სამცხე– ჯავახეთის სახელმწიფო უნივერსიტეტში განათლებისა და მეცნიერების მინისტრს ელოდებიან. თამარ სანიკიძე უმაღლესი დაწესებულების პროფესორ–მასწავლებლებსა  და სტუდენტებს  პავლე ზაზაძის სახელობის საკონფერენციო დარბაზში შეხვდება. წინასწარი ინფორმაციით, საუბარი უნივერსიტეტის მუშობას, მის პერსპექტივებსა და გასულ კვირას, მთავრობის გადაწყვეტილების საფუძველზე, უმაღლესი დაწესებულებისათვის   სახელმწიფო უნივერსიტეტის სტატუსის მინიჭებას შეეხება. ამ დროისათვის განათლებისა და მეცნიერების მინისტრი სამცხე–ჯავახეთის უნივერსიტეტის ახალქალაქის კორპუსში იმყოფება. შეხვედრას დაწესებულების რექტორი, მერაბ ბერიძეც ესწრება.

    პირველკლასელთა რეგისტრაციის პირველი ეტაპი 23 აპრილს დაიწყება. პროცესი სამ ეტაპად განხორციელდება. რეგისტრაციის სამივე ეტაპის განრიგს სამინისტრო ხვალ წარადგენს. პროცესი შეეხება ბავშვებს, ვისი და-ძმაც სწავლობს ამ სკოლაში; ვისი მშობელიც სკოლის თანამშრომელია; ვისი ოჯახიდანაც ერთდროულად ორი ან მეტი ბავშვი შედის პირველ კლასში (ტყუპები, და-ძმები). კლასში მოსწავლეთა მაქსიმალური რაოდენობა 25 მოსწავლით განისაზღვრა. ამასთან, მესამე ბავშვის მონათვლის თაობაზე პატრიარქის ინიციატივასთან დაკავშირებით, წელს პირველკლასელთა რაოდენობა, გასულ წელთან შედარებით, თითქმის 9 000-ითმეტია. განათლებისა და მეცნიერების სამინისტრო მშობლებს აფრთხილებს. “ჩვენ გაფრთხილებას ვაკეთებთ ყველა მშობელთან, რომ არ დაარეგისტრიროს ერთი ბავშვი რამდენიმე მეურვემ და მშობელმა ერთდორულად, რაც პროგრამას უქმნის ხარვეზებს. რაც მთავარია, ამის შესაძლებობა მშობელს ნამდვილად არ ექნება, რადგან თუ ერთი და იგივე ბავშვზე რეგისტრაციას დაიწყებს რამდენიმე ადამიანი, საერთოდ  შეჩერდება ამ ბავშვის რეგისტრაცია. პროგრამულად ეს უზრუნველყოფა გაკეთებულია, პროგრამა ისეა გამართული, რომ  მცდელობა ერთი ბავშვი დაარეგისტრიროს 10-მა, 15-მა, 20 ადამიანმა აუცილებლად იქნება დაბლოკილი”, – აღნიშნა განათლებისა და მეცნიერების მინისტრის მოადგილემ ლია გიგაურმა.

14 აპრილი– ქართული დედაენის დღე ახალციხეში სხვადასხვა სახის ღონისძიებებით აღნიშნეს. მეორე საჯარო სკოლის მოსწავლეებმა აუდიტორიას, დედაენაზე დაწერილი ლექსები და სიმღერები წარუდგინეს. მათ 1978 წელიც გაიხსენეს და მაყურებელს ვიდეო რგოლი უჩვენეს, სადაც ის პერიოდი იყო ასახული როდესაც ქართული სახელმწიფო ენად გამოცხადდა. ღონისძიების დასასრულს მოსწავლეებს სკოლის დირექტორმა და მოწვეულმა სტუმრებმა მიმართეს და მათ დღევანდელი დღის მნიშვნელობაზე ესაუბრნენ. „ჩვენ უნდა გვახსოვდეს ჩვენი ენა, რადგან ჩვენი ღირსება სწორედ ესაა” –განმარტეს პედაგოგებმა.

     ბრიტანეთის გაერთიანებული სამეფოს ელჩი სამცხე – ჯავახეთის სახელმწიფო უნივერსიტეტს სტუმრობს. ალექსანდრა ჰოლჰოლის ვიზიტი „ნატოს კვირეული 2014“-ის ფარგლებში იმართება.  შეხვედრაზე საუბარი ნატოს ისტორიას, მსოფლიოში უსაფრთხოების უზრუნველყოფის კუთხით მის მიზნებსა და მნიშვნელობას, ასევე, საქართველო-ნატოს თანამშრომლობის ასპექტებს შეეხება. საქართველოში ნატოს დღეები უკვე მეშვიდედ ტარდება. კვირეული 7 დან 16 აპრილამდე გაგრძელდება. მის  ფარგლებში  ბრიტანეთის გაერთიანებული სამეფოს ელჩი ქვეყნის სხვადასხვა რეგიონებს ესტუმრება.

შინაგან საქმეთა სამინისტროს სამცხე-ჯავახეთის სამხარეო მთავარი სამმართველოს უფროსი თეიმურაზ კალანდაძე და სამინისტროს სხვა წარმომადგენლები,  ანტინარკოტიკული კამპანიის ფარგლებში, ახალციხის მე-5 საჯარო სკოლის მოსწავლეებს შეხვდნენ. შსს-ს წარმომადგენლებმა უფროსი კლასის მოსწავლეებს ე.წ. ბიონარკოტიკის წინააღმდეგ დაწყებული კამპანიის მიზანი და მნიშვნელობა გააცნეს. შეხვედრა კითხვა-პასუხის რეჟიმში გაგრძელდა და მოსწავლეებს საშუალება მიეცათ მათთვის საინტერესო კითხვებზე ამომწურავი პასუხები მიეღოთ. შსს-ს წარმომადგენლებმა მოზარდებს კამპანიის ფარგლებში გადაღებული საინფორმაციო ვიდეორგოლები უჩვენეს, რომლებშიც სხვადასხვა პროფილის ექიმები მოქალაქეებს ე.წ.  ბიონარკოტიკის მოხმარებით გამოწვეულ საფრთხეებზე აწვდიან ინფორმაციას. შეხვედრაზე შსს-ს გადაუდებელი დახმარების ოპერატიული მართვის ცენტრ „112“-ის მიერ მომზადებული საინფორმაციო რგოლის ჩვენებაც მოეწყო. ვიდეორგოლის მეშვეობით სკოლის მოსწავლეებმა იმ პირველადი სიმპტომების შესახებ შეიტყვეს, რაც ე.წ. „ბიოს“ მოხმარებას ახასიათებს. შინაგან საქმეთა სამინისტრომ ანტინარკოტიკული კამპანია 24 მარტს დაიწყო. კამპანიის სლოგანია „ერთად შევცვალოთ დამოკიდებულება“. მისი  მიზანი კი ე.წ.  ბიონარკოტიკის გამოყენების პრევენცია და საზოგადოების ინფორმირებაა.  ანტინარკოტიკული კამპანიის ფარგლებში, სკოლის მოსწავლეებთან შეხვედრები ქვეყნის ყველა რეგიონში გაიმართება. აღნიშნულის შესახებ მასალას შსს–ს ვებ–გვერდი ავრცელებს.

სამცხე–ჯავახეთს, შეფასებისა და გამოცდების ეროვნული ცენტრის დირექტორი ეწვია. მაია მიმინოშვილმა შეხვედრა  ცენტრის წარმომადგენლებთან ერთად,  ახალციხის მეხუთე საჯარო სკოლაში გამართა.

    სამცხე–ჯავახეთის უნივერსიტეტმა სახელმწიფო უნივერსიტეტის სტატუსი მიიღო. შესაბამისი გადაწყვეტილება მთავრობის დღევანდელ სხდომაზე მიიღეს.      “სამცხე–ჯავახეთის უნივერსიტეტში რეორგანიზაცია მოხდა. დაიმატა მესამე საფეხური – დოქტურანტურა და გახდა სახელმწიფო უნივერსიტეტი. ეს მან მოახერხა მთელი წლის შრომატევადი სამუშაოს შესრულების  შემდეგ, რომელშიც აქტიურად ეხმარებოდა განათლებისა და მეცნიერების სამინისტო. ჩვენ მივესალმებით, წარმატებას ვუსურვებთ სამცხე–ჯავახეთის სახელმწიფო უნივერსიტეტს” – განაცხადა განათლებისა და მეცნიერების მინისტრმა თამარ სანიკიძემ. მისივე განმარტებით, სამცხე–ჯავახეთის სახელმწიფო უნივერსიტეტს წლევანდელი წლიდან შეუძლია, 17 უფასო მიმართულება აამოქმედოს.       “ეს ნიშნავს, რომ წელს უკვე სამცხე–ჯავახეთს შეეძლება 17 უფასო მიმართულება აამოქმედოს, რომელიც ჩვენ გვაქვს და სტუდენტები მიიღოს უფასო მიმართულებებზე. ჩვენი შემდგომი მიზანია დავეხმაროთ ზუგდიდის სასწავლო უნივერსიტეტს, რომ მან ასევე მიაღწიოს მსგავს წარმატებას. იგეგმება ამ ორი სასწავლო დაწესებულების ინფრასტრუქტურული დახმარება, რომ მოწესრიგდეს სტუდენტთა საცხოვრებელი, უშუალოს სასწავლო კორპუსში არსებული ინფრასტრუქტურული პრობლემები” – აღნიშნა თამარ სანიკიძემ

მედიაში პერიოდულად ვრცელდება ცრუ ინფორმაცია, რომლის თანახმად, 2014-2015 სასწავლო წლისათვის ერთიანი ეროვნული გამოცდების შედეგად ჩარიცხული სტუდენტების დაფინანსება 3 მილიონი ლარით მცირდება. აღნიშნულთან დაკავშირებით, საქართველოს განათლებისა და მეცნიერების სამინისტრო ხაზგასმით აცხადებს, რომ ინფორმაცია არ შეესაბამება სიმართლეს და გთავაზობთ უმაღლეს საგანმანათლებლო დაწესებულებებში ერთიანი ეროვნული გამოცდების შედეგად ჩარიცხულ სტუდენტთა სახელმწიფო დაფინანსების  სქემას წლების მიხედვით: 

საქართველოს მასშტაბით საჯარო სკოლების დირექტორების მორიგი სერტიფიცირების პროცესი გაიმართა. მასში მონაწილეობა იმ საჯარო  სკოლის ხელმძღვანელებმა და პედაგოგებმა მიიღეს, რომელთაც სერთიფიცირება 2013 წელს ვერ გაიარეს.

    დირექტორთა სასერტიფიკაციო გამოცდები ახალციხის საჯარო სკოლებიდან დირექტორობის ორმა მსურველმა ჩააბარა. ახალციხის პირველი საჯარო სკოლის დირექტორის მოვალეობის შემსრულებელმა გამოცდაში 96 ქულა აიღო. მაკა ჯანაშვილის ტესტირების შედეგი ახალციხის მუნიციპალიტეტის მასშტაბით ყველაზე მაღალია.    “საკმაოდ რთული ტესტები იყო. თუმცა, მიუხედავად ამისა, მაინც გადავლახე ბარიერი” – განაცხადა “მეცხრე ართან” მაკა ჯანაშვილმა. მან სასერთიფიკაციო გამოცდებში გასულ წელს 102 ქულა აიღო, მაგრამ გასაუბრების ეტაპი ვერ გაიარა. ტესტირება ჩააბარა ახალციხის მეხუთე საჯარო სკოლის პედაგოგმა ნანა დათაშვილმაც. მან გამოცდაში 86 ქულა აიღო. ტესტების სირთულეზე მეხუთე საჯარო სკოლის დირექტორის მოვალეობის ყოფილი შემსრულებელიც საუბრობს. “ტესტები შარშანდელთან შედარებით საკმაოდ რთული იყო. მაგრამ კიდევ ერთხელ შევძელი და დავამტკიცე საკუთარი შესაძლებლობები” – აღნიშნა ნანა დათაშვილმა. მან დირექტორთა სასერტიფიკაციო გამოცდებში

ახალგაზრდული ფორუმის მონაწილე ახალციხის მუნიციპალიტეტის 12 პარტნიორი საჯარო სკოლის მოსწავლეების პროექტის „კულტურა და საზოგადოების“  ფარგლებში, სამოქმედო გეგმის გათვალისწინებით  „ინტერგაციის“ თემაზე ფილმი  8 პარტნიორი სკოლის მოსწავლემ გადაიღო. საბოლოოდ,  ახალციხის N6  (ქართულენოვანი), აწყურის (ქართულენოვანი), სხვილისის  (სომხურენოვანი) და წყრუთის (სომხურენოვანი)  საჯარო სკოლების მიერ მომზადებული  4 ფილმი შეირჩა. ფილმის ყველა ავტორს სერთიფიკატები გადაეცათ. ახალციხის ახალგაზრდულ ცენტრში  ფილმების ჩვენება და განხილვა 2014 წლის 14 მარტს მოეწყო. აღნიშნული ფილმები  ტელეკომპანია მე-9 არხის დირექტორმა მაია იველაშვილმა და ახალგაზრდული ცენტრის წარმომადგენლებმა შეარჩიეს. წყრუთის საჯარო სკოლის ფილმი:  

პედაგოგებისა და დირექტორების პროფესიული წინსვლისთვის დემოკრატიული ჩართულობის ცენტრში შეხვედრა გაიმართა. ღონსიძიებას ტრენინგ–სემინარის სახე ჰქონდა და მას ორგანიზება საქართველოს ზოგადი განათლების პროფესიულმა კავშირმა გაუწია. შეხვედრას სამცხე–ჯავახეთის მასშტაბით სხვადასხვა საჯარო სკოლის პედაგოგები და დირექტორები დაესწრნენ. მათ პროფესიონალი ტრენერების დახმარებით იურიდიული, ფინასური და ისეთი საკითხები განიხილეს, რომელიც დირექტორთა სასერთიფიკაციო გამოცდებზე უნდა გაიარონ.

რა გზით შეუძლია სტუდენტს ,,საქართველოს ახალგაზრდული პარლამენტის” დეპუტატი გახდეს– ამასთან დაკავშირებით სამცხე-ჯავახეთის სახელმწიფო უნივერსიტეტში შეხვედრა გაიმართა. ახალგაზრდული პარლამენტის ფუნქციების, მისი როლისა და დანიშნულების შესახებ ერთ-ერთმა დეპუტატმა ისაუბრა. არჩილ ჭავჭანიძის თქმით, 2014 წლის ახალგაზრდა პარლამენტარების შერჩევა ორ ეტაპად, აპლიკაციისა და გასაუბრების საფუძველზე მოხდება, კონკურსში მონაწილეობა 18-დან 25 წლამდე ახალგაზრდებს შეუძლიათ.

მეხუთე საჯარო სკოლის დირექტორის ახალი მოადგილე, სამსახურეობრივი უფლება–მოვალეობის შესრულებას  შეუდგა. ზოია ბალიაშვილი პედკოლექტივს უკვე გაეცნო და როგორც „მეცხრე არხთან” განმარტავს მათთან გუნდურ მუშაობას აპირებს.

თვითმმართველი ქალაქი და მუნიციპალიტეტებად დაყოფილი ტერიტორია – სამთავრობო გადაწყვეტილების  მიხედვით, ახალციხეში,  შესაძლოა, მალე ოთხი მუნიციპალიტეტი ჩამოყალიბდეს.  ამასთან დაკავშირებით, ადგილობრივ ხელისუფლებაში კონსულტაციები უკვე მიმდინარეობს. ახალ კანონს ეჭვის თვალით უყურებენ საპარლამენტო ოპოზიციის წარმომადგენლები. სამოქალაქო სექტორი კი  თვლის, რომ სახელმწიფოს გადაწყვეტილება თვითმმართველობის რეფორმას აზრს უკარგავს.

    ერთიანი ეროვნული გამოცდებისთვის რეგისტრაციის პროცესი უკვე დასრულდა. 2014 წელს გამოცდებისათვის 35 ათასზე მეტი აბიტურიენტი, 19 ათასამდე პედაგოგი და მასწავლებლობის მსურველი, 12 ათასამდე მაგისტრანტობის კანდიდატი და 4500-მდე სტუდენტი დარეგისტრირდა. ამის შესახებ ერთიანი ეროვნული გამოცდების ხელმძრვანელის მაია მიმინოშვილის მიერ გავრცელებულ განცხადებაშია ნათქვამი.     “საბოლოო მონაცემების გაზიარებამდე მინდა შეფასებისა და გამოცდების ეროვნული ცენტრის საქმიანობის გაცილებით მნიშვნელოვან მიმართულებას შევეხო – საერთაშორისო საგანმანათლებლო კვლევებს და სახელმწიფო შეფასებას, რომელთა შედეგები განათლების სისტემის ზუსტ და სრულ დიაგნოზს გვაძლევს, ცხადად გვიჩვენებს, რა მიმართულებით გვაქვს ყველაზე მეტი პრობლემა, რა უნდა გამოვასწოროთ და, რაც მთავარია, როგორ…

ახალციხის მეხუთე საჯარო სკოლის დირექტორს ახალი მოადგილე ჰყავს. ინგა ვარდიძემ ზოია ბალიაშვილი აღნიშნულ თანამდებობაზე, პედკოლექტივს დღეს წარუდგინა. უკვე ყოფილი მოადგილე ნანა დათაშვილი კი 19 მარტის ბრძანებულებით გაათავისუფლა, რომელსაც საფუძვლად დაკისრებული მოვალეობის შეუსრულებლობა დაუდო.

       ერთიანი ეროვნული გამოცდებისთვის რეგისტრაციის პროცესი დღეს, 18:00 საათზე დასრულდება. გამოცდების ეროვნული ცენტრის ცნობით, 19 მარტის მონაცემებით, ერთიანი ეროვნული გამოცდებისათვის რეგისტრაცია 31 ათასზე მეტმა აბიტურიენტმა გაიარა. პედაგოგთა სასერტიფიკაციო გამოცდისათვის 12 500 მასწავლებელი დარეგისტრირდა; სტუდენტთა საგრანტო კონკურსში მონაწილეობის სურვილი 2500-მა სტუდენტმა გამოთქვა. საერთო სამაგისტრო გამოცდისათვის ელექტრონული განაცხადი 7000-ზე მეტმა აპლიკანტმა შეავსო. ამასთან, ცენტრი რეგისტრაციის მსურველებს აფრთხილებს, რომ სარეგისტრაციო ვადის ამოწურვის შემდეგ მსურველები რეგისტრაციას ვეღარ გაივლიან.

     მეხუთე საჯარო სკოლის დირექტორის მოვალეობის ახალმა შემსრულებელმა დღეს პედაგოგიურ კოლექტივს ახალი მოადგილე, ახალციხის პირველი საჯარო სკოლის ყოფილი პედაგოგი ზოია ბალიაშვილი წარუდგინა. უკვე ყოფილი მოადგილე ნანა დათაშვილი კი დაკავებული თანამდებობიდან ინგა ვარდიძემ 19 მარტს გაათავისუფლა. იგი ამჟამად სკოლაში მუშაობას პედაგოგის რანგში აგრძელებს. ინგა ვარდიძის განმარტებით, ყოფილი მოადგილის გათავისუფლების მიზეზი გახდა ის, რომ იგი  დაკისრებულ მოვალეობას ვერ ასრულებდა. “ბრძანების საფუძველი შემიძლია გაგაცნოთ. თავის მოვალეობას ვერ ასრულებდა და იმიტომ გავათავისუფლე. ზოია ბალიაშვილი დღეს უკვე დაინიშნა და წარვუდგინე პედაგოგიურ კოლექტივს” – განუცხადა ინგა ვარდიძემ “მეცხრე არხს” სატელეფონო საუბრისას. ნანა დათაშვილი ფიქრობს, რომ სკოლის ხელმძღვანელობიდან მისი  ჩამოშორება  ჯერ კიდევ

სამოქალაქო განათლებისა პედაგოგთა გადამზადების პროგრამის ფარგლებში  პირველ საჯარო სკოლაში შეხვედრა გაიმართა. ახალციხის ახალგაზრდული ცენტრის ორგანიზებით, მოსწავლეები სამოქალაქო განათლების დამხმარე სახელმძღვანელოს ავტორს შეხვდნენ.