ახალციხის მუნიციპალიტეტი ინფრასტრუქტურული პროექტების განსახორციელებლად ემზადება. ამ დროისათვის ცენტრალური ბიუჯეტიდან პროექტებისათვის თანხები უკვე გამოყოფილია. მოსახლეობის მთავარი პრიორიტეტი გზისა და სასმელი წყლის მოწესრიგებაა.

ასპინძის მუნიციპალიტეტის საკრებულოში, გამგებლის თანამდებობაზე შეტანილი დოკუმენტების განხილვა დასრულდა. შესაბამისად დასრულებულია განაცხადების მიღებაც. ადგილობრივ საკანონმდებლო ორგანოში ვაკანტურ თანამდებობაზე შესაბამისი დოკუმენტი სულ რვა კანდიდატმა წარადგინა.

ნინოწმინდის მუნიციპალიტეტის საკრებულოს თავმჯდომარე პარლამენტარის წინააღმდეგ. ვლადიმერ სამბოსიანი მაჟორიტარ დეპუტატს, ენზელ მკოიანს ფიზიკური და სიტყვიერი შეურაცხყოფის მიყენებაში ადანაშაულებს. აღნიშნული ფაქტი 26 აპრილს ნინოწმინდაში, ადგილობრივი მუნიციპალიტეტის გამგეობის შენობასთან 100– მდე მოქალაქემ გააპროტესტა.

ასპინძის მუნიციპალიტეტის გამგებლის მოვალეობას უკვე ორი დღეა მისი მოადგილე ასრულებს. ადგილობრივი თვითმართველობის საკანონმდებლო ორგანოში მუნიციპალიტეტის პირველი პირის ვაკანტურ თანამდებობაზე სამი განაცხადია შესული.

ბორჯომის მუნიციპალიტეტში ტერიტორიული ორგანოებისა და ქალაქის რწმუნებულების თანამდებობებზე გასაუბრება გაიმართა. საკონკურსო კომისიამ 11 რწმუნებული შეარჩია. აქედან ერთ-ერთი მათგანი, რომელსაც განაცხადი ქალაქის რწმუნებულის პოზიციაზე ჰქონდა შეტანილი, სკითხის გასაჩივრებას სასამართლოში აპირებს.

ევროპული ქარტიის რატიფიცირება და მასთან დაკავშირებული განსხვავებული მოსაზრებები. უმცირესობის ენების რატიფიკაციიას პრეზიდენტი ეწინააღმდეგება. მისი თქმით, აღნიშნული ფაქტი ქვეყნის სუვერენიტეტს ზიანს მიაყენებს. ქვეყნის პირველი პირის მოსაზებას არ ეთანხმება სახელმწიფო მინისტრი რეინტეგრაციის საკითხებში.

„ერთიანი ნაციონალური მოძრაობის” მხარდამჭერებისათვის, კოალიცია „ქართული ოცნების” მიერ დაანონსებული “სირცხვილის კორიდორი” ჩაიშალა. კოალიციის აქტივისტთა ნაწილი აღნიშნულს იმით ხსნის, რომ უმცირესობის აქტივისტებს, მათი ქმედება ზეწოლად არ ჩაეთვალათ. ნაწილი ამბობს, რომ ნაციონალური მოძრაობის მხარდამჭერთა კოლონები არ გამოჩენილან, ამიტომ იძულებულნი გახდნენ აქცია ჩაეშალათ.

 

საქართველოს პრეზიდენტის ვიზიტის მეორე დღე ჯავახეთში. მიხეილ სააკაშვილი 18 აპრილს ახალქალაქის ქართულ სკოლას, სახელობო სასწავლებელ –პანსიონატს და სომხურ სამოციქულო ეკლესიას ესტუმრა

ვანო მერაბიშვილს საკუთარი პარტიის წარმომადგენლები უპირისპირდებიან. ნაციონალური მოძრაობის გენერალური მდივანი, კუდის ყოფილმა უფროსმა დათა ახალაიამ და უმცირესობის ყოფილმა წარმომადგენელმა მარიკა ვერულაშვილმა, არჩევნების წაგებასა და გახმაურებული სპეცოპერაციების არასწორ ორგანიზებაში დაადანაშაულეს. მოახდენს თუ არა აღნიშნული ბრალდებები გავლენას პარტიის საერთო ინტერესებზე და უკავშირებენ თუ არა ამ ფაქტს 19 აპრილის აქციას ,,ნაციონალური მოძრაობის” წარმომადგენლები

,,ერთიანი ნაციონალური მოძრაობა”  19 აპრილს მშვიდობიანი აქციის გამართვას გეგმავს. ამასთან დაკავშირებით პარტიაში სამზადისი უკვე მიმდინარეობს. საპარლამენტო უმცირესობის წარმომადგენლები მთავარი მიზნებითა და პრიორიტეტებით მოსახლეობას რუსთაველის გამზირიდან მიმართავენ.

,,ქართული ოცნების” წინასაარჩევნო დაპირებები და ქვეყანაში არსებული მდგომარეობა- ხელისუფლების  სათავეში მოსვლიდან 6 თვის შემდეგ უმრავლესობის წევრების მუშაობას სამოქალაქო საზოგადოების წარმომადგენლები აფასებენ. რამდენად სრულყოფილია „ქართული ოცნების” მიერ საპარლამენტო არჩევნებამდე გაწერილი პროგრამა და რა მიმართულებით არსებობს ხარვეზები. დაპირებები, რომლებიც შესრულდა, ნაწილობრივ მოგვარდა ან  უყურადღებოდ დარჩა.

  დიდი ბრიტანეთის ელჩი საქართველოში დევიდ მორანი, დღეს სამცხე–ჯავახეთს პირველად ესტუმრა. გაცნობითი ხასიათის ვიზიტის ფარგლებში, მან ახალციხის მუნიციპალიტეტის ადმინისტრაციული შენობა მოინახულა და ადგილობრივი თვითმართველობის ხელმძღვანელ პირებს შეხვდა.

  „გენდერული თანასწორობა პოლიტიკურ პროცესებში”-ამ სახელწოდების შეხვედრა, დღეს საქართველოს გენდერული თანასწორობის ქსელის ორგანიზებით გაიმართა. მისი მთავარი მიზანია, პოლიტიკურ პროცესებში ქალები აქტიურად იყვნენ ჩართულნი

გთხოვთ გამათავისუფლოთ დაკავებული თანამდებობიდან  – ასეთი განცხადება დღეს ახალციხის მუნიციპალიტეტის ყველა თანამშრომელმა  დაწერა. მიუხედავად ამისა,  მუნიციპალიტეტის გამგებელმა განაცხადა რომ, სამსახურს არავინ დატოვებს.   ბესიკ ბლიაძის განმარტებით მოხდა გამგებლის მოადგილეთა შტატის შემცირებაც.

  ახალციხის მუნიციპალიტეტის გამგებლის მოვალეობის შემსრულებელს, იურიდიულ საკითხებში მრჩეველი ყავს. აღნიშნულ თანამდებობაზე  გოჩა პარუნაშვილი  3 აპრილს დაინიშნა.  

რეგიონული განვითარებისა და ინფრასტრუქტურის სამინისტრო საქართველოს პრეზიდენტის ბრალდებებს პასუხობს. დავით ნარმანია აცხადებს, რომ  მიხეილ სააკაშვილი პროექტების შეჩერების შესახებ მოსახლეობას ცრუ ინფორმაციას აწვდის. მინისტრმა ყურადღება პრეზიდენტის მიერ ჯავახეთში გაკეთებულ განცხადებაზე გაამახვილა, სადაც სააკაშვილი მარაბდა–ახალქალაქის სარკინიგზო მაგისტრალის მშენებლობის შეჩერებაზე საუბრობს.

დააბრუნებს თუ არა საქართველოს 90–იან წლებში  სომხურისათვის რეგიონული ენის სტატუსის მინიჭება,  არის თუ არა განსხვავებული მიდგომა ქარტიის რატიფიკაციასთან დაკავშირებით ნაციონალურ მოძრაობაში და რატომ მიესალმება პრეზიდენტის მრჩეველი მის მიერვე საქართველოს პატრიოტად წოდებულ ვაჰაგან ჩახალიანს – მიმართვამ, რომელიც პარლამენტში გასაგზავნად მზადდება, უკვე გამოიწვია პარტიულ ინტერესთა კონფლიქტი.

სამცხე–ჯავახეთის გუბერნატორის ივანე წიკლაურის  მოადგილედ ვახტანგ გეწაძე დაინიშნა. მის საქმეს, ამ დროისათვის, საოლქო პროკურატურა იძიებს.