სოფელ სვირში სასმელიწყლის მიუწვდომლობა და წყალის ხარისხის დაბალი მაჩვენებელი, საზოგადოებრივი ტრანსპორტის უმოძრაობა, თემში ინტერნეტის უქონლობა, ნაგავსაყრელებისა და ბიბლიოთეკის არ არსებობა- ეს იმ პრობლემების არასრული ჩამონათვალია, რომლეთა შესახებაც ახალციხის მუნიციპალიტეტის სოფელ სვირის საჯარო სკოლაში, სამოქალაქო კლუბ „ფესვების“ წარმომადგენლებმა პრეზენტაცია გამართეს. აღნიშნული პრობლემები, ,,ფესვების“ ლიდერებმა სამოქალაქო განათლების პროგრამა „მომავლის თაობის“ ფარგლებში „თემის საჭიროების კვლევის“ შედეგად გამოავლინეს. გარდა კვლევის შედეგებისა, ლალი და თიკო უჩიძეებმა აუდიტორიას მცირე გრანტებით მიღებული პროექტის საქმიანობა და სამომავლო გეგმებიც გააცნეს. შეხვედრას სვირის საჯარო სკოლაში, ამავე სოფლის თემის მაჟორიტარი დეპუტატი, თეიმურაზ უჩიძე და ახალციხის ადგილობრივი თითმმართველობის წარმომადგენლები დაესწრნენ. მათი თქმით, თითოეულ პრობლემაზე გადაწყვეტილების მიმღებ პირებთან ისაუბრებენ და საკითხების მოსაგვარებლად  კონკრეტულ ღონიძიებებს გაატარებენ.

11-დან 16 თებერვლამდე ასპინძის 2 საბავშვო ბაღში, სასწავლო პროცესი შეწყდა. ოფიციალური ვერსიით, სწავლის პროცესი სარემონტო სამუშაოების გამო შეჩერდა, მოსახლეობა კი ეჭვობს, რომ მიზეზი ჩაშლილი ტენდერი და დაბაში გავრცელებული ვირუსია. სასწავლო პროცესის შეჩერებას რამდენმე მიზეზით ხსნიან თავად სკოლამდელი აღზრდის დაწესებულებებში. მაიკო სანდოძე, რომელიც 2014წლის 2 თებერვლამდე გაერთიანებული ბაღების დირექტორი იყო, ამბობს, რომ  საკვები პროდუქტების შესაძენად ტენდერის გამოცხადება დაგვიანდა.

ერთიანი ეროვნული გამოცდებისა და სტუდენტთა საგრანტო კონკურსისათვის რეგისტრაცია იწყება. აბიტურიენტთა რეგისტრაცია 10 თებერვალს 10:00 საათიდან დაიწყება და 17 მარტს 18:00 საათამდე გაგრძელდება. მსურველებმა რეგისტრაცია ინტერნეტით, შეფასებისა და გამოცდების ეროვნული ცენტრის ვებგვერდზე უნდა გაიარონ (www.naec.ge; online.naec.ge); რეგისტრაციის პირველ ეტაპზე (10თებერვლიდან 17 მარტის ჩათვლით) აბიტურიენტმა აუცილებლად უნდა აირჩიოს ჩასაბარებელი გამოცდების ჩამონათვალი, მიუთითოს ქალაქი და ენა, რომელზეც სურს გამოცდის ჩაბარება – ეს ინფორმაცია ვადის ამოწურვის შემდეგ აღარ შეიცვლება; 2015 წელსაც აბიტურიენტებს საშუალება ექნებათ რამდენიმე თვის განმავლობაში ცვალონ არჩეული საგანმანათლებლო პროგრამები (ფაკულტეტები), მათი რაოდენობა და თანმიმდევრობა. პროცესი სააპელაციო განაცხადების მიღების დასრულებასთან ერთად შეწყდება. სახელმწიფო წელსაც დააფინანსებს ბაკალავრიატის გარკვეულ მიმართულებებს (შესაბამის პროგრამებზე ჩარიცხულები ისწავლიან უფასოდ). სასწავლებლების და მიმართულებების (პროგრამების) ნუსხა გამოქვეყნდება დამტკიცებისთანავე განათლებისა და მეცნიერების სამინისტროსა(www.mes.gov.ge) და შეფასებისა და გამოცდების ეროვნული ცენტრის (www.naec.ge) ვებგვერდებზე.

ადიგენში საბავშვო ბაღი საზეიმო ვითარებაში ოფიციალურად გაიხსნა. გახსნის ცერემონიას რეგიონისა და მუნიციპალიტეტის პირველი პირები დაესწრნენ. ბაღის რეაბილიტაციისთვის ადგილობრივი ბიუჯეტიდან 201.000 ლარი დაიხარჯა. ბაღის რეაბილიტაცია მას შემდეგ გახდა აუცილებელი, რაც შენობის ნაწილი სიძველის გამო ჩამოინგრა. 2013 წლის დეკემბრის თვიდან საბავშვო ბაღი დროებით ადგილობრივი ხელისუფლების მიერ ნაქირავებ ფართში გადავიდა.

დღეს საქართველოს პრზიდენტი სახელმწიფო უნივერსიტეტების რექტორებს შეხვდა. გიორგი მარგველაშვილმა უმაღლესი დაწესებულების ხელმძღვანელებთან იმ პრობლემებსა და გამოწვევებზე ისაუბრა, რომლის წინაშეც ისინი დგანან. შეხვედრაზე საუბარი იყო განათლების სფეროს რეფორმაზეც. შეხვედრას სამცხე–ჯავახეთის სახელმწიფო უნივერსიტეტის რექტორი მერაბ ბერიძეც ესწრებოდა. გიორგი მარგველაშვილმა, რექტორებთან იმ მემორანდუმსა და მის ფარგლებში განხორციელებულ ღონისძიებებზე ისაუბრა, რომელიც პრეზიდენტის ადმინისტრაციამ ქვეყნის სამ, მიხეილ ჯავახიშვილის, ილიასა და სამცხე–ჯავახეთის უნივერსიტეტებთან გააფორმა. პრეზიდენტმა შეხვედრაზე იმედი გამოთქვა, რომ მსგავსი მემორანდუმი საქართველოს სხვა უნივერსიტეტებთანაც გაფორმდება.

ახალციხელმა ახალგაზრდა გამომგონებელმა ვერტმფრენის უსაფრთხოების სისტემის მოდელი შექმნა. საქართველოს ინოვაციებისა და ტექნოლოგიური სააგენტოს მიერ გამოცხადებულ  კონკურსზე შაკო გიორგაძემ  მეორე ადგილი დაიკავა.

    სამცხე–ჯავახეთის სახელმწიფო უნივერსიტეტში გრიგოლ ხანძთელის სახელობის სტიპენდია ინიშნება. 2015 წლიდან ფულად თანხას 200 ლარის ოდენობით, ერთი, ყველაზე საუკეთესო სტუდენტი ყოველთვიურად მიიღებს. როგორც უმაღლეს საგანმანათლებლო დაწესებულებაში განმარტავენ, სტიპენდიის მოსაპოვებლად სტუდენტი არა ერთი კრიტერიუმით შეფასდება: მაღალი აკადემიური მოსწრება, სამეცნიერო კონფერენციებში მონაწილეობა, სასწავლო კურსის უმაღლესი შეფასება, აქტიურობა საუნივერსიტეტო ცხოვრებაში – ჩამოთვლილი მაჩვენებლები ერთი ახალგაზრდის არჩევისას გადამწყვეტი იქნება. უნივერსიტეტეის რექტორის თქმით, სტუდენტი, რომელსაც სტიპენდია დაენიშნება, ობიექტურად შეირჩევა, რაზეც სპეციალურად შექმნილი კომისია იმსჯელებს. აღნიშნულისათვის თანხა პრეზიდენტის ფონდიდან გამოიყოფა.

„თქვენ ანგრევთ მსოფლიო საგანძურს“, „შეაჩერე საყდრისის  ნგრევა“ – ამ მოწოდებებით დღეს სტუდენტებმა, მსოფლიოში უძველესი ოქროს საბადოს -საყდრისის კულტურული მემკვიდრეობის გადარჩენის მხარდასაჭერი აქცია გამართეს. ათობით სტუდენტი და პროფესორ–მასწავლებელი სამცხე–ჯავახეთის სახელმწიფო უნივერსიტეტის ეზოში შეიკრიბა და ქალაქში მსველელობა მოაწყო. სტუდენტებმა ხელისუფლებასა და არასამთავრობო ორგანიზაციებს, თხოვნით მიმართეს, უძველესი არქელოგიური ძეგლის გადასარჩენად ყველა ღონე იხმარონ. შეგახსენებთ, რომ საყდრისი-ყაჩაღიანის საბადოს N1 სალიცენზიო უბანზე კომპანია „არ ემ ჯი გოლდ“-მა სამუშაოები რამდენიმე დღის წინ განაახლა, რასაც საპროტესტო აქციები მოჰყვა.

ახალციხელმა, ახალგაზრდა გამომგონებლებმა ინოვაციური მოწყობილობა შექმნეს. მეექსვე სკოლისა და კერძო სკოლის  მოსწავლემ საკუთარი ნამუშევრის  პრეზენტაცია „მზექაში“ მოაწყეს. მათ თანატოლებს გამოგონება წარმოუდგინეს და ნივთის დანიშნულებაზე ესაუბრნენ. რა წარმატებას მიაღწიეს ახალციხელმა პატარა გამომგონებლებმა  და რა სამომავლო გეგმები აქვთ მათ  ჩვენის სიუჟეტიდან შეიტყობთ. აქსერო ხელთათმანი, რომლის მეშვეობით შეზღუდული შესაძლებლობის მქონე პირები ძალდაუტანებლად, ყველას დახმარების გარეშე გადაადგილებას შეძლებენ და მულტიკლიმატიზატორი–ეს ინოვაციური გამოგონება ახალციხელმა მოსწავლეებმა შექმნეს.

ახალციხის მუნიციპალიტეტის 8 საბავშო ბაღი სათამაშოებითა  და ჭურჭელით მომარაგდა. ამასთან დაკავშირებით, ადგილობრივი თვითმმართველობიდან, დაახლოებით, 9 500 ლარი გამოიყო. თემის სკოლამდელი აღზრდის გაერთიანების დირექტორის თქმით, დაწესებულებების  18 ჯგუფს, მიღება–ჩაბარების აქტის საფუძველზე, 34 დასახელების, ერთნაირი სახეობისა და რაოდენობის სათამაშო გადაეცემა. ლელა ოქრომელიძე განმარტავს, რომ სათამაშოების გარდა, ბაღებში  ნიკელის ჭურჭელსა და სადეზინფექციო საშუალებებსაც  შეიტანენ. მათი შეძენა, დაწესებულებამ მას შემდეგ გადაწყვიტა, რაც  სურსათის უვნებლობის სამსახურმა,  კვების ბლოკებთან დაკავშირებით, ახალციხის საბავშვო ბაღებს მითითება მისცა.

ახალციხის მეექვსე საჯარო სკოლის დირექტორი მოვალეობის შესრულებას უკვე შეუდგა. გია კაპანაძემ აღნიშნულის თაობაზე განათლებისა და მეცნიერების სამინისტროდან ბრძანება 10 დეკემბერს მიიღო. უწყებიდან ოფიციალურ დასტურს ელოდება ახალციხის მე–5 საჯარო სკოლის დირექტორი ინგა ვარდიძე, რომელიც კანონმდებლობის თანახმად, დაკისრებულ მოვალეობას 5 დეკემბერიდან ასრულებს.

მაცივარი, ჰაერის გამწოვი და გაზქურა – დღეს საყოფაცხოვრებო ტექნიკა ახალციხის მუნიციპალიტეტის ხუთ სკოლამდელი აღზრდის დაწესებულებას გადაეცა. სოფელ სხვილისის, მუსხის , აგარის, აწყურისა და ქალაქ ვალეს საბავშვო ბაგა ბაღებს, ტექნიკა თემის სკოლამდელი აღზრდის დაწესებულებათა გაერთიანების დირექტორმა გადასცა. ინვენტარის შესასყიდად გამგეობამ ტენდერი გამოაცხადა. აღნიშნულისთვის მუნიციპალიტეტის ბიუჯეტიდან ხუთიათას ოთხას სამოცი ლარი დაიხარჯა. ახალციხის თემის სკოლამდელი აღზრდის დაწესებულებათა გაერთიანების დირექტორის თქმით, საახალწლოდ ბაგა–ბაღებს საყოფაცხოვრებო ნივთებიც გადაეცემათ.

პედაგოგთა სახელფასო პოლიტიკა და მასწავლებელთა პროფესიული განათლების ახალი მოდელი– ამ საკითხებზე დღეს განათლებისა და მეცნიერების მინისტრი ახალციხის მუნიციპალიტეტის საჯარო სკოლების პედაგოგებს შეხვდა. თამარ სანიკიძე უწყების წარმომადგენლებთან ერთად,   მასწავლებლებს, ზოგადი განათლების სტრატეგის ძირითად პრინციპებსა და ეროვნულ სასწავლო გეგმაში შესულ ცვლილებებზე ესაუბრა. შეფასების ახალი სქემის შესახებ მათ პრეზენტაციაც გააკეთეს და ცვლილებების დადებით მხარეებზე ისაუბრეს. მინისტრის თქმით, ახალი სქემის ფუნქციონირების დაწყებას, წინ რამდენიმე ნორმატიული დოკუმენტის დამტკიცება უძღვის, ამიტომ პროცესი დაახლოებით 20 თებერვლისთვის  ამოქმედდება.

სამცხე–ჯავახეთის სახელმწიფო უნივერსიტეტმა განათლებისა და მეცნიერების მინისტრს უმასპინძლა. თამარ სანიკიძემ უწყების წარმომადგნლებთან ერთად სტუდეტებსა და უმღლესი დაწესებლების ადმინისტრაციის წარმომადგენლებს ახალი პროგრამის შესახებ ესაუბრა, რომელიც 2015–2016 წლიდან საინჟინრო და ტექნოლოგიური მიმართლებების  კუთხით, სან დიეგოს უნივერსიტეტის ბაზაზე დაიწყება.

არასამთავრობო ორგანიზაციის ,,ერთსულოვნება სამართლიანობისაკენ“ თავმჯდომარე  სოფელ ტყემლანის სკოლის პედაგოგს საკუთარი შვილის შეურაცხყოფასა და დისციპლინარულ გადაცდომაში  ადანაშალებს. სკოლაშიკი ირწმუნებიან, რომ ქეთევან ხმალაძე პირადი ანგარიშწორების გამო, საკუთარი შვილის  მდგომარეობით მანიპულირებს. ,,ახალციხის მუნიციპალიტეტის სოფელ ტყემლანის საჯარო სკოლას მიეცა მითითება მოახდინოს რეაგირება დასკვნაში დაფიქსირებულ დარღვევებზე და გაითვალისწინოს სკოლის შემდეგი საქმიანობისათვის“  –  ეს წერილი ტყემლანის საჯარო სკოლამ და არასამთავრობო ორგანიზაცია  ,,ერთსულოვნება სამართლიანობისაკენ“ განათლებისა და მეცნიერების სამინისტროდან ერთდროულად მიიღეს. მითითებას, რომლის შესახებაც დოკუმენტშია საუბარი, ორივე მხარე სხვადასხვა მიზეზით ხსნის. არასამთავრობო ორგანზაციის ხელმძღვანელი, ქეთევან ხმალაძე განმარტავს, რომ საქმე ივლისში მომხდარ ფაქტს ეხება, რომელის მიხედვით, ერთ–ერთმა მასწავლებელმა მისი შვილი დაადანაშულა, თითქოს მცირეწლოვანი გოგონა პედაგოგს უწმაწურ მოკლე ტექსტურ შეტყობინებებს

ახალციხეში „ინგლისული ენის ხელმისაწვდომობის სასტიპენდიო პროგრამის“ მეორე გამოშვების საზეიმო დახურვა მოეწყო. „დემოკრატ–მესხთა კავშირის“ საკონფერენციო დარბაზში გამართულ შეხვედრაზე პროექტში ჩართული მონაწილეები საზოგადოებას მიესალმნენ და მათ ორი წლის განმავლობაში განხორციელებული აქტივობების ამსახველი ფოტო–კოლაჟი უჩვენეს. დღესვე კურსადამთავრებულებს პროგრამაში მონაწილეობისთვის სერტიფიკატები და ინგლისური ენის წიგნები გადაეცათ.

სამცხე–ჯავახეთის რეგიონში  93 წარჩინებულ მოსწავლეს პერსონალური კომპიუტერი გადაეცა. დაჯილოება დღეს ახალციხის #5–ე საჯარო სკოლაში გაიმართა. განათლებისა და მეცნიერების სამინისტროსგან საჩუქარი  დამამთავრებელი კლასის იმ  მოსწავლეებმა მიიღეს, რომელთა საბაზო საფეხურის ნიშანი, დამრგვალების გარეშე,10 ქულაა. აღნიშნულ აქტივობას უწყება პროექტ ,,ჩემი პირველი კომპიუტერის“ ფარგლებში

„აუტისტი ბავშვი“ – ასე ჰქვია წიგნს, რომლის პრეზენტაციაც ახალციხის დემოკრატიული ჩართულობის ცენტრში გაიმართა. სახელმძღვანელო ფრანგულიდან ითარგმნა და იგი იმ პედაგოგებსა და აღმზრდელებს დაეხმარება, რომლებიც ინკლუზიურ განათლებაში არიან ჩართულნი. გარდა ამისა წიგნი  აუტიზმის მქონე ბავშვების აღზრდის პროცესში მშობლებს მნიშვნელოვან გახმარებას გაუწევს. წიგნის პრეზენტაცია ფსიქოლოგიური მომსახურების ცენტრის „მწავანე სახლის“ ახალციხის ფილიალის ორგანიზებით გაიმართა. შეხვედრას  ფსიქოლოგები,  ინკლუზიური განათლების პედაგოგები და საბავშვო ბაღების მენეჯერები დაესწრნენ. „აუტისტი ბავშვის“ შეძენა დაინტერესებულ პირებს „ბიბლუსში“ შეუძლიათ.

ახალციხის მე–6 საჯარო სკოლაში სასწავლო პროცესი აღდგა თუმცა, მოსწავლეების დიდი ნაწილი გაკვეთილებს არ ესწრება. მიზეზი სკოლაში არსებული გათბობის პრობლემაა. რამდენიმე დღეა დაწესებულება საგანგებო რეჟიმში ფუნქციონირებს და საგაკვეთილო პროცესი შემცირებულია. ახალციხის,  მეექვსე საჯარო სკოლაში საგაკვეთილო პროცესი შეფერხებით ტარდება,  მიზეზი  გათბობის სისტემაა. სკოლაში, სადაც 270–მდე ახალგაზრდა სწავლობს საგაკვეთილო პროცესს მოსწავლეთა მცირე ნაწილი ესწრება.  სიცივის მიუხედავად,  პედაგოგები და სკოლის ადმინისტრაცია მუშაობას მაინც აგრძელებენ.