საქართველოს პარლამენტმა საარჩევნო კოდექსი დაამტკიცა. ცვლილებების ძირითადი ნაწილი ადგილობრივი ხელისუფლების არჩევნებს ეხება. კოდექსის მიხედვით, თვითმმართველ თემში – გამგებლის, თვითმმართველ ქალაქში კი მერის არჩევის წესი რეგულირდება. ასევე განსაზღვრულია კანდიდატების წარდგენასა და რეგისტრაციასთან დაკავშირებული საკითხები.

“საარჩევნო კოდექსში” ცვლილებების პროექტი პარლამენტმა მესამე მოსმენით დაამტკიცა. კანონპროექტი 80 ხმით, ერთხმად მიიღეს. ცვლილებების ძირითადი ნაწილი ადგილობრივი თვითმმართველობის არჩევნებს ეხება. დამტკიცებულ პროექტში განსაზღვრულია აღმასრულებელი ორგანოს ხელმძღვანელი პირების, თვითმმართველ თემში – გამგებლის, ხოლო თვითმმართველ ქალაქში – მერის პირდაპირი არჩევის წესი. მათ ოთხი წლის ვადით და 50%-იანი საარჩევნო ბარიერით აირჩევენ. ამავე ცვლილებებით, თვითმმართველი თემის საკრებულოს პროპორციული წესით ასარჩევ საკრებულოს წევრთა რაოდენობა 5-ით იზრდება. შესაბამისად, საკრებულოში პროპორციული წესით 10 წევრის ნაცვლად, ასარჩევი იქნება 15 წევრი. მუნიციპალტეტების საკრებულოს პროპორციულ არჩევნებში საარჩევნო ბარიერი 4%-მდე მცირდება და თბილისის საკრებულოს პროპორციული არჩევნებისთვის დადგენილ

,,ქართული ოცნების” ბორჯომის ორგანიზაციას ახალი თავმჯდომარე ჰყავს, აღნიშნულ თანამდებობაზე დიმიტრი ყიფიანმა ზურაბ ხაჩიძე შეცვალა.ყიფიანის კანდიდატურას 92 დელეგატმა მხარი ერთხმად დაუჭირა. კონფერენციაზე ,, ქართული ოცნება დემოკრატიული საქართველოს“ ბორჯომის ორგანიზაციის ყოფილმა თავმჯდომარემ მოკლედ შეაფასა მუშაობის პერიოდი და მხარდამჭერებს თანადგომისათვის მადლობა გადაუხადა. კონფერენციას პარტიის წევრები, სამცხე–ჯავახეთის რწმუნებული აკაკი მაჭუტაძე და ბორჯომის გამგებელი დიმიტრი ბერიძე ესწრებოდნენ. წყარო: ტელეკომპანია ,,ბორჯომი”.

26 თებერვალს, ,,ერთიანი ნაციონალური მოძრაობის” ასპინძის რაიონული ორგანიზაციის თავმჯდომარის პრაიმერი გაიმართა. დელეგატებმა ხმათა სრული უმრავლესობით, თავმჯდომარედ ასპინძის ყოფილი გამგებელი, ბესიკ ბექაური აირჩიეს. პრაიმერს საპარლამენტო უმცირესობის წევრი, ასპინძის მუნიციპალიტეტის მაჟორიტარი დეპუტატი, ტარიელ ლონდარიძე და პარტიის ცენტრალურის ოფისის თანამშრომლები ესწრებოდნენ. ბესიკ ბექაური ორგანიზაციის თავმჯდომარედ, პარტიის 44–მა მანდატიანმა წევრმა აირჩია. ,,ნაციონალური მოძრაობის" ასპინძის რაიონული ორგანიზაციის თავმჯდომარე ,,ექოსთან" სატელეფონო საუბარში განმარტავს, ისინი არჩევნებისათვის აქტიურად იმუშავებენ: ,,ჩვენ უკვე აქტიურად ვემზადებით ადგილობრივი თვითმმართველობის არჩევნებისათვის, ჩვენი მიზანი პარტიის გაძლიერება, ახალი წევრების მოზიდვა და არჩევნებში გამარჯვებაა" –განაცხადა ბესიკ ბექაურმა. რაც შეეხება პოლიტსაბჭოს წევრებს, მათ შესარჩევად პრაიმერი ასპინძაში მოგვიანებით ჩატარდება.

წინასაარჩევნოდ პარტიული ღონისძიებები დაიწყო. დღეს ,,ნაციონალური მოძრაობის” ახალციხის შტაბში კონფერენცია გაიმართა, სადაც რაიონული ორგანიზაციის თავმჯდომარე აირჩიეს. ახალციხის ყოფილი გამგებლისა და გუბერნატორის ყოფილი მოადგილის, გელა დემეტრაძის კანდიდატურას, პარტიის 25– მა მანდატიანმა წევრმა, მხარი ერთხმად დაუჭირა.

ადგილობრივი თვითმმართველობის არჩევნების თარიღი ცნობილია. იგი მიმდინარე წლის 15 ივნისს გაიმართება. ამის შესახებ საქართველოს პრეზიდენტმა, გიორგი მარგველაშვილმა დღეს, პარლამენტში სიტყვით გამოსვლის დროს განაცხადა.

ვაკანტური ადგილი №37 ახალციხის საოლქო საარჩევნო კომისიაში. ქეთევან მიშველიძემ, რომელსაც ამ დრომდე საოლქო საარჩევნო კომისიის წევრის თანამდებობა ეკავა, პოსტი პირადი განცხადების საფუძველზე დატოვა. მას ცესკომ უფლებამოსილება ვადამდე ადრე, 7 თებერვლის სხდომაზე შეუწყვიტა. შესაბამისად, ვაკანტური ადგილის დასაკავებლად შესარჩევი კონკურსი უკვე გამოცხადდა, მსურველებმა საბუთები ცენტრალურ საარჩევნო კომისიაში 2014 წლის 10 -დან 19 თებერვლის ჩათვლით უნდა შეიტანონ.

საარჩევნო ადმინისტრაციის მოხელის სასერტიფიკაციო გამოცდის ჩაბარების მსურველთა რეგისტრაცია დასრულდა, რომლის რაოდენობამ – 5290 მსურველი შეადგინა. საარჩევნო ადმინისტრაციის მოხელეთა სასერტიფიკაციო გამოცდები მიმდინარე წლის 5 თებერვლიდან 12 მარტის ჩათვლით ჩატარდება. გამოცდების ჩატარებას სსიპ საარჩევნო სისტემების განვითარების, რეფორმებისა და სწავლების ცენტრი უზრუნველყოფს. გამოსაცდელი სასერტიფიკაციო გამოცდაზე სარეგისტრაციო ბარათში მითითებული თარიღისა და დროის დაცვით უნდა გამოცხადდეს, თან უნდა იქონიოს საქართველოს მოქალაქის პირადობის დამადასტურებელი მოწმობა ან საქართველოს მოქალაქის პასპორტი. გამოცდის ჩატარების ხანგრძლივობა 1 საათია. გამოცდა ელექტრონული ტესტირების მეთოდით ჩატარდება. თითოეული გამოსაცდელისათვის ავტომატურად, შემთხვევითი შერჩევის მეთოდით 30 საგამოცდო ტესტი შეირჩევა. დადებითი შეფასების მისაღებად გამოსაცდელმა 24 ქულა უნდა დააგროვოს. გამსვლელი ქულის მიღების შემთხვევაში გამოსაცდელს სერტიფიკატი ადგილზე გადაეცემა. გამოცდის მიმდინარეობაზე დაკვირვების მიზნით არასამთავრობო ორგანიზაცია ”საარჩევნო გარემოს განვითარების ცენტრი” 3 დამკვირვებლით დარეგისტრირდა. აღნიშნულის შესახებ ინფორმაციას ცენტრალური საარჩევნო კომისია ავრცელებს.

დაბა ადიგენში მცხოვრებ სოსო ბალახაშვილის დაკარგვასთან დაკავშირებით შინაგან საქმეთა სამინისტროს პრესსამსახური ახალ ინფორმაციას ფლობს, რომელიც საჯარო მოგვიანებით გახდება. შეგახსენებთ, რომ 17 წლის ახალგაზრდა სახლიდან 14 იანვარს, დილის 11:00 საათზე გავიდა და ოჯახი მას შემდეგ ეძებს. “მეცხრე არხი” აღნიშნულთან დაკავშირებით,მასალას მოგვიანებით შემოგთავაზებთ.

,,ქართული ოცნების” ადიგენის შტაბში არსებულ დაპირისპირებას დღეს გამართულ პრესკონფერენციაზე ,,ერთსულოვნება სამართლიანობისაკენ” კიდევ ერთხელ შეეხო.  არასამთავრობო ორგანიზაციის წევრები განმარტავენ, რომ ისინი  24 სექტემბრის პრესკონფერენციის დროს კოალიციის წევრთა უფლებების დაცვას შეეცადნენ. დღეს კი აცხადებენ, რომ ,,ქართული ოცნების” წარმომადგენლებმა მაშინ ისინი შეცდომაში შეიყვანეს.

#37 -ე ახალციხის საარჩევნო ოლქში შემაჯამებელი ოქმი შედგა. დოკუმენტის მიხედვით ამომრჩეველთა რაოდენობა საარჩევნო ოლქში 35 120–ია, ხოლო მათგან არჩევნებში მონაწილეობა 18 014 პირმა მიიღო. შემაჯამებელ ოქმში განსხვავებული აზრი არ დაფიქსირებულა, რაც ნიშნავს იმას, რომ ოქმს საოლქო საარჩევნო კომისიის ყველა წევრი დაეთანხმა. შემაჯამებელი ოქმის შედგენის შემდეგ  დაიწერა შესწორების ოქმიც, რადგან მდივანს გიორგი მარგველაშვილის გრაფაში ხმათა რაოდენობა შეეშალა. შესწორების ოქმში აღნიშვნა გაკეთდა, რაც საარჩევნო კოდექსის შესაბამისად, ოლქის ყველა წევრმა ხელმოწერით დაადასტურა. დღესვე საუბნო საარჩევნო კომიისის წევრებს უფლებამოსილება შეუწყდათ. საოლქოს დროებითი წევრები კი მუშაობას ცენტრალური საარჩევნო კომიისიის შემაჯამებელი ოქმის დაწერამდე აგრძელებენ. #37 -ე ახალციხის საოლქო საარჩევნო კომისიის შემაჯამებელი ოქმის მიხედვით პრეზიდენტობის კანდიდატთა ხმები ასე გადანაწილდა:

ხმაური მოყვა აგარის მე–12 უბნის შედეგების განხილვას ახალციხის საოლქო სარჩევნო კომისიაში. 37–ე ახალციხის საოლქო საარჩევნო კომისიის გადაწყვეტილებით, არჩევნების დღეს დაფიქსირებული დარღვევების გამო  ხელახლა გადაითვალა ვალის მე–10 უბნის შედეგებიც.

ცენტრალური  საარჩევნო კომისიის მიერ გამოქვეყნებულ შედეგები საზოგადოებამ და  ახალციხეში არსებულმა პოლიტიკურმა პარტიებმა შეფასეს.  არჩევნებში გამარჯვება კოალიციის მხარდამჭერებმა უკვე იზეიმეს. ოპონენტთა ნაწილი  შედეგებს გაყალბებულად მიიჩნევს, ნაწილი კი ახალ პრეზიდენტს გამარჯვებას ულოცავს.

საპრეზიდენტო არჩევნების შედეგები ცნობილია. დათვლილი მონაცემების მიხედვით ,,ქართული ოცნება–დემოკრატიული საქართველოს” პრეზიდენტობის კანდიდატი, გიორგი მარგველაშვილი 62.12%–ით ლიდერობს. მან ხმათა უმრავლესობა  სამცხე–ჯავახეთის თითქმის ყველა მუნიციპალიტეტში მიიღო.

#37–ე ახალციხის საარჩევნო ოლქში,  აგარის #12–ე უბანზე დაფქსირებული დარღვევები კომისიის თვამჯდომარემ და მისმა 12–მა  წევრმა განიხილა. სხდომა ხმაურით მიმდინარეობდა. აგარის 12-ე უბანზე, არჩევნების დღეს დარღვევა იყო. #37 ახალციხის საოლქო საარჩევნო  კომისიის თავმჯდომარის განმარტებით,  პირველ ეტაპზე, უბანზე 792 ამომრჩეველი დაფიქსირდა. შემდეგ კი ცნობილი გახდა, რომ კენჭისყრაში მონაწილეობა 836–მა პირმა მიიღო. გარდა ამისა უბნის დახურვის შემდეგ, კინჭისყრის პროცესზე დასასწრებად, კომისიის წევრებმა “ნაციონალური მოძრაობის” წარმომადგენელი არ შეუშვეს. სხდომაზე ხმაური სწორედ, ამ ინცინდენტის განხილვას მოყვა. #37 ახალციხის საარჩევნო ოლქში სხდომა 21:00 საათზე დაიწყო. ადგლზე იმყოფებოდა  ,,ექოს” გადამღები ჯგუფიც.  რა გადაწყვეტილება გამოიტანა საოლქო კომისიამ და როგორ ჩაიარა სხდომამ დეტალებს  მოგვიანებით შემოგთავაზებთ.  

    ამ წუთებში, #37–ე ახალციხის საარჩევნო ოლქში სხდომა მიმდინარეობს. აგარის #12–ე უბანზე დაფქსირებულ დარღვევებს კომისიის თვამჯდომარე და 12 წევრი განიხილავს. სხდომა ხმაურით მიმდინარეობს. შეგახსენებთ, რომ აგარის 12-ე უბანზე, არჩევნების დღეს დარღვევა იყო. #37 ახალციხის საოლქო საარჩევნო  კომისიის თავმჯდომარის განმარტებით,  პირველ ეტაპზე, უბანზე 792 ამომრჩეველი დაფიქსირდა. შემდეგ კი ცნობილი გახდა, რომ კენჭისყრაში მონაწილეობა 836–მა პირმა მიიღო. #37 ახალციხის საარჩევნო ოლქში სხდომა 21:00 საათზე დაიწყო. ადგლზე იმყოფება ,,ექოს” გადამღები ჯგუფი.  რა გადაწყვეტილებას გამოიტანს საოლქო კომისია, ამას მოგვიანებით შემოგთავაზებთ.

ხმაური იყო წყალთბილის 24 საარჩვენო უბანზეც. ,,ერთიანი ნაციონალური მოძრაობის” მხარდამჭერებმა ხმის მიცემის პროცედურის მიმდინარეობისას დარღვევები აღმოაჩინეს. მათი თქმით, კოალიცია ,,ქართული ოცნებისა” და ,,დემოკრატიული მოძრაობა ერთიანი საქართველოსათვის” წარმომადგენლებმა უბანზე ადმინისტრაციული რესურსი გამოიყენეს.

ქვეყნის პირველი პირის ასარჩევად საკუთარი პოზიცია დააფიქსირეს პრეზიდენტობის კანდიდატებმა. მათი ნაწილი ხმის მისაცემად დღის პირველ ნახევარში მივიდა. არჩევნებში მონაწილეობა მიიღო ქვეყნის პრემიერ-მინისტრმაც.

საპრეზიდენტო არჩევნებმა 37–ე ახალციხის საარჩევნო ოლქში მშვიდ ვითარებაში ჩაიარა. 35–ვე უბანი დილის 8 საათზე გაიხსნა. საკუთარი პოზიციის დასაფიქსირებლად მივიდნენ ეთნიკური უმცირესობის წარმომადგენლები.

საარჩევნო დარღვევები #37 ახალციხის ოლქში –  ვალეში განთავსებულ უბანზე, ერთ-ერთ კაბინაში გამოკრულ სიაში #41 იყო შემოხაზული. აღნიშნული ფაქტი ,,ერთიანი ნაციონალური მოძრაობის” წარმომადგენლებმა გააპროტესტეს. დარღვევის შესასწავლად  ადგილზე იმყოფებოდა ახალციხის საოლქო საარჩევნო კომისიის თავმჯდომარე.