ადიგენის მუნიციპალიტეტის სოფელ ზარზმაში საბავშვო ბაღი გაიხსნა. თანამედროვე სტანდარტებით აღჭურვილი შენობა 40 აღსაზრდელზეა გათვლილი. სკოლამდელი აღზრდის დაწესებულებაში სავარაუდოდ სამი სოფლის მაცხოვრებლები ივლიან. საბავშვო ბაღის მშენებლობა ზარზმაში 3 თვის წინ დაიწყო. შენობა არასამთავრობო ორგანიზაცია ,,world vision- საქარათველოსა“ და ადიგენის  თვითმმართველობის თანადაფინანსებით აშენდა.

არასამთავრებო ორგანიზაცია „მოქალაქე“, გამოცდების ეროვნული ცენტრის წარმომადგენლებთან ერთად  ახალ პროექტს  სახელწოდებით  „სტუდენტები თვითმმართველობისათვის“ იწყებს. მის მიზანს ახალგაზრდების გააქტიურება და სამოქალაქო ცხოვრებაში მათი ჩართვა წარმოადგენს.

სამოქალაქო განათლებაში ოლიმპიადა ჩატარდება–ამის შესახებ  შეფასებისა და გამოცდების ეროვნული ცენტრის დირექტორის მოადგილემ პედაგოგებს განუცხადა. შეხვედრა სამცხე–ჯავახეთის სახელმწიფო უნივერსიტეტში შედგა,  რომელსაც ახალციხის მუნიციპალიტეტის სკოლების წარმომადგენლები დაესწრნენ.

როგორ უნდა მოხდეს სკოლებში ინკლუზიური სწავლების დანერგვა და  რა უნარჩვევები უნდა გამოიმუშავონ პედაგოგებმა–ამ და სხვა მნიშვნელოვან საკითხებზე  ახალციხის დემოკრატიული ჩართულობის ცენტრში იმსჯელეს.

არასრულწლოვნებში  დანაშაულის პრევენციის მიზნით, ახალციხის რაიონულმა პროკურატურამ მოსწავლეებთან შეხვედრა გამართა.  პროკურორის მოადგილემ დავით ჯინჭველაძემ პირველ  საჯარო სკოლაში, უფროსკლასელებთან  ლექცია-სემინარი ჩაატარა.

მსოფლიო მასწავლებლის საერთაშორისო დღეს 1994  წლიდან, ყოველ 5 ოქტომბერს აღნიშნავს,  იქიდან გამომდინარე, რომ წელს ეს თარიღი  არასამუშაო დღეს დაემთხვა, პედაგოგებისათვის პროფესიული დღის მილოცვა მერიამ წინასწარ 3 ოქტომბერს გადაწყვიტა.

ერთ დღიანი პროტესტის შემდეგ  ახალციხის მუნიციპალიტეტის სოფელ აგარის საბავშვო ბაღში საკადრო ცვლილებები აღარ განხორციელდა.  ბაღს არცერთი პედაგოგი დატოვებს –  ეს გადაწყვეტილება აღმზრდელებს თავად ბაღების გაერთიანების ხელმძღვანელმა გააცნო. ლელა ოქრომელიძე „მეცხრე არხთან“ განმარტავს, რომ ახალი კადრები იმ შემთხვევაში დაემატება, თუ ბაღში მესამე ჯგუფი გაიხსნება.

ახალციხის მუნიციპალიტეტის სოფელ აგარაში საბავშვო ბაღის აღსასზრდელებმა საკადრო ცვლილებები გააპროტესტეს.  ბაღის ყოფილმა და მოქმედმა პედაგოგებმა  5 თანამშრომლის გათავისუფლების გამო უკმაყოფილება ამსახით გამოხატეს.  მათი თქმით, პედაგოგები სკოლამდელი აღზრდის დაწესებულებათა გაერთიანების ახალმა ხელმძღვანელმა, ლელა ოქრომლიძემ ახსნა-განმარტების გარეშე სამსახურიდან გაათავისუფლა,  მათ ნაცვლად კი ,,ქართული ოცნების” აქტივისტები დანიშნა. თანამშრომელთა მტკიცებით, წინასაარჩენო პერიოდში, პედაგოგების მიმართ გათავისუფლების მუქარა ხშირად ისმოდა.

    აგარის საბავშვო ბაღის ეზოში ამ წუთებში ხმაურია. ბაღის ყოფილი და მოქმედი პედაგოგები  5 თანამშრომლის გათავისუფლებასა და ახალი აღმზრდელების დანიშვნას აპროტესტებენ. ხმაური აქციაზე მას შემდეგ დაიწყო, რაც სააღმზრდელო დაწესებულებაში ახალი თანამშრომელი ეთერი გულიაშვილი მივიდა. აქციის მონაწილეები მისგან ითხოვდნენ პასუხს, თუ რატომ დაინიშნა იგი აღნიშნულ თანამდებობაზე. „ლელა ოქრომელიძემ დამირეკა ბაღში მიდი და მეც მალე მოვალო. რატომ უნდა მოვსულიყავი არ ვიცოდი. მერე გავარკვიე, რომ მეორე სმენის აღმზრდელად დავინიშნე. სხვა არაფერი ვიცი“ – აცხადებს ეთერი გულიაშვილი. აქცია აგარის საბავშვო ბაღის ეზოში დილიდან მიმდინარეონს. ბაღის თანამშრომლები 5 პედაგოგის გათავისუფლებას აპროტესტებენ და აცხადებენ, რომ მათ ადგილზე „ქართული ოცნების“ აქტივისტები დაინიშნენ. მათი გათავისუფლება და დანიშვნა კი სკოლამდელი აღზრდის დაწესებულებათა გაერთიანების ახალმა ხელმძღვანელმა უზრუნველყო. თანამშრომელთა თქმით, პედაგოგებისთვის  გათავისუფლების მიზეზი ლელა ოქრომელიძეს ამ დრომდე არ აუხსნია. აქციის მონაწილეები პროტესტის შეწყვეტას არ აპირებენ და აცხადებენ, რომ მომდევნო დღეებში სასწავლო პროცესს ჩაშლიან.

 

სამცხე–ჯავახეთის სახელმწიფო უნივერსიტეტში ახალი სასწავლო წელი დაიწყო. ამასთან დაკავშირებით, საზეიმო ცერემონია 11 საათზე გაიმართა. უმაღლესი დაწესებულების რექტორმა სტუდენტებსა და პროფესორ–მასწავლებელებს სიტყვით მიმართა და სწავლის დაწყება მიულოცა. მერაბ ბერიძემ იმ სიახლეების შსახებაც ისაუბრა, რომელბიც უნივერსიტეტში ახალი სასწავლო წლიდან განხორციელდება.

საქართველოს საჯარო და კერძო სკოლებში სწავლა დაიწყო. განათლებისა და მეცნიერების სამინისტროს  მონაცემებით, ქვეყნის მასშტაბით 50 000–მდე პირველკლასელია რეგისტრირებული. 15 სექტემბერს სწავლა განახლდა ახალციხის მეხუთე საკარო სკოლაშიც.  საბა ნათენაძე სწორედ ამ სკოლის პირველი კლასის მოსწავლეა. ამბობს, რომ  სწავლის დაწყება უხარია და ეცდება, მაღალ ნიშნებზე ისწავლოს.

სამცხე–ჯავახეთში სასკოლო სპორტის რეგიონული ფედერაცია ყალიბდება, რომლის მიზანიც მოზარდ თაობაში ჯანსაღი ცხოვრების წესის დანერგვა და განვითარებაა. ფედერაციაში 6 –ვე მუნიციპალიტეტის პედაგოგები გაწევრიანდდებიან. მის ფარგლებში სასწავლო დაწესებულებებში სპორტული და ინტელექტუალური შეჯიბრებები გაიმართება. ფედერაციის ჩამოყალიბების ინიციატორი რეგიონის ფეხბურთის ფედერაციის პრეზიდენტი გელა მაისურაძეა.

     განათლებისა და მეცნიერების სამინისტრო იწყებს მომდევნო ეტაპს – სკოლის დირექტორთა შესარჩევ კონკურსს. კონკურსში მონაწილეობის მიღების მიზნით, დირექტორის სერტიფიკატის მქონე პირებმა, უნდა შეავსონ განაცხადის ფორმა, რომელიც განათლებისა და მეცნიერების სამინისტროს ოფიციალურ ვებგვერდზე www.directors.mes.gov.ge 18-დან 20 აგვისტომდე იქნება განთავსებული. კონკურსანტებს საშუალება ექნებათ მონიშნონ ის 3 სკოლა, სადაც კონკურსში მონაწილეობის სურვილი აქვთ. ამასთან, ერთხელ მონიშნული სკოლის შეცვლა შეზღუდული არ არის. 20 აგვისტოს მონიშნული სკოლები (ერთი, ორი ან სამი კონკურსანტის სურვილის მიხედვით) იქნება საბოლოოდ დამტკიცებული ასარჩევი ნუსხა. სამინისტროს ინფორმაციით,  დირექტორობის კანდიდატებმა ასევე უნდა ატვირთონ ელექტრონული რეგისტრაციისთვის სავალდებულო დოკუმენტები: 1. პირადობის დამადასტურებელი დოკუმენტი; 2. ფოტოსურათი და 3. სამოტივაციო წერილი. განათლებისა და მეცნიერების სამინისტრო  გასაუბრების განრიგს ქალაქებისა და რეგიონების მიხედვით21 აგვისტოდან ეტაპობრივად გამოაქვეყნებს.

საქართველოს პრეზიდენტი ბაკურიანში საზაფხულო სემინარს დაესწრო, რომელშიც მონაწილეობა ქვეყნის ოთხი უნივერსიტეტის 50–მდე სტუდენტმა მიიღო. სემინარის თემა რელიგიის ფილოსოფიული საფუძვლები იყო.

ახალციხის სკოლამდელი აღზრდის დაწესებულებას ახალი ხელმძღვანელი ჰყავს. დღეს,  ოფიციალურად თანამდებობაზე  ნანა ბერიძე დაინიშნა. დაწესებულების ხელმძღვანელის  განმარტებით,  ბაგა–ბაღებთან დაკავშირებით სხვადასხვა სახის რეფორმების გატარდება იგეგმება. ნანა ბერიძის თქმით,  მოსახლეობის გამოკითხვა მოხდება, თუ რა კუთხით სურთ მათ   დაწესებულებებში მდგომარეობის გაუმჯობესება. სწორედ ამ  გზით მოხდება სკოლამდელი აღზრდის დაწესებულებებში სხვადასხვაა პრობლემების აღმოფხვრა. “მოტივირებული  ვარ, რომ ამ სფეროში ჩემი მუშაობა ნაყოფიერი იყოს”–აღნიშნა ახალციხის სკოლამდელი აღზრდის დაწესებულების ხელმძღვანელმა მეცხრე–არხთან საუბრისას. ნანა ბერიძეს 1970   წელის  12 აპრილს ქალაქ  ახალციხეშ დაიბადა. განათლება საქართველოს ტექნიკურ უნივერსიტეტში მიიღო. წლების განმავლობაში  ახალციხის  საზოგადოებრივ კოლეჯში,  “მესხეთში” მუშაობდა და  ქიმიის მიმართულებით ლექციებს კითხულობდა. ჰყავს მეუღლე და ორი შვილი შეგახსენებთ, რომ ახალციხის სკოლამდელი აღზრდის დაწესებულების ხელმძღვანელმა ნანა გელაშვილმა , 31 ივლისს საკუთარი განცახდების საფუძველზე თანამდებობა დატოვა. იგი ააიპი სკოლამდელი აღზრდის დაწესებულებათა გაერთიანების დირექტორად 2013 წლის 4 თებერვლიდან მუშაობდა.

საქართველოს სტატისტიკის ეროვნული სამსახური სამცხე–ჯავახეთის სახელმწიფო უნივერსიტეტის სტუდენტებს შეხვდა.  შეხვედრა 2014 წლის მოსახლეობის აღწერის პროექტის ფარგლებში ჩატარდა.

„სად წავიდა თანხები, რომელიც განათლებისა და ინფრასტრუქტურული პროექტებითვის 2013 წლის ბიუჯეტში იყო გათვალისწინებული? თქვენ დააკელით 11 მილიონ ლარზე მეტი, რის შედეგადაც ასპინძის მუნიციპალიტეტში  დამწვარი სკოლა არ აღდგა და ამის გამო ორ სოფელში მოსახლეობისაგან დაცლის საშიშროება არსებობს.”  

2014 წლის ერთიანი ეროვნული გამოცდები დასრულდა. დღეს აბიტურიენტებმა ბოლო ტესტირება ფიზიკასა და სახვით და გამოყენებით ხელოვნებაში გაიარეს. ახალციხის საგამოცდო ცენტრში დარეგისტრირებული 16 აბიტურიენტიდან, ტესტირებაზე 15 მათგანი  გამოცხადდა. ქალაქის საგამოცდო ცენტრის ხელმძღვანელის თქმით, გამოცდამ მშვიდ გარემოში ჩაიარა.

სამცხე-ჯავახეთის უმაღლეს საგანმანათლებლო დაწესებულებას ონომასტიკოსები ესტუმრნენ. სხვადასხვა უნივერსიტეტის პროფესორებმა  კოლეგებს საკუთარი კვლევების შესახებ მოხსენებები გააცნეს. კონფერენცია პროფესორების: ვალერი სილოგავასა და სერგო მელიქიძის ხსოვნას მიეძღვნა.