15 ივლისს სამცხე–ჯავახეთის სახელმწიფო უნივერსიტეტში სამეცნიერო, საზოგადოებრივ-ლიტერატურულ ჟურნალ ,,არავის“ პრეზენტაცია მოეწყო.

ერთიანი ეროვნული გამოცდები გეოგრაფიის საგნით გაგძელდა. ახალციხის საგამოცდო ცენტრში დარეგისტრირებული 443 აბიტურიენტიდან ათი მათგანი არ გამოცხადდა.

ერთიანი ეროვნული გამოცდები გრძელდება. ახალციხეში 11 ივლისს ტესტირება მასწავლებლებსა და მაგისტრანტ სტუდენტებს ჩაუტარდათ.

8 ივლისს ერთიან ეროვნულ გამოცდებში სტუდენტები და მასაწავლებლები ჩაერთვნენ. გამოცდაზე  ერთი დარღვევა დაფიქსირდა. 

ახალციხეში, უცხო ენების გამოცდაზე 25 აბიტურიენტი არ გამოცხადდა. გამოცდა 6–7 ივლისს ოთხ სესიად ჩატარდა. 

ერთიანი ეროვნული გამოცდები ზოგადი უნარებით გრძელდება. ტესტირების პირველ დღეს ახალციხის საგამოცდო ცენტრში, 609 აპლიკანტი დარეგისტირდა, მათგან 29 აბიტურიენტი გამოცდაზე არ გამოცხადდა.

ახალციხეში ზოგადი უნარების გამოცდის პირველ სესიაზე  311 აბიტურიენტი იყო დარეგისტრირებული, აქედან, გამოცდაზე  25 მათგანი არ გამოცხადდა.

საქართველოში ერთიანი ეროვნული გამოცდები მიმდინარეობს. ახალციხეში ქართული ენისა და ლიტერატურის გამოცდა ორ სესიად ჩატარდა.

     საქართველოს უსაფრთხოების და განვითარების ცენტრი (GCSD) აცხადებს კონკურსს რეგიონებში (იმერეთი, აჭარა, სამცხე-ჯავახეთი, კახეთი, ქვემო ქართლი) მცხოვრები ახალგაზრდებისათვის. კონკურსის შედეგად შერჩეული ახალგაზრდები ჩაერთვებიან პროექტში “Vote Smart” და მონაწილეობას მიიღებენ სასწავლო ტურში, რომელიც თბილისში გაიმართება. ტურის განმავლობაში ჩატარდება შეხვედრები სხვადასხვა სახელმწიფო დაწესებულებებსა და არასამთავრობო ორგანიზაციებთან.

ახალციხეში, “ვეფხისტყაოსნის” 850 წლისთავის აღსანიშნავად, მისი ზეპირად მცოდნეთა კონკურსი გაიმართა, რომელსაც ორგანიზებას საქართველოს კულტურული მემკვიდრეობის დაცვის ეროვნული სააგენტო და სამცხე–ჯავახეთის სახელმწიფო უნივერსიტეტი უწევდა. კონკურსში საქართველოს სხვადასხვა  კუთხისა და ასაკის ცხრა წარმომადგენელი მონაწილეობდა. კონკურსის მიზანია ახალგაზრდა თაობის დაინტერესება წიგნის მიმართ.

საჯარო სკოლებში სამეურვეო საბჭოს არჩევნები ჩატარდა. სკოლის თვითმმართველობის უმაღლესი ორგანოს ახალი შემადგენლობა ახალციხის მუნიციპალიტეტის 38–ვე ზოგადსაგანმანათლებლო დაწესებულებაში  აირჩიეს. ორი სკოლის სამეურვეო საბჭოს არჩევნები ჩატარდა ქალაქის მესამე საჯარო სკოლაში. სომხურენოვანი სასწავლო დაწესებულების გარდა აქ, საარჩევნო ოთახი პირველი სკოლისთვისაც მოეწყო, რადგან ამ უკანასკნელში სარეაბილიტაციო სამუშაოები ამ დრომდე მიმდინარეობს.

საქართველოს საჯარო სკოლებში სამეურვეო საბჭოს არჩევნები ტარდება. ახალციხის მუნიციპალიტეტის 38–ვე სასწავლო დაწესებულებაში პროცესი მშვიდ ვითარებში მიმდინარეობს. საარჩევნო უბანი ყველა სკოლაში 09:00 საათზე გაიხსნა, რა დროსაც კომისიის წევრებმა ფუნქციები ფარული კენჭისყრით გადაინაწილეს. საარჩევნო ყუთებში მოხდა საკონტროლო ფურცლის ჩაგდება, რის შემდეგაც ზუსტად 10:00 საათზე ხმის მიცემის პროცესი დაიწყო. “პირველი ამომრჩეველი 10:00 საათზე გვყავდა. მას შემდეგ პროცესი მშვიდად მიმდინარეობს. ყვყავდა ზემდგომი ორგანოებიდანაც დამკვირვებლები. ასე რომ, წესების სრული დაცვით მიმდინარეობს არჩევნები” – აცხადებს #1–ლი საჯარო სკოლის სამეურვეო საბჭოს საარჩვენო კომისიის თავმჯდომარე ციცინო თათენაშვილი. საქართველოს ზოგადსაგანმანათლებლო დაწესებულებებში სკოლის თვითმმართველობის უმაღლესი ორგანოს – სამეურვეო საბჭოს არჩევნებზე სკოლები ექვს პედაგოგსა და ექვს მშობელს ირჩევენ. ხმის მიცემა 16:00 საათზე შეწყდება, რის შემდეგაც ხმების დათვლა დაიწყება. სამეურვეო საბჭოს არჩევნებს განათლებისა და მეცნიერების სამინისტროს წარმომადგენლები საქართველოს ყველა რეგიონში აკვირდებიან. არჩევნებზე დამკვირვებლის სტატუსით დასწრება სამოქალაქო საზოგადოების და არასამთავრობო ორგანიზაციების წარმომადგენლებსაც შეუძლიათ, პროცესში ჩასართავად მათ რეგისტრაცია სკოლის საარჩევნო კომისიაში უნდა გაიარონ. სკოლის სამეურვეო საბჭო ირჩევს სკოლის დირექტორს, სკოლის დირექტორის წარდგინებით ამტკიცებს სკოლის შინაგანაწესს, ბიუჯეტს, ირჩევს დისციპლინურ კომიტეტს. სამეურვეო საბჭოში მასწავლებლებს და მშობლების 3 წლის ვადით ირჩევენ. თიკო კურტანიძე

ახალციხეში პირველი ენერგოეფექტური ბაღი აშენდება – ადმინისტრაციულ შენობაში მწვანე ბაღის პროექტის პრეზენტაცია გაიმართა. ბაღის მშენებლობა იაძის ქუჩის N12-ში, ე.წ. ჯაყელის ბაღის ტერიტორიაზეა  დაგეგმილი. პროექტის მიხედვით, შენობა  400 ბავშვზეა გათვლილი,  სადაც რამდენიმე ბაღი გაერთიანდება. ხარჯების ეფექტურობა და დანაკარგების დაყვანა მინიმუმამდე, წყლის მენეჯმენტი, ჯანსაღი გარემო შენობაში,  ენერგიების მეორადი გამოყენება და  თბური ტუმბოები სისტემაში – ეს ის უპირატესობებია, რომლითაც ახალი ენერგო ეფექტური ბაღი ისარგებლებს.

თამარ სანიკიძე   განათლებისა და მეცნიერების მინისტრი თამარ სანიკიძე თანამდებობიდან გათავისუფლებულია – ამის შესახებ განცხადება საქართველოს პრემიერ მინისტრმა მთავრობის ადმინისტრაციაში გამართულ ბრიფინგზე გააკეთა. გიორგი კვირიკაშვილის თქმით, სანიკიძე “ქართული ოცნების” გუნდში რჩება და უახლოეს პერიოდში მის ახალ მანდატზე ისაუბრებენ. “მინდა მადლობა გადავუხადო ქალბატონ თამარ სანიკიძეს ძალიან მნიშვნელოვანი სამუშაოსთვის, რომელიც ამ პერიოდის განმავლობაში შეასრულა, მან გადადგა ძალიან მნიშვნელოვანი რეფორმატორული ნაბიჯები, განათლების სისტემაში, განათლების სიტემის ხელმისაწვდომობის კუთხით, ხარისხის გაუმჯობესების ხელმისაწვდომობის კუთხით და ამ მნიშვნელოვანი რეფორმების შედეგები დღეს ნამდვილად სახეზეა. მინდა ვთქვა, რომ ქალბატონი თამარი შორს არ მიდის ჩვენი გუნდიდან, ის რჩება ჩვენს გუნდში და ალექსანდრე ჯეჯელავა ნამდვილად, უახლოეს პერიოდში გვექნება საუბარი მის ახალ მანდატზე, რომელიც იქნება ძალიან მნიშვნელოვანი” – განაცხადა გიორგი კვირიკაშვილმა. პრემიერის ინფორმაციით, თამარ სანიკიძეს ალექსანდრე ჯეჯელავა შეცვლის. ჯეჯელავა მართვის აკადემიის საბჭოს თავმჯდომარეა. პრემიერის განცხადებით, მას აქვს 20 წელზე მეტი გამოცდილება მართვის სფეროში, საინფორმაციო ტექნოლოგიების, ინოვაციებისა და განათლების სფეროში. თამარ სანიკიძეს განათლებისა და მეცნიერების მინისტრის თანამდებობა 2013 წლის ივლისიდან ეკავა. თიკო კურტანიძე

“წიგნი ყველა სოფელს” – საქართველოს სპორტისა და ახალგაზრდობის საქმეთა სამინისტროს ინიციატივით, ახალციხის თემს 3 000 წიგნი გადაეცა. სხვადასხვა ჟანრის ლიტერატურა იმ სოფლებში გადანაწილდება, სადაც ბიბლიოთეკები ფუნქციონირებს.

სამოქალაქო განათლების პედაგოგთა ფორუმზე სამცხე–ჯავახეთიდან სამი წარმომადგენელი დააჯილდოვეს. ფორუმის წლიური კონფერენცია-გამოფენა 28 მაისს, თბილისში გაიმართა. კონფერენციის მონაწილეებს საქართველოს განათლებისა და მეცნიერების მინისტრის მოადგილე ლია გიგაური, სამოქალაქო განათლების პროგრამის დირექტორი მარინა უშვერიძე და აშშ საერთაშორისო განვითარების სააგენტოს წარმომადგენელი ნინო ბუაჩიძე მიესალმნენ. კონფერენციის სტუმრებმა  სამოქალაქო განათლების პედაგოგთა ხელშეწყობით განხორციელებული პროექტების ამსახველი ფოტო–გამოფენა დაათვალიერეს. ფორუმის მონაწილე, საქართველოს ყველა რეგიონის 400 პედაგოგი სამოქალაქო განათლების სფეროს სიახლეებსა და ინოვაციებს გაეცნო. მათ ასევე, მიიღეს ინფორმაცია მასწავლებელთა საქმიანობის დაწყების, პროფესიული განვითარებისა და კარიერული წინსვლის სქემის და მათთვის საინტერესო სხვა რესურსების შესახებ. კონფერენციის დასასრულს სამოქალაქო განათლების წლის საუკეთესო პედაგოგთა დაჯილდოების ცერემონია გაიმართა. სამოქალაქო განათლების პედაგოგებს  ფორუმის მიერ დაწესებული საპატიო ჯილდო – მადლობის სიგელი და „სამოქალაქო განათლების წლის საუკეთესო პედაგოგის” პრიზი გადაეცათ. სამცხე-ჯავახეთიდან წლის საუკეთესო პედაგოგის ტიტული ნინოწმინდის მუნიციპალიტეტის სოფელ ეშტიის N1 საჯარო სკოლის პედაგოგს ბერნიკ ჰოვსეფიანმა დაიმსახურა, ასევე წარმატებული პედაგოგის სერთიფიკატი გადაეცა ასპინძის მუნიციპალიტეტის სოფელ ნაქალაქევის სკოლის პედაგოგს ნანა მაღრაძეს და სპეციალური სერტიფიკატით დაჯილდოვდა ბორჯომის მუნიციპალიტეტის ივანე ჯავახიშვილის სახელობის კერძო სკოლა–ლიცეუმის პედაგოგი მაია გულიაშვილი. კონფერენცია-გამოფენა სამოქალაქო განათლების პროგრამის „მომავლის თაობა“ ფარგლებში გაიმართა. პროგრამას ორგანიზაცია PH International კონსულტაციისა და ტრენინგის ცენტრთან, სამოქალაქო განათლების პედაგოგთა ფორუმთან და რეგიონულ არასამთავრობო ორგანიზაციებთან პარტნიორობით ახორციელებს. პროგრამის ფინანსურ მხარდაჭერას  აშშ საერთაშორისო განვითარების სააგენტო (USAID) უზრუნველყოფს. სამცხე – ჯავახეთში პარტნიორი ორგანიზაციაა ახალციხის ახალგაზრდული ცენტრი.

სამცხე–ჯავახეთის სახელმწიფო უნივერსიტეტის დარბაზში უცხო ენების პედაგოგთათვის კონფერენცია გაიმართა. შეფასებისა და გამოცდების ეროვნული ცენტრის წარმომადგენლებმა ინგლისური ენის სპეციალისტებს მასწავლებელთა გამოცდებში შეტანილი ცვლილებები გააცნეს. ცვლილების თანახმად, პედაგოგი შესაბამის ტესტებს კომპიუტერში წაიკითხავს, სწორ ვარიანტს კი სპეციალურ „პასუხების ფურცელში“ დააფიქსირებს.  გარდა ამისა, მეთოდიკის ნაწილი ამოღებულია. მასწავლებელთა ცოდნის დონის შემოწმება  მხოლოდ ტესტის მეშვეობით მოხდება.

“ინოვაციებისა და განვითარების ფონდის” მიერ ორგანიზებული პროექტი სახელწოდებით ,,ახალი საქართველო“ რეგიონებში გავიდა და ახალგაზრდებისგან ქვეყნის განვითარების შესახებ იდეები მოისმინა. რა მიმართულებით უნდა განვითარდეს საქართველო და როგორ უნდა შეიქმნას პოზიტიური მუხტი მოსახლეობაში – ეს არის პროექტის მთავარი გზავნილი. ახალციხეში შეკრებილი ახალგაზრდები სამცხე–ჯავახეთიდან საკუთარი იდეების წარმოჩენას ცდილობდნენ. ახალგაზრდების გზავნილი საქართველოს მთავრობისადმი კითხვების ფართო სპექტრს მოიცავს. პროექტის ორგანიზატორთა ცნობით, იდეები როგორც ყოველდღიურ პრობლემებს, ასევე ქვეყნის მომავალ განვითარებას ეხება.

სამცხე–ჯავახეთის სახელმწიფო უნივერსიტეტმა ავსტრიელ მწერალს უმასპინძლა. შეხვედრა ლუდვიგ ლაჰერთან  პროფესორ–მასწავლებლებმა და სტუდენტებმა სასწავლებლის ბიბლიოთეკაში გამართეს. ღონისძიებას უნივერსიტეტის ასოცირებული პროფესორი ლალი ბერიძე გაუძღვა. მან რამდენიმე წლის წინ ქართველ მკითხველს ავსტრიელი მწერალი პირველმა გააცნო თარგმანით რომანიდან „შიშველი ნატურა.“ შეხვედრაზე სტუდენტებმა ლუდვიგ ლაჰერის სხვადასხვა რომანიდან და ლექსიდან ნაწყვეტები გერმანულ და ქართულ ენებზე წაიკითხეს.

     დამამთავრებელი კლასის მოსწავლეებისთვის, გამოსაშვები გამოცდები 21 მაისს დაიწყო. მეთორმეტეკლასელებმა დღეს ქართული ენისა და ლიტერატურის გამოცდა ჩააბარეს. დამამთავრებელი კლასის მოსწავლეების გარდა, დრეს გამოცდას ისინიც აბარებენ, ვინც გასულ წელს, გეოგრაფიის საგანში, ატესტატისთვის საკმარისი ქულა ვერ მიიიღო. ქალაქ ახალციხეში ექვსი საჯარო სკოლაა, მეთორმეტეკლასელთა რაოდენობა კი 304. პირველი საჯარო სკოლა – 78 მეთორმეტეკლასელი; მეორე საჯარო სკოლა – 34  მეთორმეტეკლასელი; მესამე საჯარო სკოლა – 38 მეთორმეტეკლასელი; მეხუთე საჯარო სკოლა – 117 მეთორმეტეკლასელი; მეექვსე საჯარო სკოლა – 18 მეთორმეტეკლასელი; კერძო სკოლა ,,მზექა“ – 19 მეთორმეტეკლასელი.