მუგარეთში მსხვილფეხა რქოსანი პირუტყვი იხოცება.  ლაბორატორიული გამოკვლევებით, სოფელში ორი სახის დაავადების – ემკარისა და პასტერელოზის არსებობა დადასტურდა. ადგილობრივებმა  ანტიბიოტიკებით მკურნალობა თვითნებურად ჯერ კიდევ ინფექციების დადასტურებამდე დაიწყეს.  მუგარეთელები  ამბობენ, რომ დახოცილი და დაავადებული საქონლის რიცხვი ყოველდღიურად იზრდება. მათივე თქმით, ამ დროისათვის სოფელში 15–მდე პირუტყვი დაიხოცა,  ხოლო 20–მდე  დაავადებულია. მუგარეთელები აბობენ, რომ  ინფექცია სოფელში დაახლოებით, ორი კვირის წინ გავრცელდა.  პირუტყვმა, თავდაპირველად,  კვება შეამცირა, შემდეგ კი კიდურები და ზურგი შეუსივდა. დაახლოებით, ხუთი საათის შემდეგ კი ცხოველები დაიხოცნენ. 

მეცხოველეობის განვითარება სამცხე-ჯავახეთში და მასთან დაკავშირებული პრობლემები. სოფლის მეურნეობის დარგში მომუშავე ადამიანები და ფერმერები მიიჩნევენ, რომ მეცხოველეობის განვითარების კუთხით რეგიონში პირობები შექმნილია, თუმცა პრობლემები მაინც არსებობს. ბენარაში მცხოვრები გიორგი ჩილაშვილი მეცხოველეობას მისდევს. ამ ეტაპზე მას 40 სული შინაური პირუტყვი ჰყავს. მისი ოჯახი სასაქონლე მეურნეობით ათეული წლის წინ დაინტერესდა. საქონლის მოვლისათვის საკუთარ ფერმაში ახალი მეთოდები დანერგა, მიუხედავად ამისა, ფიქრობს, რომ რეგიონში მეცხოველეობის განვითრების კუთხით პრობლემები არსებობს და ფერმერს სახელმწიფოსგან მხარდაჭერა უნდა  ჰქონდეს.  

მუგარეთში საქონლის დაავადება ემკარი და პასტეროლოზია გავრცელებული. სოფელში ორი სახის ინფექციის არსებობა ლაბორატორიული კვლევებით დადასტურდა. საჭირო მასალა დახოცილი ცხოველებიდან სურსათის ეროვნული სააგენტოს სამცხე-ჯავახეთის რეგიონულმა სამმართველომ აიღო. ადგილობრივები ამბობენ, რომ 20-მდე პირუტყვი უკვე დაიხოცა, 50 ათამდე კი დაცემულია.  ისინი საქონელს, ამ დრომდე, მედიკამენტებით თვითნებურად მკურნალობენ. მუგარეთელები  ამბობენ, რომ დახოცილი და დაავადებული საქონლის რიცხვი დღითიდღე იზრდება, ამიტომ ისინი ხელისუფლებას დახმარებას სთხოვენ. სპეციალისტთა განმარტებით, თუ ცხოველს  ემკარი ან პასტერელოზი აღმოაჩნდა,  მისი იზოლაცია აუცილებლად უნდა მოხდეს. დაავადებული ცხოველისგან მიღებული რძე, სხვა ცხოველების საკვებად, პასტერიზაციის შემდეგ გამოიყენება. საქონლის დაკვლა და ხორცის გამოყენება დაუშვებელია. დაავადებით დაცემულ ცხოველებს წვავენ და ორი მეტრის სიღრმეზე მარხავენ .

სოფელ მუგარეთში საქონლის დაავადებაა გავრცელებული. ადგილობრივები ამბობენ, რომ 20-მდე პირუტყვი უკვე დაიხოცა, 50 ათამდე კი დაცემულია.  ისინი საქონელს მედიკამენტებით მკურნალობენ, თუმცა რა ინფექციითაა დაავადებული  პირუტყვი,  არ იციან.  მუგარეთელები  ამბობენ, რომ დახოცილი და დაავადებული საქონლის რიცხვი დღითიდღე იზრდება.  ისინი ხელისუფლებას დახმარებას სთხოვენ. ჩადუნელების ოჯახი ერთ-ერთია სოფელ მუგარეთში, ვისაც პირუტყვი დაეხოცა. გერონტი ჩადუნელის თქმით, ამჟამად ერთი ხბო ჰყავს  დაავადებული და მედიკამენტებით თავად მკურნალობს, თუმცა არ იცის პირუტყვი რა ინფექციითაა დაავადებული.  მუგარეთის მკვიდრი ამბობს, რომ ცხოველის ხორცი გამოსაკვლევად ლაბორატორიაში მიიტანა, თუმცა მაღალი გადასახადის გამო,  მისი გამოკვლევა ვერ მოახერხა.

მესხი ფერმერები ევროკავშირის ბაზარზე გასასვლელად ემზადებიან. ადგილობრივები ინფრასტრუქტურის შეცვლასა და პროდუქციის გაუმჯობესებას ცდილობენ. თამაზ კაპანაძე  სოფელ ურავლის მკვიდრია. იგი 24 წელია რაც ფერმერულ მეურნეობას მისდევს.  სოფლის მიმდებარე ტერიტორიაზე,  საკუთარი ხელით აშენებულ საკალმახეს ფლობს და ხუთ ტონამდე თევზს უვლის. იგი  საქმიანობის გაფართოებას გეგმავს და დამატებით 30 აუზის მშენებლობას აპირებს. ფერმერის მიზანს პროდუქციის ევროპის ბაზარზე  გატანა წარმოადგენს.

სამცხე–ჯავახეთში დაავადება თურქულის საწინააღმდეგო ვაქციანაცია მიმდინარეობს. ამ დროის მონაცემებით, რეგიონის მასშტაბით, 20 ათასი წვრილფეხა და 10 ათასი მსხვილფეხა პირუტყვია აცრილი. ცხოველთა იმუნიზაცია მიმდინარე წლის ბოლომდე გაგრძელდება.

ახალქალაქის მუნიციპალიტეტის სოფელ დილისკაში გლეხები ამიერიდან ირიგაციას ახალი ტექნოლგიით შეძლებენ. ფერმერები საკუთარ ნაკვეთებს წვეთოვანი სისტემით მორწყავენ. დილისკაში გახსნის ცერემონიას იაპონიის სრულუფლებიანი ელჩი და ადგილობრივი ხელისუფლების წარმომადგენლები დაესწრნენ. პარტნიორი ქვეყნის წარმომადგენელმა აღნიშნა, რომ ახალქალაქის მკვიდრთათვის აღნიშნული მოწყობილობის დანერგვა მნიშვნელოვანია. წვეთოვანი სისტემის მეშვეობით წყლის მარაგი დაიზოგება და მოსავლიანობა გაიზრდება.

იმისათვის, რომ მეფუტკრეობა განვითარდეს და თაფლი სტანდარტების სრული დაცვით იწარმოოს, სახელმწიფო ფერმერებს კოოპერატივის შექმნას სთავაზობს. სასოფლო–სამეურნეო კოოპერატივების განვითარების სააგენტო, გაერთიანებისათვის მეფუტკრეებს სხვადასხვა შეღავათს ჰპირდება. კოოპერატივის წევრებს საშუალება მიეცემათ 100–მდე სკა დაბალ ფასად შეიძინონ, სახელმწიფო კი მას თანხის 70–% აუნაზღაურებს. აღნიშნულ პროექტთან დაკავშირებით, ახალციხის გამგეობის ადმინისტრაციულ შენობაში შეხვედრა გაიმართა. მას ახალციხისა და ადიგენის მუნიციპალიტეტებში მცხოვრები ფერმერები დაესწრნენ.

ისტორიული ძეგლები, მესხური ტერასები, ადგილობრივი წარმოების პროდუქტი, ტრადიციული სამზარეულო – სპეციალისტები ფიქრობენ, რომ სამცხე–ჯავახეთი აგროტურისტებისთვის მიმზიდველია, თუმცა დარგის განვითარებისთვის, პირველ რიგში, ვიზიტორისთვის შესათავაზებელი სერვისის კარგად შეფუთვა  უნდა მოხდეს. რას სთავაზობენ ექსპერტები სოფლის მაცხოვრებლებს და რა სახის მხარდაჭერას მოითხოვენ ისინი სახელმწიფოსგან – სამცხე–ჯავახეთში აგროტურიზმის განვითარების გზებზე მოსახლეობა, ხელისუფლების წარმომადგენლები და სპეციალისტები მსჯელობენ.

სოფელ ბენარაში მცხოვრები ფერმერი მესაქონლეობას წლებია მისდევს. გიორგი ჩილაშვილმა უცხოური გამოცდილება საკუთარ ფერმაში დანერგა. ფერმერი 40 სულ პირუტყვს, ახლობლების დახმარებით თავად უვლის.  მისი საქმიანობისა და წარმატების ხერხები – “ფერმერის საათის” სპეციალურ რუბრიკაში “წარმატებული ფერმერი”.

თამაზ კაპანაძე  ურაველში ცხოვრობს. იგი საკალმახე მეურნეობას, დაახლოებით,  24 წელია მისდევს. როგორ დაიწყო ფერმერმა საქმიანობა და რა გეგმები აქვს სამომავლოდ – თამაზ კაპანაძის ისტორია „ფერმერის საათის“ რუბრიკაში “წარმატებული ფერმერი”. თამაზ კაპანაძეს  24 წელია რაც ფერმერულ მეურნეობას მისდევს. იგი სოფელ ურავლის მიმდებარე ტერიტორიაზე,  საკუთარი ხელით აშენებულ საკალმახეს ფლობს და ხუთ ტონამდე თევზს უვლის. ამბობს, რომ აღნიშნული საქმიანობა  მისი ცხოვრების ნაწილია,  რომლის გარეშეც არსებობა  წარმოუდგენლად მიაჩნია.

მთის კალთებზე შეფენილი, ხელოვნურად დაბაქნებული ჰექტრობით ტერიტორია, რომელიც მთელ საქართველოში უნიკალური არქიტექტურული ნიმუშია, მალე ძველ იერსახეს დაიბრუნებს. მეღვინე გიორგი ნათენაძე, ბიზნესპარტნიორებთან ერთად ასპინძაში, მესხური ტერასების 23 ჰექტრის აღდგენასა და 14 სახეობის მესხური ვაზის დარგვას გეგმავს. მესხური ტერასების აღსადგენად გიორგი ნათენაძე ორ პარტნიორთან ერთად სამი წლის განმავლობაში იზრუნებს. ამბობს, რომ ტურიზმის განვითარების გარდა,  პროექტი დასაქმების კუთხითაც მნიშვნელოვანია. მარნების მშენებლობაში, მესხური ვაზის ნერგების დარგვასა და ყველა იმ საქმიანობის შესასრულებლად, რომელიც ძველი იერსახის აღსადგენად არის საჭირო ადგილობრივი მოსახლეობა ჩაერთვება.

გრიგოლ ვეშაგური, რომელიც ახალციხის მუნიციპალიტეტის სოფელ ხეოთში ცხოვრობს, რამდენიმე ათეული წელია მეფუტკრეობას მისდევს. როგორ დაიწყო გრიშა პაპამ ფურტკრის მოვლა, რა პრობლემებს წააწყდა გზადაგზა და რას გეგმავს სამომავლოდ – 84 წლის გრიგოლ ვეშაგურის ისტორია „ფერმერის საათის“ სპეციალურ რუბრიკაში „წარმატებული ფერმერი“. სოფელ ხეოთში მცხოვრებმა გრიგოლ ვეშაგურმა, მეფუტკრეობა გასული საუკუნის 50–იანი წლებიდან დაიწყო. ამბობს, რომ ვიდრე 100 ძირამდე ფუტკარს მოიშენებდა,  რთული გზა გამოიარა. 65 წლის წინ  თავდაპირველად ორი ძირი სოფელ სვირიდან გადმოიყვანა და მისი გამრავლება დაიწყო.

პროექტი ,,ევა,“ რომელიც ქალთა გააქტიურებაზეა ორიენტირებული – სრულდება. ,,საზოგადოებრივი განვითარების ახალციხის ცენტრის“ წარმომადგენლები პროექტის ფარგლებში შესრულებული სამუშაოების მონიტორინგს იწყებენ. ისინი დაინტერესებულ პირებს ბიზნესის უნარ–ჩვევების გაძლიერებაში ტრენინგებისა და პრაქტიკული სამუშაოების განხორციელებით დაეხმარნენ.

სოფლის მეურნეობის სამინისტროს ხუთ წლიანი სტრატეგია, ადგილობრივებს  უწყების წარმომადგენლებმა გააცნეს. შეხვედრა ახალციხის დემოკრატიული ჩართულობის ცენტრში გაიმართა, რომელსაც ფერმერები, არასამთავრობო ორგანიზაციების წარმომადგენლები და ადგილობრივ თვითმართველობაში დასაქმებული პირები დაესწრნენ. შეხვედრა კითხვა-პასუხის რეჟიმში წარიმართა. მონაწილეებმა ინფორმაცია მიიღეს კოოპერატიევბის შესახებაც  და ამ კუთხით დაგეგმილ სამომავლო გეგმებსაც გაეცნენ. შეხვედრას ორგანიზება არასამთავრობო ორგანიზაცია „ელკანამ“ პროქეტის „სასურსათო უსაფრთხოების სტრატეგიის სრულყოფა და მცირე ფერმერების დახმარების“ ფარგლებში გაუწია.  მსგავსი ტიპის შეხვედრები ქვეყყნის მასშტაბით სხვა რეგიონებშიც გაიმართა.

ბორჯომის მუნიციპალიტეტის გამგებელმა დიმიტრი ყიფიანმა და გამგებლის მოადგილემ ანზორ სვანიძემ მუნიციპალიტეტის მაღალმთიან სოფელ ჭიხარულაში მშენებარე რძის გადამამუშავებელი საწარმო დაათვალიერეს. საწარმოს მშენებლობის  პარალელურად, ძროხებისა და ღორების ფერმის მშენებლობაც მიმდინარეობს. ქარხნის მფლობელი შპს “მადლის” მენეჯერი ემზარ გოგოლაძეა. დამფუძნებელის განმარტებით, საწარმო ძირითადად ყველის წარმოებაზე იქნება ორიენტირებული, თუმცა ქარხანა რძის სხვა პროდუქტების დამზადებასაც აპირებს. გადამამუშავებელი საწარმო მიმდებარე სოფლებში მცხოვრები ფერმერებისაგან შეისყიდის რძეს. ბორჯომის მუნიციპალიტეტის გამგებლის თქმით, ქარხანაში 20 ადგილბრივი დასაქმდება. მისი გახსნა მეცხოველეობის სექტორის განვითარებასა და მოსახლეობის ეკონომიკური მდგომარეობის გაუმჯობესებას შეუწყობს ხელს. საწარმოს ასამოქმდებლად, ემზარ გოგოლაძემ 500 000 დოლარი სოფლის მეურნეობის განვითარების პროგრამის ფარგლებში, დაბალ პროცენტიანი კრედიტით აიღო. ქარხანის მშენებლობის დასრულება 1 თვეში იგეგმება და ის ყველა საერთაშორისო სტანდარტს დააკმაყოფილებს.

დილიდან ხმაური იყო მინაძის წყლის სატუმბი სადგურის მიმდებარე ტერიტორიაზე.  სადგურის უფროსმა ადგილობრივებს თანხის წინასწარ შეტანამდე, სარწყავი წყლით სარგებლობის უფლება აღარ მისცა. მან მოსახლეობას განუმარტა, რომ ამის შესახებ ბრძანება ახალციხის მუნიციპალიტეტის გამგებლისგან მიიღო. ორი სოფლის – მინაძე-ჭაჭარაქის  მაცხოვრებლებმა უკმაყოფილება მას შემდეგ გამოთქვეს, რაც სატუმბი სადგურის უფროსმა  თანხის წინასწარ გადახდის გარეშე სარწყავი წყლით სარგებლობა შეუზღუდა.

დილიდან ხმაური იყო მინაძის წყლის სატუმბი სადგურის მიმდებარე ტერიტორიაზე.  სადგურის უფროსმა ადგილობრივებს თანხის წინასწარ შეტანამდე, სარწყავი წყლით სარგებლობის უფლება აღარ მისცა. მან მოსახლეობას განუმარტა, რომ ამის შესახებ ბრძანება ახალციხის მუნიციპალიტეტის გამგებლისგან მიიღო. ორი სოფლის – მინაძე-ჭაჭარაქის  მაცხოვრებლებმა უკმაყოფილება მას შემდეგ გამოთქვეს, რაც სატუმბი სადგურის უფროსმა  თანხის წინასწარ გადახდის გარეშე სარწყავი წყლით სარგებლობა შეუზღუდა.

იჯარეთის მაცხოვრებლები სოფელში არსებული პრობლემების შესახებ ჩივიან. ადგილობრივების ვარაუდით,  მუნიციპალიტეტის თვითმმართველობა მათი სოფლის მიმართ ყურადღებას მას შემდეგ აღარ იჩენს, რაც 2014 წლის 14 სექტემბერს დაფიქსირებული სტიქიის შედეგად დაზარალებულმა მოსახლეობამ, ადგილობრივი თვითმმართველობის მიერ კომპენსაციების არასწორი განაწილება გააპროტესტა. სოფელ იჯარეთის მოსახლეობა თვითმმართველობის მხრიდან უყურადღებობაზე საუბრობს. ადგილობრივები ამბობენ, რომ დასახლებამდე მისასვლელ გზაზე ტრანსპორტით გადაადგილება შეუძლებელია.

იჯარეთის მაცხოვრებლები სოფელში არსებული პრობლემების შესახებ ჩივიან. ადგილობრივების ვარაუდით,  მუნიციპალიტეტის თვითმმართველობა მათი სოფლის მიმართ ყურადღებას მას შემდეგ აღარ იჩენს, რაც 2014 წლის 14 სექტემბერს დაფიქსირებული სტიქიის შედეგად დაზარალებულმა მოსახლეობამ, ადგილობრივი თვითმმართველობის მიერ კომპენსაციების არასწორი განაწილება გააპროტესტა. სოფელ იჯარეთის მოსახლეობა თვითმმართველობის მხრიდან უყურადღებობაზე საუბრობს. ადგილობრივები ამბობენ, რომ დასახლებამდე მისასვლელ გზაზე ტრანსპორტით გადაადგილება შეუძლებელია.