სოფლის მხარდაჭერის პროგრამის ფარგლებში, ახალციხის თემისათვის  667 ათასი ლარი გამოიყო – ამის შესახებ საკრებულოს სხომაზე გახდა ცნობილი. მიმდინარე წელს, დაფინანსება, გასულ წელთან შედარებით, 17 ათასი ლარით მეტია, ეს თანხა კი ვალეში, მეორე შახტის დასახლებაში ერთ–ერთი კორპუსის გადახურვას მოხმარდება. ადგილობრივ თვითმმართველობაში ამბობენ, რომ თანხის გაზრდა ქვეყნის სხვა მნუნიციპალიტეტებში მოსახლეობის მიგრაციამ გამოიწვია.

ქალაქ ახალციხის ტერიტორიაზე, სასაფლაოების მოწყობისა და მოვლა–პატრონობის წესის დამტკიცება იყო საკრებულოს სხდომაზე ერთ–ერთი განსახილველი საკითხი. როგორც იურიდიული სამსახურის უფროსი განმარტავს, საფლავისთვის გადახდილი თანხა, ადგილობრივ ბიუჯეტში გადაირიცხება. ცვლილებები შევიდა მერიის შიდა აუდიტის სამსახურის დებულებაშიც, რომლის მიხედვისაც, აუდიტის სამსახური ანგარიშვალდებული ფინანსთა სამინისტროს ნაცვლად, მერიასთან იქნება.

     4 წლის ნიკოლოზ გასვიანის ოჯახი, საზოგადოებას დახმარებას სთხოვს. ნიკოლოზი მხოლოდ ერთი თვალიდან  ხედავს. მის შესანარჩუნებლად, თურქეთში მკურნალობა და ოპერაციაა საჭირო, ამისთვის ოჯახს 11 000 აშშ დოლარი სჭირდება. ნიკოლოზს 4 თვის ასაკში, ორივე თვალზე, თანდაყოლილი გლაუკომა დაუდგინეს. მას შემდეგ 3 ოპერაცია საქართველოში ჩაუტარდა. ნიკოლოზის სახელზე გახსნილია საბანკო ანგარიში. დახმარების მსურველებს ნომერზე – 09 01 701 068 დარეკვა შეუძლიათ. ზარის ღირებულება 1 ლარია. მიმღები ბანკი: სააქციო საზოგადოება “საქართველოს ბანკი” ბანკის კოდი: BAGAGE22 მიმღების დასახელება: გასვიანი ნიკოლოზ მიმღების ანგარიშის ნომერი: GE68BG0000000641718800

ევროკავშირის ერთ-ერთ მთავარ ღირებულებას, ეთნიკური და რელიგიური უმცირესობების პატივისცემა წარმოადგენს.

,,ერთიანი ნაციონალური მოძრაობის” ერთ–ერთი ლიდერი, დავით ბაქრაძე სამცხე–ჯავახეთის მოსახლეობას შეხვდა. ადგილობრივების პრობლემები პარტიის სხვა წევრებთან ერთად, ბორჯომში, ვალესა და ახალციხეში მოისმინა. მისი თქმით, ვიზიტის მიზანი, მოქალაქეების პრობლემების შესახებ ინფორმაციის მოძიება იყო, რასაც წინასაარჩევნო პროგრამის და საარჩევნო გეგმის შედგენისას გაითვალისწინებენ.

„გენდერული თანასწორობა და ქალთა მონაწილეობა სოფლის მეურნებაში“– თემაზე ადიგენის „ქალთა ოთახში“ სემინარი გაიმართა. აგრარული კუთხით მომუშვე ორგანიზაციების წარმომადგენელ ქალებს საკუთარი როლის, ჩართულობისა და აქტიურობის შესახებ გენდერის ექსპერტი ესაუბრა. შეხვედრა რეგიონების ეკონომიკური განვითარების პროგრამის ფარგებლში გახორციელდა.მისი მიზანია ქვეყნის ორ რეგიონში, სამცხე–ჯაავხეთსა და ქვემო ქართლში სიღარიბის დაძლევასა და ეკონომიკურ წინსვლას ხელი შეუწყოს. პროგრამა ორი ძირითადი მიმართულებით მეკარტოფილეობისა და მერძევე/მესაქონლეობის კუთხით ფუნქციონირებს.

„გენდერული თანასწორობა და ქალთა მონაწილეობა სოფლის მეურნებაში“– თემაზე ახალციხეში სემინარი გაიმართა. აგრარული კუთხით მომუშვე ორგანიზაციების წარმომადგენელ ქალებს საკუთარი როლის, ჩართულობისა და აქტიურობის შესახებ გენდერის ექსპერტი ესაუბრა. შეხვედრა რეგიონების ეკონომიკური განვითარების პროგრამის ფარგებლში გახორციელდა. მისი მიზანია  ქვეყნის ორ რეგიონში, სამცხე–ჯაავხეთსა და ქვემო ქართლში  სიღარიბის დაძლევასა და ეკონომიკურ წინსვლას ხელი შეუწყოს. პროგრამა ორი ძირითადი მიმართულებით მეკარტოფილეობისა და მერძევე/მესაქონლეობის კუთხით ფუნქციონირებს. ამ დარგებში  ახალი ტექნოლოგიების შემოტანისა და დანერგვისათვის  რეგიონების ეკონომიკური განვითარების პროგრამა ტრენინგებს მომავალშიც გეგმავს. ქალების სოფლის მეურნეობაში ჩართვისა და გენდერული თანასწორობის შესახებ სემინარი ახალციხის შემდეგ ადიგენში გაიმართა.

აბასთუმანში გაზიფიცირება იწყება – ამის შესახებ განცხადება დღეს, პრემიერ–მინისტრმა, მთავრობის სხდომაზე გააკეთა. 21 მუნიციპალიტეტის 60-ზე მეტი სოფლის გაზიფიცირებისთვის, სახელმწიფო ბიუჯეტიდან 20 მილიონი ლარი გამოიყოფა  – აღნიშნული გადაწყვეტილების შესახებ პრემიერ-მინისტრმა მთავრობის სხდომის დაწყების წინ ისაუბრა.

   25 თებერვალი საქართველოს ოკუპუციის დღეა. 95 წლის წინ, 1921 წლის 25 თებერვალს, თბილისში ბოლშევიკების მე-11 არმია შევიდა და საქართველო საბჭოთა სოციალისტურ რესპუბლიკად გამოაცხადა. რუსეთის წითელი არმია საქართველოში 12 თებერვალს შემოიჭრა. მე-11 არმიას ქართული ჯარი, სახალხო გვარდია და მოხალისეები თბილისის მისადგომებთან შეებრძოლნენ. ძირითადი ბრძოლები კოჯრისა და ტაბახმელას მიდამოებში გაიმართა. 

სამცხე-ჯავახეთის სამხარეო ადმინისტრაციაში, საქართველოს მთავრობის ადმინისტრაციის რეგიონებთან და ადგილობრივ თვითმმართველ ორგანოებთან ურთიერთობის დეპარტამენტის ხელმძღვანელი რეგიონში არსებულ მდგომარეობასა და დაგეგმილ ინფრასტრუქტურულ პროექტებს გაეცნო. გიორგი ამაშუკელმა, მხარის გუბერნატორთან აკაკი მაჭუტაძესთან და მუნიციპალიტეტების გამგებლებთან ერთად, სამუშაო შეხვედრები გამართა. სამხარეო ადმინისტრაციის ინფორმაციით, შეხვედრებზე,  2016 წელს რეგიონებში განსახორციელებელი პროექტების ფონდიდან, ადგილობრივი ბიუჯეტიდან და „სოფლის მხარდაჭერის პროგრამის“ ფარგლებში დაგეგმილი პროექტები განიხილეს.

„საქართველო ჩემი სამშობლოა” ასე ჰქვია ლიტერატურული კრებულის, რომლის პრეზენტაცია სპორტისა და ახალგაზრდობის საქმეთა სამინისტროში გაიმართა. იგი ,„საქართველოში მცხოვრები ეთნიკური უმცირესობების ინტეგრაციის ხელშეწყობის პროგრამის“ფარგლებში გამოიცა. კრებულში 2015 წელს გამოცხადებული კონკურსის შედეგად შერჩეული  საუკეთესო ნაშრომები, პოეზიის ნიჭით გამორჩეული, თბილისისა და საქართველოს სხვადასხვა რეგიონში მცხოვრები ეთნიკური უმცირესობების წარმომადგენელი ახალგაზრდების ნამუშევრები შევიდა. საკუთარი ლექსები წაიკითხეს ქვემო ქართლში, მცხეთა-მთიანეთსა და სამცხე-ჯავახეთში მცხოვრებმა ახალგაზრდებმა. სპორტისა და ახალგაზრდობის საქმეთა სამინისტრო აღნიშნულ პროგრამას, 2012 წლიდან ახორციელებს.მისი მიზანია ეთნიკური უმცირესობების საზოგადოებაში ინტეგრაციას ხელი შეუწყოს.

გარემოსდაცვითი ზედამხედველობის დეპარტამენტის სამცხე-ჯავახეთის სამმართველოს თანამშრომლებმა ხე-ტყის უკანონო ტრანსპორტირების 3 ფაქტი გამოავლინეს. ადიგენის სოფლებში ენთელსა და არალში, ასევე ახალციხის მუნიციპალიტეტში გადამოწმების მიზნით გაჩერებული იქნა სატრანსპორტო საშუალებები, რომელთა ძარაზეც განთავსებული იყო სხვადასხვა ზომის მრგვალი მორები. მძღოლებმა ვერ წარმოადგინეს შესაბამისი დოკუმენტაცია. აღნიშნული ავტომანქანები დაილუქა. უკანონოდ მოპოვებული მრგვალი მორი აღმოჩნდა ახალციხის სოფელ კლდეშიც.   გარემოსდაცვითი ზედამხედველობის დეპარტამენტის სამცხე-ჯავახეთის სამმართველოს თანამშრომლებმა უკანონოდ მოქმედი 2 სახერხი საამქრო გამოავლინეს.ბორჯომის სოფელ ყვიბისსა და სოფელ ზანავში, საცხოვრებელი სახლების ეზოებში ნანახი იქნა უკანონოდ მოქმედი სახერხი საამქროები, რომელთა ტერიტორიაზე განთავსებული იყო დაუფირნიშებელი მორები.განხორციელდა სახერხი საამქროების დემონტაჟი, რის შემდეგაც ისინი გადაიტანეს ფინანსთა სამინისტროს მომსახურების სააგენტოში. ასევე, ბორჯომის სოფელ ჭობისხევში, საცხოვრებელი სახლის ეზოში უკანონოდ მოპოვებული მრგვალი მორი აღმოაჩინეს.

გარემოსდაცვითი ზედამხედველობის დეპარტამენტის სამცხე-ჯავახეთის სამმართველოს თანამშრომლებმა უკანონო თევზჭერის 2 ფაქტი გამოავლინეს. სამართალდამრღვევებმა ნინოწმინდის მუნიციპალიტეტში, ფარავნის ტბაზე, უკანონოდ მოიპოვეს სხვადასხვა სახეობის თევზი. შედგა შესაბამისი აქტები.

მთვარის ერთ–ერთ კრატერს, აბასთუმნის ობსერვატორიის ყოფილი თანამშრომლის, ვიქტორ ჯაფიაშვილის სახელი მიენიჭა. საერთაშორისო ასტრონომიულმა კავშირმა ეს გადაწყვეტილება მას შემდეგ მიიღო, რაც 2015 წლის ოქტომბრის თვეში, 20–მდე ქართველმა და უცხოელმა ასტრონომმა კავშირის სპეციალური მიმართვა გაუგზავნა. სამცხე–ჯავახეთის სახელმწიფო უნივერსიტეტში გამართული საერთაშორისო კონფერენციის დასასრულს, მეცნიერებმა მიმართვის ტექსტი ერთობლივად ჩამოაყალიბეს და მას ხელი მოაწერეს. ვიქტორ ჯაფიაშვილი აბასთუმნის ასტროფიზიკურ ობსერვატორიაში 65 წლის განმავლობაში, 1949 წლიდან 2015 წლამდე მუშაობდა. მას ევგენი ხარაძის მოადგილის პოსტი ეკავა. მეცნიერის უმთავრესი მიმართულება მთვარისა და მზის სისტემის პლანეტებზე დაკვირვება იყო. იგი მთვარის ზედაპირის პოლარიზაციული მეთოდებით შესწავლაზე მუშაობდა. მისი ყველაზე მნიშვნელოვანი შრომა სახელწოდებით ,,მთვარის პოლარიზებული ატლასის შექმნა“ იყო, რომლისათვისაც მას საბჭოთა პერიოდში ერთ–ერთი პრესტიჟული, ბრედიხინის პრემია მიენიჭა. წარმოშობით ბორჯომელი ასტრონომი 2015 წლის აგვისტოს თვეში გარდაიცვალა. მის შესახებ მოხსენება, საერთაშორისო კონფერენციაზე, მისმა მოწაფემ, ობსერვატორიის თანამშრომელმა, ოთარ კვარაცხელიამ წარადგინა. როგორც მეცნიერებმა განმარტეს, ამ დროისათვის, მთვარის ერთ–ერთი კრატერი  მხოლოდ ერთი ქართველი მეცნიერის, მიხეილ ვაშაკიძის სახელს ატარებს.  

მესხ  მეფუტკრეებს სახელმწიფო პროგრამის ფარგლებში სკები გადაეცათ. სასოფლო–სამეურნეო კოოპერატივების წევრებმა დღეს სამი ტიპის: ფინური წარმოების პოლესტიროლის, დადანისა და რუტისა 10 ჩარჩოანი სკები თანადაფინანსებით მიიღეს. ფერმერთა ხელშეწყობის ინიციატივა  მეფუტკრეობის სასოფლო-სამეურნეო კოოპერატივების მხარდაჭერის პროგრამით ხორციელდება. მის ფარგლებში  სამცხე–ჯავახეთის მასშტაბით 21–მა კოოპერატივმა 1800–მდე სკა  30%–ის ღირებულებით მიიღო. ამ ეტაპზე, ფერმერებს 120 ლარად შეფასებული სკები 36 ლარად გადაეცათ. სახელმწიფო პროგრამით სარგებლობა დაინტერესებულ მეფუტკრეებს კვლავ შეუძლიათ. ახალ ეტაპზე განაცხადების მიღება 28 თებერვალს დაიწყება და 15 მარტის ჩათვლით გაგრძელდება. სკებთან ერთად კოოპერატივებს  შესაძლერბლობა აქვთ განაცხადი თაფლის საწურ დანადგარებსა და  2 200 ლიტრის ტევადობის თაფლის შესანახ ავზებზე  გააკეთონ.

,,მიკრო და მცირე მეწარმეობის ხელშეწყობის პროგრამის“  მეორე რაუნდში  ჩართვის მსურველთათვის, ახალციხეში შეხვედრა გაიმართა. დაინტერესებულ პირებს, რომლებსაც საკუთარი ბიზნეს იდეის განსახორციელებლად ფინსანსური მხარდაჭერა სჭირდებათ, პროგრამაში ჩართვის გზები, მეწარმეობის განვითარების სააგენტოს წარმომადგენლებმა გააცნეს. მათი  თქმით, პროგრამაში მონაწილეობის თვალსაზრისით, სამცხე–ჯავახეთი ერთ–ერთი აქტიური რეგიონია. ქვეყნის მასშტაბით, პირველ რაუნდში დაფინანსებული 1620 ბენეფიციარიდან 260 განაცხადი სამცხე–ჯავახეთსა და ქვემო ქართლიდან დაფიქსირდა. ორგანიზატორები მეწარმეთა აქტიურობას მეორე რაუნდშიც ელიან. პროგრამაში მონაწილეობის მისაღებად, მეწარმეებმა განაცხადი 15 თებერვლიდან 31 მარტის ჩათვლით უნდა გააკეთონ. ,,მიკრო და მცირე მეწარმეობის ხელშეწყობის პროგრამა“, სახელმწიფო პროექტის – ,,აწარმოე საქართველოში“ ფარგლებში ხორციელდება. იგი სახელმწიფოს მხრიდან 5 000 დან 15 000 ლარამდე თანადაფინანსების გაცემას გულისხმობს.

2017 წლის 1 იანვრიდან ტყიდან ფიჩხის გამოტანა აღარ აიკრძალება, აღდგება სატყეო მეურნეობები, ჩამოყალიბდება საკუთრების ახალი ფორმები, საძოვრებზე დაწესდება  გადასახადი – ამ და სხვა საკითხებზე ახალციხის სატყეო სააგენტოში იმსჯელეს, სადაც ტყის ახალი კოდექსის  საჯარო განხილვა მოეწყო. შეხვედრას ახალციხის, ასპინძისა და ადიგენის მუნიციპალიტეტების პირველი პირები და არასამთავრობო ორგანიზაციების წევრები დაესწრნენ. გარემოსა და ბუნებრივი რესურსების დაცვის სამინისტროს წარმომადგენელმა, აუდიტორიას კანონპროექტის ძირითადი მიმართულებები გააცნო. სატყეო პოლიტიკის სამსახურის უფროსის თქმით, კანონპროექტის მიზანს ქვეყნის ტყეებსა და საძოვრებზე არსებული მძიმე მდგომარეობის გამოსწორება წარმოადგენს.  

რა შეიცვლება საქართველოსთვის, ასოცირების ხელშეკრულებით ნაკისრი ვალდებულებების შესრულებისა და ნატოსთან დაახლოების შემთხვევაში. საქართველო, ბოლო წლებია, რეგიონში სტაბილურობისა და უსაფრთხოების  პოლიტიკის გატარებას, დასავლეთთან ინტეგრაციის საშუალებით ცდილობს.

კულტურისა და ძეგლთა დაცვის მინისტრი ბორჯომში კულტურის სტრატეგიის დოკუმენტის სამუშაო ვერსიის საჯარო პრეზენტაციას დაესწრება. შეხვედრა გამგეობის სხდომათა დარბაზში 18 თებერვალს 11:00 საათზე გაიმართება. პრეზენტაციას უწყების პირველ პირთან ერთად მინისტრის მოადგილე ლევან ხატიაშვილი, სამცხე–ჯავახეთის გუბერნატორი აკაკი მაჭუტაძე და ბორჯომის მუნიციპალიტეტის გამგებელი დიმიტრი ყიფიანი გაუძღვებიან. შეხვედრას რეგიონის სხვადასხვა სახელოვნებო დაწესებულების, არასამთავრობო ორგანიზაციების, შემოქმედებითი სექტორისა და საინიციატივო ჯგუფების წარმომადგენლები დაესწრებიან. კულტურის სტრატეგიის დოკუმენტის სამუშაო ვერსია საქართველოს კულტურისა და ძეგლთა დაცვის სამინისტროს მიერ შემუშავდა. დოკუმენტის დამტკიცებამდე, მისი სრულყოფის მიზნით, სამინისტრო სამუშაო ვერსიის საჯარო პრეზენტაციებს თბილისსა და რეგიონებში მართავს. კულტურის სტრატეგიის მიზანი, საქართველოში კულტურისა და შემოქმედებითი სექტორის განვითარების გრძელვადიანი ხედვის განსაზღვრაა, რომელიც წარმოაჩენს როგორც კულტურის თანდაყოლილ ღირებულებას, ასევე, მის მნიშვნელობას ეროვნული იდენტობისა და სოციალური ერთობის განმტკიცებასა და ქვეყნის მდგრად განვითარებაში.

ახალციხისც #1, #4 და #6 საბავშვო ბაღების აღსაზრდელთა მშობლებმა, სასმელი წყლის შემოწმების მოთხოვნით, ახალციხის მომხმარებელთა დახმარების ცენტრს მიმართეს. მიმდინარე წლის 9 თებერვალს ახალციხის მომხმარებელთა დახმარების ცენტრის თანამშრომლებმა წყლის ნიმუშები სამივე ბაღში აიღეს და მიკრობიოლოგიური და ქიმიური პარამეტრების შესამოწმებლად ლაბორატორიაში ჩააბარეს. ცენტრის ინფორმაციით, ლაბორატორიიდან მიღებული შედეგების მიხედვით, ყველა ნიმუშის პარამეტრები ნორმებს შეესაბამება. შედეგების შესახებ ეცნობა ბაღების აღსაზრდელთა მშობლებს.