ახალციხის მუნიციპალიტეტის გამგებელს ახალი თანაშემწე ჰყავს, ბესიკ ბლიაძემ სოფლის მეურნეობის დარგში, ბიძინა გოგოლაძე დღეს გამგეობის თათბირზე ოფიციალურად წარადგინა. “მუნიციპალიტეტში სოფლის მეურნეობის ახალი ცენტრი შეიქმნა, სადაც გამგეობის სპეციალისტები  გადავიდნენ.  ამიტომ,  გამგეობასა და სოფლის მეურნეობას შორის ამ დარგში  ზედამხედველის როლს მე შევასრულებ “ –განაცხადა ჟურნალისტებთან საუბრისას ბიძინა გოგოლაძემ. ახალციხის მუნიციპალიტეტის გამგებლის ახალი თანაშემწე სოფელ წნისში ცხოვრობს.  ბიძინა გოგოლაძემ ახალციხის პირველი საჯარო სკოლა დაამთავრა. უმაღლესი განათლება მიღებული აქვს,  თბილისის სასოფლო–სამეურნეო ინსტიტუტში, სოფლის–მეურნეობის სპეციალობით. ინსტიტუტის დასრულების შემდეგ კი მეფრინველეობის ფაბრიკაში სხვადასხვა თანამდებობაზე მუშაობდა. ახალიციხის მუნიციპალიტეტის გამგებლის თანაშემწედ დანიშვნამდე ბიძინა გოგოლაძე სოფლის მეურნეობის სფეროში მეწარმეობით იყო დაკავებული.

ახალციხის მუნიციპალიტეტში სასოფლო–სამეურნეო  სამუშაოების  დიდი ნაწილი დასრულებულია.  სახელმწიფოს დახმარება, კი, რომლითაც ყველა გლეხს უნდა ესარგებლა, ზოგიერთისთვის უშეღავათო აღმოჩნდა. მუნიციპალიტეტის 409 მაცხოვრებელი სასოფლო–სამეურნეო ბარათების გარეშე დარჩა.   რამ გამოიწვია  პროცესის  გაჭიანურება და რატომ არ მოახდინა სამინისტრომ რეაგირება მრავალჯერ გადაგზავნილ სიებზე. მომხდარში სოფლის ყოფილი და ამჟამინდელი რწმუნებულები ერთმანეთს ადანაშაულებენ.

ახალციხის მუნიციპალიტეტის თვთმმართველობამ სოფლის მხარდაჭერის პროგრამის ფარგლებში განსახორციელებელი სამუშაოების შემსრულებელი 20 კომპანია და ინდმეწარმე შეარჩია.  კონკრეტულად ვინ ჩაიბარებს პროექტებს, ადმინისტრაციულ შენობაში გამართულ შეხვედრაზე არ დასახელდა. ადგილობრივი ხელისუფლების წარმომადგენლებმა განმარტეს, რომ  შერჩეულ კომპანიებსა და ინდმეწარმეებს გამგეობიდან დაუკავშირდებიან. ახალციხის მუნიციპალიტეტის გამგებლის მოადგილეს განმარტებით, მათი შერჩევა ისევ მიმდინარეობს და გამოვლენილი კომპანიების რაოდენობას შესაძლოა კიდევ ათი დაემატოს.

ახალციხის მუნიციპალიტეტის სოფელ ანდრიაწმიდაში, მსხვილფეხა რქოსან პირუტყვს თურქული არ დაუდასტურდა. სოფელში შესამოწმებლად სურსათის ეროვნული სააგენტოს თანამშრომლები ავიდნენ. მათი ინფორმაციით, ძროხები დაავადება აქვს.

სამცხე-ჯავახეთში დაავადება „თურქულზე” მსხვილფეხა და წვრილფეხა რქოსანი პირუტყვის ვაქცინაცია მიმდინარეობს. დაავადების საწინააღმდეგო აცრებს სურსათის ეროვნული სააგენტოს მიერ ხელშეკრულების საფუძველზე დაქირავებული სპეციალისტები ატარებენ.

     ახალციხის მუნიციპალიტეტის სოფელ ანდრიაწმიდაში, მსხვილფეხა რქოსან პირუტყვში სავარაუდო  დაავადება “თურქულია” გავრცელებული – ამის შესახებ ცნობილი ახალციხის ადმინისტრაციულ შენობაში დღევნდელ თათბირზე გახდა ცნობილი. ანდრიაწმინდის ტერიტორიული ორგანოს რწმუნებულის თქმით, დაავადება ჯერ ლაბორატორიულად დადასტურებული არ არის. ნიკოლოზ  ტაბატაძემ ახალციხის გამგეობის პირველი პირებისაგან  “თურქულის” საწინააღმდეგო ვაქცინაციის დროული ჩატარება ითხოვა. „ანდრიაწმინდაში “თურქულზე” აცრები ჯერ არ ჩატარებულა. დღეს, მე ვთხოვე ხელმძღვანელ პირებს, დაავადების მასიურ  გავრცელებამდე  დროული რეაგირება მოახდინონ“ – ამბობს ანდრიაწმინდის ტერიტორიული ორგანოს რწმუნებული. ნიკოლოზ ტაბატაძის თქმით, მას აღნიშნულის შესახებ,  მოსახლეობამ აცნობა.  მათი ვარაუდით, ამ დროისათვის დაავადება სოფელში 10–მდე მსხვილფეხა პირუტყვს აქვს. სახელმწიფო პროგრამით “თურქულზე” აცრები, სამცხე–ჯავახეთის მასშტაბით 7 ივნისიდან დაიწყო და ამდრომდე მიმდინარეობს.

ახალციხელი  ვაღარშაკ მელქონიანი მებოცვრეობას ბავშვობიდან მისდევს. ერთი წელია, რაც პატარა ჯიშის კურდღლები ახალი, მძიმეწონიანით ჩაანაცვლა. სურვილი აქვს ასამდე  დედალი ბოცვერი იყოლიოს და მისი ფერმა გააკეთოს. ამისთვის იგი ახალ გალიებს საკუთარი ხელით ამზადებს.

 სოფელ წირასთან ნაპოვნ ძროხას დაავადება “ჯილეხი” არ აღმოაჩნდა. ტყავის ფრაგმენტს, რომელიც სურსათის ეროვნული სააგენტოს სამცხე–ჯავახეთის სამმართველოს სპეციალისტებმა ახალციხის ზონალურ–დიაგნოსტიკურ ლაბორატორიაში ჩააბარეს, ანალიზი “ჯილეხზე ” ჩაუტარდა.  სამმართველოს თანამშრომელთა განმარტებით, ძროხა იმდენად იყო გახრწნილი, ტყავის ფრაგმენტის გარდა სხვა საანალიზე მასალის აღება ვერ მოხერხდა.  აღნიშნული მასალით კი მხოლოდ “ჯილეხის” დადგენაა შესაძლებელი. შეგახსენებთ, რომ ადგილობრივმა მოსახლეობამ სოფელ წირასთან დაცემული პირუტყვი 12 ივნისს იპოვა. რეგიონული სამსახურის თანამშრომლები შემთხვევის ადგილზე იმ დღესვე გავიდნენ. სპეციალისტებმა სინჯი აიღეს, ძროხა დამარხეს და მიმდებარე ტერიტორია სპეციალური ხსნარით დაამუშავეს.

ფერმერებისა და ვეტერინარების თანამშრომლობასა და ვეტერინარიაში არსებული პრობლებლემების თაობაზე ჯიპას ორგანიზებით, დღეს ახალციხეში შეხვედრა გაიმართა. სოფლის მეურნეობის მიმართულებით მომუშავე ორგანიზაციათა წარმომადგენლებმა პრობლემების მოგვარების გზებზე იმსჯელეს. ადგილობრივების კითხვებს თბილისიდან მოწვეულმა სპეციალისტებმა უპასუხეს.

სოფელ ანში მსხვილფეხა რქოსან პირუტყვს ვეტერინარული გამოკვლევა, რომელიც რამდენიმე თვეა გაჭიანურდა, მიმდინარე თვეში ჩაუტარდება. სურსათის ეროვნული სააგენტოს სამცხე–ჯავახეთის რეგიონულ სამმართველოში აცხადებენ, რომ ხელშეკრულების თანახმად, რომელიც  3 ივნისს ახალციხის ზონალურ–დიაგნოსტიკურ ლაბორატორიასთან გაფორმდა, სამმართველოს თანამშრომლებს უფლება აქვთ სოფელ ანში, პირუტყვზე ჩატარებული ანალიზები 31 ივნისამდე ჩააბარონ.  ლია ბექურის განმარტებით, ცხოველის სისხლს აღნიშნულ ლაბორატორიაში  გამოიკვლევენ, რის შემდეგაც გადამჭრელი ზომები მიიღება. რამდენიმე თვის წინ სოფელ ანში ბრუცელოზის დაავადების გამოვლენის შემდეგ, საჭირო გახდა გამოკვლევის ჩატარება, რასთან დაკავშირებითაც ფინანსური დახმარება, საერთაშორისო  ორგანიზაცია „მერსი ქორფს“ უნდა გაეწია. მას კი დასტური სურსათის ეროვნული სააგენტოსგან სჭირდებოდა. საერთაშორისო ორგანიზაცია „მერსი ქორფსა“ და სურსათის ეროვნულ სააგენტოს შორის მემორანდუმი 20 მაისს გაფორმდა, რომლის ფარგლებშიც ანში დარჩენილი პირუტყვისთვის ანალიზები რეგიონული სამმართველოს თანამშრომლებს უნდა აეღოთ. „მერსი ქორფსის“ პროგრამა „ალიანსების“ კოორდინატორი ნინო რუხაძე განმარტავს, რომ გაურკვევლობა სურსათის ეროვნულ სააგენტოში მოხდა, რადგან ცენტრალურმა ხელმძღვანელობამ რეგიონულ სამსახურს პროცესის დაწყება დროულად არ დაავალა. „ამ დროისათვის სიტუაცია გარკვეულია და ანალიზების აღება ახლო მომავალში დაიწყება“ – განმარტავს ნინო რუხაძე. სოფელ ანში  ბრუცელოზი მსხვილფეხა რქოსან პირუტყვში 4 თვის წინ დაფიქსირდა. დაავადებასთან დაკავშირებით გამოკვლევა 100 სულს ჩაუტარდა, რისთვისაც სურსათის ეროვნულ სააგენტოს თანხა ახალციხის მუნიციპალიტეტის გამგეობამ გადაურიცხა.

სოფლის მხარდაჭერის პროგრამა გრძელდება. მის ფარგლებში მუნიციპალიტეტებმა დაფინანსება უკვე მიიღეს. სახელმწიფო ბიუჯეტიდან წელს სამცხე–ჯავახეთისთვის დაახლოებით 4 მილიონი ლარი გამოიყო. პროექტი სოფლებში არსებული პირველადი პრობლემების მოგვარებას გულისხმობს.

სამცხე-ჯავახეთში დაავადება „ჯილეხზე” შინაური პირუტყვის ვაქცინაცია დასრულდა. პროფილაქტიკური აცრები ისეთ ზონებში ჩატარდა, სადაც დაავადების კერები არსებობდა. რეგიონის მასშტაბით, ჯილეხზე 5000-მდე მსხვილფეხა და 3200-მდე წვრილფეხა პირუტყვი აიცრა. პროფილაქტიკური ვაქცინაცია სახელმწიფო პროგრამის ფარგლებში სურსათის ეროვნული დაცვის სააგენტომ განახორციელა.

საქართველოში ფერმერთა გაერთიანებების საკითხი 20 წლის შემდეგ კვლავ დღის წესრიგში დადგა. კოალიცია „ქართული ოცნების” წარმომადგენლებმა პარლამენტს განსახილველად კანონპროექტი წარუდგინეს, რომელიც დამტკიცების შემთხვევაში სოფლად კოოპერატივების შექმნას ხელს შეუწყობს.

სამცხე–ჯავახეთში სასოფლო–სამეურნეო ბარათები რიგდება. ახალციხის მუნიციპალიტეტში მას, კიდევ, 8850–მდე ადამიანი მიიღებს. ბარათების დარიგების პარალელურად გამგეობაში პრობლემატურ სიებზე მუშაობა ისევ მიმდინარეობს, რადგან სახემწიფოს აღნიშნული დახმარება სრული რაოდენობით არც ამჯერად ჩამოვიდა.

მას შემდეგ, რაც სოფლის მეურნეობის სამინისტრომ შეღავათიანი აგროსესხების პროგრამის განხორციელება დაიწყო, ფერმერებმა ბიზნესგეგმა შეადგინეს და საბანკო სექტორს მიმართეს. ბორჯომის მუნიციპალიტეტის სოფელ ახალდაბაში დაბალპროცენტიანი კრედიტის სანაცვლოდ ჩადუნლების ოჯახმა ბანკისგან 20 პროცენტიანი აგროსესხი მიიღო.

სოფლის მხარდაჭერის სახელმწიფო პროგრამა, საგაზაფხულო ხვნა-თესვა, სასოფლო-სამეურნეო ბარათების დარიგება – ამ საკითხებზე ახალციხის დემოკრატიული ჩართულობის ცენტრში იმსჯელეს. ახალციხისა და ადიგენის მუნიციპალიტეტის წარმომადგენლებმა საკუთარ თემებში არსებული პრობლემები განიხილეს და სახელმწიფო პროგრამის მიმდინარეობა შეაფასეს.

შპს ,,მექანიზატორის” ახალციხის ცენტრმა ახალი ტექნიკა მიიღო. 8 გუთანი და ერთი მცირე სიმძლავრის მქონე ტრაქტორი გამოსაცდელად ნაკვეთზე გაიყვანეს. კომპანიის წარმომადგენლები აღნიშნავენ, რომ მსგავსი ტექნიკით რეგიონი კვლავ მომარაგდება, რის შემდეგაც მას სამცხე–ჯავახეთის მუნიციპალიტეტებში გადაანაწილებენ.

საქართველოს სოფლის მეურნეობის სამინისტროში დღეს ახალციხიდან დამატებითი სიები გადაიგზავნა. ის ფერმერები, რომლებმაც ბარათები ვერ მიიღეს ადგილობრივი მუნიციპალიტეტის სოფლის მეურნეობის განვითარების სამსახურში ერთი კვირის განმავლობაში დარეგისტრირდნენ.

ახლციხის მუნიციპალიტეტის გამგეობის თანამშრომლებმა დღეს სასოფლო–სამეურნეო პროდუქციისა და ინვენტარის 7 მაღაზიაში მონიტორინგი ჩაატარეს. შემოსავლების სამსახურის თანამშრომლებთან ერთად მათ მუნიციპალიტეტში ყველა ის ობიექტი მოინახულეს, სადაც ნომინალური ბარათების განაღდება მიმდინარეობს.

სასოფლო სამეურნეო ბარათების დარიგება 3 აპრილამდე უნდა დასრულდეს. ამის შესახებ ახალციხის მუნიციპალიტეტის გამგებელმა რწმუნებულებს სამხარეო ადმინისტრაციის შენობაში  გამართულ თათბირზე განუცხადა. შეხვედრაზე ასევე განიხილეს „სოფლის მხარდაჭერის პროგრამის” ფარგლებში შესასრულებელი სამუშაოებიც.