სამცხე–ჯავახეთში სომხური ენისთვის რეგიონული ენის მინიჭების საკითხზე ახალქალაქის მუნიციპალიტეტის საკრებულოში საქართველოს პარლამენტში წარსადგენი დოკუმენტი მზადდება. ადგილობრივი დეპუტატები ითხოვენ, რომ ხელისუფლებამ ევროპის ქარტიის რატიფიცირება მოახდინოს, რომელიც ეროვნულ უმცირესობათა ენების დაცვას ითვალისწინებს. ხელისუფლების ძველი და ახალი წარმომადგენლები სიტუაციის დასარეგულირებლად მთავრობას საკუთარ მოსაზრებებს სთავაზობენ.

რეგიონული ენისათვის სტატუსის მინიჭება და გენოციდის აღიარება_ეს საკითხები განიხილა, ახალქალაქის საკრებულოს სხდომაზე, მაჟორიტარმა დეპუტატმა სამველ პეტროსიანმა. მისი თქმით, აღნიშნულ მოთხოვნებს თავად მოსახლეობა აყენებს. განცხადების გაცნობის შემდეგ საკრებულოს წევრებმა განმარტეს, რომ ისინი ამ საკითხთან დაკავშირებით მთავრობას მიმართავენ

ახალციხის მუნიციპლიატეტის ახლად არჩეულმა პირველმა პირმა მუშობა დილიდან დაიწყო. ბესიკ ბლიაძე 11 მარტს საკრებულოს წევრთა უმრავლესობამ გამგებლის მოვალეობის შემსრულებლად აირჩია. სხდომაზე მისი კანდიდატურა საკრებულოს თავმჯდომარემ თავად დაასახელა.

ბესიკ ბლიაძემ ახალციხის მუნიციპალიტეტის გამგებლის მოვალეობის შემსრულებლის თანამდებობა დღეს კონკურსის გამოცხადებამდე დაიკავა.  როდის გამოცხადდება კონკურსი  ამ დროისთვის ცნობილი არ არის, თუმცა გამგეობის ახალ ხელმძღვანელს მასში მონაწილეობის მიღება უკვე გადაწყვეტილი აქვს.

ახალქალაქის მუნიციპალიტეტის გამგებელი ,,ქართულ ოცნებაში“ გადასვლას აპირებს. ნაირ ირიციანი ამბობს, რომ თუ ახალ ხელისუფლებას დაჭირდება, ის ჯავახეთისთვის ბევრ კარგ საქმეს გააკეთებს. მუნიციპალიტეტის გამგეობის პირველი პირის განმარტებით ეს გადაწყვეტილება, მას იმ კონკრეტულმა ქმედებებმა მიაღებინა,  რომელიც 1 ოქტომბრის საპარლამენტო არჩევნების შემდეგ ქვეყანაში ახალმა მთავრობამ გაატარა.

ხმაური ადიგენში. მუნიციპალიტეტში, პარლამენტის წევრის, ბიძინა გუჯაბიძის გამოჩენამ დღეს კოალიცია ,,ქართული ოცნების“ წევრები ორად გაყო, ნაწილი მაჟორიტარი დეპუტატობის ყოფილ კანდიდატს კულტურის სახლში შეხვდა, ნაწილი კი პარლამენტარს გზის გადაკეტვით ემუქრებოდა, რატომ არ უშვებდნენ კოალიციიის წევრები ბიძინა გუჯაბიძეს ადიგენში, რატომ გახდა საჭირო სამართალდამცველების ჩარევა პროცესში და რა იყო პარლამენტარის ჩამოსვლის მიზეზი

აზერბაიჯანიდან დაბრუნებულმა, მიხეილ სააკაშვილმა საქართველოს მთავრობას სწორი მოქმედებისაკენ კიდევ ერთხელ მოუწოდა. პრეზიდენტმა ვაჰაგან ჩახალიანის ამნისტიით გათავისუფლებაზე გაამახვილა ყურადღება და აღნიშნა, რომ იგი არაერთხელ გამოსულა ჯავახეთის ავტონომიის მოთხოვნით. ქვეყნის პრეზიდენტმა სასტუმრო “რედისონში” ჩახალიანის მიერ გამართულ პრესკონფერენციაზეც გაამახვილა ყურადღება, სადაც „ჯავახკის“ ყოფილმა თავმჯდომარემ, მიხეილ სააკაშვილის დაპატიმრება მოითხოვა. ჟურნალისტებთან ქვეყნის პირველმა პირმა, აზერბაიჯანში საკუთარ ვიზიტზე და იმ საფრთხეებზე ისაუბრა, რომელიც საქართველოსა და აზერბაიჯანის წინაშე დგას. მიხეილ სააკაშვილის ინფორმაციით, რუსეთში იმ მილიარდერების დიასპორა შეიქმნა, რომელიც აზერბაიჯანის პრეზიდენტის წინააღმდეგ არის მიმართული. მსგავსი რუსული გაერთიანებები ოქტომბრის საპარლამენტო არჩევნების პერიოდში, მის წინააღმდეგაც მოქმედებდა. პრეზიდენტის განცხადებას ეხმაურება ორგანიზაცია ,, ჯავახკის”  ყოფილი თავმჯდომარე.  იგი მიხეილ სააკაშვილის განცხადებას აბსურდულს უწოდებს ,   ,,ამ განცხადებით სააკაშვილს სურს,  ის პრობლემები, რაც ეთნიკური უმცირესობების წინაშე დგას,  კვლავ ჩრდილს მიღმა დარჩეს” –აცხადებს ვაჰაგან ჩახალიანი.

საქართველოს პრეზიდენტი დაცვის გარეშე გადაადგილდება. ეს გადაწყვეტილება ქვეყნის პირველმა პირმა მას შემდეგ მიიღო, რაც მისივე განცხადებით,  პირადი დაცვის საკითხი პოლიტიკური ვაჭრობის საგანი  გახდა.  მიხეილ სააკაშვილის ამ გადაწყვეტილებას ახალციხეშიც გამოეხმაურნენ.

ახალციხის საკანონმდებლო ორგანოში,  საკრებულოს დეპუტატებმა ახალი კომიტეტის შექმნისა და თანამდებობრივი სარგოების განაკვეთების განსაზღვრაზე ისაუბრეს. გარდა ამისა, საკრებულოს წევრთა მსჯელობის საგანი ,,ექო”-ს პირდაპირ ეთერში,  ბესიკ ხითარიშვილის მიერ შეჯამებული 100 სამუშაო დღის ანგარიშიც გახდა.

ორგანიზაცია ,,ჯავახკის” რუსული დიასპორა საკუთარ აქტივისტებს მოუწოდებს, საქართველოს ახალ ხელისუფლებას ლუსტრაციის კანონის მიღების მოთხოვნით მიმართოს. ,,ჯავახკის” განცხადებით, სამცხე–ჯავახეთში ნაციონალური მოძრაობის წარმომადგენლებს არცერთი თანამდებობა არ უნდა ჩაბარდეს. რას ფიქრობენ საკითხთან დაკავშირებით ადგილობრივები და ეთანხმებიან თუ არა რუსული დიასპორის განცხადებას ორგანიზაცია ,,ჯავახკის” ახალქალაქელი აქტივისტები

სომხეთის რესპუბლიკაში სერჟ სარქისიანი მეორე საპრეზიდენტო ვადით აირჩიეს. მან ხმათა 58,64 პროცენტი მიიღო. შესაბამისად, არჩევნებში რაფი ოვანესიანი დამარცხდა, რომელიც ოპონენტის გამარჯვებას აპროტესტებს.  მიუხედავად ამისა, საერთაშორისო დამკვირვებლებმა სომხეთის არჩევნები პოზიტიურად შეაფასეს და აღნიშნეს, რომ ზოგიერთი დარღვევის მიუხედავად, პროცესმა ნორმალურად ჩაიარა. სომხეთში მიმდინარე  მოვლენებს აქტიურად ადევნებს თვალყურს ახალციხეში მცხოვრები ეთნიკურად სომეხი მოსახლეობა.  მათი აზრით, სომხეთის მოქალაქეებმა  სწორი არჩევანი გააკეთეს.

საქართველოს მთავრობის მუშაობა შეაჯამეს ახალციხეში. მოსახლეობა  და არასამთავრობო სექტორი  ქვეყნის ახალ ხელისუფლებას მეტ გამჭვირვალობას ურჩევენ. საზოგადოების მოლოდინი და საკითხები, რომლებიც მათი თქმით თავრობამ უნდა გაითვალისწინოს

ახალქალაქის მუნიციპალიტეტში ნაციონალური მოძრაობის მომხრეებმა  ,,ქართული ოცნების” საპირისპირო აქცია  გამართეს. ქალაქის ცენტრში   1000-მდე ადამიანი  შეიკრიბა.

საქართველოს პრეზიდენტი, პარლამენტის წინაშე ყოველწლიური მოხსენებით  საკანონმდებლო ორგანოს ნაცვლად ეროვნულ ბიბლიოთეკაში წარსდგება. ამის შესახებ გადაწყვეტილება მიხეილ სააკაშვილმა მას შემდეგ მიიღო, რაც პრემიერ–მინისტრის მოთხოვნით უმრავლესობამ 8 თებერვალს კონსტიტუციით გათვალისწინებული მოხსენების მოსმენაზე უარი განაცხადა.

ასპინძის მაჟორიტარი დეპუტატის,  ტარიელ ლონდარიძის გამოსვლას პარლამენტში , უმრავლესობისა და უმცირესობის წევრებს შორის დაპირისპირება მოყვა. სესიაზე სადაც დეპუტატები საკონსტიტუციო ცვლილებებს  განიხილავდნენ,  ტარიელ ლონდარიძის განცხადებაზე, რომ იგი ცვლილებებს მხარს არ დაუჭერდა უმრავლესობის მხრიდან  უკმაყოფილება მოყვა.   ასპინძის მაჟორიტარმა და ფრაქცია რეგიონების თავმჯდომარემ უმრავლესობის მხრიდან  ზეწოლაზეც ისაუბრა.

უმცირესობისა და უმრავლესობის დებატებზე დღეს  პარლამენტში სიტყვით გამოვიდა ვაჟა ჩიტაშვილიც. ახალციხის მაჟორიტარმა დეპუტატმა მუნიციპალიტეტში არსებულ პრობლემებზე ისაუბრა. მისი თქმით, სოფლის მეურნეობას სამცხე–ჯავახეთში განსაკუთრებული ყურადღება უნდა მიექცეს..

ვინ უნდა დანიშნოს რეგიონის რწმუნებული — ამასთან დაკავშირებით, რესპუბლიკური პარტიის წარმომადგენლები ინიციატივით გამოდიან. პარტიის დამფუძნებელი და მდივანი დავით ბერძენიშვილი 2014 წლიდან გუბერნატორის პოსტის დაკავებას არჩევნების გზით ხედავს. გუბერნატორის თანამდებობაზე პიროვნების დანიშვნის უფლებამოსილებას საქართველოს კონსტიტუციის 81–ე მუხლის მესამე პრიმა ნაწილი განსაზღვრავს. მოქმედი კანონმდებლობით, სახელმწიფო რწმუნებულს ქვეყნის პრეზიდენტი პრემიერ მინსტრთან კონსულტაციის შემდეგ ნიშნავს.