2013-2014 წლის გაზაფხულის სემესტრის სტუდენტთა მობილობის პროცესი დაიწყო. ახალგაზრდებს უმაღლესი საგანმანათლებლო დაწესებულებიდან სხვა სასწავლებელში გადასვლის საშუალება მიეცემათ. სტუდენტებს ცვლილების განხორციელება ელექტრონული პორტალის, www.students.eqe.ge, საშუალებით 13 თბერვლამდე შეეძლებათ.

ახალციხის პირველ საჯარო სკოლაში სამოქალაქო განათლებისა და პედაგოგთა გადამზადების პროგრამის ფარგლებში რეგიონული კონფერენცია მოეწყო. ღონისძიების მიზანს სამოქალაქო განათლების დამხმარე სახელმძღვანელოების პოპულარიზაცია წარმოადგენდა, რომლის ინიციატორიც სოფელ აწყვიტის საჯარო სკოლა იყო. მან პროგრამის მცირე გრანტების კონკურსში გამარჯვება მოიპოვა. პროექტის ფარგლებში სამოქალაქო განათლებაში დამხმარე სახელმძღვანელოების როლის შესახებ სხვადასხვა აქტივობა სკოლაშივე მოეწყო. დღევანდელ კონფერენციას კი უფრო მასშტაბური სახე მიეცა.

პედაგოგები 2014 წლის მეორე ნახევრიდან, სავარაუდოდ, ახალი სქემის მიხდევით შეფასდებიან და კატეგორიები მიენიჭებათ; აღარ ჩატარდება მასწავლებელთა სასერტიფიკაციო გამოცდებიც. განათლებისა და მეცნიერების მინისტრის განცხადებით, უწყება ახალ სქემაზე უკვე მუშაობს, რომელშიც ყველა პედაგოგი, მათ შორის, სერტიფიცირებული მასწავლებლებიც ჩაერთვებიან.

ახალციხის პირველ საჯარო სკოლის მოსწავლეებმა პეტრე და ირაკლი მერაბიშვილებმა მათემატიკისა და ინგლისური ენის ოლიმპიადებში წარმატება მოიპოვეს და საქართველოს მასშტაბით გამარჯვებულებიც გახდნენ. “ლონდონსქულის” გამარჯვებული – პეტრე მერაბიშვილი ივნისის თვეში შვეიცარიაში გაემგზავრება, სადაც იგი სწავლებას საზაფხულო სკოლაში გაივლის.

საქართველოს ზოგადი განათლების პროფესიული კავშირის წარმომადგენლებმა ახალციხელ პედაგოგებს ორგანიზაციის პროგრამა გააცნეს და მასში გაწევრიანების პირობები შესთავაზეს. პროფკავშირის აღმასრულებელი დირექტორის განმარტებით, ორგანიზაცია მასწავლებლებს პირველ რიგში იურიდიული ფორმით მათი უფლებების დაცვას პირდება. გარდა ამისა, ორგანიზაციაში გაწევრიანების შემთხვევაში პროფკავშირი პედაგოგს კორპორაციულ დაზღვევას სთავაზობს, მასში ჯანდაცვის ის პაკეტები შედის, რომელსაც საყოველთაო დაზღვევა არ ითვალისწინებს.

საქველმოქმედო აქცია ახალციხეში. მეხუთე საჯარო სკოლის მოსწავლეებმა სპეციალური საჭიროებების მქონე ბავშვებისათვის აქცია გამართეს და მათ სხვადსხვა სახის საჩუქრები გადასცეს. სასწავლო დაწესებულების თვითმმართველობის წევრებმა ბავშვებისათვის კონცერტიც მოაწყეს.

ახალციხის პირველი საჯარო სკოლის მოსწავლემ ბლოგების კონკურსში საუკეთესოს ტიტული მოიპოვბა. ნომინაციაში ,,ახალგაზრდა ომბუდსმენი” ანა ხუციშვილის ინტერნეტ გვერდმა პირველი ადგილი დაიკავა. საკუთარ ბლოგზე ავტორი მასალებს ძირითადად სამართლიანობის თემაზე წერდა.

რა არის თვითმართველობა, რას ნიშნავს გენდერული ბალანსი და როგორ გავხდეთ საზოგადოების აქტიური წევრები-ამ და სხვა მნიშვნელოვან საკითხებზე სოფელ აწყვიტის სამოქლაქო კლუბის წევრებმა ღონისძიება მოაწყეს. მათ დამსწრე აუდიტორიას მთელი წლის განმავლობაში განხორციელებიული აქტივობები გააცნეს.

ახალციხის საგანმანათლებლო რესურსცენტრის ახალმა ხელმძღვანელმა მუნიციპალიტეტის სკოლების წარმომადგენლებთან პირველი სამუშაო შეხვედრა გამართა. ხათუნა ხმალაძემ პედაგოგებს ის სიახლეები გააცნო, რის განხორცილებასაც საქართველოს განათლებისა და მეცნიერების სამინისტრო აპირებს. გაცნობითი შეხვედრა ახალციხის საგანმანათლებლო რესურსცენტრში შედგა.

ახალციხის პირველმა საჯარო სკოლამ განათლებისა და მეცნიერების სამინისტროს პროექტში “კატასტროფის რისკის შემცირების კომპონენტის ინტეგრირება განათლებაში” გაიმარჯვა. აქტიურობითა და ინფორმაციის გავრცელების მასშტაბურობით, მან საქართველოს ყველაზე წარმატებული სკოლის ტიტული მოიპოვა.

ახალციხის საგანმანათლებლო რესურცენტრის უფროსის პირველი სამუშაო დღე – განათლებისა და მეცნიერების სამინისტროსგან ახლად დანიშნული ხელმძღვანელი საქმიანობას ოფიციალურად დღეიდან შეუდგა. ხათუნა ხმალაძე პირველ ეტაპზე დაწესებულებაში არსებულ მდგომარეობას გაეცნო. ამბობს, რომ რესურსცენტრის პირველადი დანიშნულებაა სამინისტროს მიერ შემუშავებული საგანმანათლებლო პროგრამებისა და ინოვაციების განხორციელებას ხელი შეუწყოს.

ახალციხის პირველი საჯარო სკოლა არასამთავრობო ორგანიზაციისგან, ,,ერთსულოვნება სამართლიანობისკენ“, ბოდიშის მოხდას მოითხოვს. საგანმანათლებლო დაწესებულებაში მიიჩნევენ, რომ ორგანიზაციამ სკოლას უსაფუძვლო ბრალდება წაუყენა და მოსწავლეთა მოწამვლის შესახებ ცრუ ინფორმაცია გაავრცელა.

პროფესურისა და ადამინისტრაციის ანაზღაურება კანონის ფარგლებში დარეგულირდა. ცვლილება განათლების შესახებ კანონში შევიდა, რომლის თანახმადაც, უნივერსიტეტებში ადმინისტრაციის თანამშრომელთა ხელფასები შემცირდა. რის მიხედვით განისაზღვრება შცვლილი კანონმდებლობით პროფესორ-მასწავლებელთა ხელფასი და როგორ აფასებენ სიახლეს სამცხე-ჯავახეთის სახელმწიფო სასწავლო უნივერსიტეტში – თემით „მეცხრე არხის” გადამღები ჯგუფი დაინტერესდა.

საქართველოს განათლებისა და მეცნიერების სამინისტრო საჯარო სკოლის დირექტორების სერტიფიცირების მეორე ეტაპის – გასაუბრების განხორციელებას აგრძელებს. რომელიც იმ კანდიდატებთან გაიმართება, რომელთაც 2013 წელს სერტიფიცირების პირველი ეტაპი – ტესტირება წარმატებით გადალახეს. კანდიდატებთან გასაუბრების განრიგი ეტაპობრივად სამინისტროს ოფიციალურ ვებგვერდზე გამოქვეყნდება. გასაუბრება საქართველოს განათლებისა და მეცნიერების სამინისტროში (მის: თბილისი, დ. უზნაძის ქ. №52) სტრუქტურირებული გასაუბრების ფორმით ჩატარდება. გასაუბრების გრაფიკის ნახვა კანდიდატებს საქართველოს განათლებისა და მეცნიერების სამინისტროს ვებ–გვერდზე შეუძლიათ. ინფორმაცია დირექტორთა სერთიფიცირების მეორე ეტაპთან დაკავშირებით სამინისტროს ვებ–გვერდზე გავრცელდა.

ოლიმპიადა „ევერესტის” მორიგი ტური ახალციხეში. სამცხე-ჯავახეთის მუნიციპალიტეტში არსებული საჯარო სკოლების მოსწავლეებს საშუალება ჰქონდათ საკუთარი თავი ინგლისურ ენაში გამოეცადათ. ტესტირებაში მონაწილეობას ეთნიკური უმცირესობის წარმომადგენლებიც იღებდნენ. ოლიმპიადაში სამცხე-ჯავახეთის მუნიციპალიტეტის ყველა საჯარო სკოლის მოსწავლე იყო ჩართული.

პედაგოგთა შეფასების სისტემა შესაძლოა შეიცვალოს – ამის შესახებ განცხადება განათლებისა და მეცნიერების მინისტრმა გააკეთა. თამარ სანიკიძის თქმით, უწყებაში ახალი სქემა მუშავდება, რომლის მიხედვითაც, პედაგოგები არა მარტო ტესტური გამოცდებით, არამედ პრაქტიკული ნაწილითაც შეფასდებიან. ინიციატივას ეხმაურებიან ახალციხის საჯარო სკოლის პედაგოგები.

სამცხე-ჯავახეთის სახელმწიფო სასწავლო უნივერსიტეტმა საქართველოს საპატირარქოს წმინდა ანდრია პირველწოდებულის სახელობის ქართულ უნივერსიტეტს უმასპინძლა. შეხვედრა საკონფერენციო დარბაზში შედგა, სადაც ორი სასწავლებლის წარმომადგენლებმა მემორანდუმის გაფორმების შესახებ ისაუბრეს. მათი თქმით, ეს ურთიერთობა უნივერსიტეტებს  საშუალებას მიცემს სწავლების თანამედროვე ტექნოლოგიები დახვეწონ.

2014 წლიდან ერთიან ეროვნულ გამოცდებზე უცხო ენის გამოცდას მოსმენის ნაწილი დაემატება – ამის შესახებ განცხადება გამოცდების ეროვნული ცენტრის ხელმძღვანელმა, მაია მიმინოშვილმა  გააკეთა. სიახლის მიხედვით, გამოცდაზე დაახლოებით 10 წუთი იქნება გამოყოფილი იმისათვის, რომ აბიტურიენტმა  შესაბამის ენაზე ტექსტი მოისმინოს  და შემდეგ  დავალება შეასრულოს. ცვლილება ბარიერის გადალახვაზე ზეგავლენას არ მოახდენს და 100-ქულიან ტესტში მას მხოლოდ 8 ქულა დაეთმობა.

ახალციხის პირველ საჯარო სკოლაში „რა? სად? როდის?” ფორმატში ინტელექტუალური თამაშები გაიმართა. სასწავლო დაწესებულების უფროსკლასელები  ერთმანეთს სხვადასხვა საკითხის უკეთესად ცოდნაში შეეჯიბრნენ. შეჯიბრი პირველი სკოლის სამოქალაქო კლუბისა და ახალციხის ახალგაზრდული ცენტრის ერთბლივი ორგანიზებით გაიმართა.

ახალციხის 1–ელი საჯარო სკოლის წინააღმდეგ ტელეკომპანია ,,მე–9 არხში“  სატელეფონო ზარი განხორციელდა. ზარის ავტორი ირწმუნებოდა, რომ  დაწესებულებაში მოსწავლეების მოწამვლის არაერთი ფაქტი დაფიქსირდა. ,,ექოს“ საინფორმაციო ჯგუფი აღნიშნული საკითხით დაინტერესდა და ინფორმაცია პირველ საჯარო სკოლაში გადაამოწმა.