტილები დაემატება. გარდა ამისა, მათ სკვერში  მრავალწლიანი ნარგავების დარგვისა და ღია WIFI-ის არსებობის შესახებაც ისაუბრეს.

ახალციხის მუნიციპალიტეტის საკრებულოს რიგით მე-3 სხდომაზე ხმაური საშტატო ერთეულების დამატებამ გამოიწვია. ნაციონალური მოძრაობის წარმომადგენლებმა იურიდიულ და ადმინისტრაციულ სამსახურებში თანამშრომელთა რიცხვის გაზრდა  გააპროტესტეს. მათი თქმით, ყოველ საკრებულოს სხდომაზე თითო საშტატო ერთეულის დამატება ხდება, რისი საჭიროებაც არ არსებობს. კიდევ ერთი საკითი, რომლესაც  მათ მხარი არ დაუჭირეს, ახალციხის მუნიციპალიტეტის 2014 წლის ბიუჯეტის შესრულების ანგარიშს შეეხებოდა. დეპუტატების თქმით, ბიუჯეტი მხოლოდ პოლიციის მეშვეობით, ჯარიმების ხარჯზე შესრულდა. იურიდიულ და ადმინისტრაციულ სამსახურებში, საშტატო ერთეულების ზრდის მიზეზად, ადგილობრივ თვითმმართველობაში შესასრულებელი სამუშაოების სიმრავლე დასახელდა. როგორც სხდომაზე, ახალციხის გამგებელმა, ზაზა მელიქიძემ განაცხადა,  მუნიციპლიტეტის მასშტაბით, არაერთი  იურიდიული  საკითხია, რომლის მოგვარებისთვისაც არსებული  თანამშრომლების რიცხვი  საკმარისი არ არის.

ახალციხის მუნიციპალიტეტის  საკრებულოს გადაწყვეტილების ბათილად ცნობა და დაუყოვნებლივ სამსახურში აღდგენა –  ეს ის მოთხოვნებია, რომლებსაც მუნიციპალიტეტის საკრებუოლოს წევრი და ,,თავისუფალი დემოკრატების“ წარმომადგენელი, შალვა გოგოლაძე ადგილობრივ თვითმმართველობას უყენებს. ამასთან დაკავშირებით, 10 თებერვალს ახალციხის რაიონულ სასამართლოში პროცესი გაიმართა, თუმცა საქმის განხილვა 20 თებერვლისათვის გადაიდო. როგორც შალვა გოგოლაძე განმარტავს, საჭირო გახდა საქმეში ის პირი ჩაერთოს, რომელმაც მისი თანამდებობიდან გადაყენების  შემდეგ, იმავე პოზიცია, მერიის იურიდიულ საკითხთა კომისიის თავმჯდომარის პოსტი დაიკავა. მისივე თქმით, გელა პეტაშვილის პროცესში ჩართვა აუცილებელია, რასაც თავად კანონი მოითხოვს.

,,საზოგადოებაში პოლიტიკოსებთან ურთიერთობის დეფიციტია” ამის შესახებ “თავისუფალი დემოკრატების” ლიდერმა ირაკლი ალასანიამ სამცხე–ჯავახეთში განაცხადა, სადაც პარტიის წევრებთან ერთად ახალციხისა და ადიგენის მოსახლეობას შეხვდა. პარტიის ლიდერები ადგილობრივების პრობლემებს გაეცვნენ და მათი გადაჭრის გზებზე იმსჯელეს.

ციხის ხელმძღვანელის დანიშვნა, საკადრო პოლიტიკა, მშენებლობის ხარისხი, დაფინანსების საკითხი და ციხის მშენებლობის მეორე ეტაპი – ეს ის საკითხებია, რომელიც ახალციხეში განხილვის თემად იქცა. ყურადღების ცენტრში ახალციხის ციხე მას შემდეგ მოექცა, როცა ციხიდან თანამშრომელთა ნაწილი გაათავისუფლეს.

ორი ძირითადი პრობლემის მოგვარების მოთხოვნით  ბლოკ „არასაპარლამენტო ოპოზიციის“ ახალქალაქის  ოფისმა საპროტესტო აქცია გამგეობასთან გამართა. პარტიის ლიდერებმა და მათმა მხარდამჭერებმა ადგილობრივ თვითმართველობაში ჩატარებული, საჯარო მოხელეთა  კონკურსი გააპროტესტეს. აქციის მონაწილეთა მტკიცებით, საჯარო სამსახურში ყველა პოზიციაზე გამგებლის, მაჟორიტარი  დეპუტატისა და  უშიშროების სამსახურის წარმომადგენელთა ნათესავები დაინიშნენ. ჯავახეთის მაცხოვრებლები საკუთარი უფლებების დაცვას სამართლებრივი გზით აპირებენ.

ახალციხის მუნიციპალიტეტის საკრებულოს სხდომა “ერთიანი ნაციონალური მოძრაობის” წევრებმა პროტესტის ნიშნად დატოვეს. მათი თქმით, სხდომა დეპუტატთა წინასწარი გაფრთხილების გარეშე დაინიშნა, რის გამოც, მათ საკითხების გაცნობისათვის დრო არ ეყოთ. “ნაციონალური მოძრაობის” წარმომადგენელთა განმარტებით, ბიუროს სხდომა ყოველთვის საკრებულოს სხდომამდე ერთი საათით ადრე მიმდინარეობს, რაც კანონის დარღვევაა. მათ სხდომის გადადება მოითხოვეს, რაც საკრებულოს თავმდომარემ არ დააკმაყოფილა. საკრებულოს სხდომაზე განსახილველად დღის წესრიგით ერთი საკითხი გავიდა. იგი მუნიციპალიტეტის მასშტაბით, გზებისა და წყლის სისტემის მოწესრიგებისთვის, ექვსი პროექტის სამ წელზე გადანაწილებას შეხებოდა. საკითხს სხდომაზე დარჩენილმა დეპუტატებმა მხარი ერთხმად დაუჭირეს.  

ტენდენციურობა, ნეპოტიზმი მუქარა–აღნიშნულ ბრალდებებს, ბორჯომის მუნიციპალიტეტის გამგეობის პრესსამსახურის ყოფილი უფროსი, გამგებელსა და საკრებულოს თავმჯომარეს უყენებს.

ახალციხის მერიის ბიუჯეტი დამტკიცდა. მთავარი ფინანსური  დოკუმენტის მიღებას კენჭი საკრებულოს 13–მა დეპუტატმა უყარა. დამტკიცების მიუხედავად ოპოზიციის წარმომადგენლებს ბიუჯეტთან დაკავშირებით ისევ პრეტენზიები აქვთ,  გარდა ამისა დღეს დეპუტატებმა, საკრებულოს  ორი  კომისიის  ახალი ხელმძღვანელებიც  აირჩიეს. 10 მომხრე და 3 წინააღმდეგი–ახალციხის  თვითმართველი ქალაქის ბიუჯეტი დამტკიცებულია. 2014 წლის ბოლო საკრებულოს სხდომაზე, მთავარ ფინანსურ დოკუმენტს, წარმომადგენლობითი ორგანოს 15 დეპუტატიდან კენჭი 13–მა მათგანმა უყარა. საკრებულოს თავმჯდომარე განმარტავს, რომ ბიუჯეტის პროექტის პირვანდელ ვერსიაში მნიშვნელოვანი ცვლილებები არ შესულა და იგი  5 მილიონ 800 ათასი ლარით განისაზღვრა.