21 მაისს, საქართველოს ეროვნული ინტელექტ-ჩემპიონატის, ეტალონი 2016–ის ფინალია. თბილისის სპორტის სასახლეში, საქართველოს ყველა მუნიციპალიტეტიდან შერჩეული  82 მოსწავლე, 2015-2016 სასწავლო წლის საქართველოს ეტალონი მოსწავლის ტიტულისთვის იბრძოლებს. სამცხე–ჯავახეთის შვიდივე მუნიციპალიტეტიდან, თითო მონაწილე შეირჩა. ისინი, გულშემატკივრებთან ერთად, უკვე თბილისში არიან. ქალაქი ახალციხე        ანა მკოიანი ასპინძის მუნიციპალიტეტი      შოთა იველაშვილი ახალქალაქის მუნიციპალიტეტი       ბექა აბაშიძე ახალციხის მუნიციპალიტეტი         შოთა გელაშვილი ადიგენის მუნიციპალიტეტი         თამარ ათოშვილი ნინოწმინდის მუნიციპალიტეტი        სურენ კარაპეტიანი ბორჯომის მუნიციპალიტეტი        გიორგი თოთლაძე

ახალქალაქისა და ნინოწმინდის რამდენიმე დიდკონტიგენტიან საჯარო სკოლაში მანდატურები პირველად შევიდნენ. საქართველოს განათლებისა და მეცნიერების სამინისტროს მანდატურის სამსახურის წარმომადგენლებმა ისინი სკოლებს პირადად წარუდგინეს. უწყების ინფორმაციით, უახლოეს მომავალში, მანდატურის სამსახური სამცხე–ჯავახეთის კიდევ რამდენიმე სკოლაში ამოქმედდება. შერჩეულმა კანდიდატებმა, პოლიციის აკადემიაში, მანდატურთა მომზადების სპეციალური საგანმანათლებლო პროგრამა და ფსიქოლოგიური მომზადების კურსი გაიარეს. ამ ეტპზე, ათას ორასზე მეტი მანდატური საქართველოს 428 საჯარო და 4 კერძო სკოლაში, 3 პროფესიულ სასწავლებელსა და 1 უმაღლეს სასწავლო დაწესებულებაში საზოგადოებრივი წესრიგისა და უსაფრთხოების დაცვას უზრუნველყოფს.

      ერთიანი ეროვნული გამოცდების ჩატარების გრაფიკი უკვე ცნობილია. განრიგი შეფასებისა და გამოცდების ეროვნულმა ცენტრმა დღეს გამოაქვეყნა. გამოცდები 1 ივლისს დაიწყება და 21–ში დასრულდება.

ორგანიზაციამ, ,,ორბელიანი საქართველო“ იდეების კონკურსი გამოაცხადა, რომლის მიზანიც საქართველოში მოხალისეობის განვითარებაა. კონკურსის მთავარი პირობა ისაა, რომ იდეით მოსარგებლე ადგილობრივი მოსახლეობა უნდა იყოს. თემატიკა შეზღუდული არ არის. აღნიშნული კონკურსი, ახალციხელ მოხალისეებსა და არასამთავრობო ორგანიზაციების წარმომადგენლებს, ,,ორბელიანი საქართველოს“ დირექტორმა გააცნო.

2016 წლის ზაფხულში დაგეგმილი მასწავლებელთა საგნის გამოცდის განრიგი გამოქვეყნდა. პედაგოგებისთვის გამოცდები 8 ივლისს დაიწყება და 13 ივლისს დასრულდება. მასწავლებლები 8 ივლისს შემდეგ საგნებს ჩააბარებენ:  ინგლისური ენა – წერითი ნაწილი; რუსული ენა – წერითი ნაწილი; გერმანული ენა – წერითი ნაწილი; ფრანგული ენა – წერითი ნაწილი; ქართული, როგორც მეორე ენა – წერითი ნაწილი; ინფორმაციული და საკომუნიკაციო ტექნოლოგიები – წერითი ნაწილი; სახვითი და გამოყენებითი ხელოვნება; სპორტი; მუსიკა. 9 ივლისს:  ინგლისური ენა – პრაქტიკული ნაწილი; რუსული ენა – პრაქტიკული ნაწილი; გერმანული ენა – პრაქტიკული ნაწილი; ფრანგული ენა – პრაქტიკული ნაწილი; ქართული, როგორც მეორე ენა – პრაქტიკული ნაწილი. 10 ივლისს: ინფორმაციული და საკომუნიკაციო ტექნოლოგიები – პრაქტიკული ნაწილი. 11 ივლისს: ქართული ენა და ლიტერატურა, მათემატიკა და ბუნებისმეტყველება (I-IV); ქართული ენა და ლიტერატურა (I-VI); ბუნებისმეტყველება (I-VI). 12 ივლისს: ქართული ენა და ლიტერატურა (VII-XII); მათემატიკა (I-VI); მათემატიკა (VII-XII). 13 ივლისს: ფიზიკა; ბიოლოგია; ქიმია; გეოგრაფია; ისტორია; სამოქალაქო განათლება.

2015-16 სასწავლო წლის სკოლის გამოცდების განრიგი მე-11 კლასის მოსწავლეებისთვის დამტკიცდა. გამოსაშვებ გამოცდებს ისინი 12–15 ივნისს ჩააბარებენ. გამოცდების განრიგი საგნების მიხედვით ასე გამოიყურება: 12 ივნისი – გეოგრაფია; 13 ივნისი – ბიოლოგია; 14 ივნისი – ფიზიკა და 15 ივნისი – ქიმია. რაც შეეხება პრეტესტს, გამოცდების ეროვნული ცენტრის ინფორმაციით, მიმდინარე წლის 11 ივნისს ჩატარდება.

2015-2016 სასწავლო წლის სკოლის გამოსაშვები გამოცდების განრიგი ცნობილია. განათლებისა და მეცნიერების სამიონისტროს ინფორმაციით, მეთორმეტეკლასელები პირველ გამოცდას 21 მაისს ჩააბარებენ. ამ დღეს ტესტირება დანიშნულია: 1. ქართულ ენასა და ლიტერატურაში; 2. ქართულში, როგორც მეორე ენა და 3. გეოგრაფიაში. 22 მაისს გამოცდები უცხო ენებსა და ბიოლოგიაში ჩატარდება, 23 მაისს – ისტორიასა და ფიზიკაში, 24 მაისს – მათემატიკაში, ხოლო 25 მაისს – ქიმიაში. რაც შეეხება სწავლის დასრულების თარიღს, ეროვნული სასწავლო გეგმის თანახმად, განსაზღვრულია, რომ პირველი და მეთორმეტე კლასის მოსწავლეები წელს სწავლას 20 მაისს დაასრულებენ. ხოლო დანარჩენი კლასების მოსწავლეები – 17 ივნისს.  

     საქართველოს კულტურული მემკვიდრეობის დაცვის ეროვნული სააგენტო და სამცხე-ჯავახეთის სახელმწიფო უნივერსიტეტი, საქართველოს კულტურისა და ძეგლთა დაცვის, განათლებისა და მეცნიერების სამინისტროების, დიასპორის საქმეთა სახელმწიფო მინისტრის აპარატისა და დარგობრივი სამეცნიერო ინსტიტუციების მხარდაჭერით, „ვეფხისტყაოსნის“ ზეპირად მცოდნეთა კონკურსს აცხადებს. კონკურსი  2016 წლის 23-24 ივნისს ახალციხეში, სამცხე-ჯავახეთის სახელმწიფო უნივერსიტეტში გაიმართება. მასში მონაწილეობის მიღება  ვეფხისტყაოსნის ზეპირად მცოდნე ნებისმიერ მსურველს შეუძლია. მონაწილეთა რეგისტრაცია ხორციელდება საქართველოს კულტურული მემკვიდრეობის დაცვის ეროვნულ სააგენტოში. მისამართზე თბილისი, თაბუკაშვილის 5 და სამცხე-ჯავახეთის სახელმწიფო უნივერსიტეტში, ქალაქ ახალციხე, რუსთაველის ქუჩა 106.    რეგისტრაცია 15 მაისამდე გაგრძელდება.

“ახალგაზრდულმა იდეამ” გამარჯვებული პროექტები გამოავლინა. კონკურსში მონაწლეობა ახალგაზრდება ახალციხიდან და ადიგენიდან მიიღეს.

რა როლი უნდა ჰქონდეს ქვეყნის პოლიტიკაში რელიგიურ ორგანიზაციებს? –  ამ საკითხთან დაკავშირებით არასამთავრობო ,,ორგანიზაცია დემოკრატ მესხთა კავშირში“ დისკუსია გაიმართა. თემის „ეკლესია და პოლიტიკა“ – განხილვაში მონაწილეობა, როგორც კათოლიკური და მუსლიმი რელიგიის წარმომადგენლებმა, ასევე სტუდენტებმა და არასამთავრობო ორგანიზაციების წევრებმა მიიღეს.

ბათუმი–ახალციხის საავტომობილო გზის, გოდერძი–ზარზმის მონაკვეთის სამშენებლო სამუშაოებისთვის პროექტი შესათანხმებლად ადიგენის მუნიციპალიტეტის გამგეობაში შევიდა. აღნიშნულს ადიგენის გამგებელი ზაქარია ენდელაძე შესაბამის სამსახურებთან ერთად გაეცნო. პროექტის ფარგლებში ასფალტის საფარის, სანიაღვრე არხების, ხიდების, გაბიონებისა და მილხიდების მოწყობა იგეგმება.  ადიგენის გამგეობის ინფორმაციით, ღნიშნული მონაკვეთის რეაბილიტაცია ხელს შეუწყობს, როგორც სამცხე-ჯავახეთისა და ზემო აჭარის მოსახლეობის სოციალურ-ეკონომიკური მდგომარეობის გაუმჯობესებას, ასევე ქვეყნის ეკონომიკისა და ტურიზმის განვითარებას. აღმოსავლეთ საქართველო ადიგენის გავლით გაცილებით მოკლე გზით დაუკავშირდება აჭარის რეგიონს, რაც მუნიციპალიტეტს დამატებით ეკონომიკურ სარგებელს მოუტანს.

„ადგილობრივი შესაძლებლობების გაძლიერება ბავშვთა უფლებების დაცვისათვის საქართველოში“ – ასე ჰქვია პროექტს, რომლის პრეზენტაციაც ახალციხის ადმინისტრაციულ შენობაში გაიმართა. პროექტი მიზნად, ნაადრევი ქორწინების, ბავშვთა შრომისა და სკოლის მიტოვების შემთხვევების შემცირებას ისახავს. ორანიზატორები სამომავლოდ გადაწყვეტილების მიმღებ პირებსა და საზოგადოებრივ ორგანიზაციებს შორის თანამშრომლობის გაძლიერებას გეგმავენ, რაც მათი აზრით პრობლემის მოგვარებას ხელს შეუწყობს.

კარლო და ანა ხუციშვილები ახალციხელი გამომგონებლები მსოფლიო ოლიმპიადის “იპო 2016” გამარჯვებულები გახდნენ. კარლო და ანა ხუციშვილებისა და თორნიკე მაზმიშვილის ერთობლივმა ნამუშევარმა პირველი ადგილი დაიკავა. უპილოტო საფრენი “Life Saver” -ი მსოფლიოს ახალგაზრდა გამოგონებლების მიერ შექმნილ მოწყობილობებს შორის უდავო ჩემპიონი გახდა. შედეგად, ახალციხელმა გამომგონებლებმა პროექტის ნაწილობრივი დაფინანსება მოიპოვეს. ასევე, მიიღეს ოქროს მედალი და ლეპტოპი. მსოფლიო ოლიმპიადა 22 და 23 აპრილს თბილისში გამართა, სადაც  25 ქვეყნის წარმომადგენლი იყო მოწვეული. უპილოტო საფრენი მოწყობილობა  “Life Saver”–ი  Ipad-ის საშუალებით იმართება და მას სხვა მსგავს მოწყობილობებთან შედარებით უპირატესობები აქვს. აქამდე გამნაღმველი სისტემა, რომელშიც ადამიანები უშუალოდ არ არიან ჩართულები, არ არსებობდა. ახალციხელი ახალგაზრდების გამოგონებამ აღნიშნული პრობლემა გადაჭრა. “Life Saver”-ი “Life Saver”–ი უპილოტო გამნაღმველი სისტემაა. Ipad-ში კოორდინატების მითითების შემდეგ, დრონის გაშვება ხდება. მოწყობილობა კონკრეტულ ადგილებს, სადაც ნაღმია, რუკაზე მონიშნავს. მას გადაადგილება ნებისმიერ სიტუაციაში შეუძლია. შეგახსენებთ, რომ კარლო ხუციშვილი სხვა გამოგონების თანაავტორიცაა. მისმა და ირაკლი კაპანაძის “მულტიკლიმატიზატორმა” მსოფლიოს მოწონება დაიმსახურა, რის საფუძველზეც ისინი აშშ-ს კოსმოსურ ცენტრში, ნასაში იყვნენ მიწვეულნი. თიკო კურტანიძე  

სამცხე–ჯავახეთის სახელმწიფო უნივერსიტეტში საერთაშორისო სამეცნიერო სემინარი მიმდინარეობს. შეხვედრა ქართულ–თურქულ ურთიერთობებს, თანამედროვეობასა და ისტორიას ეხება. სემინარს თურქეთის საისტორიო საზოგადოების პრეზიდენტი და წამყვანი უნივერსიტეტების პროფესორ–მასწავლებლები ესწრებიან. უმაღლეს სასწავლო დაწესებულებაში აცხადებენ, რომ ამგვარი სახის სემინარი სამცხე–ჯავახეთის უნივერსიტეტში პირველად იმართება.

კარლო ხუციშვილი ახალციხის სკოლის მოსწავლეებმა დრონი სახელწოდებით Life saver-ი შექმნეს, მოწყობილობა ნაღმის გაუვნებელყოფას ახერხებს. გამოგონება ამ ეტაპზე დაფინანსების ძიებაშია. მოწყობილობის ერთ-ერთი შემქმნელი კარლო ხუციშვილია, რომელიც ამ წუთებში კონკურსზე “იპო 2016″–ზე იმყოფება. მისი თქმით, საქართველოს მასშტაბით, აღნიშნულმა მოწყობილობამ გამარჯვება უკვე მოიპოვა. დღევანდელ კონკურსზე კი მსოფლიოს 25 ქვეყნის წარმომადგენელია მოწვეული. ახალციხელი გამომგონებლის თქმით, მოწყობილობა Ipad-ის საშუალებით იმართება და მას სხვა მსგავს მოწყობილობებთან შედარებით უპირატესობები აქვს. “ყოველ 19 წუთში ერთი ადამიანი იღუპება. აქედან გაჩნდა იდეა, რომ ისეთი გამნაღმველი სისტემა გამოგვეგონებინა, რომელიც უსაფრთხო იქნებოდა. არის ისეთი სისტემები, რომელშიც უშუალოდ ადამიანები არიან ჩართული. Life saver-ის მეშვეობით აღნიშნული პრობლემა გადავჭერით” – ამბობს “მეცხრე არხთან” კარლო ხუციშვილი. ანა ხუციშვილი პროექტზე კარლოსთან ერთად მისი და ანა ხუციშვილი და დეიდაშვილი თორნიკე მაზმიშვილი მუშაობენ. მის გაუმჯობესებას ჯერ კიდევ ახდენენ. “Life saver-ი უპილოტო გამნაღმველი სისტემაა. Ipad-ში კოორდინატებს ვუთითებთ, სადაც შეიძლება ნაღმი იყოს და შემდეგ ვუშვებთ დრონს. სადაც ნაღმი შეხვდება ,რუკაზე იმ კონკრეტულ ადგილებს მონიშნავს. მოწყობილობას თუ ფრენისას დაბრკოლება შეხვდა, ავტომატურად ეკეცება ფრთები და გადაადგილებას ბორბლების მეშვეობით აგრძელებს, ასევე, შეუძლია გადაადგილდეს როგორც ტანკი, გარდა ამისა, აქვს შესაძლებლობა იმოძრაოს წყალშიც და აღმოაჩინოს ნაღმი” – ამბობს კარლო ხუციშვილი შეგახსენებთ, რომ იგი სხვა გამოგონების თანაავტორიცაა. კარლო ხუციშვილისა და ირაკლი კაპანაძის მულტიკლიმატიზატორმა მსოფლიოს მოწონება დაიმსახურა. რომლის საფუძველზეც ისინი აშშ-ს კოსმოსურ ცენტრში, ნასაში იყვნენ მიწვეულნი.

ახალციხის მუნიციპალიტეტში „წიგნის კვირეული“-ს დასკვნითი ღონისძიება მოეწყო. ადგილობრვი თვითმმართველობის ინფორმაციით, ახალგაზრდებმა მოწვეული სტუმრებისა და თავიანთი თანატოლებისთვის რჩეული ნაწარმოებების პრეზენტაცია გამართეს.  მარიო პიუზოს „ნათლია“, დავით ტურაშვილის „ჯინსების თაობა“, ჯონი გრინის „ალასკის ძიება“ და „ქაღალდის ქალაქი“-ეს ის ოთხი ერთმანეთისაგან ჟანრობრივად განსხვავებული ნაწარმოებია, რომელიც აუდიტორიას ტყემლანის საჯარო სკოლის მოსწავლემ, თამთა კაპანაძემ წარუდგინა. იგი მსმენელებს იმ განცდებსა და ემოციებზე ესაუბრა, რომელიც წიგნის წაკითხვისას დაეუფლა. ჭვინთის საჯარო სკოლის მოსწავლეებმა, დებმა ქეთი და ნინო ჩინჩალაძემ კი პრეზენტაცია ქართველ გამოჩენილ მწერალსა და საზოგადო მოღვაწეზე, აკაკი წერეთელზე გააკეთეს. ახალგაზრდებმა ქართველი მგოსნის ცხოვრებაზე, მოღვაწეობასა და შემოქმედებაზე ისაუბრეს. ჯგუფური პრეზენტაცია გააკეთეს ვალის მეორე საჯარო სკოლის მოსწავლეებმა . მათ არჩევანი რემარკზე შეაჩერეს და მოწვეულ სტუმრებსა და ახალგაზრდებს მწერლის ორი ნაწარმოები-„ ტრიუმფალური თაღი“ და „სამი მეგობარი“ გააცნეს. მწერლის ბიოგრაფიულ ნაწილთან ერთად მათ ნაწარმოებებიდან ცნობილი ფრაზები მოიყვანეს. პრეზენტატორებს შორის იყო ტყემლანის საჯარო სკოლის მოსწავლე ირაკლი პიტიაშვილი. მან რამდენიმე ნაწარმოებზე ისაუბრა, მათ შორისო იყო ახალგაზრდებისათვის საყვარელი ჯოან როულინგის “ჰარი პოტერი”. ღონისძიებას ორგანიზება ახალციხის მუნიციპალიტეტის გამგეობის კულტურის, განათლების სპორტის, ძეგლთა დაცვის, ახალგაზრდულ საქმეთა და ტურიზმის განვითარების სამსახურმა გაუწია. შეხვედრის დასკვნით ნაწილში მონაწილეები ფასიანი საჩუქრებით დაჯილდოვდნენ. ადგილობრივი ხელისუფლების წარმომადგენლებმა შეხვედრის მონაწილეები ფასიანი საჩუქრებით დააჯილდოვეს. 23 აპრილს მსოფლიო წიგნის საერთაშორისო დღეს ზეიმობს. „წიგნის კვირეული“ ახალციხეში სწორედ აღნიშნულის ფარგლებში მოეწყო.

მე–12 კლასელების მიერ სკოლაში გაცდენილი საათები 20 აპრილიდან აღარ იანგარიშება. თუმცა, განათლებისა და მეცნიერების სამინისტროს ინფორმაციით, ,,არები“ 20 აპრილის შემდეგაც დაიწერება. უწყების განმარტებით ,,არები“ მთელი სასწავლო პროცესის განმავლობაში იწერება. თუმცა იმისთვის, რომ გაცდენების მიხედვით განისაზღვროს ეკუთვნის თუ არა მოსწავლეს ექსტერნის ფორმით სკოლის დასრულება, გაცდენები დაითვლება 20 აპრილის ჩათვლით. თუმცა რეგისტრაციის პროცესი სასკოლო ჟურნალში 20 აპრილის შემდეგაც გაგრძელდება. შეგახსენებთ, რომ აღნიშნული საკითხი მინისტრის ბრძანებით რეგულირდება. ეროვნული სასწავლო გეგმის 22-ე მუხლის მე-2 პუნქტით დადგენილი წესით, რაც შემდეგს გულისხმობს: ,,თუ საბაზო-საშუალო საფეხურებზე მოსწავლემ სასწავლო წლის განმავლობაში გააცდინა კონკრეტული საგნისთვის წლის მანძილზე დათმობილი საათების 30% და მეტი, მოსწავლე ფასდება მხოლოდ ექსტერნატის გამოცდის ჩაბარების საფუძველზე”,-აღნიშნულია ეროვნულ სასწავლო გეგმაში. რაც შეეხება სწავლის დასრულების თარიღს, ეროვნული სასწავლო გეგმის თანახმად, განსაზღვრულია, რომ პირველი და მეთორმეტე კლასის მოსწავლეები წელს სწავლას 20 მაისს დაასრულებენ. ხოლო დანარჩენი კლასების მოსწავლეები – 17 ივნისს. წყარო: http://edu.aris.ge/news/saministro-me12-klaselebis-mier-skolashi-gacdenili-saatebi-20-aprilidan-agar-iangarisheba.html

ცენტრალურ ბიბლიოთეკაში არასამთაავრობო ორგანიზაციამ ,,ნაბიჯი წარმატებისკენ“ და ,,მომავალ ლიდერთა გაცვლითი პროგრამის“ მოხალისეებმა ტრენინგების ციკლი დაიწყეს. პროექტი ახალციხის შემდეგ მთელი ქვეყნის მასშტაბით გაგრძელდება. ღონისძიების ორგანიზატორის მარიამ ღვამიჩავას თქმით, დღევანდელი ტრენინგი დასუფთავებას მიეძღვნა. სამომავლოდ მონაწილეები ინფორმაციას ლიდერობის, აქტიური მოქალაქეობის, მოხალისეობის, პირველადი დახმარებისა და აქტუალური თემების შესახებაც მიიღებენ.

რეპატრირებულ მესხებს განათლების მიღების დროს პრობლემები ექმნებათ. მათ უმეტესობას მოქალაქეობა არ გააჩნია, რის გამოც ბავშვების სკოლებში დარეგისტრირება ვერ ხერხდება. სირთულეები ატესტატის მიღების პროცესსაც ახლავს. მამუკა ხუციშვილი ერთ–ერთი პირველია, რომელიც ისტორიულ სამშობლოში დაბრუნდა. ამბობს, რომ განათლების სამინისტრო რეპატრირებული მესხებისთვის სპეციალურ საგანმანათლებლო პროექტებს არ ახორციელებს, რაც საზოგადოებაში მათ ინტეგრაციას კიდევ უფრო ართულებს.

თურქეთში, ქალაქ არტაანში (არდაჰანი) ქართულ-თურქული სამზარეულოს შესახებ წიგნის პრეზენტაცია გაიმართა. წიგნი ქალაქ არტაანის მერიის მიერ განხორციელებული პროექტის „სამცხე-ჯავახეთისა და არტაანის მხარის მეგობრული ურთიერთობები“ ფარგლებში დაიწერა. მის შექმნაში ორი უნივერსიტეტის პროფესურა მონაწილეობდა: სამცხე-ჯავახეთის სახელმწიფო უნივერსიტეტის რექტორი მერაბ ბერიძე, სამცხე-ჯავახეთისა და არტაანის უნივერსიტეტების პროფესორი როინ ყავრელიშვილი და არტაანის უნივერსიტეტის ასისტენტ-პროფესორი, დოქტორი ზეჰრა თუღბა აბაჯი. უნივერსიტეტის ადმინისტრაციის ინფორაციით, წიგნი ქართულ, თურქულ და ინგლისურ ენებზე მომზადდა. ავტორთა გარდა სამცხე-ჯავახეთის სახელმწიფო უნივერსიტეტიდან პრეზენტაციას სასწავლებლის აკადემიური საბჭოს წევრები, რექტორის მოადგილეები დაესწრნენ. წიგნის პრეზენტაციის გარდა შეხვედრები გაიმართა გუბერნიასა და მერიაში. წიგნის პრეზენტაცია ახლო მომავალში სამცხე-ჯავახეთის უნივერსიტეშიც გაიმართება.