ბათილად ცნობილი გასაუბრების აქტი და  ახალციხის მერიისათვის დაკისრებული სახელმწიფო ბაჟი 100 ლარის ოდენობით – ახალციხის რაიონულამა სასამართლომ „სამართლიანი  არჩევნებისა და დემოკრატიის საერთაშორისო საზოგადოების“ სარჩელი დააკმაყოფილა. ახალციხის რაიონულმა სასამართლომ, არასამთავრობო ორგანიზაცია  „სამართლიანი არჩევნებისა და დემოკრატიის საერთაშორისო საზოგადოების“ სარჩელი დააკმაყოფილა. მოსამართლე შალვა მჭედლიშვილის გადაწყვეტილებით, ბათილად იქნა ცნობილი ახალციხის მერიის საკონკურსო კომისიის ის აქტი, რომლის მიხედვითაც სამართლიანი არჩევნების წარმომადგენელს გასაუბრებაზე  დასწრებაზე უარი ეთქვა.

ადიგენის საკრებულომ, ახალციხის რაიონული სასამართლოს გადაწყვეტილება სააპელაციოში გაასაჩივრა.  ადვოკატი ოთარ კაჭკაჭაშვილი „მეცხრე არხთან“ აცხადებს, რომ  საკრებულო პირველი ინსტანციის მიერ მიღებული გადაწყვეტილების გაუქმებასა და   იმ ოქმის ძალაში დარჩენას მოითხოვს, რომლის მიხედვითაც, თავმჯდომარედ იმედა მღებრიშვილი  დაინიშნა. სააპელაციო სასამართლომ საჩივარი წარმოებაში უკვე მიიღო და დაცვის მხარე პირველი სასამართლო სხდომის ჩანიშვნას ელოდება.

სოფელ ხერთვისში მცხოვრებ დავით ჯაბანაშვილის წინააღმდეგ გამოტანილი განაჩენი, დაცვის მხარემ, სააპელაციო სასამართლოში გაასაჩივრა. იოსებ ხითარიშვილი, ახალციხის რაიონული სასამართლოს მიერ მიღებული გადაწყვეტილების  გაუქმებასა და ჯაბანაშვილისთვის  გამამართლებელი განაჩენის გამოტანას ითხოვს. ადვოკატი „მეცხრე არხთან“ განმარტავს, რომ მოსამართლე მარიკა ჩიტაშვილმა, ჯაბანაშვილის წინააღმდეგ განაჩენი უსაფუძვლოდ გამოიტანა, მისივე თქმით, საქმე სამოქალაქო დავა იყო და სისხლის სამართლის კოდექსით არ უნდა განხილულიყო.

დანაშაულის შეუტყობინებლობის საქმეზე სასამართლო სხდომა დღეს, არსებითი განხილვით გაგრძელდა. ნალბანდიანის, იგიტიანისა და კარაპეტიანის ბრალდებებთან დაკავშირებით ორი მოწმე დაიკითხა. სამცხე-ჯავახეთის სამხარეოს მთავარის სამმართველოს თანმშრომლებმა გიორგი ფარცახაშვილმა და ელგუჯა ტაბატაძემ, პროცესზე სარქის აკოფიანის მკვლელობის ირგვლივ  ჩატარებულ საგამოძიებო მოქმედებებზე ისაუბრეს. სამართლადამცველების მიერ მიცემულ ჩვენებებთან დაკავშირებით „მეცხრე არხთან“ კომენტარი  დაკავებული სამი პირის ადვოკატმაც გააკეთა. მაიზერ ბაბლუანის თქმით, პოლიციელებმა თავიანთი ჩვენებებით დაასატურეს,  რომ საგამოძიებო მოქმედებები კანონდარღვევით მიმდინარეობდა.

“გაუკუღმართებული ქათმების პარტია”,    “ნაცისტურ–ქათმური მოძრაობა – ჭირი, რომელიც სამუდამოდ უნდა მოვიშოროთ” – ახალციხეში, “ერთიანი ნაციონალური მოძრაობის” წინააღმდეგ, მსგავსი შინაარსის პლაკატები გამოჩნდა, შეურაცხმყოფელ ფოტოებზე  ,,რუსთავი 2–ის“ ჟურნალისტები და ოპოზიციური პარტიის წევრები არიან გამოსახული. პლაკატები ქალაქის რამდენიმე ადგილზე, სავარაუდოდ, გვიან ღამით გააკრეს. აღნიშნულ შემთხვევას გამოეხმაურნენ ,,ნაციონალურ მოძრაობაში.“ მალხაზ გიქოშვილის თქმით, პლაკატები ეთიკურ ნორმებსა და აზრის გამოხატვის თავისუფლების საზღვრებს სცდება. შსს–ოს საზოგადოებასთან ურთიერთობის სამსახურში ამბობენ, რომ მათთან აღნიშნულ შემთხვევაზე შეტყობინება არ შესულა, თუმცა ,,მე–9 არხის“ ინფორმაციის საფუძველზე, ფაქტზე რეაგირება მოხდება.

გარემოსდაცვითი ზედამხედველობის დეპარტამენტის სამცხე-ჯავახეთის სამმართველოს თანამშრომლებმა ხე-ტყის უკანონო ტრანსპორტირების ფაქტები გამოავლინეს და უკანონოდ მოქმედი სახერხი–დანადგარები აღმოაჩინეს ქალაქ ბორჯომში გადამოწმების მიზნით გაჩერებული იქნა მიკროავტობუსი, რომელიც დატვირთული იყო უკანონოდ მოპოვებული ხე-ტყით. აღნიშნული ავტომანქანა დაილუქა და გადაყვანილ იქნა ფინანსთა სამინისტროს მომსახურების სააგენტოში. ასევე, ბორჯომში სოფელ დაბაში, ერთ-ერთი საცხოვრებელი სახლის სათავსოში, უკანონოდ მოპოვებული 3 მ- 5 მ სიგრძის მრგვალი მორები აღმოაჩინეს. დეპარტამენტის სამცხე-ჯავახეთის სამმართველოს თანამშრომლებმა სახერხი-საამქროს რეგლამენტით გათვალისწინებული წესების დარღვევის კიდევ სამი ფაქტი გამოავლინეს ბორჯომისა და ადიგენის მუნიციპალიტეტებში. ბორჯომის მუნიციპალიტეტის სოფელ ახალდაბაში რეგისტრირებული სახერხი სამქროს ტერიტორიაზე ნაპოვნი იქნა უკანონოდ მოპოვებული მრგვალი მორი. აღნიშნული სახერხი საამქრო დაილუქა. ამავე მუნიციპალიტეტის სოფელ ყვიბისში ნანახი იქნა უკანონო სახერხი დაშლილ მდგომარეობაში, სადაც განთავსებული იყო პირველადი გადამუშავების პროდუქტი – ფიცარი. დანადგარი და ფიცარი კანონის შესაბამისად გადაიტანეს ფინანსთა სამინისტროს მომსახურების სააგენტოში. კიდევ ერთი ფაქტი ადიგენის მუნიციპალიტეტის სოფელ ზედუბანში გამოვლინდა. მოქალაქეს საცხოვრებელი სახლის ეზოში ჰქონდა განთავსებული სახერხი საამქრო, სადაც აღმოჩენილი იქნა პირველადი გადამუშავების პროდუქტი ფიცარი და უკანონოდ მოპოვებული მრგვალი მორი. განხორციელდა სახერხი საამქროს დემონტაჟი და გადატანილ იქნა ფინანსთა სამინისტროს მომსახურების სააგენტოში.

ახალციხის რაიონულ სასამართლოში ,,სამართლიანი არჩევნების“ სარჩელის განხილვა გრძელდება. დღეს მოპასუხე მხარემ,  მოსამართლეს ბოლო მტკიცებულებები წარუდგინა.  აღნიშნული  იმ საკვალიფიკაციო მოთხოვნათა ჩამონათვალს  ეხებოდა, რომელიც  კონკურსანტებისათვისაა გათვალისწინებული. ადმინისტრაციული სარჩელის განხილვას არ ესწრებოდა ,,სამართლიანი არჩევნების“ იურისტი. თათია ქინქლაძემ  სასმართლოს განცხადება გამოუგზავნა, სადაც სხდომაზე დაუსწრებლობის მიზეზი განმარტა და სხდომის გადადების თაობაზე მოსამართლეს  შუამდგომლობით მიმართა.  მოთხოვნა შალვა მჭედლიშვილმა დააკმაყოფილა.

შინაგან საქმეთა სამინისტრომ „ერთიანი ნაციონალური მოძრაობის“ ოფისების შეღებვის ფაქტებზე ადმინისტრაციული საქმის წარმოება უკვე დაიწყო. სამინისტროს  საზოგადოებასთან ურთიერთობის სამსახურში აცხადებენ, რომ საქმეს კვალიფიკაცია საგამოძიებო მოქმედებების ჩატარების შემდეგ მიეცემა. შეგახსენებთ, რომ ახალციხესა და ასპინძაში „ნაციონალური მოძრაობის“ ოფიები გვიან ღამით, წითლად შეღებეს. პარტიის წარმომადგენლები  მომხდარს NDI-ს კვლევის შედეგებსა დაა რამდენიმე დღის წინ ,,ქართული ოცნების” აქტივისტების მიერ გამართულ საპროტესტო აქციას უკავშირებენ. ისინი არ გამორიცხავენ, რომ მსგავსი შემთხვევები კიდევ განმეორდება. ნაციონალები საქმის გამოძიებასა და დამნაშავეების იდენტიფიცირებისთვის მიმდინარე ტერიტორიაზე დამონტაჟებული ვიდეო კამერების ჩანაწერების გამოყენებას მოითხოვენ.

ახალქალაქში გარდაცვლილი სარქის აკოფიანის ოჯახის წევრები და ნათესავები ბრალდებულების გასამართლებას და  მკაცრად დასჯას ითხოვენ. მათ დღეს აქციები სასამართლოსთან, პროკურატურასთან და სამმართველოს შენობასთან გამართეს. აკოფიანის ახლობლები სამმართველოს უფროსს თეიმურაზ კალანდაძესაც შეხვდნენ. „ჩვენ აღარ გავჩუმდებით“, “სამცხე-ჯავახეთში სამართლიანობას მოვითხოვთ“, „სამცხე-ჯავახეთში სამართლადამცავი ორგანოები, სამმართველო და პროკურატურა მოქრთამულია“-ამ შინაარსის ტრანსფარანტებით, ახალქალაქში მოკლული სარქის აკოფიანის ახლობლებმა აქცია ჯერ ახალციხის რაიონულ სასამართლოსთან, შემდეგ კი პროკურატურასთან და სამხარეო მთავარ სამმართველოსთან გამართეს. ისინი  ბრალდებული იგიტიანის, ნალბანდიანისა და კარაპეტიანისთვის ბრალდების შეცვლას მოითხოვენ, წინააღმდეგ შემთხვევაში რეგიონსა და დედაქალქში აქციებით იმუქრებიან.

 სარქის აკოფიანის ოჯახის წევრები და ნათესავები საპროტესტო აქციას სამცხე–ჯავახეთის სამხარეო მთავარ სამმართველოსთან აგრძელებენ. “მეცხრე არხის” კორესპონდენტი იტყობინება, რომ ამ წუთებში სამმართველოს უფროსი გარდაცვლილის დასა და დიშვილს  ხვდება. რაზე ესაუბრება თეიმურაზ კალანდაძე აკოფიანის ოჯახის წევრებს, მედიისთვის უცნობია. შეგახსენებთ, რომ გარდაცვლილის ნათესავები ბრალდებულების გასამართლებას და  მკაცრად დასჯას ითხოვენ. ისინი ტრანსფარანტებით ჯერ ახალციხის რაიონულ სასამართლოსთან შეიკრიბნენ, შემდეგ კი პროკურატურასთან გადაინაცვლეს. ამ წუთებში, აქცია სამცხე–ჯავახეთის სამხარეო მთავარ სასამმართველოსთან მიმდინარეობს.

        აქცია ახალციხის რაიონულ სასამართლოსთან და პროკურატურასთან. გარდაცვლილი სარქის აკოფიანის ოჯახის წევრები და ნათესავები ბრალდებულების გასამართლებას და  მკაცრად დასჯას ითხოვენ. ,,სამცხე–ჯავახეთში სასამართლო და პროკურატურა მოქრთამულია,“  ,,გავაგრძელებთ ბრძოლას რეგიონში სამართლიანობის აღსადგენად“ – ამ შინაარსის ტრანსფარანტებით 30–მდე ადამიანი ჯერ სასამართლოსთან შეიკრიბა, სადაც აკოფიანის დანაშაულის შეუტყობინებლობის ბრალდებით დაკავებული სამი პირის გასამართლება მკვლელობაში თანამონაწილეობის მუხლით  მოითხოვეს. სასამართლოს შემდეგ აქციამ პროკურატურასთან გადაინაცვლა, სადაც პროკურორის არყოფნის გამო გადადებულ  სასამართლო სხდომას აპროტესტებენ. ამ წუთებში, აქციის მონაწილეები აპირებენ, რომ სამცხე–ჯავახეთის სამხარეო მთავარ სასამმართველოსთან გადაინაცვლონ.

გარემოსდაცვითი ზედამხედველობის დეპარტამენტის სამცხე-ჯავახეთის სამმართველოს თანამშრომლებმა ხე-ტყის უკანონო მოპოვებისა და ტრანსპორტირების ოთხი ფაქტი გამოავლინეს. ახალციხის მუნიციპალიტეტის სოფელ ანში გადამოწმების მიზნით შეჩერებული იქნა სატვირთო ავტომანქანა. დადგინდა, რომ მძღოლი მოპოვებული 7 მ3 ფიჭვის სახეობის მრგვალი მორის ტრანსპორტირებას უკანონოდ ახორციელებდა . უკანონოდ მოპოვებული 17 ცალი 3მ სიგრძის მრგვალი მორის ტრანსპორტირებას ახდენდა სამართალდამრღვევი ახალციხის სოფელ აგარაშიც. ასევე, გადამოწმების მიზნით იქნა გაჩერებული სოფელ თისელში სატვირთო ავტომანქანა, რომელიც  2მ3 პირველადი გადამუშავების პროდუქტის ფიცარის ტრანსპორტირებას შესაბამისი დოკუმენტაციის გარეშე ახდენდა. სოფელ თისელშივე გამოვლინდა კიდევ ერთი ფაქტი. სამართალდამრღვევს გადაჰქონდა 3,7 მ3 პირველადი გადამუშავების პროდუქტი – ფიცარი. მას არ ჰქონდა შესაბამისი დოკუმენტაცია. აღნიშნული ავტომანქანები დაილუქა. შედგენილია შესაბამისი აქტები.

წამებისა და არაადამიანური მოპყრობის ამსახველი კადრები ინტერნეტ სივრცეში კიდევ ერთხელ გავრცელდა. ვიდეოჩანაწერის გასაჯაროვებამ, ისევე როგორც სამი  წლის წინ, ამჯერადაც საზოგადოების დიდი ნაწილის აგრესია გამოიწვია. რატომ ხდება წამების ამსახველი ვიდეო პერიოდულად ყველასთვის ხელისაწვდომი და როგორ მოქმედებს იგი რიგით ადამიანზე, რომელსაც მასალის ნახვა  სოციალურ ქსელში დაუბრკოლებლად შეუძლია – ფსიქოლოგებისა და სამოქალაქო სექტორის შეფასებები ფსიქოლოგიური ასპექტების შესახებ. ბოლო დღეების განმავლობაში, ადამიანის წამების ამსახველ ე.წ ,,ციხის კადრებზე“, საზოგადოება კიდევ ერთხელ ალაპარაკდა. ჩანაწერი, რომელიც პირველად 2012 წლის 18 სექტემბერს გასაჯაროვდა, საზოგადოების აგრესიის მიზეზი გახდა. სამი წლის შემდეგ, მსგავსი ვიდეო კვლავ გავრცელდა, ოღონდ ამჯერად უკრაინული ვიდეოპორტალის საშუალებით.

გარემოსდაცვითი ზედამხედველობის დეპარტამენტის სამცხე-ჯავახეთის სამმართველოს თანამშრომლებმა ხე-ტყით უკანონო სარგებლობის ფაქტი გამოავლინეს. ადიგენის მუნიციპალიტეტის სოფელ არალში რეგისტრირებული ერთ-ერთი სახერხი საამქროს ტერიტორიაზე ნანახი იქნა ავტომანქანა, რომლის ძარაზეც განთავსებული იყო უკანონოდ მოპოვებული მრგვალი მორი. სახერხის ტერიტორიაზე ასევე განთავსებული იყო პირველადი გადამუშავების პროდუქტი ფიცარი. აღნიშნული ავტომანქანა და სახერხი დანადგარი დაილუქა. უკანონოდ მოქმედი სახერხი საამქრო აღმოაჩინეს ბორჯომის მუნიციპალიტეტის სოფელ საკირეშიც. უკანონო სახერხი საამქრო სამართალდამრღვევს საცხოვრებლის ეზოში არსებულ ავტოფარეხში ჰქონდა განთავსებული  ადგილზე ასევე ნანახი იქნა უკანონოდ მოპოვებული მრგვალი მორი. აღნიშნული სახერხი საფინანსო სააგენტოში გადაიტანეს. შედგენილია შესაბამისი აქტები.

 ახალციხეში “ერთიანი ნაციონალური მოძრაობის” ოფისთან მომხდარზე შსს-მ გამოძიება დაიწყო. როგორც, “მეცხრე არხთან”  შსს-ს საზოგადოებასთან ურთიერთობის სამსახურის წარმომადგენელი თეა მიხანაშვილი აცხადებს, გამოძიება სისხლის სამართლის კოდექსის 226-ე მუხლით მიმდინარეობს.  აღნიშნული  ჯგუფური მოქმედების ორგანიზებას გულისხმობს, რომელიც  საზოგადოებრივ წესრიგს  არღვევს.  ქმედება ისჯება ჯარიმით ან საზოგადოებისათვის სასარგებლო შრომით ვადით ას ოციდან ას ოთხმოც საათამდე,  გამასწორებელი სამუშაოთი ვადით ორ წლამდე ან თავისუფლების შეზღუდვით ვადით სამ წლამდე. შეგახსენებთ, რომ  “ერთიანი ნაციონალური მოძრაობის” ახალციხის ოფისში “ქართული ოცნების” წარმომადგენლებმა კარები აჭედეს. აქციის 30–მდე წევრი ოპოზიციური პარტიის  წევრებ მოუწოდებდნენ ტერიტორია დატოვებინათ. აქციის მონაწილეები აცხადებდნენ, რომ აქტივისტები აღნიშნულისთვის  ხაშურიდან და ბორჯომიდან შეიკრიბნენ.

გარემოსდაცვითი ზედამხედველობის დეპარტამენტის სამცხე-ჯავახეთის სამმართველოს თანამშრომლებმა ბორჯომის რაიონის სოფელ ყვიბისში უკანონოდ მოპოვებული 6 ცალი 6 მ სიგრძის მრგვალი მორი აღმოაჩინეს. აღნიშნულთან დაკავშირებით შედგენილია შესაბამისი აქტი.

ახალციხეში, ოთხ ახალგაზრდას, სამართალდამცავი ორგანოები პოლიციელების თავდასხმაში ედავებიან. აღნიშნულ საკითხთან დაკავშირებით, დღეს, 17 ოქტომბერს, ახალციხის რაიონულ სასამართლოში პროცესი გაიმართა. მართლმსაჯულების ორგანომ ოთხივე მათგანს აღკვეთი ღონისძიების სახით გირაო 50 000 ლარის ოდენობით შეუფარდა. საქმის ძიება საქართველოს სისხლის სამართლის კოდექსის 353–ე მუხლის მეორე ნაწილით მიმდინარეობს, რაც პოლიციელზე თავდასხმასა და ჯანმრთელობის ხელყოფას გულისხმობს, რომელიც 7–11 წლამდე თავისუფლების აღკვეთას ითვალისწინებს. 

ორი  პოლიციელის  მკვლელობაში ბრალდებულის სასამართლო სხდომა დღეს ისევ მოწმეების დაკითხვით გაგრძელდა. სხდომაზე მხარეებმა ბორჯომისა და თბილისის ეპიზოდები განიხილეს. პროცესზე ის თბილისელი სტუდენტიც დაიკითხა, რომელმაც  ძებნილი აბულაძე შეიფარა. რატი გელბახიანმა განაცხადა, რომ ბრალდებულის ვინაობა არ იცოდა.  ასევე, დაიკითხა, ბორჯომში გარდაცვლილი პოლიციელის გიორგი ბერუაშვილის მეუღლე ნატალია ხუციშვილი.

გარემოსდაცვითი ზედამხედველობის დეპარტამენტის სამცხე-ჯავახეთის სამმართველოს თანამშრომლებმა ახალციხის მუნიციპალიტეტში, გადამოწმების მიზნით, მიკროავტობუსი გააჩერეს. დათვალიერების შედეგად დადგინდა, რომ ავტომანქანა  უკანონოდ მოპოვებული ხე-ტყით იყო დატვირთული. აღნიშნული ავტომანქანა დალუქეს და საფინანსო სააგენტოში გადაიყვანეს. გარდა ამისა, სამმართველოს თანამშრომლებმა უკანონოდ მოქმედი სახერხი საამქრო გამოავლინეს ბორჯომში, სოფელ ყვიბისიში. მოქალაქეს სახერხი საამქრო საცხოვრებელი სახლის ეზოში ჰქონდა განთავსებული. აღმოჩენილი იქნა ასევე, უკანონოდ მოპოვებული მრგვალი მორი. სამმართველოს თანამშრომლებმა სახერხი საამქროს დემონტაჟი განახორციელეს.

გარემოსდაცვითი ზედამხედველობის დეპარტამენტის სამცხე-ჯავახეთის სამმართველოს თანამშრომლებმა ხე-ტყის უკანონო ტრანსპორტირების ფაქტი გამოავლინეს. ადიგენის მუნიციპალიტეტში, გადამოწმების მიზნით გაჩერებული იქნა სატვირთო ავტომანქანა, რომლის ძარაზეც განთავსებული იყო პირველადი გადამუშავების პროდუქტი – ფიცარი. სამართალდამრღვევი ტრანსპორტირებას  შესაბამისი დოკუმენტაციის გარეშე ახდენდა. კანონდარღვევის შენიღბვის მიზნით, მოქალაქეს ფიცრები კარტოფილით ჰქონდა დაფარული. ავტომანქანა გადაყვანილი იქნა საფინანსო სააგენტოში. ასევე, სამმართველოს თანამშრომლება, ბორჯომის მუნიციპალიტეტის სოფელ ახალდაბაში ტყის ბუდეში უკანონოდ მოპოვებული ხე-ტყე აღმოაჩინეს. შედგენილია შესაბამისი აქტი.