საქართველოს საჯარო სკოლებში, მეთერთმეტეკლასელთათვის საატესტატო გამოცდები დაიწყო.  მოსწავლეებს ტესტირება დღეს, 17 ივნისს, გეოგრაფიაში ჰქონდათ. მათი თქმით, საგამოცდო საკითხები საშუალო სირთულის იყო და ბარიერის  გადალახვას ყველა ის მოსწავლე შეძლებს, რომელსაც სასწავლო პროგრამა აქვს გავლილი. საქართველოს საჯარო სკოლებში გამოსაშვები გამოცდების ჩატარებას ეროვნული ცენტრი უზრუნველყოფს. საგამოცდო პროცესს, მათი წარმომადგენლები ყველა საგანმანათლებლო დაწესებულებაში აკვირდებიან.  

კვების მენიუ და პროდუქტების კალორიულობის დონე ახალციხის სკოლამდელი აღზრდის დაწესებულებებში – არასამთავრობო ორგანიზაციები შესაბამის კვლევებს აწარმოებენ. როგორ იკვებებიან აღსაზრდელები საბავშო ბაღებში, როგორია მშობლების პოზიცია და რას ამბობს ბაღების გაერთიანების დაწესებულების ხელმძღვანელი – თემით „მეცხრე არხი“ დაინტერესდა. ამოწმებენ თუ არა საკუთარი შვილების საკვებ მენიუს, საკოლამდელი აღზრდის დაწესებულებაში და იციან თუ არა, რას მიირთმევენ მათი შვილიები კალორიულობის ან ხარისხის მიხედვით – ამ კითხვებით „მეცხრე არხმა“ აღსაზრდელების მშობლებს მიმართა. აღმოჩნდა, რომ მათი ნაწილი აღნიშნულით ნაკლებად ინტერესდება. ზოგიერთები კი კვების მენიუს ყოველთვის ამოწმებენ. მშობლები იმასაც ამბობენ, რომ ბავშვები ბაღში ხილს საერთოდ ვერ მიირთმევენ, რადგან მენიუში გათვალისწინებული არ არის.

ახალციხის მუნიციპალიტეტში საბავშვო ბაღი გაიხსნა. სკოლამდელი აღზრდის ახალმა დაწესბულებამ  ფუნქციონირება ვალის მეორე შახტაში დაიწყო. ბაგა-ბაღი  ახალციხის მუნიციპალიტეტის გამგეობისა და “World Vision”–ის თანადაფინასებით აშენდა. დღეს, 11 ივნისს ბაღის გახსნას რეგიონის გუბერნატორი, ადგილობრივი თვითმმართველობისა და არასამთავრობო ორგანიზაციის წასრმომადგენლები დაესწრნენ. სათამაშო და საძინებელი ოთახები, სამზარეულო, სველი წერტილი და ბავშვებისთვის გასართობი მოედანი –  ვალის მეორე შახტის დასახლებაში მცხოვრებ პატარებს შეუძლიათ ხვალიდან ახალ ბაღში იარონ.

სამცხე–ჯავახეთის სახემწიფო უნივერსიტეტსა და სოფლის მეურნეობის სამეცნიერო–კვლევით ცენტრს შორის  პრაქტიკული და სამეცნიერო თანამშრომლობისთვის მემორანდუმი გაფორმდა. დოკუმენტი,  სტუდენტებისათვის სამეცნიერო კვლევბითი ცენტრის ბაზაზე არსებულ მეურნეობასა და ლაბორატორიაში პრაქტიკის გავლას ითვალისწინებს. სამეცნიერო ცენტრის ძირითად მიზანს, აგრარული სექტორის განვითარების  ხელშეწყობა და სოფლის მეურნეობაში ინოვაციური ტრექნოლოგიების დანერგვა წარმოადგენს.

  იუსტიციის მინისტრი ფოკაში იმყოფებოდა, სადაც პროექტის – “მინისტრი ესაუბრება ახალგაზრდებს” – ფარგლებში ადგილობრივი საჯარო სკოლის მოსწავლეებს შეხვდა. თეა წულუკიანი ოთხთვიანი პაუზის შემდეგ ფოკას ადგილობრივ დეპუტატ ენზელ მკოიანთან და გაზეთ “ვრასტანის” მთავარ რედაქტორ ვან ბაიბურთთან ერთად ეწვია. ფოკაში იმყოფებოდა მინისტრის მოადგილე ალექსანდრე ტაბატაძე. თეა წულუკიანი ფოკას სკოლის მოსწავლეებს ქართული ენის ცოდნის აუცილებლობის შესახებ ესაუბრა და დაინტერესდა, რამდენად გაეცნენ მოსწავლეები იმ ლიტერატურას, რომელიც თეა წულუკიანმა მათ 4 თვის წინ საჩუქრად გადასცა. მინისტრთან ერთად ფოკელ ახალგზარდებს თავიანთი გამოცდილება გაუზიარეს წარსულში საქართველოს შეიარაღებული  ძალების ჯარისკაცმა და 2008 წლის აგვისტოს ომის მონაწილე არტურ კაზაროვმა, ნინოწმინდელმა ნოტარიუსმა რომან კოსტანიანმა და ვან ბაიბურთმა. მათ ახლგაზრდებს თავიანთ მაგალითზე უამბეს, რამდენად მნიშვნელოვანია საქართველოში წარმატების მიღწევისთვის ქართული ენის ცოდნა. მინისტრმა შეხვედრის დასრულებისას აღნიშნა, რომ ითვალისწინებს სკოლის მოსწავლეების სურვილს, იმოგზაურონ საქართველოს სხვადასხვა კუთხეში და იუსტიციის სამინიტრო ფოკას საჯარო სკოლის მოსწავლეებს ივლის-აგვისტოში სვანეთში მოგზაურობას შესთავაზებს. შეხვედრის დასრულების შემდეგ თეა წულუკინმა 7 ადგილობრივს საქართველოს მოქალაქის პასპორტი პირადად გადასცა. იუსტიციის მინისტრმა ფოკას საჯარო სკოლის დამამთავრებელი კლასის მოსწავლეებს სპეციალურად მათთვის დაგეგმილი კომპიუტერული უნარების ტრენინგის შესახებაც მიაწოდა ინფორმაცია და ტრენერი წარუდგინა. 50-მდე ახალგაზრდა სწავლებას საზოგადოებრივ ცენტრში გაივლის. ტრენინგის ხანგრძლივობა ორი კვირა იქნება. IX-X კლასის მოსწავლეები საოფისე პროგრამებს დაეუფლებიან. კომპიუტერული უნარ-ჩვევების ტრენინგი პირველი სასწავლო კურსი არ არის, რომელიც ფოკას საზოგადოებრივ ცენტრში იმართება. 2014 წლიდან აქ უკვე ფუნქციონირებს ქართული ენის ინტენსიური სწავლების კურსები, სადაც ადგილობრივი სკოლის მოსწავლეები ქართულ ენას კვირაში ორჯერ დისტანციურად ეუფლებიან. იუსტიციის მინისტრმა ფოკაში საზოგადოებრივი ცენტრის გამწვანების აქციაშიც მიიღო მონაწილეობა. თეა წულუკიანმა ენზელ მკოიანთან და ვან ბაიბურთთან ერთად ცენტრის ეზოში „მეგობრობის ხე“ დარგო. საზოგადოებრივი ცენტრების გამწვანების აქცია იუსტიციის მინისტრის ინიციატივით ხორციელდება. მისი მიზანი გარემოზე ზრუნვა და სოფლის მოსახლეობის ეკოლოგიური მდგომარეობის გაუმჯობესებაა; პროცესში  მოსახლეობის ჩართულობა კი სოფლის მცხოვრებთ საშუალებას აძლევს, თავად იზრუნონ საზოგადოებრივ ცენტრებზე, რომლებიც მათ, 200-ზე მეტი სერვისის გარდა, შეკრებებისა და შეხვედრებისათვის საუკეთესო ინფრასტრუქტურასაც სთავაზობს.

სამცხე–ჯავახეთისა და ართვინ ჭოროხის უნივერსიტეტებს შორის ურთიერთთანამშრომლობის მემმორანდუმი გაფორმდა; ინტერვიუ ნიკოლოზ ახალკაცთან საგამოცდო სისტემის შესახებ; სტუდენტთა რესპუბლიკური კონფერენცია; ნახეთ ყოველ ორშაბათს მე–9 არხის ეთერში 22:00 საათზე– ,,საუნივერსიტეტო ქრონიკები”

დაპირების მიუხედავად, ახალციხეში საბავშვო ბაღის აღმზრდელები მომატებულ ხელფასებს, მიმდინარე წელს  ვერ მიიღებენ. ქალაქის მერი აღნიშნული საკითხის გათვალისწინებას 2015 წლის ბიუჯეტში აპირებდა, თუმცა ბაღის თანამშრომლების ანაზღაურება ამ დრომდე არ შეცვლილა. ქალაქის მერის თქმით, საკითხზე მუშაობა მიმდინარეობს, თუმცა წელს აღნიშნული პრობლემის მოგვარება ვერ მოხდება. ეს  განცხადება „მეცხრე არხის“  პირდაპირი ეთერით ახალციხის მერმა, გასული წლის ოქტომბრის თვეში გააკეთა, მაშინ როდესაც ადგილობრივი ხელისუფლება 2015 წლის ბიუჯეტის პროექტს  გეგმავდა. მას შემდეგ 8 თვე გავიდა, თუმცა სკოლამდელი აღზრდის დაწესებულებებში არც ტესტირება ჩატარებულა და არც თანამშრომლების ხელფასების საკითხი მოგვარებულა.

სამცხე–ჯავახეთის სახელმწიფო უნივერსიტეტმა, საქართველოს სახელმწიფო მოდერნიზაციის ინსტიტუტთან მემორანდუმი გააფორმა. ამასთან დაკავშრებით, უმღლეს საგანმანათლებლო დაწესებულებას, ინსტიტუტის დამფუძნებლები ესტუმრნენ. დოკუმენტის გაფორმების შემდეგ, სტუმრებმა  სტუდენტებთან და პროფესორ–მასწავლებლებთან პროექტის, სახელწოდებით ,,უკან მომავალში“ პრეზენტაცია გამართეს. მათი თქმით,  სამოქალაქო სექტორისა და სახელმწიფოს აქტიური ურთიერთობა ხელს ევროინტეგრაციის პროცესის დაჩქარდებას შეუწყობს. ამ კუთხით კი საქართველოს სახელმწიფო მოდერნიზაციის ინსტიტუტი საუნივერსიტეტო ჩართულობისათვის არაერთ პროექტს განახორციელებს.

მოსწავლეების ნამუშევრების გამოფენა ახალციხის სამხატვრო სკოლაში.   გაზაფხულის თემატიკაზე შექმნილი 50-მდე მოსწავლის ნამუშევარით სკოლამ მეორე სემესტრი შეაჯამა.

სამცხე–ჯავახეთის სახელმწიფო უნივერსიტეტისა და ართვინ–ჭოროხის უნივერსიტეტებს შორის ურთიერთთანამშრომლობის მემორანდუმი გაფორმდა. ახალციხეში, თურქეთის უმაღლესი საგანმანათლებლო დაწესებულებიდან ადმინისტრაციის წარმომადგენლები ჩამოვიდნენ. ორმა რექტორმა, მემორანდუმს ხელი  ერთობლივად მოაწერა. დოკუმენტის მიხედვით, უნივერსიტეტებს შორის, როგორც სასწავლო, ასევე სამეცნიერო მიმართულებით სხვადასხვა აქტივობები დაიწყება. გარდა ამისა, განხორციელდება გაცვლითი პროგრამებიც, რომლის საშუალებითაც, სტუდენტებს უცხო ენის სწავლა საქართველოსა და თურქეთში შეეძლებათ.

ფოლკლორული და საესტრადო სიმღერები, ცეკვები, პატრიოტული ლექსები და საოპერო არია – დღეს კიდევ ერთხელ დაირეკა ბოლო ზარი ახალციხის მუნიცპალიტეტის ყველა მეთორმეტეკლასელისთვის. ერთობლივ ღონისძიებაზე, სხვადასხვა სოფლიდან 210  კურსდამთავრებული სხვილისში შეიკრიბა. შეიკრიბა. საკონცერტო პროგრამის დაწყებამდე, სკოლადამთავრებულებს ცხოვრების ახალი ეტაპის დაწყება, ადგილობრივი თვითმმართველობის წარმომადგენლებთან  ერთად, სამცხე–ჯავახეთის სახელმწიფო უნივერსიტეტის, საზოგადოებრივი კოლეჯ ,,ოპიზარისა“ და საგანმანათლებლო რესურსცენტრის ხელმძღვანელებმაც მიულოცეს.

გავაცნოთ ევროკავშირი სკოლებს – ევროკავშირის დღეების ფარგლებში დღეს სამცხე–ჯავახეთის სახელმწიფო უნივერსიტეტში ახალციხის სკოლის მოსწავლეებმა ინტელექტუალური თამაში  ,,რა ? სად? როდის?” და ფლეშმობი  გამართეს. წიგნებითა და სიგელებით დააჯილდოვეს ესეების  და პოსტერების კონკურსში გამარჯვებული ახალგაზრდებიც. ახალციხეს ნატოსა და ევროკავშირის  საინფორმაციო ცენტრის წარმომადგენლებიც სტუმრობდნენ,

ახალციხის საჯარო  და კერძო სკოლებში მეთორმეტეკლასელებისათვის ბოლო ზარი  დაირეკა.   ახალგაზრდებმა სწავლის დასრულება სხვადასხვა ღონისძიებით აღნიშნეს. ამასთან დაკავშირებით ახალციხის მერიამ ქალაქის სკოლის მოსწავლეებს სიმბოლურ საჩუქრად ხატები გადასცა, მუსლიმი სარწმუნოების წარმომადგენლებმა კი ნახატები მიიღეს.

ახალციხის საჯარო სკოლებში საატესტატო გამოცდები დასრულდა. მოსწავლეებმა ბოლო ტესტირება დღეს ქიმიაში გაიარეს. როგორც საჯარო სკოლების დირექტორები აცხადებენ, საგამოცდო პროცესმა ხარვეზების გარეშე ჩაიარა. თუმცა ისინი მოსწავლეების მიერ მიღებული შედეგებით უკმაყოფილონი არიან. ქალაქის მასშტაბით, საჯარო სკოლებში 10 ქულა მინიმალური რაოდენობით დაფიქსირდა.

ახალგაზრდული ფორუმი ახალციხეში. ადიგენისა და ახალციხის სამოქალაქო და სასკოლო კლუბის წევრებმა საზოგადოებას დასაფინანსებლად ხუთი პროექტი წარუდგინეს. ფორუმს ორგანიზება არასამთავრობო როგანიზაცია დემოკრატ–მესხთა კავშირმა, ახალციხის ახალგაზრდულმა ცენტრმა და ვორლდ ვიჟენმა გაუწიეს. ახალციხეში „ახალგაზრდული ფორუმი“ გაიმართა. სამოქალაქო და სასკოლო კლუბების გაერთიანებით, 5–მა ჯგუფმა 5 საკითხზე პროექტები წარმოადგინა. ახალგაზრდებმა პრობლემის მოგვარება ეკოლოგიისა და გარემოს დაცვის, თანასწორობის, ტურიზმის, ცხოვრების ჯანსაღი წესისა და მოხალისეობის კუთხით გადაწყვიტეს.

კაბები, ვარცხნილობები და კერძები–საზოგადოებრივმა–პროფესიულმა კოლეჯმა „ოპიზარმა“ დაწესებულების კურსდამთავრებულების ნამუშევრები ახალციხეში საზოგადოებას წარუდგინა. მონაწილეებმა ადგილობრივებს მუშაობის სტილი და სპეციფიკა გააცნეს. დამსწრე აუდიტორიამ ღონიძიებაზე კოლეჯში არსებულ პროგრამებზე ინფორმაციაც მიიღეს. „ოპიზარის“ დირექტორის თქმით, ნებისმიერ პირს ვისაც სურს კონდიტერის, სტილისტისა და დიზაინერის პროფესიებს დაეუფლოს, სასწავლებელი საშუალებას აძლევს საქმიანობა გარკვეულ დონეზე შეისწავლოს.

დღეს ახალციხის საჯარო სკოლებში  მეთორმეტეკლასელებმა  საატესტატო გამოცდები  უცხო ენაში ჩააბარებეს.  პროცესი  ახალციხის საგანმანათლებლო დაწესებულებებში დილის ცხრა საათზე დაიწყო, მოსწავლეებს დავალებების შესასრულებლად  ერთი საათი ჰქონდათ გამოყოფილი. ქალაქის ნომერ პირველ და მეექვსე საჯარო სკოლებში უმაღლესი 10 ქულა დაფიქსირდა, თუმცა ორივე დაწესებულებაში თითო–თითო მეთორმეტეკლასელი ჩაიჭრა. მეხუთე საჯარო სკოლაში უმაღლესი 9 ქულა დაიწერა ხოლო 3–მა მოსწავლემ ბარიერი ვერ გადალახა. არაქართულნოვან მესამე საჯარო სკოლაში ყველა მოსწავლემ დამაკმაყოფილებელი შედეგი აჩვენა,  უმაღლესი კი  9,5 ქულა დაიწერა. მეორე რუსულენოვან სკოლაში  უმაღლესი შეფასება 8,6 იყო, ხოლო ერთი მათგანი ჩაიჭრა. დაწესებულებებში ტესტირებას გამოცდების ეროვნული  ცენტრის წარმომადგენლები დააკვირდნენ. შეგახსენებთ, რომ დამამთავრებელი კლასის მოსწავლეები  გამოცდებს 23 და 24 მაისს უცხო ენაში, ისტორიასა  და მათემატიკაში ჩააბარებენ. ტესტირების ხელახლა გავლა იმ პირებსაც შეეძლებათ, რომლებიც გასულ წელს  ჩაიჭრნენ.  საქართველოს მასშტაბით,  გამოსაშვები გამოცდები დაახლოებით 1600 საჯარო და კერძო სკოლაში ჩატარდება. ტესტირებაზე, დაახლოებით, 44 000 მე–12 კლასელი გავა. შეფასებისა და გამოცდების ეროვნული ცენტრის ინფორმაციით, გამოსაშვები გამოცდების ჩატარება, სავარაუდოდ, 1 700 000 ლარი დაჯდება.

თბილისის ტურიზმის აკდემიამ ახალციხეში ღია კარის დღე  ჩაატარა. დაწესებულების რექტორი ადგილობრივი სკოლების პედაგოგებს, დირექტორებს, აბიტურიენტებსა და რესურსცენტრის წარმომადგენლებს შეხვდა და მათ ტურიზმის აკადემიის შესახებ ინფორმაცია მიაწოდა. ღონისძიება ახალციხის მუნიციპალიტეტის გამგეობის ადმინისტრაციულ შენობაში შედგა. მონაწილეებს სასწავლებლის შესახებ გამოცემული ბუკლეტები და გაზეთები  დაურიგდათ.

საქართველოს საჯარო სკოლებში საატესტატო გამოცდები დაიწყო. დღეს მეთორმეტე კლასელებმა  ტესტირება ქართულ ენასა და ლიტერატურაში გაიარეს. საგამოცდო პროცესი გამოცდების ეროვნულმა ცენტრმა უზრუნველყო.

თბილისის ტურიზმის აკადემია ღია კარის დღეს აწყობს, ხოლო ასოციაცია „მესხეთი – 2001“– ის გამგეობა 22 მაისს ახალციხეში გასვლითი სხდომას  მართავს. შეხვედრა  ადმინისტრაციული შენობის  სხდომათა დარბაზში  15:00 საათზე ჩატარდება. ასოციაციის პრეზიდენტი პროფესორი ამირან მექვაბიშვილი და ტურიზმის აკადემიის პროფესორი ზურაბ სანადირაძე აკადემიის შესახებ მოხსენებებს წაიკითხავენ. შეხვედრაზე მოხდება ინფორმაციული სახის პრეზენტაცია თბილისის ტურიზმის აკადემიაში განხორციელებადი საგანმანათლებლო პროგრამების, სწავლების ვადების, პირობების  შესახებ; დაწესებულების წარმომადგენლები დამსწრე საზოგადოების მიერ დასმულ კითხვებსაც  უპასუხებენ.