კოალიცია „ქართული ოცნების” საპრეზიდენტო კანდიდატმა დღეს  განათლებისა და მეცნიერების  ახალი მინისტრი დაასახელა და  დაკავებული თანამდებობა ოფიციალურად დატოვა. გიორგი  მარგველაშვილმა დღესვე  წინა საარჩევნო კამპანიის დაწყების შესახებაც ისაუბრა.  საპრეზიდეტო კანდიდატები უკვე დასახელდნენ სხვადასხვა ოპოზიციურ პარტიებშიც, თუმცა ჯერ კიდევ პრაიმერი მიმდინაერობს, ნაციონალურ მოძრაობაში.

 ეროვნულ-დემოკრატიული ინსტიტუტი საზოგადოების განწყობის კვლევის პოლიტიკური რეიტინგების ნაწილს აქვეყნებს. მოწონების ყველაზე მაღალი მაჩვენებელი, წინა კვლევის მსგავსად, პატრიარქს აქვს – ილია II გამოკითხულთა 92%-ს მოსწონს. კვლევის მიხედვით, ბიძინა ივანიშვილი მოსწონს გამოკითხულთა 69%-ს. მარტის თვეში ეს მონაცემი 75% იყო. ქართული ოცნების საპრეზიდენტო კანდიდატი გიორგი მარგველაშვილი მოსწონს გამოკითხულთა 45%-ს. ნაციონალური მოძრაობის სავარაუდო კანდიდატი, დავით ბაქრაძე, მარტის თვის მონაცემების მსგავსად, მოსწონს 48%-ს. ასევე საპრეზიდენტო კანდიდატის, ნინო ბურჯანაძის, მიმართ მოწონება მარტის16%-დან 21%-მდეა გაზრდილი. სალომე ზურაბიშვილი მოსწონს 38%-ს. პარლამენტის თავმჯდომარე დავით უსუფაშვილი მოსწონს 61%-ს. მარტის თვეში პარლამენტის თავმჯდომარე 66%-ს მოსწონდა. ეკა ბესელიას მიმართ მოწონება წინა თვესთან შედარებით თითქმის უცვლელია – ის 52%-ს მოსწონს. თინა ხიდაშელი მოსწონს 51%-ს (მარტში მოსწონდა 59%-ს). პრეზიდენტი მიხეილ სააკაშვილი მოსწონს გამოკითხულთა 23%-ს. თბილისის მერი გიგი უგულავა – 25%-ს. ვანო მერაბიშვილი მოსწონს 17%-ს (მარტში იყო 26%). უშიშროების საბჭოს მდივანი გიგა ბოკერია მოსწონს 10%-ს. ლევან ვასაძე მოსწონს 14%-ს. სახალხო დამცველის მიმართ მოწონება მარტის 18%-დან გაზრდილია 25%-მდე. კვლევა 2013 წლის ივნისში ჩატარდა და მის ფარგლებში 2,338 რესპონდენტი მთელი საქართველოს მასშტაბით პირისპირ ინტერვიუს მეთოდით გამოიკითხა. NDI-ის კვლევებს აფინანსებს შვედეთის საერთაშორისო განვითარებისა და თანამშრომლობის სააგენტო (Sida) და ატარებს კავკასიის კვლევითი რესურსების ცენტრი CRRC.

2013 წლის საპრეზიდენტო არჩევნების თარიღი კიდევ ერთხელ შეიცვალა. 31 ოქტომებრს დანიშნული პროცესი  ახლა უკვე 27 ოქტომბერს, კვირა  დღეს ჩატარდება. საპარლამენტო უმრავლესობის წარმომადგენლები თვლიან, რომ   არასამუშაო დღეს არჩევნების დანიშვნა   მიხელი სააკაშვილის ახირება იყო,  უმცირესობის წარმომადგენლები ამ ყველაფერს გაუგებრობას უწოდებენ.  

    ასპინძის მუნიციპალიტეტის გამგეობაში თანამდებობა კიდევ ერთმა  თანამშრომელმა დატოვა. ამჯერად პირადი განცხადების საფუძველზე, შპს ასპინძის კეთილმოწყობის სამსახურის უფროსი გათავისუფლდა. გიორგი გიორგაძე „მე–9 არხთან“ საუბარში განმარტავს, რომ განცხადება საკუთარი სურვილით არ დაუწერია და ეს მუნიციპალიტეტის გამგებლის ლევან ცაბაძის მოთხოვნა იყო.     „გამგებელმა სამსახურიდან გათავისუფლების მოთხოვნით განცხადების დაწერა ერთი კვირის წინ მომთხოვა, ამის მიზეზად კი მითხრა, რომ დაკისრებულ მოვალეობას ვერ ვასრულებდი, რადგან ნაგვის გადასახადიდან ბიუჯეტში საკმარისი თანხა ვერ შემქონდა. მე მაშინვე განცხადება არ დავწერე, თუმცა დღეს, იძულებული გავხდი სამსახურიდან გათავისუფლების თაობაზე შესაბამისი დოკუმენტი წარმედგინა და წამოვსულიყავი“–ამბობს შპს ასპინძის კეთილმოწყობის სამსახურის უკვე ყოფილი უფროსი. გიორგი გიორგაძე, ასპინძის მუნიციპალიტეტის გამგებლის მხრიდან აღნიშნულ ბრალდებას უსაფუძვლოს უწოდებს. „ექო“–მ ასპინძის მუნიციპალიტეტის გამგებელთან ლევან ცაბაძესთან სცადა დაკავშირება, თუმცა მან „მე–9 არხის“ კორესპონდენტს სატელეფონო საუბარში განუცხადა, რომ მათთან სასაუბროდ არ სცალია. 1 ივლისიდან საკუთარი განცხადების საფუძველზე, ოფიციალურად თანამდებობები დატოვეს, საფინანსო საბიუჯეტო სამსახურის უფროსმა –ირაკლი ველიჯანაშვილმა, გამგებლის მოადგილემ– ლევან ბერიძემ, ასევე ეკონომიკისა და ინფრასტრუქტურის განვითარების სამსახურის უფროსმა –მამუკა ხიზაძემ. ასპინძის მუნიციპალიტეტის გამგეობაში ოფიციალური განცხადების საფუძველზე ამ დროისათვის ოთხი თანამშრომელია გათავისუფლებული, თუმცა ვაკანსია მხოლოდ ერთზე– გამგებლის მოადგილის თანამდებობაზეა გამოცხადებული, სადაც განაცხადის წარდგენის ბოლო ვადა 4 ივლისია.

საქართველოში წინასაარჩევნო კამპანია ოფიციალურად დაიწყო. ქვეყნის პირველი პირის  განკარგულებით, საპრეზიდენტო არჩევნები 31 ოქტომბერს გაიმართება.  „საარჩევნო კოდექსის“ მიხედვით, კანდიდატები  თარიღის გამოცხადების დღიდან არჩევნებამდე თანასწორი უფლებებით ისარგებლებენ.

,, ასპინძის გამგებელმა ხელმძღვანელ პირებს: ირაკლი ველიჯანაშვილს, საფინანსო-საბიუჯეტო და სახელმწიფო შესყიდვების სამსახურის უფროსს; მამუკა ხიზაძეს– ეკონომიკისა და ინფრასტრუქტურის განვითარების სამსახურის უფროსს; ლევან ბერიძეს გამგებლის მეორე მოადგილეს, სამსახურიდან გათავისუფლებაზე განცხადების დაწერა მოსთხოვა.” –ეს ინფორმაცია 26 ივნისს ინტერნეტ საიტზე „მე რეპორტიორი“–ზე  გავრცელდა. აღნიშნულთან დაკავშირებით „ექო“ ასპინძის მუნიციპალიტეტის,  გამგეობის საფინანსო–საბიუჯეტო სამსახურის უფროსს დაუკავშირდა. ირაკლი ველიჯანაშვილი ამბობს, რომ გათავისუფლების შესახებ განცხადება, 26 ივნისს მართლაც დაწერა, თუმცა საკუთარი ნებით თუ  გამგებლის, ლევან ცაბაძის მოთხოვნით, ამაზე საუბრისაგან თავს იკავებს.„განცხადება გუშინ დავწერე, პირველ ივლისამდე თანამდებობაზე დავრჩები, შემდეგ კი ოფიციალურად დავტოვებ“ –განმარტა ასპინძის მუნიციპალიტეტის საფინანსო–საბიუჯეტო სამსახურის უფროსმა.  ირაკლი ველიჯანაშვილი აღნიშნულ თანამდებობაზე 2011 წლის 27 ივნისს დაინიშნა.  გავრცელებული  ინფორმაცია, რომ ასპინძის მუნიციპალიტეტის გამგეობის თანამშრომშრომლებმა,   გათავისუფლების შესახებ განცხადებები  გამგებლის მოთხოვნით დაწერეს– „ექოსთან“ საუბარში ლევან ცაბაძემ უარყო.  როგორც მან  ,,მეცხრე არხის“ კორესპონდენტს სატელეფონო საუბარში განუცხადა, ამჟამად ის დედაქალაქში იმყოფება და დაწერა თუ არა  რომელიმე  თანამშრომელმა განცხადება გათავისუფლების შესახებ, არაფერი იცის.  „ორი თვის წინ ერთმა მოადგილემ ჩემი მისვლისთანავე დაწერა განცხადება და წავიდა, მეორემ კი შვებულება მოითხოვა და აღმოჩნდა, რომ გათავისუფლების შესახებ შესაბამისი დოკუმენტი უკვე წარდგენილი აქვს,  პირველი ივლისიდან კი თანამდებობას დატოვებს“–ამბობს ასპინძის გამგებელი.  კითხვაზე, რომელმა მოადგილემ დაწერა  განცხადება , ლევან ცაბაძემ ,,ექოს” უპასუხა, რომ მისი სახელი და გვარი არ იცის.  ასპინძის მუნიციპალიტეტის გამგებელი  ამბობს, რომ სამსახურში რეორგანიზაცია  ჯერ არ იგეგმება, რადგან ამისათვის ცენტრალური ხელისუფლებისაგან შესაბამისი ფორმულირება სჭირდება.

ახალციხის მუნიციპალიტეტის გამგეობაში საკონკურსო კომისია მიმდინარე კვირაში შეიქმნება, რის შემდეგაც თანამდებობებზე კონკურსი გამოცხადდება. გამგეობის თანამშრომლებმა გათავისუფლების თაობაზე განცხადება 10 აპრილს დაწერეს. დაანონსებული საკადრო ცვლილებები კი ამ დრომდე არ განხორციელებულა. http://youtu.be/IBthPK2x8Vw

„სამართლიანი არჩევნებისა და დემოკრატიის საერთაშორისო საზოგადოებამ” დღეს ახალციხეში მრგვალი მაგიდა გამართა. არასამთავრობო ორგანიზაციის წარმომადგენლებმა საზოგადოებას საკანონმდებლო ცვლილებების პროექტი წარმოუდგინეს.

ყოფილი პატიმარი საქართველოს პრეზიდენტსა და „ერთიანი ნაციონალური მოძრაობის“ ლიდერებს უპირისპირდება. ვაჰაგან ჩახალიანმა  მიხეილ სააკაშვილის, ვანო მერაბიშვილის, დავით ბაქრაძისა და გოგა ხაჩიძის წინააღმდეგ თბილისის  საქალაქო სასამართლოში სარჩელი შეიტანა.  ორგანიზაცია „ჯავახკის“ ყოფილი წევრი მათგან გავრცელებული ინფორმაციის უარყოფას, ბოდიშის მოხდასა და მორალური ზიანის კომპენსირებას მოითხოვს. ვაჰაგან ჩახალიანი აცხადებს,  რომ ყოფილი ხელისუფლების წარმომადგენლებმა საპატიმროდან გათავისუფლების შემდეგ, მისი მისამართით  არაერთი  შეურაცხმყოფელი ინფორმაცია გაავრცელეს.  იგი ასევე ამბობს, რომ სააკაშვილმა და მისმა მხარდამჭერებმა  მას რუსეთის აგენტი და საქართველოს მტერი უწოდეს, გარდა ამისა,  ქართველ და სომეხ ერს შორის შუღლის ჩამოგდება დააბრალეს. ჩახალიანის თქმით, ეს ყოველივე საკმარისი იყო, იმისთვის რომ „ერთიანი ნაციონალური მოძრაობის“  პირველი პირების წინააღმდეგ სარჩელი შეეტანა. ვაჰაგან ჩახალიანმა საქალაქო სასამართლოში სარჩელი 12 ივნისს შეიტანა. ყოფილ პატიმარს ახალი ხელისუფლების მხარდაჭერს იმედი აქვს და აცხადებს, რომ  სამართლიანობას საქართველოშივე მიაღწევს და აღნიშნული საქმის სტრასბურგის სასამართლოში გასაჩივრება არ დასჭირდება.

ახალციხის მუნიციპალიტეტის გამგეობაში საკადრო ცვლილებები იწყება. ახალი თანამშრომლები კონკურსის წესით შეირჩევიან. როგორც ადგილობრივი ხელისუფლებაში აცხადებენ უმიზეზოდ თანამდებობას არცერთი თანამშრომელი არ დატოვებს.

ასპინძის მუნიციპალიტეტის გამგეობაში რეორგანიზაცია იწყება. აღმასრულებელი ორგანოს თანამშრომლებმა ამის თაობაზე წერილობითი ინფორმაცია დღეს მიიღეს. მუნიციპალიტეტის გამგებელი აცხადებს, რომ რეორგანიზაცია აუცილებელია, რადგან ადმინისტრაციაში სიტუაცია დასალაგებელია. ლევან ცაბაძის თქმით, ამის გადამწყვეტი ერთ-ერთი მიზეზი სახელფასო ბიუჯეტში აღმოჩენილი დეფიციტია, რომელიც – 206 000 ლარს შეადგენს.

     ასპინძის მუნიციპალიტეტის ყოფილი გამგებელი ბესიკ ბექაური სამუშაოდ    საქართველოს პარლამენტში გადავიდა. იგი საკანონმდებლო ორგანოში ასპინძის მაჟორიტარი დეპუტატის ტარიელ ლონდარიძის ბიუროს უფროსად, ოფიციალურად მიმდინარე წლის 14 მაისს დაინიშნა. ,,ასპინძის მუნიციპალიტეტის გამგებლობაზე უარი ქვეყანაში შექმნილი პოლიტიკური პროცესებიდან გამომდინარე ვთქვი. მომავალში მოღვაწეობის გაგრძელებას კერძო სექტორში ვაპირებ და ამ ეტაპზე არანაირი სურვილი არ მაქვს აქტიურ პოლიტიკაში ჩართვის, თუმცა სამომავლოდ არაფერს გამოვრიცხავ, თუ ამას მოითხოვს ჩემი ქვეყნისა და მუნიციპალიტეტის ინტერესები“ –ამბობს ბესიკ ბექაური. შეგახსენებთ, რომ ბესიკ ბექაური ასპინძის მუნიციპალიტეტის გამგებლად 2010 წლის 15 დეკემბერს დაინიშნა. 2013 წლის 23 აპრილს კი მან თანამდებობა პირადი განცხადების საფუძველზე დატოვა.

ისევე, როგორც საქართველოს სხვა რეგიონებში, დღეს ვანო მერაბიშვილის გათავისუფლების მოთხოვნით ახალციხეშიც გამოვიდნენ. საოლქო პროკურატურასთან სამცხე–ჯავახეთის რამდენიმე, მუნიციპალიტეტიდან ჩამოსული მხარდამჭერები დღის ორი საათისათვის შეიკრიბნენ.

აქცია ახალციხეში.  24 მაისს 50- მდე ადამიანი შოთა რუსთაველის ძეგლის მიმდებარე ტერიტორიაზე,  ადმინისტრაციული შენობის წინ შეიკრიბა. აქციის მონაწილეები ახალციხის მუნიციპალიტეტის საკრებულოს თავმჯდომარის გადადგომას ითხოვდნენ.

ქუთაისის საქალაქო სასამართლოში „ერთიანი ნაციონალური მოძრაობის” გენერალური მდივნისა და კახეთის გუბერნატორის სასამართლო პროცესი გაიმართა, რომელსაც პარტიის ლიდერთა ნაწილი დაესწრო. პროცესის მიმდინარეობისას სასამართლოს ეზოში პოლიტპატიმრები შეიკრიბნენ. მათ ვანო მერაბიშვილისა და ზურაბ ჭიაბერაშვილის საწინააღმდეგო აქცია მოაწყეს.

ახალციხის მუნიციპალიტეტის სოფლების რწმუნებულებმა გამგეობის პირველ პირთან  ტერიტორიულ გაერთიანებებში არსებული პრობლემები განიხილეს. ადმინისტრაციულ შენობაში გამართულ თათბირზე გამგებლის მოვალეობის შემსრულებელს მოსახლეობის სახელით მათ ძირითადად სასმელი წლის სისტემის მოწესრიგება სთხოვეს. ასევე ისაუბრეს ქალაქის ნაგავსაყრელის შესახებაც, რომელიც ახლო მომავალში გაუქმდება.

16 მაისს, ,,ექოს“ პირდაპირ ეთერში პაატა მაისურაძემ, განაცხადა, რომ ასპინძის გამგებლის, ლევან ცაბაძის წინააღმდეგ არაერთი დოკუმენტი აქვს, რომელიც მის დანაშაულზე მეტყველებს და შესასწავლად პროკურატურას გადაეცა. პაატა მაისურაძემ აგრეთვე ისაუბრა საკრებულოს თავმჯდომარის მოადგილეზე მერაბ ველიჯანაშვილზეც, რომელმაც მისი თქმით ლევან ცაბაძის სასარგებლოდ საკრებულოს წევრებზე ზეწოლა მოახდინა. ,,მე ვიცი და მაქვს უტყუარი მტკიცებულებები, რომ საკრებულოს 22–მა წევრმა ერთხმად ლევან ცაბაძე, სწორედ ზეწოლის შედეგად აირჩია“–განაცხადა ,,ექოს“ პირდაპირ ეთერში პაატა მაისურაძემ, სადაც ლევან ცაბაძეც იყო მიწვეული, თუმცა მან სხვადასხვა სუბიექტური თუ ობიექტური მიზეზების გამო მოსვლა ვერ მოახერხა. რაც შეეხება მერაბ ველიჯანიშვილს, მან ,,ექოსთან“ სატელეფონო საუბარში განაცხადა, რომ პაატა მაისურაძის ბრალდება უსაფუძვლოა – ,,ეს არის სრული აბსურდი და სისულელე რასაც ის ამბობს, მე დეპუტატებზე არანაირი ზეწოლა არ მომიხდენია. ყველა მათგანს ქონდა არჩევანის თავისუფლება“.

ამ წუთებში, ასპინძის მუნიციპალიტეტში გამგებლის წინააღმდეგ აქცია იმართება. ადგილობრივი მუნიციპალიტეტის შენობასთან 50– მდე ადამიანია შეკრებილი. აქციის მონაწილეები მუნიციპალიტეტის საკრებულოში შესვლას გეგმავენ. როგორც ,,ექოს“ პაატა მაისურაძემ აცნობა, რომელიც გამგებლობის ერთერთი კანდიდატი იყო, ისინი დღეს დეპუტატებთან შეხვედრას და იმ დოკუმენტების გაცნობას აპირებენ, რაც მათ ლევან ცაბაძის წინააღმდეგ აქვთ. გუშინ საკრებულოს სხდომაზე ხმათა უმრავლესობით არჩეულ გამგებელს ლევან ცაბაძეს მისი კონკურენტები დიპლომისა და სხვა დოკუმენტების გაყალბებაში ადანაშაულებენ. ,,ვაპირებ დოკუმენტების ქსეროასლები გავაკეთო და დავარიგო ასპინძის მუნიციპალიტეტში, რადგან ყველა მოსახლემ გაიგოს თუ რა გზით და როგორი გაყალბებით მოხდა ცაბაძის არჩევა. თუ არ დაკმაყოფილდა ჩვენი მოთხოვნა და პასუხს ვერ მივიღებთ საკრებულოსგან, მაშინ აქციებს მუნიციპალიტეტის მასშტაბით გავმართავთ“–აცხადებს პაატა მაისურაძე.

ასპინძის მუნიციპალიტეტს ახალი გამგებლი ჰყავს. დღეიდან აღმასრულებელი ორგანოს პირველი პირი ლევან ცაბაძეა. მის კანდიდატურას   დღეს გამართულ საკრებულოს  სხდომაზე დეპუტატებმა მხარი ერთხმად დაუჭირეს. ლევან ცაბაძის გამგებლად  დანიშვნას ყოფილი კანდიდატი აპროტესტებს.