ადგილობრივ ფერმერთა ნაწილი შესაძლოა სათესლე მასალის გარეშე დარჩეს. იმისთვის, რომ გლეხებმა სასოფლო სამეურნეო ბარათებით აგრო მაღაზიებში სხვადასხვა კულტურის თესლი შეიძინონ, მათ რეგისტრაცია უნდა გაიარონ. მცირემიწიან ფერმერთა 2014 წლის საგაზაფხულო სამუშაოების ხელშეწყობის პროექტში ჩართული მაღაზიების მეპატრონეები ირწმუნებიან, რომ ამისთვის მოსახლეობამ თადარიგი წინასწარ უნდა დაიჭიროს.

ასპინძის მუნიციპალიტეტის სოფელ რუსთავის მთებში  წყლის სისტემის მშენებლობა მიმდინარეობს, რომლის ექსპლოტაციაში შესვლის შემდეგ, საძოვარზე გასული შინაური პირუტყვი წყლით მომარაგდება. პროექტს საერთაშორისო ორგანიზაცია „მერსი ქორფსი“ და ფრანგული ასოციაცია „ფერდი“ ერთობლივად ახორციელებენ. პროექტის ხელმძღვანელები ამბობენ, რომ სისტემა სოფლამდე გაკეთდება და წყალს მოსახლეობა სასმელადაც გამოიყენებს.

ახალციხეში პლასტიკური აგრობარათების დარიგება დაიწყო.  50 ლარის ოდენობით აგრობარათს,  სულ 9 635 ბენეფიციარი მიიღებს. რომლის განაღდების საშუალებაც ლიფერთი ბანკის ფილიალებსა და ექსპრესებში შეეძლებათ. ფერმერები სასურველ  სასოფლო–სამეურნეო დანიშნულების პროდუქტს აგრო მაღაზიებში მიიღებენ.

სამცხე–ჯავახეთში საგაზაფხულო ხვნა–თესვა დაიწყო. თუმცა შპს „მექანიზატორის“ ახალციხის სერვისცენტრში ამბობენ, რომ ნიადაგის დასამუშავებლად,  ფერმერთა მხრიდან მიმართვიანობა  ნაკლებია იმ მიზეზით, რომ მათმა  უმეტესობამ, სამეურნეო სავრგულები შემოდგომით დაამუშავა.  რამდენი ლარი უჯდება  გლეხს სახნავ–სათესი ტექნიკის მომსახურება ახალციხის მუნიციპალიტეტში და რამდენად ხელმისაწვდომია იგი ფერმერებისათვის,  თემაზე ლუბა გიორგაძე მუშაობდა.

ახალციხეში სასოფლო-სამეურნეო წარმოების ეფექტიანობის აღდგენის პროექტის პრეზენტაცია გაიმართა. მის ფარგლებში აშშ–ის საერთაშორისო განვითარების სააგენტო, მექანიზაციისა და ფერმერთა მომსახურების ცენტრების, სასაწყობო მეურნეობის, მცირე და საშულაო ზომის გადამამუშავებელი და დამახარისხებელი საწარმოების ფუნქციონირებისათვის შესაბამის გრანტებს გამოყოფს.  პროექტი 5 წლიანია და მისი  ბიუჯეტი 19. 5 მილიონს შეადგენს.

სამცხე–ჯავახეთში სასოფლო–სამეურნეო ბარათების დარიგება დაიწყო. დღეს სოფლის მეურნეობის სამინისტროს კოორდინატორები ახალციხეს ესტუმრნენ და მუნიციპალიტეტის წარმომადგენლებს ბარათები გადასცეს. მუნიციპალიტეტის მასშტაბით სახელმწიფო დახმარებას სულ 8 ათას 350 ბენეფიციარი მიიღებს.

კოოპერატივების ჩამოაყალიბებით დაინტერესებულ ფერმერებს სასოფლო–სამეურნეო კოოპერატივების განვითარების სააგენტოს ხელმძღვანელი შეხვდა. გიორგი მიშელაძემ ახალციხელებს ახალი პროექტის მნიშვნელობა განუმარტა, ასევე ის საგადასახადო შეღავათები და პროგრამები გააცნო, რასაც სახელმწიფო კოოპერატივებისათვის განახორციელებს.

დაუმტკიცებელი მიწის ნაკვეთები და პრობლემა, რომელიც სოფლის მოსახლეობის დიდ ნაწილს აწუხებს. საჯარო რეესტრში აცხადებენ, რომ მოქალაქეებს სასოფლო–სამეურნეო დანიშნულების მიწის ნაკვეთების დარეგისტრირება გამარტივებული წესით უწევთ. თუმცა სტატისტიკური მონაცემებით საქართველოს მასშტაბით, გლეხების 80%–ს ფაქტობრივ მფლობელობაში არსებული მიწის ნაკვეთი ოფიციალურად დაკანონებული არ აქვს.

გვარამაძის ქუჩაზე მდებარე გადასასვლელი ხიდის რეაბილიტაციისათვის დაახლოებით 116 ათასი, პამაჯი-წყალთბილის ცენტრალური გზის რეაბილიტაცია-მოასფალტებისათვის 2 მილიონამდე, სოფელ ღრელის ცენტრალური გზის მოასფალტებისთვის დაახლოებით 603 ათასი, გვარამაძის ქუჩის გზის და სანიაღვრე არხის რეაბილიტაციისათვის 180 ათასი, ზარზმელის ქუჩის რეაბილიტაცია და საკანალიზაციო ქსელის მოწყობისათვის კი დაახლოებით 607 ათასი ლარია მოყოფილი.

სასოფლო–სამეურნეო ბარათებისა და საგაზაფხულო სამშოების ხელშეწყობის პროექტის დადებითი და უარყოფითი მხარეები– ამ თემებზე დღეს ახალციხეში მცხოვრებმა ფერმერებმა ადგილობრივი თვითმმართველობისა და საინფორმაციო–საკონსულტაციო სამსახურის უფროსის მოადგილესთან ერთად ისაუბრეს. მონაწილეები მცირემიწიან ფერმერთათვის განსაზღვრულ სახელმწიფო პროგრამას გაეცვნენ.

სასოფლო–სამეურნეო ბარათების მისაღებად დამატებით სიებში მონაცემების შესატანად ადგილობრივებმა ახალციხის მუნიციპალიტეტის გამგეობას 25 თებერვლამდე უნდა მიმართონ. მუნიციპალიტეტის გამგებლის მოვალეობის შემსრულებლის ინფორმაციით, მათ ვისაც მიწის ფართობი საჯარო რეესტრში 25 იანვრამდე აქვთ დარეგისტრირებული, უფლება აქვთ დაამატებით სიებში მოხვდნენ. „ვადა გადაიწია 25 თებერვლამდე. ვისაც მიწა რეეესტრში აქვს დარეგისტრირებული 25 იანვრამდე, მათ მიეცემათ საშუალება დამატებთ სიებში მოხვდნენ და მიიღონ ის დახმარება, რაც სახელმწიფოსგან არის გათვალისწინებული“ – აცხადებს ბესიკ ბლიაძე. შეგახსენებთ, რომ გასულ წელთან შედარებით, 2014 წელს სასოფლო–სამეურნეო ბარათს ამ დროის მონაცემებით 800 ბენეფიციარით მეტი მიიღებს.

ცოცხალი გენმოდიფიცირებული ორგანიზმებით შექმნილი თესლი საქართველოში თავისუფლად აღარ შემოვა, შემოსვლის შემთხვევაში კი მისი ნიადაგში შეტანა დახურულ სივრცეში მოხდება, რაც ლიცენზირებადი საქმიანობა იქნება. ახალი კანონპროექტი, რომელიც მთავრობის მიერაა ინიცირებული საკანონმდებლო ორგანოს უკვე გადაეგზავნა და ამჟამად განხილვის პროცესშია.

პროფესიულ კოლეჯებში აგრარული მიმართულების პროგრამები განვითარდება, სამცხე-ჯავახეთის პროფესიულ კოლეჯ „ოპიზარში” შესაბამისი ფაკულტეტები უკვე არსებობს. აგრარული კუთხით სოფლის მეურნეობის განვითარება კოალიცია „ქართული ოცნების” წინა საარჩვენო დაპირების ნაწილია.

სასოფლო–სამეურნეო ბარათების დარიგებას სოფლის მეურნეობის სამინისტრო 1–ლი თებერვლიდან იწყებს. „მცირემიწიან ფერმერთა 2014 წლის საგაზაფხულო სამუშაოების ხელშეწყობის პროექტის“ ბენეფიციარები იქნებიან ფერმერები, რომელთაც საკუთრებაში, სარგებლობაში ან ფაქტობრივ მფლობელობაში გააჩნიათ 1.25 ჰექტარის ჩათვლით ფართობის სასოფლო–სამეურნეო დანიშნულების მიწის ნაკვეთები. ახალციხეში ხელისუფლების ამ ინიციატივას დადებითად აფასებენ, თუმცა მის უარყოფით მხარეებზეც საუბრობენ.

სოფლის წრმუნებულების ანგარიში ახალციხის მუნიციპალიტეტის გამგებელს. 2013 წელი ტერიტორიული გაერთიანების რწმუნებულებმა ახალციხის ადმინისტრაციულ შენობაში შეაჯამეს. ხდომაზე, რომელიც დაახლოებით ორ საათს გაგრძელდა იმ პროგრამებზე ისაუბრეს, რაც გასულ წელს მუნიციპალიტეტში განხორციელდა.

სასოფლო-სამეურნეო კოოპერატივების განვითარების სააგენტოს წარმომადგენლები რეგიონებში შეხვედრებს აგრძელებენ. მორიგი შეხვედრა მათ ახალციხეში, ადგილობრივი ხელისუფლებისა და სოფლის მეურნეობის სამინისტროს საინფორმაციო-საკონსულტაციო სამსახურების წევრებთან გამართეს. სადაც სააგენტოს წარმომადგენლებმა კოოპერატივების შექმნის ტექნიკურ საკითხებსა და მის პრინციპებზე ისაუბრეს.

მცირემიწიანი  ფერმერები სასოფლო სამეურნეო ბარათებს აღარ მიიღებენ. ახალციხის მუნიციპალიტეტის გამგებლის მრჩეველი,  სოფლის მეურნეობის დარგში აღნიშნავს რომ სახელმწიფოსაგან ბარათების დარიგება ერთჯერადი იყო და გაზაფხულზე  სამინისტრო ახალ პროექტებს განახორციელებს.

სასოფლო -სამეურნეო დანიშნულების მიწები შესაძლოა 49 წლიანი იჯარით გაიცეს. შეზღუდვები პრივატიზებას დაქვემდებარებული სასოფლო -სამეურნეო  სავარგულების სარგებლობაში გადაცემაზეც  უქმდება. სიახლეს კანონპროექტის სახე აქვს და  პარლამენტი მასზე ახლო მომავალში იმსჯელებს.

  ფიზიკურ და კერძო სამართლის იურიდიულ პირებს სასოფლო-სამეურნეო დანიშნულების მიწის ნაკვეთები შესაძლოა, 49-წლიანი სარგებლობის უფლებით გადაეცეთ. ასეთ შესაძლებლობას “სახელმწიფო ქონების შესახებ” კანონში დაგეგმილი ცვლილებები ქმნის, რომელიც ეკონომიკისა და მდგრადი განვითარების სამინისტრომ და ქონების ეროვნულმა სააგენტომ მოამზადეს. კანონპროექტი პარლამენტს უკვე წარედგინა. პროექტის გათვალისწინებით, ფიზიკურ და კერძო სამართლის იურიდიული პირებისთვის სახელმწიფო საკუთრებაში არსებული სასოფლო-სამეურნეო დანიშნულების მიწების სარგებლობაში გადაცემა შესაძლებელია არაუმეტეს 49 წლის ვადით. ამასთან, უქმდება შეზღუდვა პრივატიზებას დაქვემდებარებული სასოფლო-სამეურნეო დანიშნულების მიწის ნაკვეთების სარგებლობაში გადაცემაზე. საგრებლობაში გადაცემას დაექვემდებარება, როგორც პრივატიზებას დაქვემდებარებული, ისე დაუქვემდებარებელი მიწის ნაკვეთები. სასოფლო-სამეურნეო დანიშნულების მიწებთან დაკავშირებით პარლამენტს მიღებული აქვს კანონი, რომლის საფუძველზეც, უცხოელებსა და უცხო ქვეყანაში რეგისტრირებულ იურიდიულ პირებს, ასევე უცხო ქვეყნის მოქალაქეების მიერ საქართველოში დაფუძნებულ იურიდიულ პირებს მიწებზე საკუთრების მოპოვების უფლება შეუჩერდათ. პარლამენტის მიერ მიღებული კანონით, ეს მორატორიუმი 2014 წლის 31 დეკემბრამდე მოქმედებს. გარდა ამისა, მმართველმა გუნდმა ამ მიმართულებით კიდევ ერთი საკანონმდებლო ინიციატივა მიიღო და აღნიშნულ პერიოდამდე სასოფლო-სამეურნეო დანიშნულების მიწებისთვის სტატუსის შეცვლა და მისი არასასოფლო-სამეურნეო დანიშნულებაში გადაყვანა შეაჩერა. წყარო: ინტერპრესნიუსი.

სოფლის მხარდაჭერის პროგრამა სამცხე-ჯავახეთში – ასპინძის მუნიციპალიტეტში პროგრამით გათვალისწინებული სამუშოები სრულდება. სახელმწიფო ბიუჯეტიდან გამოყიფილი თანხა მიმდინარე წელს ასპინძის მაცხოვრებლებმა ძირითადად წყლის სისტემის მოგვარებისათვის  დახარჯეს.