საჯარო სკოლებში ბავშვების მიღებაზე ახალი ასაკობრივი ზღვარი წესდება. მომავალი წლიდან შესაძლოა 5 წლის ასაკის ბავშვები საგანმანათლებლო დაწესებულებაში  აღარ მიიღონ. ცვლილებას  კანონპროექტის სახე აქვს, რომელზეც პარლამენტი ახლო მომავალში იმსჯელებს.

შესაძლოა უმაღლეს სასწავლებლებში სტუდენტური თვითმმართველობები გაუქმდეს. „უმაღლესი განათლების შესახებ” კანონში შესატან ცვლილებაზე განათლების და მეცნიერების სამინისტროში შექმნილი სპეციალური კომისია მუშაობს.

ახალი სკოლამდელი აღზრდის  დაწესებულება ადიგენის მუნიციპალიტეტში.  სოფელ უდეში თანამედროვე სტანდარტებით აღჭურვილი მეორე საბაშვო ბაღი გაიხსნა. დღეიდან  33 აღსაზრდელს  საშუალება ექნება  სკოლაში მისვლამდე სხვადასხა უნარჩვევებს დაეუფლოს. დაწესებულების მენეჯერის თქმით, საბავშვო ბაღში  ადგილობრივები  დასაქმდებიან. სარეაბილიტაციო სამუშაოების განხორციელება ოთხი ორგანიზაციისა და ადიგენის მუნიციპლაიტეტის  ხელშეწყობით მოხდა.

ახალციხის პირველ საჯარო სკოლაში კატასტროფის შემცირებისადმი მიძღვნილი საერთაშორისო  კვირეული გაიმართა. მასში მონაწილეობა  ასპინძის  პირველი საჯარო სკოლის, ახალციხის  მე-7 და პირველი საჯარო სკოლების მოსწავლეებმა მიიღეს. პროექტის ფარგლებში, სკოლის შენობაში გაიმართა იმიტირებული ევაკუაციაც.

საქართველოს ზოგადსაგანმანათლებლო სკოლებში გამოსაშვები გამოცდები დაიწყო. დამამთავრებელი კლასის მოსწავლეები 4 დღის განმავლობაში ტესტირებას საბუნებისმეტყველო საგნებში გაივლიან. მიმდინარე სასწავლო წელს ისინი გამოცდას ახალი მოდელით ჩააბარებენ.

სამცხე-ჯავახეთის სახელმწიფო სასწავლო უნივერსიტეტმა შესაძლოა საერთაშორისო აკრედიტაცია მიიღოს – ამასთან დაკავშირებით უმაღლეს სასწავლებელს ამერიკელი სტუმრები ეწვივნენ. მათ დაწესებულებაში არსებული ტექნიკური ბაზა დაათვალიერეს და შესაძლო თანამშრომლობაზე ისაუბრეს.

შეზღუდული შესაძლებლობის  მქონე პირები პროფესიულ პროგრამებზე ისწავლიან. მოსწავლეებთან აღმზრდელები და ფსიქოლოგები იმუშავებენ , რომლებიც მათ  სასურველი საქმიანობის  დაუფლებაში დაეხმარებიან. პროექტში ახალციხის პროფესიული კოლეჯიცაა  ჩართული.  „ოპიზარი” 8 სპეციალური საგანმანათლებლო საჭიროების მქონე პირს ოქტმბრიდან მიიღებს.

ბავშვთა უფლებების დაცვა, საქართველოს ოკუპაცია, წყლის რესურსის სწორად გამოყენება, ქართულ ენაში არსებული ბარბარიზმები–ეს იმ საკითხბის არასრული ჩამონათვალია, რომელიც  დემოკრატ მესხთა კავშირის ორგანიზებით გამართულ კონკურსში “ორატორი”, სკოლის მოსწავლეებმა, აუდიტორიასა და ჟიურის  წარუდგინეს.

კატასტროფების რისკის შემცირების საერთაშორისო დღესთან დაკავშირებით, ახალციხის  პირველ საჯარო სკოლაში სამოქალაქო კლუბის ინიციატივით კონკურსი გაიმართა. მასში მონაწილეობა ქალაქის ყველა  საპილოტე  და მე-7 საჯარო სკოლის მოსწავლეებმა მიიღეს. ღონისძიება სამ რაუნდად ჩატარდა.  გამარჯვებული გუნდი -პირველი საჯარო სკოლა, სპეციალურმა ჟიურიმ გამოავლინა. მომდევნო ადგილი მეხუთე სკოლის გუნდმა  დაიკავა. გამარჯვებულს საჩუქრად სიგელები და პრიზები გადაეცა.

სახელმწიფო ენის ნორმების დარღვევისათვის შესაძლოა  ჯარიმები დაწესდეს. იდეას კანონპროექტის სახე აქვს და მასზე პარლამენტი ახლო მომავალში იმსჯელებს.  იმ შემთხვევაში თუ კანონი ძალაში შევა, საქართველოს ყველა მოქალაქე ვალდებული იქნება სახელმწიფო ენას დაეუფლოს.

საქართველოს განათლებისა და მეცნიერების სამინისტროს ორაგნიზებით, პირველად საშემოდგომო მიღებისას, პროფესიულ საგანმანათლებლო დაწესებულებებში სპეციალური საგანმანათლებლო საჭიროების მქონე პირები ჩაერთვებიან. 2013 წლის საშემოდგომო მიღებისას სხვადასხვა პროფესიულ საგანმანთლებლო პროგრამაზე სპეციალური საგანმანთელბლო საჭიროების მქონე 53 სწავლის მსურველი პირი დარეგისტრირდა. სპეციალური საგანმანათლებლო საჭიროების მქონე პირთა პროფესიული განათლების სისტემაში ჩართვა  პროფესიული ტესტირების საფუძველზე ხორციელდება.  აღნიშნული პროცესი სპეციალური საგანმანათლებლო საჭიროების მქონე პირთა ინტერესებისა და შესაძლებლობის გამოვლენას ითვალისწინებს, რის საფუძველზეც,  მოხდება შესაბამისი  პროფესიული საგანმანთლებლო  პროგრამის განსაზღვრა. ტესტირების მიმდინარეობის პროცესს დღეს საქართველოს განათლებისა და მეცნიერების მინისტრის პირველი მოადგილე ქეთევან ნატრიაშვილი გაეცნო.

მოტყუებული სტუდენტები თუ სახელმწიფოს მიერ აღებული ვალდებულება- საქართველოს პრეზიდენტის #866-ე  ბრძანებულება, რომელიც სამხედრო სავალდებულო სამსახურის გავლის შემთხვევაში სტუდენტებს გარკვეულ პრივილეგიებს პირდებოდა, ეჭვქვეშ დგას. ამ დრომდე უცნობია, ვის კომპეტენციაში შედის სტუდენტებისათვის სწავლის საფასურის ანაზღაურება.

ახალციხის მე–7 სკოლას მანდატურის სამსახური ესტუმრა. მათ სპეციალური საგანმანათლებლო საჭიროების მქონე ბავშვები მოინახულეს და სხვადასხვა სკოლის მოსწავლეების დახმარებით ღონისძიება გამართეს.

  ახალციხის სკოლების მანდატურები შეზღუდული შესაძლებლობების მქონე ბავშვებს ესტუმრებიან.  მანდატურები მოსწავლეებთან ერთად მე-7 სკოლის შეზღუდული შესაძლებლობების მქონე აღსაზრდელებს მოინახულებენ. მოსწავლები 21 სექტემბერს 13 საათზე მოზარდებს  საკონცერტო პროგრამითა  და მხიარული თამაშებით გაახალისებენ, მანდატურები კი ბავშვებს ტკბილეულით დაასაჩუქრებენ.  ახალციხის მე-7 სკოლაში 6-დან 18 წლამდე ასაკის 20– მდე  შეზღუდული შესაძლებლობების მქონე მოსწავლე სწავლობს.  ახალციხელი მანდატურების ინიციატივას მანდატურის სამსახურიც შეუერთდება და მომავალში საქველმოქმედო აქციები დაიგეგმება.  

ვალის პირველი საჯარო სკოლის 7 პედაგოგი ახალი სასწავლო წლიდან მუშაობას ამავე სკოლაში დაიწყებს. ამის შესახებ მედიასთან განცხადება არასამთავრობო ორგანიზაცია “ერთსულოვნება სამართლიანობისკენ” ოფისის ხელმძღვანელმა გააკეთა.

სამცხე–ჯავახეთის უნივერსიტეტში დღეს სასწავლო პროცესი განახლდა. ამასთან დაკავშირებით სასწავლებლში ღონისძიება გაიმართა. სტუდენტებს სწავლის დაწყება დაწესებულების რექტორმა მიულოცა და  გასული წლის წარმატებული ახალგაზრდები სიგელებით დააჯილდოვა.

საჯარო სკოლების დირექტორების სერთიფიცირების პროცესი დასრულდა. ახალციხეში გამოცდები პირველ და მეხუთე საჯარო სკოლებში გაიმართა. ტესტირებაზე ორი დღის განმავლობაში დარეგისტრირებული 40 მსურველიდან მეხუთე სკოლაში 4 ადამიანი არ გამოცხადდა, ხოლო პირველ სკოლაში სრული დასწრება დაფიქსირდა.

    საქართველოს განათლებისა და მეცნიერების სამინისტრომ საჯარო ს სკოლის დირექტორების სერთიფიცირების პროცესი დაიწყო. ახალციხეში გამოცდები პირველ და მეხუთე საჯარო სკოლებში მიმდინარეობს.  პირველ სესიაზე  სასწავლებლებში 20–20 ადამიანი იყო რეგისტრირებული. პირველ სკოლაში ყველა მათგანი გამოცხადდა, ხოლო მეხუთე საჯარო სკოლაში 20–დან 2 მონაწილე ტესტირებაზე არ მივიდა.     ახალციხეში დირექტორების სასერთიფიკაციო გამოცდა მინიმალურმა რაოდენობამ ჩააბარა. მონაწილეები ამ ფაქტს ტესტების სირთულითა და მოსამზადებელი პერიოდის სიმცირით ხსნიან.    „როგორც მახსოვს, გამოცდის შესახებ  ინფორმაცია 7 აგვისტოს დაიდო. იმ ადამიანებმა, რომლებსაც დირექტორობის გამოცდილება არ აქვთ, მოსამზადებელ პერიოდში მეცადინეობა ვერ მოასწრო. ტესტებზე საკმაოდ სერიოზული მუშაობა იყო საჭირო. აღნიშნული საკითხები მოქმედ დირექტორისთვის აუცილებელია. პირადად, მე 72 ქულა ავიღე, რაც, როგორც ვიცი, გამსვლელი ქულაა“ – აცხადებს „ექოსთან“ საუბარში ადიგენის მუნიციპალიტეტის სოფელ ჭეჭლის საჯარო სკოლის დირექტორი ავთანდილ აბაშიძე.

ბაკურიანში საზაფხულო სკოლის მონაწილეებს უცხოელი და ქართველი პროფესორები ლექცია–სემინარებს უტარებენ. პროგრამაში საქართველოს სხვადასხვა რეგიონის უნივერსიტეტების სტუდენტები არიან  ჩართულნი. სემინარების მიმდინარეობას განათლებისა და მეცნიერების მინისტრი გაეცნო. თამარ სანიკიძე  საზაფხულო სკოლის მონაწილეებს გაესაუბრა და მათი პრობლემებით დაინტერესდა.

თმოგვი – ნაქალაქევის სკოლის დეოპტიმიზაციასთან დაკავშირებით, სასაწავლო დაწესებულების დირექტორი, განათლების სამინისტროდან პასუხს ამ დრომდე ლეოდება. გიორგი კაველიძე ამბობს, რომ პირველად ასპინძის საგანმანათლებლო რესურსცენტრის  რეკომენდაციით, მშობლებისა და პედაგოგების ერთობლივი განცხადება სამინისტროს, ექვსი თვის წინ გაუგზავნა, თუმცა პასუხი ამ დრომდე არ მიუღია. მას შემდეგ ნაქალაქევის დირექტორმა ცენტრალურ ხელისუფლებას, პასუხის მისაღებად კიდევ მიმართა, თუმცა უშედეგოდ. „ თმოგვი – ნაქალაქევის სკოლის დეოპტიმიზაციასთან დაკავშირებით, ორი თვის წინ სამინისტორს, წერილობით კიდევ მივმართე, მაგრამ  პასუხი არ მიმიღია. კიდევ ვაპირებ ხელისუფლებას  წერილობითი დოკუმენტი გავუგზავნო“–ამბობს „ექოსთან“ სატელეფონი საუბარში ნაქალაქევის სკოლის დირექტორი. სკოლის დირექტორის მსგავსად სამინისტროს უკვე ორჯერ მიმართ  ასპინძის საგანმანათლებლო რესურსცნტრის ხელმძღვანელმა. „განათლების სამინისტროსშიც კი ვიმყოფებოდი და აღნიშნულის თაობაზე  საკითხი  დავსვი. თუმცა მეუბნებიან, რომ იგი ჯერ კიდევ  განიხილვის პროცესშია და პასუხს მალე მივიღებთ“ _ამბობს ტრისტან მურადაშვილი. როდის გადაწყვეტს განათლების სამინისტრო, ასპინძის მუნიციპალიტეტის თმოგვი – ნაქალაქევის სკოლის დეოპტიმიზაციას, რესურსცენტრისა და სასწავლო დაწესებულების ხელმძღვანელებისათვის გაურკვეველია. ასპინძის მუნიციპალიტეტის სოფლების, თმოგვისა და ნაქალაქევის სკოლების ოპტიმიზაცია 2010 წელს განხორციელდა, რა დროსაც ერთი სასწავლო დაწესებულების  ბიუჯეტზე, ორი სკოლის გაერთიანება მოხდა. აღნიშნულმა კი სასწავლო დაწესებულებაში ფინანსური პრობლემები შექმნა, რომელიც დღესაც გრძელდება.